2 Tìmotì 3:7 - Mokpwe: Bakwery (New Testament)

⁷ Ini nyayi ja hwalanà, hwa hwèlì ndi i hvonda ja arzɛ o lì nɔ̀ŋgɔ hwèyòkòlèlì hwe hvènya, ndi wɔ̀ hwa rza tànɛyi o lì rzɔŋgìtɛ̀nɛ̀ hwèyòkòlèlì hwe jɔ̀kɛ̀ hwe ama Lohwɛ̀.

2 Tìmotì 3:7 Mawu Ofanana

Matiyò 13:11

Yerzù rzìi a hwa alàhwɛ̀ nanù ema, “Lìhwiye la è wùndɛ̀ ya Lìkànèyà la ŋmanyu yà lohwà lì e ŋgbààhwi ndì inyɔ, ndi rzeketɛ ò hwahvɛhvɛ hwatò.

Yòwanìrzɛ̀ 5:44

È ayèkanɛ̀ tɛ mɔ̀kɔ na ɔ̀nɛyi e hweyà gbamù, ndi e rza gbeyà tɔ̀ eyà ò lì lùwa jèeka ema i uwɛlɛlɛ ndi na Lohwɛ̀. Nɛ rzɔ e tànɛyi lì nò lòkɛ̀ e?

Ɛ̀hvìrzìyà 4:14

O eŋge hvonda i rza hwɛ hvɛ ndi nàa hwàna. Ène eyà e o gbèeyà hwatò ema hwa lukɛlɛnɛ hwa o òkolɛ hwatò hwèokòlelì hwe mòlàŋgà hwa rza o tànɛyi o lì jo lukɛlɛ na lì jo gbèeyà ema i gbeeye hweyà ema hwe rza hvomɛ̀nɛ̀. I rza o hwɛ ndi nàa wɔ̀ɔ̀lɔ̀ ema e mbɛ̀hvɛ̀nì e neŋgirzɛ o tɔ̀ ima èhvàrzù.

1 Tìmotì 2:4

Lohwɛ̀ mɔ̀ à arza nanù ema mòtò tɛ a rzuŋgahwe na o lì rzɔŋgìtɛ̀nɛ̀ e jɔ̀kɛ̀ ya Eyà ya Lohwà.

2 Tìmotì 2:25

O òkolɛ hwaŋga hwatò ema hwa o teŋgɛ̀nɛ, aŋga nanù wɔ̀ hwa hwiya nanù ema hweŋge hweyà ema wɔ̀ hwa ohwa lì o teŋgɛ̀nɛ hwe rza enje e jɔ̀kɛ̀. O hwa okolɛ tɛ o hwa ajùlɛ̀nɛ̀, o hwɛni lì hwɛnɛ lìhvìtà nanù ema Lohwɛ̀ a gbeyà ema hwa embɛ lùùrzè la awu aŋga nanù hwa a eŋgohwɛ̀, ndèŋgàna hwa rzɔŋgìtɛ̀nɛ̀ e jɔ̀kɛ̀ ya mamɛ ema eyà ya Lohwà e ohwa.

Hibrù 5:11

Irzɔ i hwɛni rzayì-rzayì ò lì ohwa, ò lì hvomɛ̀nɛ̀ enè eyà. Ndi è nò ambani ò lì gbeyà nanù ema è hwe rzɔ̀ŋgìtɛ̀nɛ̀, èhwanja è rza hwàmìrzɛ̀ ò lì rzɔ̀ŋgìtɛ̀nɛ̀.