2 Tìmotì 3:5 - Mokpwe: Bakwery (New Testament)

⁵ O ò hwɛ hwatò ema hwa awuŋmɛ̀lɛ̀ ò à ɛnɛ oma hwa gbeyà ndi mamɛ Lohwɛ̀ a arza, ndi hwa rza o arza nanù ema e ŋginyà ya ama Lohwɛ̀ e tikowe mòŋgɛ ma awu. O rzi ɛndɛ o toŋgoŋgo ya lìŋgi lìtumba la hwatò.

2 Tìmotì 3:5 Mawu Ofanana

Matiyò 7:15

“È aŋgòhweya hwà-òhwèlì hwa hwèlìŋgɛ̀ hwa mòlàŋgà. Wɔ̀ hwa ɛnɛ ndi ŋmɛɛ nàa mɛ̀lɛ̀ŋgù, ndi ò tenì yà mèèmà mè awu hwa hwèlì wòhwe nàa njuwɛ.

Ɛ̀hvìrzìyà 4:14

O eŋge hvonda i rza hwɛ hvɛ ndi nàa hwàna. Ène eyà e o gbèeyà hwatò ema hwa lukɛlɛnɛ hwa o òkolɛ hwatò hwèokòlelì hwe mòlàŋgà hwa rza o tànɛyi o lì jo lukɛlɛ na lì jo gbèeyà ema i gbeeye hweyà ema hwe rza hvomɛ̀nɛ̀. I rza o hwɛ ndi nàa wɔ̀ɔ̀lɔ̀ ema e mbɛ̀hvɛ̀nì e neŋgirzɛ o tɔ̀ ima èhvàrzù.

2 Tɛ̀rzàlonìyà 3:14

È hwèlì tɛ nanù ema o hwèlì mòtò ema a rza emelɛ o lì oŋgàma màmɛ ema e tìlahwì o tenì ya ene kààtì, e mo ika mìirzɔ. È rzi hwɛnɛ tɔ̀ eyà o lì mo gbeyàna, aŋga nanù oma à mà enya.

2 Tɛ̀rzàlonìyà 3:6

Ìi wònyàmòwe kòkò, o lìna la ama Rzàŋgo wa arzu Yerzù Krirztò je e kànèyà o lì ahvɔ̀tɛ o mondeŋge mo hwàlòkèlì ema mo hwèlì rzìŋgà ndèŋgànɛ̀lɛ̀ ema hwa rza lìya lì hvomɛ̀nɛ̀ hwèokòlelì ema inyɔ e ma jo luwàne.

1 Tìmotì 4:7

O rza ohva tɔ̀ eyà o lì gbeyàna maŋga màyìtò ema mà uŋmɛ̀lɛ̀ nanù ema hwatò hwa rza lòkɛ̀ Lohwɛ̀ ndèŋgàna o rzi ohva tɔ̀ eyà o lì gbeyàna màyìtò ma èèti. Ndi o hwɛ ndi o lì okowa o ihvonda ja arzɛ na oma Lohwɛ̀ a arza nanù ema o gbeye.

1 Tìmotì 4:8

O hwèlì ndi eyà ya gbamù o lì okolɛ e nyàmà ya nyo ya eni o lì eta. Ndi o lɔ̀wu rzayi-rzayi nanù ema mòtò a atàkìrzɛ̀ tɛ o lì gbeyà tɔ̀ ima eyà na oma Lohwɛ̀ a àrzeyà. Inyɛ̀ i gbèyi na oma Lohwɛ̀ a arza èhwanja Lohwɛ̀ à mà ohwa nanù ema a jo ŋgba lòŋgɛ ema lì rza hwɛnɛ lìrzùkù nàŋgɛ na o e hvonda ema e o jɛ̀ɛ̀.

1 Tìmotì 5:8

Tɔ̀ ima molokelì ema a rza woŋgohwa e mbiya ya eni, rzɛhvɔ̀ni hwàŋgà hwa lìtumba ema hwa mo kombɛnɛ, e uŋmɛ̀lɛ̀ nanù ema mɔ̀ à rza lòkɛ̀ Krirztò na e jɔ̀kɛ̀. Èŋge ŋgàna e hwèlì ndi nanù ema, mɔ̀ à gbeyà wòhwe lì aka e mòtò ema a rza lòkɛ̀yi Krirztò.

1 Tìmotì 6:5

Ène e ma hwa gbeyà ema hwa tɔ̀wɔ mòtaŋgo ihvonda ja arzɛ ŋgàna ema o ambi wɔ̀ lì hwiya mamɛ ema e hvomɛ̀nɛ̀. Hwa rza tànɛyi lì rzɔŋgìtɛ̀nɛ̀ eyà ema e hwèlì e jɔ̀kɛ̀ na e yɔ ema e hwèlì mòlàŋgà. Wɔ̀ hwa ɔ̀ŋgɛ̀lɛ̀ nanù ema, hwa gbèelì tɛ Lohwɛ̀, oma hwà mà tuwa hwèwàŋgì.

2 Tìmotì 2:16

O rzɔnjɛ̀lɛ̀ imbɔrzi ja arzɛ ja èèti na mbɔrzi ema i rza ohvɛ wòlìto, èhwanja hwatò hwa ohwa tɛ iŋgi tumba ja mbɔrzi eŋge e hwa gbeyà ndi o lì gbeyà hweyà ema Lohwɛ̀ a rza arza nanù ema hwa gbeye.

2 Tìmotì 2:23

O rzɔnjɛ̀lɛ̀ e mbɔrzi ya hvenda ya èèti ema e rza oŋgowàna tɔ̀ mòtò tɔ̀ eyà. O hwi nanù ema e hvenda ndi e jànà mòtaŋgo.

Tàyìtùrzì 1:16

Hwàto ema hwa okolɛ hweŋge hwèyòkòlèlì hwe mòlàŋgà wɔ̀ hwa ohwa nanù ema hwa hwi Lohwɛ̀, ndi hwègbèèlì hwe awu hwe uŋmɛ̀lɛ̀ nanù ema hwa rza hwi Lohwɛ̀. Hwa gbeyà hweyà ema hwatò hwa rza lìŋgànɛ, wɔ̀ hwa rza gbeyà hweyà na oma Lohwɛ̀ a hwe àrzeyà ndeŋgànɛlɛ hwa rza tànɛ lì gbeyà tɔ̀ eyà yɔ̀kɔ ya gbamù.

Tàyìtùrzì 3:10

O kòkòhwɛ̀lɛ̀ tɔ̀ njɛnɛ ema à jànà lùwànje o ìtììtènì ja hwàlòkèlì, a rza o hweyàni tɛ ò mò kòkòhwɛ̀lɛ̀ e ŋgelì ema e ùkirzɛ̀ ihwàkɛ o mburza nanù, a rza o hweyàni hvɛ tɛ, o rzi hwɛnɛ hvɛ tɔ̀ eyà o lì gbeyà na mɔ̀.