2 Tìmotì 3:2 - Mokpwe: Bakwery (New Testament)

² O eŋge hvonda o hwɛ hwatò hwa ikuka, hwatò ema hwa lìŋgàni wolì, hwaŋga ema hwa ayèkirzɛ̀, hwaŋga ema hwa hwɛnyɛnɛ, hwaŋga ema hwa rza hweyàna irzàŋgo na inyàŋgo ja awu, hwaŋga ema hwa rza ekɛnɛ na hwatò ema hwa rza gbeyà mamɛ ema Lohwɛ̀ a arza nanù ema hwa gbeye.

2 Tìmotì 3:2 Mawu Ofanana

Matiyò 15:6

a rza àŋgàmɛ̀nɛ̀ lì ŋgba rzaŋgò wa eni èluhwe. Nànù ndi e ndinda hwèyòkòlèlì hwe ama Lohwà ò lì òŋgama hwèyòkòlèlì hwe anyu.

Lukàrzɛ̀ 12:15

Yerzù rzìi a hwa òhweyà hwa àrzɛ̀ nanù ema, “È aŋgòwè! È rzì ika mèèmà me anyu ò èrzàŋgò jɔ̀ɔjɔ̀ɔ èhwanja rzèkɛtɛ èrzàŋgò ya rzayì-rzayì ema mòtò a hwɛnì ndi e mò ŋgbà lòŋgɛ.”

Lukàrzɛ̀ 16:14

Ihvàlìrzàyì ì mà hweye hwenè hwèyòhwèlì hwe àrzɛ hwe ama Yerzù, rzìi hwa arzɔmbìyɛ̀ èhwanja hwa mà lìŋgàna màlì, rzayì-rzayì.

Lukàrzɛ̀ 6:35

Ndi e lìŋgàne hwàkɔ̀yèlì hwa anyu. È hwa gbèeyà gbamù. È hwàlɛ̀ hwatò è rzì hwɛ lì ikà lìhvìtà ema è hwa àrzànà lìyɛmɛ ò lì è tìmbirzɛlɛlɛ. Aŋgà ndi Lohwɛ̀ a e ŋgba jàhwèyà ema ì karzami, ndèŋgànɛ̀lɛ̀ e ò hwɛ̀lɛ̀hwɛ̀ ndi hwàànà hwa eni, hwàànà hwa ama Lohwɛ̀ lì Kàrzami, e hwɛnì hvɛ lì hwiya nanù ema Lohwɛ̀ à òhvi ììlì jà èni ò hwaŋga hwatò ema hwa rza eka Lohwɛ̀ nà hwaŋga hwa ekɔnì.

Hwègbèèlì 5:36

O ŋmanà hvòka hvònda ema e ma aka, Tèwùdàrzì à mà jà, rzìi a ekirzɛ ò lì hwɛ yumɛ. Eyà ya hwègbe hweni hwe hwatò hwà mà mò òŋgama. A ma òŋwahwa, hwànɔ̀ŋgèlì hwe eni hwa arzɛ hwà mà kuwa lì bùweyà, ndèŋgànɛ̀lɛ̀ ehvehva ya eni yɔ hvɛ e ma ŋwa.

Ròmànì 11:18

O eŋgànɛ̀lɛ̀ rzɔ, e rza hwɛni lì ayèkirzɛ̀ rzi e a ɛnɛ hwenɛyi hwèkɔ̀kɔ̀ ema hwe ma rzenjòwahwɛ nàa hwe hwèlì ndi hwema hwe ŋgundu. È òhvi tɛ kumba e rzi hvòŋga ò lì hwiya nanù ema rzeketɛ inyɔ ndi e òhvi meyaŋga me gbee, ndi meyaŋga me gbee ndi me òhvi.

2 Kɔ̀rintìyà 5:15

A ma jo ŋwèeyà ndi irzɔ hwa arzɛ, aŋga nanù hwatò ema hwa hwèlì lòŋgɛ, mòŋgɛ ma awu ma rza uŋmɛ̀lɛ̀ nanù ema hwa lìya ndi o wɔ̀ hwiti. Ndi wɔ̀ hwa hwèlì lòŋgɛ o nyòla ya ama Krirztò ema à mà ŋwa rzìi Lohwɛ̀ a mo hvùmùlɛ̀ o nyòla awu.

Hvìlipìyà 2:21

Nà ohwa ndi ene eyà nanù ehwànja tɔ̀ ima mòtò a lùteyà ndi lì hvomɛ̀nɛ̀ mamɛ ema mɔ̀ à arza, hwa rza gbeyà na oma Yerzù Krirztò mɔ̀ à arza nanù ema hwa gbeye.

Kòlòrzìyà 3:5

O eŋgànɛ̀lɛ̀ rzɔ, è àŋgàmɛ̀nɛ̀yi lì ulɛ ò mèèmà mè anyu hwèèmà hwe arzɛ hwe è nyo yà è mòtò wà hwènàmà. È ulɛ̀ ò mèèmà mè anyu hwèmà nàa mòrzònje mò lìhwa, hwèèmà hwe mbindo, ìlema jà hweyà hwe è nyo yà è mòtò wà hwènàmà, ò lì hwɛnɛ màlùtèyà mà wòhwe nà è njɔ̀ŋgu. È hwèlì tɛ njɔ̀ŋgu è gbèyi ndi nàa è kanɛ̀ ndi lì hvɛhvɛ lohwà.

2 Tɛ̀rzàlonìyà 2:4

Mɔ̀ à ò teŋgɛ̀nɛ̀ tɔ̀ ima yoma ema è hwɛ̀lɛ̀hwɛ̀ lìinà nanù ema lohwà, tɔ̀ enìmìnìmì ema hwa kànɛ̀lɛ̀lɛ̀, rzìi à ò akàrzɛ mɔ̀ ŋmìti ò lì hwa aka. À ò kpèeyà, rzìi a o lìya tɔ̀ ò tenì yà è ndawò yà Lohwà, rzìi à ahwɛlɛ mɔ̀ ŋmìti nanù ema à hwèlì ndi Lohwɛ̀.

1 Tìmotì 1:20

Ò ìtììtènì ja hwatò ema nà ohwa nanù, mɔ̀kɔ à hwèlì ndi Hìmɛ̀nàyèyùrzì ɔ̀nɛyi hvɛ Àlɛ̀rzanda. Hwanu hwatò nà hwa lìyèlì mòkarzɛ̀ ò màà. Àŋga nanù hwa hwiya nanù ema ò rza lɔ̀wu lì ohwàna Lohwɛ̀ ìrzìlàkò.

1 Tìmotì 1:9

Lohwɛ̀ a rza gbèelì ndi e mbenda o hwaŋga hwatò ema hwa tɛmi ehve-ehve. Lohwɛ̀ mɔ̀ à ika ndi e mbenda o hwaŋga hwatò ema hwa rza hweyàna e mbenda, na o hwatò ema hwa rza gbeyà mamɛ ema mɔ̀ à arza. È mbenda ya ama Lohwɛ̀, e hwèlì ndi o hwaŋga hwatò ema hwa rza ohve Èlìŋgɛ̀ ya Lohwà na o hwaŋga hwatò ema hwa gbèeyà wòhwe. È mbenda ya ama Lohwɛ̀ e hwèlì ndi o hwaŋga hwatò ema hwa rza oka Lohwɛ̀ wɔ̀ŋgɔ̀ na o hwatò hvɛ ema hwa ohwa hweyà hwe wòhwe lì teŋgɛ̀nɛ Lohwɛ̀. Lohwɛ̀ à mà gbeyà e mbenda o hwaŋga hwatò ema hwa oŋwa i tatɛ̀ na i nyàŋgo ja awu, na o hwaŋga hvɛ ema hwa oŋwa hwahvɛhvɛ hwatò.

1 Tìmotì 3:3

Ène nyayi ya mòtò, a rza hwɛni lì hwɛ mòtò wa mboma, tɔ̀ mòtò ema a jànà mòhvùŋgu. Ndi a hwɛni ndi lì hwɛ mòto ema a hwèlì ŋmɛ̀ɛ na mòtò ema a rza tɔ̀wɔ mòtaŋgo, a rza hwɛni lì hwɛ mòtò ema a lìŋgàni wolì.

1 Tìmotì 6:10

Mòtò ema a ohvi nyɔ̀ŋgi ndɛnɛ o lì arza wolì rzayi-rzayi a gbeyà hweyà hwe wòhwe o lì luwa woŋgo wolì. Ène eyà e ma gbeyà lòŋgo la hwatò hwà mà rzɔnjɛ̀lɛ̀ lì lòkɛ̀ Krirztò ndèŋgànɛlɛ hwa ohvi ndùtù rzayi-rzayi o mèèmà me awu.

1 Tìmotì 6:4

Hwàŋga hwatò hwa ondi na kumba ndèŋgàna hwa rza hwi tɔ̀ eyà. È nyayi ema hwaŋga hwatò hwa lìŋgàni hwèhvèŋgòwèlì hwe mbɔrzi na mòtaŋgo e gbèyi ndi nàa nyàmbɛ na wɔ̀. Ène eyà e hwa jànelì inona o ìtììtènì ya awu, mòhvùŋgu, hwatò hwa ohwa wòhwe lì teŋgɛ̀nɛ hwahvɛhvɛ hwatò, ndèŋgàna hwa a ohvanɛ màlùtèyà ma wòhwe lì hvomɛ̀nɛ̀ mɔ̀kɔ na ɔ̀nɛyi.

2 Tìmotì 3:4

Hwa o hwɛ hwatò ema hwa o àhwirzɛ̀ imbunda ja awu, hwatò hvɛ ema hwa lìya lòŋgɛ la mooŋgoŋgo, hwatò ema hwa ondi na kumba, na hwaŋga hwatò ema hwa lìŋgàni hweyà hwe ene rze lì aka hweyà hwe ama Lohwɛ̀.

Jèmìrzì 2:8

Inyɔ yo ò gbeyà ndi eyà ya gbamù e hwèlì tɛ nanù ema e ikayi e mbenda ya lìkànèyà ema e hwèlì o tenì ya e kààti ya Lohwà ema e ohwa nanù ema, “O lìŋgàne ŋmànyɔ̀ŋgɔ̀ wa aŋgɔ̀ na oma o alìŋgànɛ̀yi o wà witi.”

Jèmìrzì 4:16

Ndi o nàŋgɛ inyɔ e ondi na kumba na lì àyekìrzɛ lìŋgi lì àyekìrzɛ la arzɛ lì rza lɔ̀wu.

Jèmìrzì 4:6

Ndi e ndèli ema, Lohwɛ̀ a jo ŋgbàà e rza hwɛni lìmɛni. Ɔndèŋgàtɛ̀ e tìlahwì o kààtì ya Lohwà nanù ema, “Lohwɛ̀ a kumbɛlɛlɛ hwatò hwa àyekìrzɛ e mburza ndi e wɔ̀ ema hwa arzìhwìrzɛ̀yi a hwa ŋgbàà ììlì ja eni.”

1 Pètrò 5:5

Ŋgànà hvɔ̀kɔ hvɛ mɛnɛ, inyɔ hwatò ema e rzi rzɔ̀ mòkèka, e arzihwirzɛ o hwàmbaki hwa anyu. Inyɔ hwa arzɛ e arzìhwìrzɛ̀lɛ̀lɛ̀ mɔ̀kɔ na ɔ̀nɛyi, ehwànja e tìlahwì o e kààtì ya Lohwà nanù ema, “Lohwɛ̀ a teŋgɛ̀nɛ̀ hwatò ema hwa ohvi kumba ndi à uŋmɛ̀lɛ̀ ŋmèma mo gbamù o hwaŋga hwatò ema hwa arzihwirzɛ.”

2 Pètrò 2:10

À ò kɔ̀kìrzɛ̀ hwatò rzɛ̀hvɔ̀nì hwaŋga hwatò ema hwa oŋgama èèti yà è nyàma nyo yà mòtò wà hwènàmà rzi hwa hvàka lìkànèyà là ama Lohwɛ̀. Hwanu hwà-òkòlèlì hwa mòlaŋgà hwa kolì ndèŋgànà hwa ohvi hvɛ è kumba. Ndeŋgànɛ̀lɛ̀ hwa rza ŋgbelì tɔ̀ èluhwe ò iŋginyà jà è ŋmanyu yà lohwà. Wɔ̀ hwa hwɛnyɛ ndi iŋgi ŋginyà lì hwɛnyɛ, è rzi hwɛ lì oka tɔ̀ wɔ̀ŋgɔ̀ tɔ̀ wɔ̀kɔ.

2 Pètrò 2:12

Ndi hwaŋga hwà-òkòlèlì hwa mòlaŋgà, hwa gbeyà ndi hweyà ò màlùtèyà mà awu, nàa nyàmà jà waŋga. Iŋgi nyàmà ja waŋga ì ŋyàhwɛlɛyì ndi ò lì lɛ̀mbɛ̀hwɛ̀ nà lì oŋwahwa. Hwàŋga hwà-òkòlèlì hwa mòlaŋgà wɔ̀ hwa ohwa ndi hweyà hwe wòhwe ò tɔ̀ ima eyà ema hwa rzɔ̀ŋgìtɛ̀nɛ̀. Ò eŋgànɛ̀lɛ̀ rzɔ, Lohwɛ̀ à hwa nyɔ̀ŋgìrzɛ̀ nà oma hwatò hwa oŋwa iŋgi nyàmà jà waŋga.

2 Pètrò 2:18

Wɔ̀ hwa gbeyà jòòhwì jà kumba na èèti. Wɔ̀ hwa gbeyàna hweyàrzèlì hwe è nyàma nyo yà è mòtò wà hwènàmà ò lì lùkɛ̀lɛ̀ hwatò. Hwàto ema wɔ̀ hwa ɔ̀njɔ̀ɔ̀, hwa hwèlì ndi hwatò ema hwa mà wòteyà lì ulɛ̀ màtàŋga mà awu ò hwèlìyelì hwe hwatò hwa wòhwe.

2 Pètrò 2:3

O tenì ya e njɔ̀ŋgu ya awu, hwanu hwà-òkòlèlì hwa mòlaŋgà, hwa o luwa morzɛ̀ŋgi o lì e ohweyà màyìtò ema wɔ̀ hwa weki e lì e hvùmana hwèèmà. Lohwɛ̀ mɔ̀ à mà màa lì akɛlɛ e mbàko na e koohwa nanù ema a o hwa kɔ̀kìrzɛ̀. Èŋge kɔ̀kìrzɛ̀ e hwa ambɛ̀lɛ̀, ndèŋgànɛ̀lɛ̀ mòŋgo mokona mo hwa ambɛ̀lɛ̀.

Judɛ 1:16

Hwanù hwatò hwa lìyelì ndi ò lì arzàrzòwɛ ndeŋgànɛlɛ hwa hwɛlɛ hwahvɛhvɛ hwatò. Hwa oŋgama è nyɔ̀ŋgì yà awu yà wòhwe, hwa à èkìrzɛ̀, nà lì ohwàna jɛ̀ɛ̀mɛ̀ ema ì tɛ̀ɛ̀ aŋga nanù hwa luwànà hwatò hwèèmà.

Hwèwulùwèlì 13:1

Rzìi na ɛnɛ èembe e wurza o tenì ya ŋmàànja. Èŋge èembe e ma hwɛnɛ lìrzàmba la mèyòhvò na lìyomɛ̀ la mèrzehwa, na lìyomɛ la hwèkòòtò o merzehwà mà eni. Tɔ̀ ima mòohvo mo mà ohva lìnà ema lì hwɛnyɛ Lohwɛ̀.

Hwèwulùwèlì 16:11

Rzìi wɔ̀ hwa jema Lòohwà la e ŋmanyu yà lohwà o nyòla mòrziyò mo hwèhwàŋgù ema hwà mà hweye. Ndi wɔ̀ hwa rzi tikowe o lì hwɛmɛ hwègbèèlì hwe awu hwe wòhwe ema hwà mà hwɛ lì gbeyà.

Hwèwulùwèlì 16:21

È mbuwà yà màŋyàyi ema è mà ohva eyà yà menimenì nà mèta mè kilo ò lìŋyàyi lɔ̀kɔ ò morzìmbɔ̀ è mà uwɛ̀lɛ̀lɛ̀yi ò ŋmanyu ò lì undeya hwatò. Hwàŋga hwatò hwa mà jema Lohwɛ̀ ehwànja eŋge mbuwà yà màŋyàyi ema è mà lìteya è mà hwɛ wòhwe rzayi.

Hwèwulùwèlì 16:9

Hwàto hwà mà rzeeya o tenì ya eŋge etùmbàtùmbà ndɛnɛ. Rzìi wɔ̀ hwa jema lìinà la ama Lohwɛ̀ ema a kàneya mene mekona. Ndi wɔ hwa rzi ayèŋgowɛ̀ o wòhwe wo awu, o lì ŋgba Lohwɛ̀ èluhwe.