2 Tìmotì 3:16 - Mokpwe: Bakwery (New Testament)16 Tɔ̀ mamɛ ema e tìlahwì o kààtì ya ama Lohwɛ̀ e uwɛ̀lɛ̀lɛ̀yi ndi o ma Lohwɛ̀. È oŋgowàna o lì okolɛ hwatò, e oŋgowàna o lì ohweyà hwatò màtonà ma awu, e oŋgowàna hvɛ hwatò ò lì tɛnɛnɛ màtonà ma awu, ndèŋgàna e oŋgowàna hvɛ hwatò ò lì gbeyà mamɛ ema e hvomɛ̀nɛ̀. Onani mutuwo |
Eyà yà Lohwà è mà lòma lì ohwa nanù ema, Lohwɛ̀ à ò wòwà hwaŋga hwatò ema hwa rza enje wònyà Yudà nàa hwatò hwa eni èhwanja hwa mò lòkɛ̀yì. Ène eyà è mà hwiyɛnɛ lì wòteyà lìrzako ema Lohwɛ̀ à mà òhweyà Abràhamù nanù ema, “Lì akeyà nà ò wà, imba nà à ò nàmìrzɛ̀ hwèkòmè hwa arzɛ hwe è rze yà mɔ̀nyɛ̀.”
O òkolɛ hwaŋga hwatò ema hwa o teŋgɛ̀nɛ, aŋga nanù wɔ̀ hwa hwiya nanù ema hweŋge hweyà ema wɔ̀ hwa ohwa lì o teŋgɛ̀nɛ hwe rza enje e jɔ̀kɛ̀. O hwa okolɛ tɛ o hwa ajùlɛ̀nɛ̀, o hwɛni lì hwɛnɛ lìhvìtà nanù ema Lohwɛ̀ a gbeyà ema hwa embɛ lùùrzè la awu aŋga nanù hwa a eŋgohwɛ̀, ndèŋgàna hwa rzɔŋgìtɛ̀nɛ̀ e jɔ̀kɛ̀ ya mamɛ ema eyà ya Lohwà e ohwa.
È hwèlì e jɔ̀kɛ̀ nanù ema, Eyà ema e uwɛlɛlɛyi o ma Lohwɛ̀, e hwèlì lòŋgɛ, ndèŋgànɛ̀lɛ̀ e hwɛni màyìmbi. È èeyà lì aka rzɔ̀lɔ̀ ema ye hwàhwì ò hwèhvarzù hwe ahwàkɛ. Eyà yà ama Lohwɛ̀ è kpèeyà mòtò natɛ̀ɛ nà ò tenì yà eni nà ò èlìŋgɛ̀ yà eni. È kpèeyà mòtò natɛ̀ɛ nà ò tenì yà matìŋga nà ò tenì yà hwèèrzè. Èŋge eyà è emba màlùtèyà mà mòtò nà tɔ̀ ima eyà ema mòtò à arza lì gbeyà.