2 Tìmotì 3:12 - Mokpwe: Bakwery (New Testament)

¹² Ndi o jɔ̀kɛ̀, tɔ̀ ima mòtò ema a arza o lì lìya lòŋgɛ la ehve-ehve, na oma mɔ̀ à hwèlì na Yerzù Krirztò a hwɛni lì tàkìrzɛ̀hwɛ o màà mà hwatò.

2 Tìmotì 3:12 Mawu Ofanana

Matiyò 16:24

Yerzù rzìi a òhweyà Hwà-òkòwèlì hwa eni nanù ema, “Tɔ̀ ima mòtò ema arza lì nò nɔ̀ŋgɔ a hwɛnì lì ahvòŋgɛ, rzìi a hwanɛ̀ e mbarzà ya eni rzìi à nò òŋgama.

Matiyò 23:34

Ene ŋgàna e gbèyi na e òmeya hwà-òhwèlì hwa hwèlìŋgɛ̀, na hwatò hwa mahwiye, nà Hwà-òkòlèlì. Lòŋgò la hwanù hwatò, inyɔ e hwa òŋwa, hwanɛyi hvɛ e hwa wòmeya ò mbarza. Lòŋgò hvɛ e hwa gbiyɛ hvònji ò tenì ja mandawò ma anyu ma màkanɛ̀, na hwahvɛhvɛ, e hwa hvaya ò lì anjiya ò mambòwà na mambòwà.

Makòrzì 10:30

à ò lùwa lì aka nanù ò lìni lòŋgɛ la yawònò. Mɔ̀ à ò lùwa mawòŋgì, wònyanyàŋgò, ìndòmɛ, inyàŋgò, hwàànà, na erzàŋgò, egbe ya ŋgèlì. À ò tàkirzɛhwɛ hvɛ ò lìna la ami. O hvònda ema e ò jɛ̀ɛ̀ a ò lùwa hvɛ lòŋgɛ la gbìndèyà.

Yòwanìrzɛ̀ 16:2

Wɔ̀ hwa ò e hvaya ò tenì ya e ndawò ya màkanɛ̀. Ò jɔ̀kɛ̀, o ò ja hvònda ema tɔ̀ ima mɔ̀ ema a ò e òŋwɛ, a ò ɔ̀ŋgɛ̀lɛ̀ ndi ema a gbèeyà ndi Lohwɛ̀ èwòlò.

Yòwanìrzɛ̀ 16:33

Nà e òhwèlì hwene hweyà, aŋga nanù, e hwɛnɛ ɛ̀yɔ̀lɛ̀ na òma e hwèlì na imba. Anu rze e hwɛnɛ ndi ndùtù. Ndi e kake mèèmà! Imba nà mà màa lì aka e rze ya mɔ̀nyɛ̀.”

Yòwanìrzɛ̀ 17:14

Nà ma hwa òhweyà hweyà hwe arzɛ ema ò ma nò òhweyà ò lì hwa òhweyà. Nàŋgɛ rzɔ hwatò hwa ene rze hwa hwà kɔwu, èhwanja hwa rza enje hwatò hwa ene rze hvɛ. Nà òma imba hvɛ na rza enje wa ene rze.

Hwègbèèlì 14:22

Tɔ ima èki ema hwà mà uke, hwà mà hwɛ lì òkòlɛ hwatò ema hwà mà lòkɛ̀ Yerzù na lì etìrzɛ mèèmà me awu aŋga nanù hwa ò alɛ̀mbɛ̀nɛ lì lòkɛ̀ la awu. Hwà mà hwɛ lì hwa òkòlɛ nanù ema, “I hwɛni lì akeyà rzayi-rzayi ja mètàkà ndèŋgàna je e kpèeyà ò lìkànèyà la ama Lohwɛ̀.”

1 Kɔ̀rintìyà 15:19

Èma hwɛ tɛ ema màhvìtà mà arzu na Krirztò ma kùwa tɛ ndi o lìni lòŋgɛ mɛnɛ, nanù oma hwatò hwa hwɛnì lì jo òkeya ììlì rzayì-rzayì lì aka nɛ wɔ̀ hwa okeya hwahvɛhvɛ hwatò.

2 Kɔ̀rintìyà 1:12

Mamɛ ya arzɛ ema e gbèyɛ̀nɛ̀yi, e jò ŋgbelì kumba. I tànɛyi lì ohwà na mèèmà me rzaŋgi ema o hwɛ̀ɛ̀mɛ̀ hwɛ arzu hwe arzɛ anù rze, rzɛ̀hvɔ̀nì na oma i hwèlì na inyɔ na mèèmà me wòtani, na e jɔ̀kɛ̀ ya arzu. Nànù ndi Lohwɛ̀ a mà tɛ̀yirzɛ ema e hwɛ. Rzeketɛ o lìhwiyè la arzù la mòtò wa hwènàmà, ììlì ja ama Lohwɛ̀.

2 Kɔ̀rintìyà 4:9

Hwatò hwa jo tàkirzɛ i hvonda ja arzɛ ndi Lohwɛ̀ a rzi jo hwɛmi. Tɔ̀ nɛ hvɛ marzako hwa jo hwenirzɛ, ndi Lohwɛ̀ a rza emeyà nanù ema hwa jo òŋwe.

1 Tìmotì 2:2

È kànɛlɛlɛ ikiŋgɛ̀ na hwanɛyi hwatimbelì hwa arzɛ hwa lìkànèyà. Ène e gbèeyà mɔ̀ŋgɛ̀lɛ̀ ma arzu ma hwɛ o ɛ̀yɔ̀lɛ̀ e rzi hwɛ tɔ̀ mòhvùŋgu, jo ò gbèeyà ndi na oma Lohwɛ̀ a arza nanù ema i gbeye na lì mo ŋgbaà èluhwe ihvonda ja arzɛ.

1 Tìmotì 3:16

Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.

1 Tìmotì 6:3

O hwèlì loŋgo la hwatò ema hwa okolɛ hwèyòkòlèlì ema hwe rza hvomɛ̀nɛ̀. Hwèyòkolelì hwe awu hwe rza enje nyayi hvɔ̀kɔ na hwèyòkòlèlì hwe ama e Rzàŋgo ya arzu Yerzù Krirztò ema hwe okolɛ hwatò ò lì gbeyà na oma Lohwɛ̀ a àrzeyà.

Tàyìtùrzì 1:1

Ìmba Pàwolò ema nà hwèlì e mògbèèlì wà ama Lohwɛ̀ nà è àpɔ̀rzìtòlò ya ama Yerzù Krirztò ndi nà tilì ene kààtì. Yerzù ndi à mà nò hvɔ̀rzɔ̀ rzìi à nò oma o lì ɛndɛ lì ètìrzɛ̀ lìlòkɛ̀ la hwatò ema Lohwɛ̀ à mà hvɔ̀rzɛ̀, nà o lì hwa oŋgowàna o lì hwiya e jɔ̀kɛ̀ lì hvomɛ̀nɛ̀ Yerzù, na o lì gbeyà na oma Lohwɛ̀ a àrzeyà.

Tàyìtùrzì 2:12

O nyòla ene ndèli, Lohwɛ̀ à mà jo òkolɛ o lì rzɔ̀njɛlɛ hweyà ema a rza arza nanù ema i gbeye, ndèŋgànɛ̀lɛ̀ o lì hwɛmɛ e nyɔ̀ŋgì ya lì gbeyà mamɛ ema hwatò hwa è rze yà mɔ̀nyɛ̀ ema hwa rza hwiyɛ Lohwɛ̀ hwa gbeyà. O lì okolɛ o lì gbeyà hweyà nàa hwatò ema hwa hwi nɛ hwa gbeyà hweyà, o lì gbeyà hweyà ema hwe hvomɛ̀nɛ̀, na o lì gbeyà hweyà ema Lohwɛ̀ a arza nanù ema i gbeye anu rze ya mɔ̀nyɛ̀.

1 Pètrò 3:14

Ndi tɔ̀ e hwɛ ndi nanù ema inyɔ e tàki tɛ ehwànja e gbèyi mamɛ ema e hvomɛ̀nɛ̀, nanù oma Lohwɛ̀ a e nàmìrzɛ̀. È rzi oka tɔ̀ mòtò wɔ̀ŋgɔ̀ ndèŋgànɛ̀lɛ̀ e rzi aahwɛ.

2 Pètrò 3:11

Kànàtɛ hwene hwema hwe arzɛ hwe ò hvàŋgahwɛ̀ ndi ò ene ŋgànà, ima lìtumba là hwatò inyɔ è ò hwɛ̀ɛ̀ e? Mòòŋgɛ mà anyu mà àŋgàmɛ̀nɛ̀yi lì hwɛ Wòrzàŋgì ndèŋgànɛ̀lɛ̀ inyɔ hvɛ e hwɛnɛ ɛ̀ɛ̀mɛ̀ hwe hwatò hwa ama Lohwɛ̀.

Hwèwulùwèlì 12:4

A ma lùùtà lòŋgò lɔ̀kɔ la moŋgo màyàwo la irzombe ema i ma kɛ̀ɛ̀mɛ o ŋmanyu ya lìwòhwɛ la ŋmanyu na moondo mo eni, a ji undirzɛ o rze ya mɔ̀nyɛ̀. Èŋge dragɔ̀ni e ma tɛ̀mɛ̀ o worzo wo ama oŋgo molàna ema à mà arza lì ŋyàa, àŋga nanù a ŋyàa tɛ a mo laana e ŋmanà wa eni.

Hwèwulùwèlì 7:14

Nà ma mo timbirzɛlɛlɛ nanù ema, “Ìi rzàŋgo kòkò, o wa ndi o hwi.” Rzìi à no òhweyà nanù ema, “Hwatò hwanù ema hwa karzo ò tenì ya metàkirzɛnɛ mendɛnɛ. Wɔ̀ hwà mà rzorza meŋgombe me awu na màyija ma ama e Ŋguma ya Mɔ̀lɛ̀ŋgù o lì me timbirzɛ mbɔ̀mi.