2 Tìmotì 3:11 - Mokpwe: Bakwery (New Testament)

¹¹ O hwi nɛ hwatò hwa no tàkìrzɛ̀, ndèŋgàna o hwi mètàkà ema imba na lu o tenì ya moŋgo motaka. O hwi lìtumba la hweyà ema hwe ma no gbèyɛ̀nɛ o tenì ya màmbowà mà Antìyɔ̀kì, Ikònìyùmì na Lìrzìtìrà. O hwi nɛ nà mà kake ŋmèma o mètàkà ema nà mà luwe aŋga. Ndi Rzàŋgo Yerzù à mà no rzùŋga o tenì ya meŋge mètàkà me arzɛ.

2 Tìmotì 3:11 Mawu Ofanana

Hwègbèèlì 13:14

Wɔ̀ hwà mà hwɛmɛ Pɛ̀ga rzìi hwa uka ò mbòwa ya Antìyɔ̀kì ò èkòmè ya Pìrzìdìyà. O Wùnyà wò lì arziyòlɛ, hwà mà kpèeyà ò ndawò ya màkànɛ̀, rzìi hwa lìya ò rze.

Hwègbèèlì 13:45

È hvònda wònyà Yudà hwà mà ɛnɛ e ŋgìndì, hwà mà òndana na lìrziŋga. Rzìi hwa wòteya lì teŋgɛ̀nɛ̀ mamɛ ema Pàwolò à mà hwɛ lì òhwa na ò lì mò rzòrzòlɛ hweyòlì.

Hwègbèèlì 14:8

O ma hwɛ mùnyanà mɔ̀kɔ wa mbòkò ò mbòwa ya Lìrzìtìrà ema à mà hwɛ mbòkò lì wòteya ò hwèŋyàyèlì hwe eni, ema a rza ɛndi yɔ̀ndɔ̀ tɔ̀ wùnyà.

Hwègbèèlì 20:19

Nà ma gbèeyà e Rzàŋgò na lì arzirzɛ lì ndɛnɛ, na mirzɔ̀lì, na màkèkìrzɛ̀nɛ̀ ema me ma nò gbeeyɛnɛ, ehwànja wònyà Yudà hwà mà nò kimeya.

Hwègbèèlì 23:10

Mòtàŋgò mò ma òlòwa nyayi ema e mòkànèlì wa hwààna njuma à mà òka wɔ̀ŋgɔ̀ nanù ema, wɔ hwa tànɛyi lì tàawa Pàwolò. O eŋgànɛ̀lɛ̀ rzɔ, mɔ̀ à mà àka hwàanèlì wa eni hwa njuma ò lì rzihwa ò tenì ya e ŋgindi, ò lì wòwa Pàwolò ò ìtììtènì ja awu, lì ɛndɛ lì mò uta ò ndawò ya ŋguhwa.

Hwègbèèlì 26:17

Nà ò rzùŋgà ò màà mà hwatò hwa aŋgɔ hwa wònyà Irzàyɛ̀lì na ò hwaŋga hwatò ema hwa rza enje wònyà Yudà, ema imba na ò òma.

Hwègbèèlì 26:22

Ndi tɔ̀ nanù natɛ̀ɛ na ò wònò wùnyà wò yawònò, Lohwɛ̀ ndi à hwèlì a nò òŋgòwàna. O eŋgànɛlɛ nà tɛmi ndi ànu ò lì e òhweyà inyɔ hwa arzɛ e jɔ̀kɛ̀. Tɔ̀ e hwɛ ndi hwatò ema hwa hwɛni wòlìtò tɔ̀ hwatò ema hwa rza hwɛnɛ wòlìtò. Hweya ema na òhwa hwe hwèlì ndi nyàyi hvɔ̀kɔ ya hweyà ema hwà-òhwèlì hwa hwèlìŋgɛ̀ na Mòrzè hwà mà òhwe nanù ema hwe ò gbèyɛ̀nɛ.

Hwègbèèlì 9:16

Ndeŋgàna imba na hwɛni lì mò uŋmɛ̀lɛ̀ mamɛ ya arzɛ ema a hwɛni lì taka ò nyòla ami.”

Ròmànì 15:31

È nò kanɛ̀lɛ̀lɛ̀ nanù ema na ò rzùŋgàhwà ò màà mà hwatò ema hwa rza lòkɛ̀yì Krirztò ò erzòòkà ya Jùdeyà nanù ema hwa rzi nò gbeyà tɔ̀ wòhwe. Ndèŋgànɛ̀lɛ̀ e kànɛ hvɛ nanù ema wòlì ema na ò ɛndɛneya mèlìrza me hwatò ema me hwèlì ò mòndeŋge mò hwatò hwa Lohwà ò Jèrurzalɛ̀mù, hwa wò emeyà.

2 Kɔ̀rintìyà 1:5

È hwìyè nanù ema nà omà Krirztò à mà luwe mètàkà, nanù ndi irzɔ hvɛ i taka o nyòla yà eni, o èŋgànɛ̀lɛ̀ nà oma i hwèlì nà Yerzù Krirztò, Lohwà à jo ètìrzɛ̀ mèèmà me arzu gbamù-gbamù.

2 Kɔ̀rintìyà 1:7

Ji ikayi mahvita mà arzu nà inyɔ rzayì-rzayì. I hwi ema è lu tɛ̀ mètàkà nà oma irzɔ hvɛ i taka, Lohwɛ̀ à yè ètìrzɛ̀ mèèmà, nà oma à jò etìrzɛ̀yi è me arzu.

2 Kɔ̀rintìyà 12:10

O èŋgànɛ̀lɛ̀ rzɔ, o nyòla ya ama Krirztò, na oka mɔ̀nyɛ̀ŋgì tɔ̀ e hwɛ ndi nanù ema na rza imbami, tɔ̀ e hvonda ema hwatò hwa no hwɛnyɛ, tɔ̀ e hvonda ema hweyà hwe no ambani, tɔ̀ e hvonda ema hwatò hwa no tàkirzɛ, na tɔ̀ o e hvonda hvɛ ema na hwèlì o ndùtù. Nà ohwa ndi ene eyà nanù èhwanja, tɔ̀ ima hvonda ema na rza ohvɛ ŋginyà, Krirztò a no ŋgba e ŋginyà.

2 Tìmotì 4:7

Nàa e mògbèèlì hwa ama Krirztò nà mà ana e njuma gbamù, nà mà kulɛ èwòlò ema Krirztò à mà no ŋgbe ema nà mò gbèeyà. Ndèŋgàna na nɔ̀ŋgɔ lì lòkɛ̀ hwènɔ̀ŋgèlì hwe gbamù.

2 Pètrò 2:9

O eŋgànɛ̀lɛ̀ rzɔ, e Rzàŋgo e hwi nɛ a kombɛ hwatò ema hwa hwi Lohwɛ̀ o màkèkirzɛnɛ ma awu. Nà nɛ hvɛ o lì ika hwatò hwa wòhwe o rze ya hwèkɔ̀kìrzèlì o lì ambɛ̀lɛ̀ Wùnyà wo hwèkàyìrzèlì.