2 Tìmotì 2:9 - Mokpwe: Bakwery (New Testament)

⁹ Ndèŋgàna, èhwanja na òhwèyà hwatò mono ŋmɛ̀ndì mò gbamù, ɔ̀ndeŋgàtɛ̀ imba na taka, natɛ̀ɛ hwa no kaki iŋgɔkɔhwi ò à ɛnɛ oma na hwèlì ndi mòtò ema a undi mbenda. Ndi tɔ̀ mòtò a rza tànɛyi a kaka Eyà ya ama Lohwɛ̀ na ŋgɔ̀kɔ̀hwi.

2 Tìmotì 2:9 Mawu Ofanana

Lukàrzɛ̀ 23:32

Nàŋgɛ hvɛ hwà mà wòwa hwatò hwa wòhwe hwàhwàkɛ̀, ò lì ɛ̀ndɛ lì hwa wòmeyà ò mbarzà nà Yerzù.

Hwègbèèlì 21:33

È mòkànèlì wa hwàanà njuma rzìi a ɛndɛ lì ùŋmànɛ̀lɛ̀ Pàwolò rzi a mò ŋgbaŋgɛ, rzìi a akɛlɛ lìlò nanù ema hwa mò kàkane ŋgɔ̀kɔ̀hwì ihwakɛ. Rzìi à ijòwa nanù ema, “Njɛnɛ ònò e? Mamɛ mɔ̀ à gbèyi e?”

Hwègbèèlì 28:31

À mà hwɛ lì òhwa ŋmɛ̀ndì lì hvòmɛ̀nɛ̀ lìkànèyà là ama Lohwɛ̀ ndèŋganɛlɛ à mà hwɛ lì òkòlɛ̀ hwatò lì hvòmɛ̀nɛ̀ Rzàŋgò Yerzù Krirztò è rzi hwɛ lì òka tɔ̀ wɔ̀ŋgɔ̀, ndèŋgànɛlɛ tɔ̀ mòtò a rzi mò keka ò lì òhwa tɔ̀ eyà tɔ̀ yɔ̀kɔ.

Hwègbèèlì 9:16

Ndeŋgàna imba na hwɛni lì mò uŋmɛ̀lɛ̀ mamɛ ya arzɛ ema a hwɛni lì taka ò nyòla ami.”

Ɛ̀hvìrzìyà 3:1

Lìtiŋga lìni ema imba Pàwolò na e kanɛ̀lɛ̀lɛ̀. Nà hwèlì ndi e mòtò wa hwèwòwà èhwanja na hwèlì ndi mògbèèlì wa ama Yerzù Krirztò ndeŋga na e ohweyà eyà yà Lohwà.

Hvìlipìyà 1:17

Ndi hwaŋga ema hwa no nòneyà wɔ̀ hwa rza ohwa ŋmɛ̀ndì mò gbamù na mèèmà me gbamù, wɔ̀ hwa mo ohwa ndi o lì arzeelɛ wɔ̀ hwiti hwema. Wɔ̀ hwa gbeyà nanù, o màlùtèyà nanù ema imba na o hweyà wòhwe èhwanja na hwèlì o hwèwòwà.

Hvìlipìyà 1:7

Imba nà àŋgàmɛ̀nɛ̀yi lì ohva manù màlùtèyà o inyɔ hwa arzɛ èhwanja è hwèlì ò ŋmèma mò ami. Tɔ̀ nà oma nà hwèlì ò hwèwòwà, ndèŋgànɛ̀lɛ̀ nà oma nà ohwa hweyà lì hvomɛ̀nɛ̀ ŋmɛ̀ndì mò gbamù, nà ohwa nanù ema mono ŋmɛ̀ndì mò gbamù mò rza enje mòlaŋgà, mò hwèlì ndi è jɔ̀kɛ̀. Lohwɛ̀ à mà jò uŋmɛ̀lɛ̀ irzɔ hwa arzɛ è ndèli yà eni nà oma i mò gbèeyà.

Kòlòrzìyà 4:18

Imba Pàwolò ndi nà tilì ini ikɔ̀mi nà lìya là ami. È rzi hvoŋga nanù ema nà hwèlì ò hwèwòwà. Inyɛ̀ è ndèli yà ama Lohwɛ̀ è hwɛ nà inyɔ.

Kòlòrzìyà 4:3

È a jo kànɛlɛlɛ irzɔ hvɛ, aŋga nanù Lohwɛ̀ a jo lìhvoweya e njiya o lì ohwa ŋmɛ̀ndì lì hvomɛ̀nɛ̀ Krirztò, ema hwatò hwa rzi rzɔ̀ŋgìtɛ̀nɛ̀ o mòlòmɛ. Moŋgo ŋmɛ̀ndì ema imba na ohwa mɔ̀ ndi mo gbèyi ɔndèŋgàtɛ̀ imba na hwèlì o hwèwòwà.

1 Tɛ̀rzàlonìyà 1:8

Inyɔ ndi è gbèyi ndèŋgànà ŋmɛ̀ndì mò gbamù mò ama è Rzàŋgo mò hwɛ̀ɛ̀nɛ̀yi ò hwehvɛhvɛ hwèki. Rzeketɛ ò erzòòkà yà Màrzèdonìyà nà Àkayiyà mɛnɛ ndi mò hwɛ̀ɛ̀nɛ̀yi. Ndi nà oma inyɔ è lòkɛ̀ Lohwɛ̀, mò hweyàhwì èki yà arzɛ. Ò eŋgànɛ̀lɛ̀ ò rza enje hvɛ tɔ̀ lìtiŋga ema irzɔ jò òhwa ene eyà hvɛ lì è hvomɛ̀nɛ̀.

2 Tɛ̀rzàlonìyà 3:1

Ìi wònyàmòwe o lì hvomɛ̀nɛ̀ hwehvɛhvɛ hweyà, imba na e ohweyà nanù ema e hwɛ ndi o lì jo kànɛlɛlɛ nanù mɛnɛ ema, ŋmɛ̀ndì mò gbamù mò ama Rzàŋgo mò hwɛ ndi o lì nyàleya hwahvɛhvɛ hwatò, ndèŋgànɛ̀lɛ̀ inyɛ hwatò hwa mo emeyà na èluhwe nyayi hvɔ̀kɔ na oma mo ma hwɛ na inyɔ.

2 Tìmotì 1:12

Lìtìŋga lɔ̀ lìni ɔ̀ndeŋgàtɛ̀ imba nà taka nanù. Ndi nà rza oka ìrzɔnì èhwanja nà hwi è mɔ̀ ema imba nà ikàyi ŋmèma mò amì. Ndèŋgàna nà hwi hvɛ nanù ema à kombɛ̀ mamɛ ema à nò ikelì ò màà natɛ̀ɛ nà ò wùnyà wò hwèkàyìrzèlì.

2 Tìmotì 1:16

Nà kanɛ̀ nanù ema Lohwɛ̀ à ùŋmɛ̀lɛ̀ ììlì jà eni ò lìtumba là ama Ònɛ̀rzìhvɔ̀rùrzì, èhwanja à mà hwɛ lì nò ŋgba etèmbè ihvonda jà arzɛ. Mɔ̀ à rzi nò òkanè tɔ̀ ìrzɔnì nanù ema nà hwèlì ò hwèwòwà,

2 Tìmotì 1:8

Ò eŋgànɛ̀lɛ̀ ò rza oka ìrzɔ̀nì ò lì ohweyà hwatò lì hvomɛ̀nɛ̀ Rzàŋgo wà arzu Yerzù Krirztò ndeŋgànɛ̀lɛ̀ ò rza nò òkànà ìrzɔ̀nì, tɔ̀ nɛ nà hwèlì ndi mòtò wà hwèwòwà ò nyòla ama Krirztò. Ndi nà è ŋginyà ema Lohwɛ̀ à mà ò ŋgbɛ, emeyà ò lì taka nà imba nà oma jò òhwa Ŋmɛ̀ndì mò Gbamù.

2 Tìmotì 2:3

O a ajùlɛ̀nɛ̀ mètàkà nàa ŋmanèlì wà njuma wà gbamù wà ama Yerzù Krirztò.

2 Tìmotì 4:17

Ndi Rzàŋgo à mà hwɛ na imba à nò ŋgba hvɛ e ŋginyà. O eŋgànɛ̀lɛ̀ nà mà tànɛyi lì ohwa Ŋmɛ̀ndì mò Gbamù mò arzɛ mò ama Lohwɛ̀ nyayi ema hwaŋga hwatò ema hwa rza enje wònyà Yudà hwà mà mò òkànèyà. Rzàŋgo à mà no rzùŋgà ema hwa rzi no akɛ̀lɛ̀lɛ̀ e mbako ya kpelì.

1 Pètrò 2:12

È hwɛnɛ hwɛ̀ɛ̀mɛ̀ hwe gbamù o ìtììtènì ja hwaŋga hwatò ema hwa rza lòkɛ̀ Lohwɛ̀, aŋga nanù tɔ̀ nɛ wɔ hwa e rzàmba nanù ema e gbeyà wòhwe, wɔ hwa ɛnɛ hwegbèèlì hwe anyu hwe gbamù. Èŋge e gbeyà hwa eka Lohwɛ̀ o wùnyà wo hwejèelì hwe eni.

1 Pètrò 2:14

tɔ̀ o ikìŋgɛ ema i hwèlì o rze ya lìkànèyà la e mòkànèlì mo ndɛɛndɛ, ema hwa omahwi na e kiŋgɛ o lì kɔ̀kìrzɛ̀ hwaŋga hwatò ema hwa gbeyà wòhwe, na o lì eka hwaŋga hwatò ema hwa gbeyà gbamù.

1 Pètrò 3:16

Ndi e gbeye nanù na mèèmà ema me lìhvohwèlì. Inyɔ e gbeyà tɛ nanù, inyɔ e arzihwirzɛ na èluhwe ya arzɛ ndèŋgànɛ̀lɛ̀ inyɔ e lìhvowe mèèmà me anyu o hwatò ema hwa ohwa hweyà hwe wòhwe o lì e teŋgɛ̀nɛ̀ ehwànja e oŋgama Krirztò. Wɔ̀ hwa o òka ìrzɔnì hwa ɛni tɛ hwɛ̀ɛ̀mɛ̀ hwe anyu hwe gbamù.

1 Pètrò 4:15

È hwèlì tɛ nanù ema e taka, e rza hwɛ ndi nanù ema ehwànja inyɔ e oŋwa hwatò, tɔ̀ ehwànja e ma ìhwa, tɔ̀ ehwànja e hwèlì ndi hwatò hwa wòhwe, tɔ̀ ehwànja e hwèlì ŋmalì o hweyà hwe hwatò.