2 Tìmotì 2:3 - Mokpwe: Bakwery (New Testament)

³ O a ajùlɛ̀nɛ̀ mètàkà nàa ŋmanèlì wà njuma wà gbamù wà ama Yerzù Krirztò.

2 Tìmotì 2:3 Mawu Ofanana

Hwègbèèlì 23:31

Hwàŋga hwààna njuma hwà mà gbeyà na òma wɔ̀ hwà mà òhwahwɛlɛ ò lì gbeyà. Hwà mà wòwa Pàwolò wòŋgò wuu rzìi hwa mò jànà natɛ̀ɛ ò mbòwa ndɛnɛ ya Antìpàtrìrzì.

1 Kɔ̀rintìyà 13:7

È mòtò ema a uŋmɛ̀lɛ̀ hwatò e ndìŋgɛ, a rza kìnyɛ̀lɛ̀, a ohvi lì lòkɛ̀ ihvonda ja arzɛ. A hwɛnì lìhvìtà ihvonda ja arzɛ, a kakànà hvɛ hwèèmà hwe arzɛ mèèmà ihvonda ja arzɛ.

1 Kɔ̀rintìyà 9:7

Ima ŋmànèlì hwa njùma a hwèlì, ema mɔndi à hwɛnì lì gbèeyà èwòlò na lì awòmbɛ̀ mɔ̀ ŋmìti e? Ima mòònèlì wa mbòta a hwèlì ema a òna màyi ma hwehvùma rzi a rzì le lòŋgo la hwèŋge hwehvùma e? Ima mɔ̀ɔ̀ŋgèlì wa mɛ̀lɛ̀ŋgù a hwèlì, ema a tànɛyi lì ɔŋgeya lì hwèmba la mɛ̀lɛ̀ŋgù, rzìi a rzi nyɔ lòŋgo la màŋga mànyɔ̀ŋgɔ̀ ma mèŋge mɛ̀lɛ̀ŋgù ma eni e?

2 Kɔ̀rintìyà 1:6

Ò èŋgànɛ̀lɛ̀ rzɔ i lu tɛ mètàkà, è hwèlì ndi ò lì e ètirzɛ mèèmà nà o lì luwa loŋgirzɛ. È hwèlì tɛ ema, Lohwɛ̀ a jo etìrzɛ̀yi mèèmà me arzu mèèmà me anyu meyɔ̀hvɛ me ètìrzɛ̀hwɛ. Àŋga ndi e lùwa màyìmbì mà lì àjùlɛ̀nɛ̀ mòlèmìlèmi mo mètàkà, nà lì kaka là mèèmà, nà oma irzɔ hvɛ i me àjùlɛ̀nɛ̀yi.

1 Tìmotì 1:18

È ŋmanà wà ami, Tìmòtì kòkò hweyà ema nà ohweyà ema ò gbèye, hwe hwèlì ndi hweyà ema Lohwɛ̀ à mà òhweyà hwatò nanù ema e hwa òhweyà ema màmɛ è hwɛni lì gbèyɛ̀nɛ nà ò wà. Inyɛ̀ eŋge mbɔrzi è ò ètìrzɛ̀. Nà oma ò gbeyànà hwèyòkòlèlì hwè jɔ̀kɛ̀ inyɛ hwe ò gbèye ò hwɛ ndi nàa mòtò ema à ana gbamù.

2 Tìmotì 1:1

Imba Pàwolò ema na hwèlì e àpɔ̀rzìtòlò ya ama Yerzù Krirztò ndi na tilì ini itita. Lohwɛ̀ a arzi nanù ema imba na ohwe ŋmɛ̀ndì mò gbamù lì hvomɛ̀nɛ̀ lìŋgi lòŋgɛ ema a ohwi nanù ema i luwa na oma i hwèlì mòtò mɔ̀kɔ na Yerzù Krirztò.

2 Tìmotì 1:8

Ò eŋgànɛ̀lɛ̀ ò rza oka ìrzɔ̀nì ò lì ohweyà hwatò lì hvomɛ̀nɛ̀ Rzàŋgo wà arzu Yerzù Krirztò ndeŋgànɛ̀lɛ̀ ò rza nò òkànà ìrzɔ̀nì, tɔ̀ nɛ nà hwèlì ndi mòtò wà hwèwòwà ò nyòla ama Krirztò. Ndi nà è ŋginyà ema Lohwɛ̀ à mà ò ŋgbɛ, emeyà ò lì taka nà imba nà oma jò òhwa Ŋmɛ̀ndì mò Gbamù.

2 Tìmotì 2:10

O eŋgànɛ̀lɛ̀ na àjùlɛ̀nɛ̀ mono mòtàkà, aŋga nanù hwatò ema Lohwɛ̀ à hvɔ̀rzì wɔ̀hvɛ hwa ò luwa lìrzùŋgàhwa ema lì uwɛ̀lɛ̀lɛ̀yi ò mà Yerzù Krirztò, ndèŋgàna hwa o hwɛ ndi o rze ya èluhwe ya ama Lohwɛ̀ o gbìndèyà na o gbìndèyà.

2 Tìmotì 2:9

Ndèŋgàna, èhwanja na òhwèyà hwatò mono ŋmɛ̀ndì mò gbamù, ɔ̀ndeŋgàtɛ̀ imba na taka, natɛ̀ɛ hwa no kaki iŋgɔkɔhwi ò à ɛnɛ oma na hwèlì ndi mòtò ema a undi mbenda. Ndi tɔ̀ mòtò a rza tànɛyi a kaka Eyà ya ama Lohwɛ̀ na ŋgɔ̀kɔ̀hwi.

2 Tìmotì 3:11

O hwi nɛ hwatò hwa no tàkìrzɛ̀, ndèŋgàna o hwi mètàkà ema imba na lu o tenì ya moŋgo motaka. O hwi lìtumba la hweyà ema hwe ma no gbèyɛ̀nɛ o tenì ya màmbowà mà Antìyɔ̀kì, Ikònìyùmì na Lìrzìtìrà. O hwi nɛ nà mà kake ŋmèma o mètàkà ema nà mà luwe aŋga. Ndi Rzàŋgo Yerzù à mà no rzùŋga o tenì ya meŋge mètàkà me arzɛ.

2 Tìmotì 4:5

Ndi o wa Tìmòtì, o hwɛni lì hwiya lì àwòhvɛ̀lɛ̀ la aŋgɔ̀ ihvonda ja arzɛ. O ajùlɛ̀nɛ̀ mòtàkà, o gbèyè èwòlò ya e mòtò ema a ohweyà hwatò Ŋmɛ̀ndì mò Gbamù mò ama Lohwɛ̀, ndèŋgàna o gbeye hvɛ èwòlò ya arzɛ ema Lohwɛ̀ à mà o òhweyà à mà o gbeye.

Hvìlɛ̀mɔ̀nì 1:2

I kɔ̀mi hvɛ Ahvìyà, e ndòmɛ ya arzu wa ama Krirztò. I kɔ̀mi hvɛ Achipurzi, ema mɔ̀hvɛ a ohwa ŋmɛ̀ndì mò gbamù na e ŋginyà ya eni ya arzɛ na oma irzɔ hvɛ i gbeyà. Ndèŋgànɛlɛ i kɔ̀mɔ̀ hvɛ wònyànyàŋgo hwa arzu hwa ŋmèmba ema hwa tàneya o ndawò ya aŋgɔ.

Hibrù 10:32

Ndi inyɔ e rzi hvoŋga na oma e ma hwɛ o hwèwotèlì ema e ma luwe ŋmàye. O eŋge hvonda tɔ̀ nɛ inyɔ e ma luwe mètàkà me ŋginyà e ma kaka mèèmà.

Hibrù 11:27

Lìlòkɛ̀ lì ɔ̀ndi lì ma gbeyà ema, Morzè mɔ̀ à hwɛmɛ èkomè ya Ìjiptò, e rzi hwɛ tɔ̀ lì oka hwetàtò hwe ama e kiŋgɛ̀ wɔ̀ŋgɔ̀. A ma kaka ŋmèma natɛ̀ɛ a ɛ̀ndɛ nàa e mòtò ema a ɛnɛ Lohwɛ̀ na mììrzɔ̀ ma eni ema tɔ̀ mòtò a rza tànɛyi lì ɛnɛnɛ na mììrzɔ̀ ma eni.

Hibrù 6:15

Abràhamù à mà ambɛ̀lɛnɛ na lì wɛ̀lìrzɛnɛ, o eŋgànɛ̀lɛ̀ à mà lùwa mamɛ ema Lohwɛ̀ à mà mo kàkɛ̀nɛ.

Jèmìrzì 1:12

Mònàmɛ̀ mo hwɛ nà tɔ̀ ima mòtò ema à àjùlɛ̀ o tenì ya màkèkirzɛnɛ, ehwànja a kulɛ tɛ lì aka màŋga makèkirzɛ, Lohwɛ̀ a mo rzaweya morzawelì ema mo hwèlì ndi lòŋgɛ ema mɔ̀ à ohwi nanù ema a ŋgba hwatò ema hwa mo lìŋgàni.