2 Tìmotì 2:22 - Mokpwe: Bakwery (New Testament)

²² Ìi Tìmòtì, o rzi gbeyà hweyà hwe wòhwe ema imberza i gbeyà, ndi o keke ndi lì gbeyà mamɛ ema e hvomɛ̀nɛ̀, o inyàmɛnɛ lìlòkɛ̀ Krirztò o keke lì lìŋgàna hwahvɛhvɛ hwatò, o hwɛ hvɛ ndi o ɛ̀yɔ̀lɛ̀ na tɔ̀ ima mòtò. O nɔ̀ŋge hwene hweyà na hwahvɛhvɛ hwatò ema hwa kanɛ̀lɛ̀lɛ̀ Lohwɛ̀ na ŋmèma mɔ̀kɔ.

2 Tìmotì 2:22 Mawu Ofanana

Hwègbèèlì 7:59

Nà òma hwà mà hwɛ lì aŋgba Rzìtehvànɛ màŋyàyi mɔ̀ à mà hwɛ lì kanɛ̀ nanù ema, “Ìi Rzàŋgò Yerzù, wòwa èlìŋgɛ̀ ya ami.”

Hwègbèèlì 9:14

Ndeŋgànɛlɛ mɔ̀ à jànì wònjà naŋgɛ anu Dàmàrzkɔ̀rzì ema ipìlìrzì ndɛnɛ ì mò ŋgbelì, ò lì ŋgbaŋgɛ hwatò hwa arzɛ ema hwa kanɛ̀ ò lìnà là aŋgɔ̀.”

Ròmànì 14:17

Rzeketɛ lì laa la mòlelì na lì nyɔ la mimba ndi lì hwèlì wòlìtò ò lìkànèyà la ama Lohwɛ̀. Ndi hweyà ema hwe hwèlì wòlìtò hwe hwèlì ndi ò lì hwɛnɛ hwɛ̀ɛ̀mɛ̀ ema hwe enyòhwɛ̀nɛ̀ ò wòrzò wò ama Lohwɛ̀, ò lì hwɛ ò ɛ̀yɔ̀lɛ̀, nà ò mɔ̀nyɛ̀ŋgì ema Èlìŋgɛ̀ yà Wòtani e ŋgba.

Ròmànì 14:19

O èŋgànɛ̀lɛ̀ inyɛ i hwɛ ndi ò lì atàkìrzɛ̀ ò lì keka lì gbeyà mamɛ ema e jànà ɛ̀yɔ̀lɛ̀ na ema hwe jò òŋgòwànà ò lì embɛ mɔ̀kɔ na ɔ̀nɛyi.

1 Kɔ̀rintìyà 1:10

Wònyamòwè kòkò, nà è atɛkɛ ò lìnà là ama Rzàŋgo wà arzu Yerzù Krirztò, inyɔ hwa arzɛ, è ohwe ndi eyà yɔ̀kɔ, aŋga nanù ò rza hwɛ tɔ̀ mbùnakɛ̀ tɔ̀ hvɔ̀kɔ ò ìtììtènì jà anyu. È hwɛnɛ lì ahvìyànɛ̀ ema lì ondi nà lì lùtèyà, nà etɔ̀ti yɔ̀kɔ, ò mamɛ yà arzɛ ema yà rza lì gbeyà.

1 Kɔ̀rintìyà 1:2

Nà tìleya ndi ŋmèmba mò hwatò hwa Lohwɛ̀ ema mò hwèlì ò mbowà ndɛnɛ̀ yà Kɔ̀rintò. Inyɔ ema è hwɛ̀lɛ̀hwɛ̀yi nà Lohwɛ̀ ò lì hwɛ hwatò hwa eni hwa wòtani. À è gbèyi wòrzaŋgi èhwanja e ahviyànɛ nà Yerzù Krirztò. Nànù mɛnɛ hvɛ ndi à hvɔ̀rzì hwatò hwa arzɛ o èki ya arzɛ ema hwa kanɛ̀ o lìna la ama Rzàŋgo Yerzù Krirztò. È Rzàŋgo ya awu nà è yà arzù.

1 Kɔ̀rintìyà 10:14

Ò èŋgànɛ̀lɛ̀ rzɔ wònyamòwè kòkò e rzi keka lì kànɛlɛlɛ hwèrzùmbu.

1 Kɔ̀rintìyà 14:1

Inyɛ̀ e nyɔ̀ŋgi ya anyu e hwɛ ndi e ndìŋgɛ ya lì lìŋgana hwatò. Ndi e hwɛnì hvɛ lì ohva èŋge nyɔ̀ŋgi ya màhwèyà ema mà uwɛ̀lɛ̀lɛ̀yi o èlìŋgɛ̀ yà wòtani. Rzɛhvɔ̀ni jàhwèyà ja lì ohwà o lì wùlùwà ŋmɛ̀ndì mò ama Lohwɛ̀.

1 Kɔ̀rintìyà 6:18

È rzɔ̀rzè mòrzònje. Tɔ̀ ima nyayi ya wòhwe ema mòtò a gbeyà mo rzà mò hvàŋga è nyo yà eni nàa wòhwe wo mòrzònje wo gbeyà ndi è mòtò ema à gbeyà ndi mòrzònje, à gbeyà wòhwe lì teŋgɛ̀nɛ̀ e nyo yà èni.

1 Tìmotì 1:14

Rzàŋgo ya arzu a ma no ŋgba e ndèli ya eni ema e rza ohvɛɛ lìmɛni. A no gbèyi hvɛ nanù ema na mo lòkɛ̀ na o lì lìŋgana hwahvɛhvɛ hwatò èhwanja i hwèlì mɔ̀kɔ na Yerzù Krirztò.

1 Tìmotì 1:5

Lìtìŋga ndèŋgàtɛ̀ nà mà e ohweyà ema o òkolɛ hwatò hwèyòkòlèlì hwe jɔ̀kɛ̀ hwe hwèlì ndi nanù ema, hwatò hwa alìŋgànɛ mɔ̀kɔ na ɔ̀nɛyi. È hwɛni lì hwɛnɛ ndìŋgɛ ema e uwɛ̀lɛ̀lɛ̀yi o ŋmèma ema me rzaŋgi, ŋmèma ema mo hwi mamɛ e hvomɛ̀nɛ̀ na mamɛ ema e rza hvomɛ̀nɛ̀, na ŋmèma ema mo hwi lì lòkɛ̀ ema lì hwèlì e jɔ̀kɛ̀.

1 Tìmotì 2:8

Tɔ̀ ima èki ema hwatò hwa Krirztò hwa arzàŋganɛ, imba na arza nanù ema wunyanà ema hwà mà aŋgbɛ wɔ̀ hwiti o lì gbèeyà Lohwɛ̀ hwa karzɛ màà mà awu o ŋmanyu o lì kànɛ̀. Hwàŋga hwatò hwa rza hwɛni lì hwɛnɛ hwetato ò ŋmèma tɔ̀ lì hwɛ hwatò ema hwa tɔ̀wɔ.

1 Tìmotì 4:12

O rzìi keka lì emeyà nanù ema tɔ̀ mòtò tɔ̀ mɔ̀kɔ a o ndinde èhwanja o hwèlì ndi mberza. Ndi o uŋmɛ̀lɛ̀ hwatò ema hwa lòkɛ̀yì ɛ̀ɛ̀mɛ̀ ya gbamù aŋga nanù wɔ̀ hvɛ hwa gbeyà molemilemi. Hweyohwèlì hwe aŋgɔ̀, ɛ̀ɛ̀mɛ̀ ema o òhvi, hwèlìŋgànèlì hwe aŋgɔ̀ hwe hwatò, lì lòkɛ̀ la aŋgɔ̀ na Lohwɛ̀ ndèŋgàna na oma o rza gbeyà hweyà hwe mbindo hwe hwɛni ndi lì hwɛ nàa embànèlì o hwatò ema hwa lòkɛ̀.

1 Tìmotì 6:11

Ndi o wa Tìmòtì, mòtò wa Lohwà, o hwɛni lì tinda hweŋge hweyà hwe arzɛ hwe wòhwe. Keka o lì gbeyà nanù ema o gbèyi ndi mamɛ ema e hvomɛ̀nɛ̀ o worzo wo ama Lohwɛ̀, gbeyà ndi na oma Lohwɛ̀ a arza nanù ema o gbeye. Lòkɛ̀ Krirztò, o lìŋgàne hvɛ hwatò, o hwɛ ndi o lì àjùlɛ̀ ihvonda ja arzɛ, o arzìirzɛ̀.

Hibrù 12:14

È keke e hwɛnɛ ɛ̀yɔ̀lɛ̀ na hwatò hwa arzɛ na lì lìya lòŋgɛ la wòtani, èhwanja hwaŋga ema hwa rza nɔ̀ŋgɔ lòŋgɛ la wòtani hwa rza o ɛnɛ e Rzàŋgo.

1 Pètrò 2:11

Imbùnda ja ami kòkò, na arza nanù ema e rzɔ̀ŋgìtɛ̀nɛ̀ nanù ema e hwèlì ndi hwàyɛ̀nì, inyɔ e aka ndi lì aka anu rze ya mɔ̀nyɛ̀. O eŋgànɛ̀lɛ̀ e rzi ika mèèmà me anyu o hweyà hwe e nyo ya e mòtò wa hwènàmà ehwànja eŋge e anana hwèlìŋgɛ̀ hwe anyu.

1 Pètrò 3:11

Inyɛ̀ mɔ̀ à hwɛmɛ o lì gbeyà wòhwe a à gbeyà ndi hweyà hwe gbaamù. A àŋgàmɛ̀nɛ̀yi lì keka lì hwɛ o ɛ̀yɔ̀lɛ̀ na hwatò hwa arzɛ.

3 Yòwanìrzɛ̀ 1:11

È mbunda ya ami kòkò, o rza embàneyà wòhwe ema hwatò hwa gbeyà, ndi o embàneyà hweyà hwe gbamù ema hwatò hwa gbeyà. Tɔ̀ njɛnɛ ema a gbèyi gbamù e uŋmɛ̀lɛ̀ ndi nanù ema a hwèlì ndi e ŋmanà wa ama Lohwɛ̀. Tɔ̀ njɛnɛ hvɛ ema a gbeyà wòhwe, wòhwe wo eni wo uŋmɛ̀lɛ̀ ndi nanù ema mɔ̀ à rza hwi Lohwɛ̀.