2 Tìmotì 2:21 - Mokpwe: Bakwery (New Testament)

²¹ Tɔ ima mòtò ema a rzɔnjɛ̀lɛ̀ lì gbeyà la hweyà hwe mbindo, à ò hwɛ ndi nàa màlùkù mà mèyɔnjɔ ema me gbeyànɛhwɛ o ndèma yà towotowo. Oŋgo mòtò a ondi wòrzaŋgi ndèŋgàna e Rzàŋgo ya eni e mo gbeyàna. Ndèŋgana oŋgo mòtò a woŋgirzɛnɛyi o lì gbeyà eyà yà gbamù o tɔ̀ ima hvonda.

2 Tìmotì 2:21 Mawu Ofanana

Hwègbèèlì 9:15

Ndi Rzàŋgò à mà òhweyà Ànàniyarzì nanù ema, “Ɛ̀ndɛ̀, èhwanja nà mà hvɔ̀rzɔ̀ ònò mòtò ò lì nò gbèeyà. Mɔ̀ à ò gbeyà hwaŋga hwatò ema hwa rza enje wònyà Yudà, ikìŋgɛ̀ jà awu, nà wònyà Yudà ò lì nò hwiya.

1 Kɔ̀rintìyà 5:7

È ulɛ èŋge ehwindi ya elùnì aŋga nanù e hwɛ ndi nàa, lìwu la mbarzi hvènya ema e rza hwɛnɛ tɔ̀ ehwindi, nanù ndi inyɔ e hwèlì na e jɔ̀kɛ̀. È hwèlì ndi nanù èhwanja Krirztò ama ŋwèeyà ndi o wòhwe wo anyu. Mɔ̀ à mà hwɛ ndi nàa mɔlɛ̀ŋgu mo jàhwèyà mo è Ndèma yà lì Akà Ɔ̀nɛ̀yi o nyòla wòhwe wo hwatò.

2 Kɔ̀rintìyà 7:1

Ìi Wònyamòwè kòkò, nà oma Lohwɛ̀ a ohwi ama mɔ̀ ndi à hwèlì e Tatɛ̀ ya arzu, irzɔhvɛ i hwɛ hwàanà hwa eni. Inyɛ̀ i rzɔnjɛ̀lɛ̀ hweyà ema hwe rzɔkɔ i nyo na hwèlìŋgɛ̀ hwe arzu. Inyɛ̀ i luwɛ Lohwɛ̀ na lì hwɛnɛ lòŋgɛ ema lì tani. Ène ŋgàna ndi e jo gbeyà o lì kanɛ̀ Lohwɛ̀ na oma ya àrzàhweyà.

2 Kɔ̀rintìyà 9:8

Lohwɛ̀ a e ŋgba hwèèmà hwe arzɛ ema e arza, aŋga nanù oma inyɔ e ma ohva hwèèmà hwe arzɛ ema ya arza, oma inyɔ hvɛ e ma oŋgòwànà hwahvɛhvɛ hwatò. Ène ye e gbeyà nanù ema e gbèeyà hwatò hweyà hwe rzayi-rzayi hwe gbamù.

Ɛ̀hvìrzìyà 2:10

Lohwɛ̀ à mà jo wèka o lì hwɛ mamɛ ema i hwèlì naŋgɛ. Nà oma i hwèlì mɔ̀kɔ na Yerzù Krirztò, mɔ̀ à jo ŋgbelì lòŋgɛ aŋga nanù, i gbeyà hwèwòlò hwe gbamù nanù ndi Lohwɛ̀ à mà tɛ̀yirzɛ natɛ̀ɛ na e hvonda ya koohwa ema i luwa ene tumba ɛ̀ɛ̀mɛ̀ o lòŋgɛ.

1 Tìmotì 6:11

Ndi o wa Tìmòtì, mòtò wa Lohwà, o hwɛni lì tinda hweŋge hweyà hwe arzɛ hwe wòhwe. Keka o lì gbeyà nanù ema o gbèyi ndi mamɛ ema e hvomɛ̀nɛ̀ o worzo wo ama Lohwɛ̀, gbeyà ndi na oma Lohwɛ̀ a arza nanù ema o gbeye. Lòkɛ̀ Krirztò, o lìŋgàne hvɛ hwatò, o hwɛ ndi o lì àjùlɛ̀ ihvonda ja arzɛ, o arzìirzɛ̀.

2 Tìmotì 2:16

O rzɔnjɛ̀lɛ̀ imbɔrzi ja arzɛ ja èèti na mbɔrzi ema i rza ohvɛ wòlìto, èhwanja hwatò hwa ohwa tɛ iŋgi tumba ja mbɔrzi eŋge e hwa gbeyà ndi o lì gbeyà hweyà ema Lohwɛ̀ a rza arza nanù ema hwa gbeye.

2 Tìmotì 2:20

O tenì ya e ndawò yà mòndɛnɛ, lòŋgo là màluku mà mèyɔnjɔ ma gbeyànɛhwɛ ndi na gòòlù, lòŋgo mà hvomàhwi ndi na hwèeye, lòŋgo hvɛ mà gbeyànɛhwɛ ndi na mɔ̀nyɛ̀ mò jèka. Hwa gbeyàna lòŋgo ò hvonda ya ndèma hwenɛyi hvɛ tɔ̀ ima lìrzàkò la hvonda.

2 Tìmotì 3:17

Eyà ya Lohwà e oŋgowàna aŋga nanù, e mòtò ema a gbèeyà Lohwɛ̀, a hwɛni lì awombɛlɛ, o lì gbèeyà hwèwòlò hwe arzɛ hwe gbamù.

2 Tìmotì 4:11

Lukàrzɛ̀ mɛnɛ ndi à hwèlì na imba. O jà tɛ o jàne Màkòrzì, èhwanja à ò nò oŋgòwànà o èwòlò ema na hwɛni.

Tàyìtùrzì 3:1

Ìi Tàyìtùrzì kòkò, o ɔ̀ŋgɛ̀lɛ̀nɛ hwatò nanù ema hwa arzìhwìrzɛ̀lɛ̀lɛ̀ hwàkànèlì nà hwàtìmbèlì hwa awu. È hwa hweyàne, na o lì wòŋgirzɛnɛ o lì gbeyà tɔ̀ mamɛ ema e hwèlì gbamù.

Tàyìtùrzì 3:14

Ndèŋgànɛ̀lɛ̀ o gbeye hwatò hwa arzu o lì okowa o lì gbeyà hweyà hwe gbamù. Wɔ̀ hwa àŋgàmɛ̀nɛ̀yi lì oŋgòwànà o lì gbeyà hweyà ema hwe arzahwa nanù ema mòtò a hwe gbeye. Wɔ̀ hwa rza gbeyà hweyà hwe ŋgàndi.

Tàyìtùrzì 3:8

Hwène hweyà hwe arzɛ ema nà mà ohwɛ hwe hwèlì ndi e jɔ̀kɛ̀. Nà arza ema e ùkirzɛ̀lɛ̀lɛ̀ hwene hweyà nɔ̀ke-nɔ̀ke aŋga nanù, hwaŋga ema hwà mà lòkɛ̀ Lohwɛ̀ hwa o aŋgowa o lì aŋgbɛ wɔ̀ hwiti o lì gbeyà mamɛ ema e hvomɛ̀nɛ̀. Nànù ndi i gbeye ndèŋgànɛ̀lɛ̀ nanù ndi hwe jànà hwatò hwa arzɛ mɔ̀rzɛ̀ŋgi.

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.

1 Pètrò 1:7

Lìtìŋga la manù màkèkìrzɛnɛ lì hwèlì ndi o lì e kèkirzɛ lìlòkɛ̀ la anyu o lì uŋmɛ̀lɛ̀ nanù ema lìlòkɛ̀ la anyu lì imbami na e jɔ̀kɛ̀. È gòòlù e tanɛ e hwɛ wòhwe ndi tɔ̀ nanù hwa e rzɛ̀lɛ̀ o mùnya o lì e rzàŋgìrzɛ, hwa tanɛ tɛ lì gbeyà gòòlù nanù, eŋge ŋgànà e hwèlì ndi nanù ema hwa àŋgàmɛ̀nɛ̀ lì e kèkirzɛ̀ lìlòkɛ̀ la anyu aŋga nanù lìlòkɛ̀ la anyu lì imbama ehwànja lìlòkɛ̀ la anyu lì akayi e gòòlù. È hwèlì tɛ nanù ema lìlòkɛ̀ la anyu lì akayi màkèkìrzɛ̀nɛ̀ aŋga nanù Lohwɛ̀ a e eka, mɔ̀ à e ŋgba ŋginyà na èluhwe e hvonda ema Yerzù Krirztò a o àwùlùhwɛlɛlɛ̀ hwatò hwa arzɛ hwa e rze ya mɔ̀nyɛ̀.

1 Yòwanìrzɛ̀ 3:3

Tɔ̀ njɛnɛ ema a hwɛni lìni lìhvìtà o ma Krirztò, a arzàŋgìrzɛ̀ mɔ̀ ŋmìti ŋgànà hvɔ̀kɔ hvɛ na oma Krirztò a rzàŋgi.