2 Tìmotì 2:11 - Mokpwe: Bakwery (New Testament)

¹¹ Hwene hweyohwèlì hwe hwèlì ndi e jɔ̀kɛ̀ nanù ema, “È hwèlì tɛ ema, irzɔ i ŋwelì na Krirztò, nanù oma jo ò hwɛ o lòŋgɛ na mɔ̀.

2 Tìmotì 2:11 Mawu Ofanana

Yòwanìrzɛ̀ 14:19

O rza wòwa hvònda hvɛ, e rze e rza ò nò ɛnɛ hvɛ. Ndi inyɔ e nò ɛnɛ. Èhwanja na hwèlì lòŋgɛ, inyɔ hvɛ e ò hwɛ lòŋgɛ.

Ròmànì 6:5

O èŋgànɛ̀lɛ̀ rzɔ, irzɔ ima jà tɛ mɔ̀kɔ na mɔ̀ ò kpelì ya eni, ò tɛ̀ɛ̀tɛ̀ɛ jò ò hwɛ hvɛ mɔ̀kɔ na mɔ̀ ò hwèhvùmùwèlì wa eni.

Ròmànì 6:8

Nàŋgɛ na òma irzɔ i ma ŋwɛɛ na Krirztò, i lòkɛ̀ nanù ema jò ò hwɛ hvɛ ò lòŋgɛ na mɔ̀.

2 Kɔ̀rintìyà 13:4

È hwèlì ndi e jɔ̀kɛ̀ nanù ema Krirztò nàa mòtò wa hwènàmà a rzi hwɛnɛ ŋginyà e hvonda ema hwà mà no wòmeyà o mbarza. Ndi tɔ̀ nanù a hwèlì lòŋgɛ o nàŋgɛ, ndi tɔ̀ na oma a hwèlì lòŋgɛ nanù, èhwanja Lohwɛ̀ à mà gbeyàna e ŋginyà ya eni o lì mo timbirzɛhwɛ o lòŋgɛ. Nà oma i hwèlì ndi mɔ̀kɔ na Krirztò, irzɔ hvɛ nàa hwatò hwa hwènàmà i rza imbami. Ndi irzɔ hvɛ jo ò hwɛ o lòŋgɛ na Krirztò o ŋginyà ya ama Lohwɛ̀, ndèŋgànɛlɛ jo ò e gbeyà hweyà hwe arzɛ ema i hwɛni lì e gbèeyà.

2 Kɔ̀rintìyà 4:10

Tɔ ima èki ema i ɛndɛ o lì ohwa ŋmɛ̀ndì mò gbamù, i e ohvi o mèèmà me arzu nanù ema hwatò hwa arza ndi lì jo òŋwa na oma hwà mà oŋwe Yerzù. Àŋga nanù hwatò hwa hwiya nanù ema, Yerzù a hwèlì lòŋgɛ. Mo ndi à hwèlì e mo ema a jo ika e ŋginyà o tenì, na oma i rzɔ i hwèlì lòŋgɛ.

1 Tɛ̀rzàlonìyà 4:17

O mburza nanù, irzɔ ema i hwèlì lòŋgɛ o rze yà mɔ̀nyɛ̀, jo ò hwa làta, ndèŋgànɛ̀lɛ̀ jo ò agba o ŋmanyu o tenì ya lìmbàki o lì uŋmànɛlɛ Krirztò o yulùlì. Ndèŋgànɛ̀lɛ̀ nanù ndi jo ò hwɛ na Rzàŋgo natɛ̀ɛ nà ò gbìndèyà.

1 Tɛ̀rzàlonìyà 5:10

Yerzù à mà jo ŋwèeyà aŋga nanù, i hwɛ lòŋgɛ tɔ̀ i ŋwa, e hvonda ema a o jɛ̀ɛ̀, irzɔ jo ò hwɛ na mɔ̀.

1 Tìmotì 1:15

Hwèyòhwèlì hwe jɔ̀kɛ̀ hwène, ema irzɔ i hwɛni lì èmeyà nà lì lòkɛ̀ kɔ̀yi-kɔ̀yi. Yerzù Krirztò à mà jà ò rze ò lì rzùŋga hwatò hwa wòhwe. Imba ndi nà hwèlì è mɔ̀ ema wòhwe wò eni wò koki lì aka wòhwe wò hwahvɛhvɛ hwatò.

1 Tìmotì 3:1

Hweyohwèlì hwe jɔ̀kɛ̀ hwe ene. Tɔ̀ ima mòtò ema a arza o lì hwɛ e mòtimbèlì o ŋmèmba, nanù oma a hvɔ̀rzì ndi èwòlò ya gbamù.

Tàyìtùrzì 3:8

Hwène hweyà hwe arzɛ ema nà mà ohwɛ hwe hwèlì ndi e jɔ̀kɛ̀. Nà arza ema e ùkirzɛ̀lɛ̀lɛ̀ hwene hweyà nɔ̀ke-nɔ̀ke aŋga nanù, hwaŋga ema hwà mà lòkɛ̀ Lohwɛ̀ hwa o aŋgowa o lì aŋgbɛ wɔ̀ hwiti o lì gbeyà mamɛ ema e hvomɛ̀nɛ̀. Nànù ndi i gbeye ndèŋgànɛ̀lɛ̀ nanù ndi hwe jànà hwatò hwa arzɛ mɔ̀rzɛ̀ŋgi.