2 Tìmotì 2:10 - Mokpwe: Bakwery (New Testament)

¹⁰ O eŋgànɛ̀lɛ̀ na àjùlɛ̀nɛ̀ mono mòtàkà, aŋga nanù hwatò ema Lohwɛ̀ à hvɔ̀rzì wɔ̀hvɛ hwa ò luwa lìrzùŋgàhwa ema lì uwɛ̀lɛ̀lɛ̀yi ò mà Yerzù Krirztò, ndèŋgàna hwa o hwɛ ndi o rze ya èluhwe ya ama Lohwɛ̀ o gbìndèyà na o gbìndèyà.

2 Tìmotì 2:10 Mawu Ofanana

Matiyò 24:22

Ndi Lohwɛ̀ à mà màa lì utulɛ merzɔ̀ŋgi me meŋge mèenyà me mòhvùŋgu. A rzi gbèèye tɛ nanù, ò ma tɔ̀ mòtò a rza ò kàrzòwà. Ndi Lohwɛ̀ a ò utulɛ meŋge menya ò nyòla hwatò hwa eni ema mò a hvɔ̀rzì.

Matiyò 24:24

Èhwanja rzayi-rzayi ja hwatò hwa ò wurza lì kɔ̀ hweyà a lì òhwa ema wɔ̀ ndi hwa hwèlì hwaŋga ema hwa ɔ̀kirzɛ̀hwɛyi. Nà hwà-òhwèlì hwa hwèlìŋgɛ̀ hwa mòlaŋgà hwa ò wurza, hwa ò gbeyà hweyà hwe ndɛnɛ hwe mànyakà nà lì uŋmɛ̀lɛ̀ hwèembànèlì hwe ndɛnɛ hwe mànyakà. Hwa ò gbeyà ndi nanù ò lì lùkɛlɛ hwatò ema Lohwɛ̀ a hvɔ̀rzì, wɔ hwa lu tɛ njiya ya lì hwa lukɛlɛ.

Matiyò 24:31

Lìyɔ̀mi lì ndɛnɛ lì ò tòŋga, ndèŋgànà mɔ̀ à ò òma i aŋgèlì ja eni ò marzuku ma aniyɛ ma ene rze ò lì rzàŋga hwatò hwa eni ema Lohwɛ̀ à mà hvɔ̀rzɛ̀ lì wòteyà njuka hvɔ̀kɔ na enɛyi ja ene rze ya arzɛ.”

Lukàrzɛ̀ 18:7

Rzèke Lohwɛ̀ hvɛ à ò rzùulɛ̀ hwatò hwa eni ema a hvɔ̀rzì e? Hwàŋga hwatò ema hwa mò èyeyàa ŋmerze nà wuu, a ò lìya ema a rza hwa alàhwɛ̀ e?

Lukàrzɛ̀ 22:57

Pètrò à mà hvèyìŋgòwa, rzìi à òhwa nanù ema, “Ìi mòlanà, nà rza mò hwi à hwiyà.”

Yòwanìrzɛ̀ 11:52

Rzekɛtɛ ò wònyà Yudà mɛnɛ ndi ò lì rzàŋga hwatò hwa arzɛ hwa ama Lohwɛ̀ ema hwa wuhwèlì ò èki yɔ̀kɔ, aŋga nanù hwa hwɛ mòtò mɔ̀kɔ.

Yòwanìrzɛ̀ 17:24

Ìi Tatà ò nò ŋgbelì e wɔ̀, na arza nanù ema, hwa hwɛ na imba èki ema imba na hwèlì, aŋga nanù hwa ɛnɛ èluhwe ya ami. O ma nò ŋgbà èluhwe èhwanja ò ma nò lìŋgana ndèŋgàna e rze ye e wekahwa.

Yòwanìrzɛ̀ 17:9

Nà hwa kànɛlɛlɛyi. Nà rza kànɛlɛlɛ hwatò hwa e rze ndi na kànɛlɛlɛ ndi hwaŋga ema ò nò ŋgbelì, èhwanja hwa hwèlì ndi e hwa aŋgɔ.

Ròmànì 2:7

Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

Ròmànì 9:23

Ndeŋgàna Lohwɛ̀ à mà arza hvɛ ò lì wuluhwa èluhwe ya eni ndɛnɛ, ò hwatò ema mɔ̀ à mà uŋmɛ̀lɛ̀ ŋmèma mò eni mò gbamù. A ma màa lì wòŋgirzɛnɛ hwaŋga hwatò ò lì luwa èluhwe ya eni.

1 Kɔ̀rintìyà 1:21

Kànatɛ̀ Lohwɛ̀, ò lìhwiyè là eni à mà ɛnɛ nanù ema, hwatò hwa ene rze hwa rza ò tànɛ lì gbeyàna lìhwiyè là awu ò lì mò hwiya, Lohwɛ̀ à lòmi lì kàkɛ̀nɛ̀ nanù ema à rzùŋgà mòŋgɛ mà hwatò ema hwa mò lòkɛ̀, nà oma wɔ̀ hwa hweyà ŋmɛ̀ndì ema jò òhwa lì hvomɛ̀nɛ̀ Krirztò. Tɔ̀ nɛ hwatò ema hwa rza hwiyɛ Lohwɛ̀, hwa ohwa ndi ema ŋmɛ̀ndì mò hwatò hwa èètì ɔ̀ndi irzɔ jò òhwa.

1 Kɔ̀rintìyà 9:22

Nà hwèlì tɛ na hwaŋga hwatò ema hwa rza imbamɛ o lì lòkɛ̀, imba hvɛ na hwɛ ndi nàa mɔ̀kɔ hwa awu ema a rza imbamɛ o lì lòkɛ̀, èhwanja na arza ema wɔ̀ hwa lòkɛ̀ Krirztò. Ɛ̀ɛ, na hwèlì na keka o lì arza ema na hwɛ nàa tɔ̀ ima mòtò ema na ùŋmanɛlɛyi. O lì gbeyà hvɛ hweyà hwe arzɛ ema na tànɛyi lì gbeyà o lì rzùŋgà lòŋgo la hwatò.

2 Kɔ̀rintìyà 1:6

Ò èŋgànɛ̀lɛ̀ rzɔ i lu tɛ mètàkà, è hwèlì ndi ò lì e ètirzɛ mèèmà nà o lì luwa loŋgirzɛ. È hwèlì tɛ ema, Lohwɛ̀ a jo etìrzɛ̀yi mèèmà me arzu mèèmà me anyu meyɔ̀hvɛ me ètìrzɛ̀hwɛ. Àŋga ndi e lùwa màyìmbì mà lì àjùlɛ̀nɛ̀ mòlèmìlèmi mo mètàkà, nà lì kaka là mèèmà, nà oma irzɔ hvɛ i me àjùlɛ̀nɛ̀yi.

2 Kɔ̀rintìyà 12:15

Nà o òka mɔ̀nyɛ̀ŋgì o lì gbeyàna tɔ̀ ima yoma ema na ohvi tɔ̀ e nyo ya ami o lì e oŋgòwànà. Nà e lìŋgàni tɛ rzayi-rzayi, rzeke inyɔ hvɛ e hwɛni o lì no lìŋgàna rzayi-rzayi.

2 Kɔ̀rintìyà 4:15

Mene Metaka me arzɛ ema i hwèlì i luwa nanù, me hwèlì ndi o lì e oŋgòwànà. Àŋga nanù rzayi-rzayi ja hwatò hwa hweyi tɛ eyà ya ama Lohwɛ̀, ììlì ja ama Lohwɛ̀ i hwa gbeyà hwa luwa lì làkìrzɛ̀ o wòhwe, ndèŋgànà hwa mo eka rzayi-rzayi. Ène eyà e gbeyà rzayi-rzayi ja hwatò hwa o eka Lohwɛ̀.

2 Kɔ̀rintìyà 4:17

Hwanu hwàna hwa mètàkà rzɔ ema i taka nàŋgɛ, rzeketɛ e meyɔ ema i tàkìrzɛ̀ mèèmà o lùuŋga. I taka o nàŋgɛ, ndi èluhwe ema e o hwɛ na irzɔ e o koka nyàyi ema i rza o ɔ̀ŋgɛ̀lɛ tɔ̀ mene mètàkà ema i luwa nàŋgɛ anu rze. Ndèŋgànà ene èluhwe e o hwɛ na irzɔ o gbìndèyà.

Ɛ̀hvìrzìyà 3:13

Ò èŋgànɛ̀lɛ̀ rzɔ nà è àtɛ̀kɛ̀ ema, è rzi tùùhweyà ŋmèma èhwanja mètàkà ema nà lùwa inyɔ ndeŋgatɛ nà mè lùwa. Imba nà hwèlì ndi ò lì è tàkeyà. Moŋgo mòtakà mɔ̀ ndi mò è jàneyà mɔ̀rzɛ̀ŋgi.

Kòlòrzìyà 1:24

Ò naŋgɛ nanù nà oka mɔ̀nyɛ̀ŋgi ò nyòla mòtàkà ema nà lùwa ò lì è hvomɛ̀nɛ̀. Nà oma nà lùwa mono mòtàkà nanù, nà mà kulɛ̀ mòtàkà mò ama Yerzù ema mò àŋgàmɛ̀nɛ̀yi lì hwɛ, ò nyo yà eni, eŋge ŋgànà è hwèlì ndi nanù ema hwatò ema hwa mò lòkɛ̀yì Krirztò.

Kòlòrzìyà 1:27

Lohwɛ̀ à arza nanù ema hwatò hwa eni hwa hwiye nanù ema mònàmɛ̀ nà è ndèli yà ama Krirztò è hwèlì hvɛ nanù mɛnɛ ò hwatò ema hwa rza enje wònyà Yudà. È wùndɛ̀ ema è hwèlì ò tenì è hwèlì ndi ema inyɔ e ika mèèmà mè anyu nanù ema, inyɔ è lùwa è ndèli ema Lohwɛ̀ à ohwi nanù ema à ŋgba hwatò wà eni.

1 Tɛ̀rzàlonìyà 5:9

Lohwɛ̀ à mà tɛ̀yirzɛ nanù ema a jo rzùŋgà o lì akeyà na Rzàŋgo wa arzu Yerzù Krirztò. A rzi jo tɛ̀yirzɛ nanù ema hwètàtò wa eni hwe o jo rzihweyà.

2 Tɛ̀rzàlonìyà 2:14

Lohwɛ̀ à mà è hvɔ̀rzɔ̀ ò lì luwa mòrzùŋgèlì ò lì akeyà nà Ŋmɛ̀ndì mò Gbamù ema ì mà è ohweyà. Mɔ̀ à mà gbeyà ndi nanù, aŋga nanù inyɔ hvɛ è ò hwɛ ò rze yà èluhwe yà ama Rzàŋgo wà arzu Yerzù Krirztò.

2 Tìmotì 1:1

Imba Pàwolò ema na hwèlì e àpɔ̀rzìtòlò ya ama Yerzù Krirztò ndi na tilì ini itita. Lohwɛ̀ a arzi nanù ema imba na ohwe ŋmɛ̀ndì mò gbamù lì hvomɛ̀nɛ̀ lìŋgi lòŋgɛ ema a ohwi nanù ema i luwa na oma i hwèlì mòtò mɔ̀kɔ na Yerzù Krirztò.

2 Tìmotì 2:1

Ìi Tìmòtì kòkò, e ndèli ema Yerzù Krirztò a o ŋgbelì e hwɛ ndi nanù mɛnɛ o lì o ètìrzɛ̀.

2 Tìmotì 2:3

O a ajùlɛ̀nɛ̀ mètàkà nàa ŋmanèlì wà njuma wà gbamù wà ama Yerzù Krirztò.

Tàyìtùrzì 1:1

Ìmba Pàwolò ema nà hwèlì e mògbèèlì wà ama Lohwɛ̀ nà è àpɔ̀rzìtòlò ya ama Yerzù Krirztò ndi nà tilì ene kààtì. Yerzù ndi à mà nò hvɔ̀rzɔ̀ rzìi à nò oma o lì ɛndɛ lì ètìrzɛ̀ lìlòkɛ̀ la hwatò ema Lohwɛ̀ à mà hvɔ̀rzɛ̀, nà o lì hwa oŋgowàna o lì hwiya e jɔ̀kɛ̀ lì hvomɛ̀nɛ̀ Yerzù, na o lì gbeyà na oma Lohwɛ̀ a àrzeyà.

1 Pètrò 2:10

O hvonda hvɔ̀kɔ, inyɔ e rzi hwɛ tɔ̀ hwatò hwa ama Lohwɛ̀, ndi o naŋgɛ e ma timba ndi hwatò hwa eni. O hvonda hvɔ̀kɔ ììlì ja ama Lohwɛ̀ i rzi e uke, ndi o naŋgɛ inyɔ e ma luwa ììlì ja eni.

1 Pètrò 5:10

È takà ndi meŋge mètàkà me rza inda. O mburza nanù, Lohwɛ̀ ema a ŋgba e ndèli ya arzɛ, mɔ̀ ŋmìti a e ŋgba tɔ̀ mamɛ ema e wɔ̀lɛnɛ. A gbeye ema a e ètìrzɛ̀ na lì e tɛmirzɛ gbamù. A hwèlì ndi Lohwɛ̀ ema e ndèli ya eni e lòŋgamɛnɛ tɔ̀ ima mòtò ndèŋgànɛ̀lɛ̀ eŋge ndèli e hwèlì o ihvonda ja arzɛ. Mɔ̀ ndi à e hvɔ̀rzì o lì luwa èluhwe ya eni ema e rza kuwa. Ndeŋgànɛ̀lɛ̀ ye e luwa ehwànja e hwèlì na Krirztò.