2 Tìmotì 1:7 - Mokpwe: Bakwery (New Testament)

⁷ Lohwɛ̀ à rza jò gbèyi ndi nà nanù ema jò òke wɔ̀ŋgɔ̀ ò lì mò gbèeyà. Ndi èlìŋgɛ̀ ya eni è mà jò ŋgba ŋginyà ò lì mò gbèeyà, è mà jo gbeyà nanù ema irzɔ i lìŋgàne hwatò, è mà jò gbèeyà nanù ema jà alɛ̀mbɛ irzɔ hwiti.

2 Tìmotì 1:7 Mawu Ofanana

Lukàrzɛ̀ 10:19

È hwiyè ema! Nà è ŋgbelì è wònjà ò lì làalàna maàhwa, nà mawòhwɛ̀ ma mèhvèndò nà lì akà ì ŋginyà ja amà Mòkarzɛ̀ ja arzɛ e rzì hwɛ lì hwènà.

Lukàrzɛ̀ 15:17

“È hvònda ema ò nò ŋmanà a mà àyeembɛ, aŋga ndi a à òhwanɛ̀lɛ̀ mɔ̀ ŋmìti nanù ema, ‘Ɔ̀ŋgɔ tɛ, nà òmà hwàgbèèlì hwà mà tatɛ̀ wɔ̀ hwa làa natɛ̀ɛ mò lìiya, ìmba hvɛ nà hwèlì anù nà ŋwaànà è njàwò!

Lukàrzɛ̀ 24:49

Nà è òmeyà mamɛ ema Tatɛ̀ wà ami à mà kàkɛ̀nɛ̀. Inyɔ è lìyà ò ène mbòwà, è ambɛ̀lɛ̀ natɛ̀ɛ yò òndìrzɛ̀hwɛ̀ nà è ŋginyà e uhweyà ò ŋmanyu yà lohwà.”

Lukàrzɛ̀ 8:35

Nà òmà hwatò hwa mà hweye enè eyà, hwa mà wurza lì ɛnɛ̀ mamɛ ya arzɛ ema, e ma gbèyɛ̀nɛ̀. Nà òmà hwa mà ùke èki ema Yerzù a mà hwɛ, hwa mà ɛ̀nɛ òŋgò mòtò ema hwèlìŋgɛ̀ hwe wòhwe hwe mà hwɛ lì tàkirzɛ, mɔ̀ ndì à lìyelì Yerzù ò tòŋgòŋgò yà eni. Òŋgò mòtò à mà wɔ̀wìrzɛ̀hwɛ, a wɔtɔ̀ hvɛ nà lìwɔti la eni. Èŋge eyà e mà òkirzɛ hwaŋga hwatò wɔ̀ŋgɔ̀.

Yòwanìrzɛ̀ 14:27

Nà e lìyani ɛ̀yɔ̀lɛ̀, ɛ̀yɔ̀lɛ̀ ya ami ndi na e ŋgbelì. Nà rza e ŋgbelì na òma e rze ye e ŋgbà. È rzi keka lì tàkirzɛ mèèmà, ndèŋgàna e rzìi òka wɔ̀ŋgɔ̀.

Hwègbèèlì 1:8

Ndi inyɔ e ò luwa màyìmbì e hvònda ema Èlìŋgɛ̀ yà Wòtani ye e rzihweyà, eŋge hvònda ɔ̀ndi hweyà hwe arzɛ ema e ma nò ɛnɛnɛ e ò hwe òhweyà hwatò ò e mbòwa ya Jèrurzalɛ̀mù, ò hwèrzòòkà hwe Jùdeyà na Rzàmàrìyà na ò màrzuku ma e rze ya arzɛ.”

Hwègbèèlì 10:38

Inyɔ e hwi nanù ema Lohwɛ̀ à mà ɔ̀kirzɛ̀ Yerzù, è mòtò wà Nàrzàrɛ̀tì, rzìi à mò ŋgba Èlìŋgɛ̀ yà Wòtani nà è ŋginyà. Yerzù à mà hwɛ lì ɛndɛ ò èki yà arzɛ, rzìi a à gbeyà gbamù. Nà òma Lohwɛ̀ à mà hwɛ na mɔ̀, mɔ̀ à mà wɔ̀wìrzɛ̀ hwatò hwa arzɛ ema hwà mà hwɛ ò rze ya e ŋginyà ya ama Mòkarzɛ̀.

Hwègbèèlì 20:24

Ndi imba na rza wòwi lòŋgɛ la ami nàa tɔ̀ eyà. Aŋga nanù imba na kulɛ èwòlò ya ami, na èwòlò ema e Rzàŋgò Yerzù e ma nò ŋgbɛ. Èwòlò ya ami e hwèlì ndi ò lì òhwa Ŋmɛ̀ndì mò Gbamù lì hvòmɛ̀nɛ̀ e ndèli ema Lohwɛ̀ à mà uŋmɛ̀lɛ̀ hwatò hwa hwènàmà.

Hwègbèèlì 21:13

Ndi Pàwolò à mà alàhwɛ̀ nanù ema, “Mamɛ inyɔ e hwèlì e gbeyà nanù e? O lì eyà nanù rzi ya a nò tùlɛ ŋmèma e? Nà wòŋgìrzɛ̀nɛyi rzeketɛ ò lì kakahwa mɛnɛ, ndi tɔ̀ ò lì ŋwèeyà ò Jèrurzalɛ̀mù, ehwànja na gbèeyà Rzàŋgò Yerzù.”

Hwègbèèlì 26:11

O ŋgèlì rzayì-rzayì hvɛ imba nà mà hwɛ lì hwa kɔ̀kìrzɛ̀ ò tenì ya indawò ja màkanɛ̀ ja wònyà Yudà ja arzɛ, ndeŋgànɛlɛ nà mà hwɛ hvɛ lì arza nanù ema hwa òhwe hweyà hwe wòhwe ò lì teŋgɛ̀nɛ̀ Yerzù. Imba nà mà hwa tàtàna rzàyi-rzàyi nyàyi ema nà mà hwɛ lì ɛndɛ ò màhvɛhvɛ mambòwà nà ò hwehvɛhvɛ hwèkòmè ò lì hwa tàkirzɛ.”

Hwègbèèlì 26:25

Pàwolò rzìi a alàhwɛ̀ nanù ema, “Kìŋgɛ wa èluhwe kòkò, na rza kpànyi. Mamɛ na òhwa e hwèlì ndi e jɔ̀kɛ̀ ndèŋgànɛ̀lɛ̀ e òndi lìhwiyè.

Hwègbèèlì 6:8

Nàŋgɛ Rzìtehvànɛ à mà hwɛ ndi mòtò ema lòŋgɛ la eni lì ma hwɛ lì uŋmɛ̀lɛ̀ e ndèli ya ama Lohwɛ̀ rzayi-rzayi. A ma hwɛnɛ ŋginyà ò lì gbeyà hweyà hwe ndɛnɛ hwe mànyakà ò ìtììtènì ja hwatò.

Hwègbèèlì 9:22

Ndi tɔ̀ nanù hwèyòhwèlì hwe ama Rzàwòlò hwe eyà ya Lohwà, hwe ma ɛndɛ ndi ò wòrzò na ŋginyà. Ndi à mà tàmìrzɛ̀ hwatò hwa wònyà Yudà ema hwà mà hwɛ ò mbòwa ya Dàmàrzkɔ̀rzì. Nà òma à mà hwa uŋmɛ̀lɛ̀ nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, wɔ̀ hwa rzi òhve hvɛ tɔ̀ eyà ya lì òhwa.

Ròmànì 5:5

Jò òhvi tɛ lìhvìtà i rza timbana màa matò. Èhwanja Lohwɛ̀ à mà jò uŋmɛ̀lɛ̀ nɛ mɔ̀ à jò lìŋgàni, na òma a mà gbeyɛ e ndìŋgɛ ya eni ò lì kpèeyà ò mèèmà me arzu. À mà gbeyà ene na òma a jò ŋgbelì Èlìŋgɛ̀ yà eni yà Wòtani.

Ròmànì 8:15

Èlìŋgɛ̀ ema Lohwɛ̀ à mà e ŋgbe e rza e gbèyi ema e hwɛ hwàkòmì, ndèŋgàna ema inyɔ e hwɛ ò wɔ̀ŋgɔ̀. Ndi Èlìŋgɛ̀ ya ama Lohwɛ̀ e ma e gbeyà na jɔ̀kɛ̀ ò lì hwɛ hwàna hwa ama Lohwɛ̀. Èŋge ŋginyà ya eŋge Èlìŋgɛ̀ yɔ ndi e jò gbeyà ò lì hwɛlɛ Lohwɛ̀ nanù ema, “Ìi Tatà! È Tatɛ̀ ya ami!”

1 Kɔ̀rintìyà 2:4

Nà oma nà mà hwɛ lì e okolɛ̀, na lì ohweyà Ŋmɛ̀ndì mò Gbamù, ŋmɛ̀ndì nà mà hwɛ lì e ohweyà, mo rzi ohve tɔ̀ mbɔrzi ya lìhwiyè lì ndɛnɛ. Ndi na oma nà mà hwɛ lì e ohweyà Ŋmɛ̀ndì mò Gbamù, hweyà ema nà mà hwɛ lì ohwa, hwe uŋmɛ̀lɛ̀ ema e ŋginyà ya Èlìŋgɛ̀ yà Wòtani ema hwɛ na imba.

Gàletìyà 5:22

Ndi Èlìŋgɛ̀ yà Wòtani e hwèlì tɛ o tenì yà mòtò, e mò gbeyà nanù ema a gbèyè hweyà na e ndìŋgɛ, na mɔ̀nyɛ̀ŋgì, na ɛ̀yɔ̀lɛ̀, na la àjùlɛ̀nɛ̀, na ŋmèma mo gbàamù, na ɛ̀ɛ̀mɛ̀ ya gbamù, a hwɛ hvɛ ndi mòtò ema hwatò hwa tànɛyi lì ika mèèmà me awu.

Kòlòrzìyà 1:8

Ndeŋgànɛ̀lɛ̀ mɔ̀ ndi à jò òhwèlì nanù ema Èlìŋgɛ̀ yà Wòtani è mà gbeyà nanù ema inyɔ è lìŋgàne hwatò hwa ama Lohwɛ̀.

Hibrù 2:15

È kpelì ema mɔ̀ à mà ŋwe, e ma rzòlohwà hwaŋga hwatò ema hwà mà hwɛ hwàkòmì o lòŋgɛ la awu la arzɛ o nyòla wɔ̀ŋgɔ̀ wo e kpelì.

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.

1 Yòwanìrzɛ̀ 4:18

È mòtò ema Lohwɛ̀ à lìŋgàni oŋgo mòtò à rza ohvi tɔ̀ wɔ̀ŋgɔ̀ ò tenì ya eni. Ndi è ndìŋgɛ ema è òndìrzɛ̀hwɛ̀yi è hvàya wɔ̀ɔ̀ŋgɔ̀ wò arzɛ. Lì òokà là wɔ̀ŋgɔ̀ wò lì kɔ̀kìrzɛ̀hwɛ̀ lɔ̀ ndi lì jànà wɔ̀ɔ̀ŋgɔ̀, ò eŋgànɛ̀lɛ̀ rzɔ tɔ̀ ima mòtò ema à ohvi wɔ̀ŋgɔ̀ ò tenì yà eni eŋge ŋgànà è hwèlì ndi nanù ema è ndìŋgɛ è rza ondìrzɛ̀hwɛ̀ ò tenì yà eni.