2 Tìmotì 1:4 - Mokpwe: Bakwery (New Testament)

⁴ Nà ɔ̀ŋgɛ̀lɛ̀yi tɛ nà oma ò mà hwɛ rzɔ̀lùù nà lì eyà, nà hwɛni nyɔ̀ŋgi rzayi-rzayi ò lì ò ɛnɛ, aŋga nanù nà oka mɔ̀nyɛ̀ŋgì rzayi-rzayi.

2 Tìmotì 1:4 Mawu Ofanana

Yòwanìrzɛ̀ 16:22

Nànu ndi e hwèlì na inyɔ. È arzuumɛ nàŋgɛ ndi na hwɛnì lì e ɛnɛ hvɛ. O eŋge hvònda e òka mɔ̀nyɛ̀ŋgì. Ndèŋgànɛ̀lɛ̀ ò rza enje tɔ̀ mòtò tɔ̀ mɔ̀kɔ ema a wòwa mɔ̀nyɛ̀ŋgì mò anyu.

Yòwanìrzɛ̀ 16:24

Nàtɛ̀ɛ nà nàŋgɛ è rzi mò ijòwi tɔ̀ yomà ò lìnà là ami. E ijòwa Lohwɛ̀, à ò ŋgbà, òma mɔ̀nyɛ̀ŋgì mò anyu mò mà ònda.

Hwègbèèlì 20:19

Nà ma gbèeyà e Rzàŋgò na lì arzirzɛ lì ndɛnɛ, na mirzɔ̀lì, na màkèkìrzɛ̀nɛ̀ ema me ma nò gbeeyɛnɛ, ehwànja wònyà Yudà hwà mà nò kimeya.

Hwègbèèlì 20:31

O eŋgànɛ̀lɛ̀ rzɔ inyɔ e wòwe hvònda ò lì ɔ̀ŋgɛ̀lɛ̀ nanù ema nà mà hwɛ lì òkòlɛ inyɔ hwa arzɛ ò tenì ya ŋmerze na wuu, ò hvòka ya meya meyawò ò tenì ya lìtake.

Ròmànì 1:11

Nà hwɛni nyɔ̀ŋgi rzayi-rzayi ò lì è ɛnɛ aŋga nanù nà uki tɛ, nà è embɛ nà jàhwèyà ema èlìŋgɛ̀ yà Lohwɛ̀ è mà nò ŋgbɛ.

Hvìlipìyà 1:8

Lohwɛ̀ ndi à hwèlì è mboŋgi yà ami nanù ema ŋmèma ema nà è hwɛ̀nèlì mò hwèlì ndi nyàyi hvɔ̀kɔ nà oma Yerzù Krirztò mɔhvɛ à è hwɛ̀nèlì.

Hvìlipìyà 2:26

A hwɛni e nyɔ̀ŋgi o lì e ɛnɛ inyɔ hwa arzɛ, ndèŋgànɛ̀lɛ̀ à mà kpa ŋmèma na oma mɔ̀ à mà hweye nanù ema inyɔ e ma hweyà nanù ema mɔ̀ à mà ɔ̀kirzɛ.

1 Tɛ̀rzàlonìyà 2:17

Ìi wònyàmòwe kòkò, jo òhwa nanù ema i ma akakowɛ na inyɔ o ŋmanà hvòkà ya hvonda. Tɔ̀ nɛ i rza enje ndi èki yɔ̀kɔ na inyɔ, i hwèlì lì e ɔ̀ŋgɛlɛ nanù mɛnɛ. Nà oma i hwɛni e nyɔ̀ŋgi ndɛnɛ o lì e ɛnɛ, i ma atàkìrzɛ̀ rzayi-rzayi o lì e ɛnɛ hvɛ.

2 Tìmotì 4:21

Taka ò lì no jèeyà ndèŋgàna e hvonda ya yùlùlì ndɛnɛ ye e jà. Yubulurzi, Pùdɛ̀nrzì, Làyìnùrzì, Klàwùdìyà na hwanɛyi wònyanyàŋgò hwa arzu hwa arzɛ hwa hwàlòkèlì hwa e kɔ̀mi.

2 Tìmotì 4:9

Ìi Tìmòtì, ò atàkìrzɛ̀ ò nò jèeya karzi-karzi.

1 Yòwanìrzɛ̀ 1:4

Irzɔ i tìla ene kaatì aŋga nanù oma mɔ̀nyɛ̀ŋgì mo arzu mo ma onda.

Hwèwulùwèlì 21:4

A o hwa titowa tɔ̀ ima mirzɔ̀lì o mìrzɔ ma awu. O rza o hwɛ hvɛ tɔ̀ kpelì, tɔ̀ lì ehwɛ, tɔ̀ luwa, tɔ̀ mòrziyò. È o hwɛ ndi nanù ehwànja hweyà hwe mbolowa hwe ma aka.”

Hwèwulùwèlì 7:17

Èhwànja e Ŋguma ya Mɔ̀ɔ̀lɛ̀ŋgù ema e hwèlì o ìtììtènì ja hwèlìyelì hwe lìkànèyà, mɔ̀ ŋmìti ndi mo hwa ɔŋgeya. Mɔ̀ a o hwa timba o hwètùŋgu ema hwe ŋgbàa lòŋgɛ. Ndèŋganɛlɛ Lohwɛ̀ a o hwa titowa tɔ̀ ima lìrzɔ̀lì o mìrzɔ̀ ma awu.”