2 Tìmotì 1:18 - Mokpwe: Bakwery (New Testament)

¹⁸ Nà kanɛ̀ nanù ema Lohwɛ̀ à mò ùŋmɛ̀lɛ̀ ììlì jà eni ò Wùnyà wò hwèkàyìrzèlì. Ndèŋgàna ò wà ò hwi kɔ̀yi-kɔ̀yi lì oŋgowànɛ ema à mà nò ŋgbè ò mbowà yà Ɛ̀hvɛ̀rzɔ̀rzì.

2 Tìmotì 1:18 Mawu Ofanana

Lukàrzɛ̀ 1:72

Lohwɛ̀ à mà uŋmɛ̀lɛ̀ irzàŋgo ja arzu ììlì ema a mà hwa kàkɛ̀nɛ̀. Nànu hvɛ ndi à ɔ̀ŋgɛlɛ è hweyì yà eni yà wòtani,

Lukàrzɛ̀ 1:78

Ènè eyà yò ò gbèyɛ̀nɛ̀ èhwanja, Lohwɛ̀ a mà jò uŋmɛ̀lɛ̀ ììlì nà ŋmèma mò eni mò gbamù. Inì ììlì ì hwèlì ndi nàa mòrzɔnji-rzɔnji mò igbèyi ema mò uhwɛlɛlɛ ò ŋmanyu yà Lohwà, ema mò jò jàneya lì òŋgìrzɛ̀.

Lukàrzɛ̀ 8:3

Yòwanà è jòjìyɛ̀ yà ama Kurzà ema à ma hwɛ è mòkànèlì wà hwàgbèèlì hwà mà Hɛ̀rɔ̀dì, Rzùrzanà, nà hwahvɛhvɛ hwalanà rzayì-rzayì. Hwanù hwalanà hwa mà gbeyàna ì hvèyò ja awu ò lì òŋgòwàna Yerzù, na hwà-òkòwèlì hwa eni.

Hwègbèèlì 18:19

Hwà mà uka ò mbòwà ndɛnɛ ya Ɛ̀hvɛ̀rzɔ̀rzì. Nà òma hwà mà uke aŋga Pàwolò à mà lìiya Prìrzìlà na Akwìlà, rzìi a ɛ̀ndɛ ò ndawò ya màkanɛ̀ ya wònyà Yudà ò lì kòhwa na wònyà Yudà.

Hwègbèèlì 18:21

Ndi ò hwɛndèli hwe eni à mà hwa òhweyà nanù ema, “È hwèlì tɛ lì emeyà la ama Lohwɛ̀ na ò e timbeya.” A ma kpèeyà ò melì me ŋmànja rzìi a anjiya ò mbòwa ndɛnɛ ya Ɛ̀hvɛ̀rzɔ̀rzì.

Hwègbèèlì 19:1

Nà òma Apòlòrzì à mà hwɛ ò mbòwa ndɛnɛ ya Kɔ̀rintò, Pàwolò à mà akeyà ò tenì ya eŋge erzòòkà rzi a uka ò mbòwa ndɛnɛ ya Ɛ̀hvɛ̀rzɔ̀rzì. A ma ùŋmànɛ̀lɛ̀ ŋgurzu ja hwatò ema hwa lòkɛ̀ Yerzù aŋga.

1 Kɔ̀rintìyà 1:8

Rzàŋgo Yerzù mɔ̀hvɛ à hwɛnì lì è etìrzɛ̀ màlòkɛ̀ mà anyu, natɛ̀ɛ nà ò lìrzukù là ene rze. Ò lì arza nanù ema è rza hwɛnɛ lùùrzè ò wùnyà wà ama Rzàŋgo Yerzù Krirztò a o jà o lì kàyìrzɛ̀ hwatò hwa arzɛ.

1 Kɔ̀rintìyà 16:8

Ndi na lìya anù o Ɛ̀hvɛ̀rzɔ̀rzì natɛ̀ɛ na eyu ya e ndèma ya Pɛ̀ntìkɔ̀rzì.

1 Kɔ̀rintìyà 3:13

Ndi o wùnyà wo hwèkayirzelì, mùùnya mo hvurzirzɛ e tumba èwòlò ema tɔ̀ ima mooŋgelì a gbèyi. Mòŋgo mùùnya mo uŋmɛ̀lɛ̀ ŋga èwòlò yà mòtò tɛ è hwɛnì wòlìtò.

2 Kɔ̀rintìyà 9:1

Nàŋgɛ nanù o rza enje tɔ̀ lìtiŋga o imba lì e tìleya lì hvomɛ̀nɛ̀ èwòlò ya lì òŋgòwàna la hwatò hwa Lohwà.

Ɛ̀hvìrzìyà 2:4

Ndi Lohwɛ̀ ema a ondi na ììlì, na lì jo hwɛneya hvɛ ndìŋgɛ ndɛɛnɛ̀,

1 Tɛ̀rzàlonìyà 2:19

Lì aka hweyà hwe arzɛ, inyɔ ndi e gbèyi rzi jo òhvi lìhvìtà. Inyɔ ndi e gbèyi ndèŋgànà jo òki mɔ̀nyɛ̀ŋgì, ndèŋgànɛ̀lɛ̀ inyɔ ndi e gbèyi ndèŋgànà i kumba lìyà o ŋgeŋge, ehwànja mòrzàhwèlì ema je ɛnɛ nanù ema jo ò luwa o worzo e hvonda ema Rzàŋgo Yerzù Krirztò a o jɛ̀ɛ̀.

1 Tìmotì 1:3

Nà arza ema ò lìya ò mbowà yà Ɛ̀hvɛ̀rzɔ̀rzì, molemilemi nà oma nà mà ò kòkòwɛ̀lɛ̀ è hvonda ema nà mà hwɛ lì ɛndɛ ò erzòòkà yà Màrzèdonìyà. Àŋga nanù, ò wà ò kànèyà loŋgo là hwatò ema hwa rza okolɛ hwèyòkòlèlì ema hwe rza hvomɛ̀nɛ̀.

2 Tìmotì 1:12

Lìtìŋga lɔ̀ lìni ɔ̀ndeŋgàtɛ̀ imba nà taka nanù. Ndi nà rza oka ìrzɔnì èhwanja nà hwi è mɔ̀ ema imba nà ikàyi ŋmèma mò amì. Ndèŋgàna nà hwi hvɛ nanù ema à kombɛ̀ mamɛ ema à nò ikelì ò màà natɛ̀ɛ nà ò wùnyà wò hwèkàyìrzèlì.

2 Tìmotì 1:16

Nà kanɛ̀ nanù ema Lohwɛ̀ à ùŋmɛ̀lɛ̀ ììlì jà eni ò lìtumba là ama Ònɛ̀rzìhvɔ̀rùrzì, èhwanja à mà hwɛ lì nò ŋgba etèmbè ihvonda jà arzɛ. Mɔ̀ à rzi nò òkanè tɔ̀ ìrzɔnì nanù ema nà hwèlì ò hwèwòwà,

2 Tìmotì 1:17

ndi nà oma mɔ̀ à mà ukè ò Romànì, à wòteyà ò lì nò arza natɛ̀ɛ à mà nò lùwa.

2 Tìmotì 4:12

Nà ma oma Tàyìchìkùrzì o mbowà ya Ɛ̀hvɛ̀rzɔ̀rzì.

2 Tìmotì 4:8

O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.

Hibrù 6:10

Lohwɛ̀ à mà gbeyà hweŋge hwèma o ŋgana ema e hvomɛ̀nɛ̀. Mɔ̀ a rza hvoŋga tɔ̀ èwòlò yɔ̀kɔ ema mòtò a gbeye ndèŋgànɛ̀lɛ̀ mɔ̀ à rza hvoŋga e ndìŋgɛ ema mòtò a mo uŋmɛ̀lɛ̀ na oma inyɔ e hwèlì o lì gbèeyà hwahvɛhvɛ hwatò hwa ama Lohwɛ̀.

1 Pètrò 1:10

O lì hvomɛ̀nɛ lìni lì rzùŋgàhwa, hwà-òhwèlì hwa hwèlìŋgɛ̀ ema hwà mà ohwa lì hvomɛ̀nɛ̀ hweyà ema hwe o gbèyɛ̀nɛ o e hvonda ema e o jɛ̀ɛ̀ o worzo ò lì hvomɛ̀nɛ̀ lìŋgi lì rzùŋgàhwa ema Lohwɛ̀ à mà ohwe nanù ema a e ŋgba na jàhwèyà. Wɔ hwà mà hvuŋguwa na lì arzirzɛ kɔ̀yi-kɔ̀yi lì hvomɛ̀nɛ̀ lìni lì rzùŋgàhwa.

Hwèwulùwèlì 2:1

Oŋgo ema à mà àyɛ̀kɛ̀nɛ̀ è mòtò wà hwènàmà rzìi à nò òhweyà nanù ema, “Tìleyà è aŋgèlì ema è hwèlì ò ŋmèmba mò Ɛ̀hvɛ̀rzɔ̀rzì nanù ema, è mòtò ema à tɛ̀tì lìrzàmba là rzòmbe ò lìya là enì là momɛ̀, ema à ɛ̀ndeyà ò ìtììtènì jà lìrzamba là mboko jà gòòlù ema jò ohvi hwètùlù, mɔ̀ ndi à omi mono ŋmɛ̀ndì.