2 Tìmotì 1:12 - Mokpwe: Bakwery (New Testament)

¹² Lìtìŋga lɔ̀ lìni ɔ̀ndeŋgàtɛ̀ imba nà taka nanù. Ndi nà rza oka ìrzɔnì èhwanja nà hwi è mɔ̀ ema imba nà ikàyi ŋmèma mò amì. Ndèŋgàna nà hwi hvɛ nanù ema à kombɛ̀ mamɛ ema à nò ikelì ò màà natɛ̀ɛ nà ò wùnyà wò hwèkàyìrzèlì.

2 Tìmotì 1:12 Mawu Ofanana

Matiyò 12:21

Hwatò ema hwa rza enje wònyà Yudà hwa ò ika màhvìtà mà awu ò lìna la eni.”

Matiyò 24:36

“Tɔ̀ mòtò tɔ̀ mɔ̀kɔ a rza hwi wòŋgò wùnyà tɔ̀ e hvònda ema hwene hweyà hwe gbèyɛ̀nɛ. Tɔ̀ i aŋgèlì ema i hwèlì ò ŋmanyu ya Lohwà tɔ̀ e Ŋmanà hwa rza hwi. Tatɛ̀ mɔ̀ ŋmìti ndi à hwi e hvònda ema hwene hweyà hwe ò gbèyɛ̀nɛ.

Matiyò 7:22

O wòŋgò wùnyà wò hwèkàyìrzèlì rzayì-rzayì ja hwatò hwa ò nò jèeyà lì òhwà nanù ema, ‘Rzàŋgò, Rzàŋgò rzeke irzɔ i mà hwɛ lì òhweyà hwatò hweyà ema Lohwɛ̀ à mà jò òmane ema i hwa òhweyà nanù ema hwe ò gbèyɛ̀nɛ̀. Rzeke i mà gbeyàna lìinà la aŋgɔ̀ ò lì hvaya hwèlìŋgɛ̀ hwe wòhwe ò hwatò, na lì gbeyà hvɛ rzayi-rzayi ja hweyà hwe mànyakà e?’

Lukàrzɛ̀ 10:12

Nà è òhweyà ndi e jɔ̀kɛ̀ nanù ema, ò wùnyà wò hwèkàyìrzèlèlì, Lohwɛ̀ à ò uŋmɛ̀lɛ̀ ììlì ò hwatò hwa Rzòdòmì lì aka inyɔ.

Lukàrzɛ̀ 23:46

O lìnì lìrzàkò ndi Yerzù a mà tɛ mòrzeya nanù ema, “Ìi Tatà nà hwàkɛ èlìŋgɛ̀ ya amì ò màà mà aŋgɔ̀!” Ène mbɔrzi ndi à mà òhwe rzìi a rzìyòwa mùùlù mò eni mò lìrzùkù.

Yòwanìrzɛ̀ 17:15

Nà rza o òhwèlì nanù ema ò hwa ulɛ ò rze, ndi na òhwi ndi nanù ema ò hwa kòmbɛ ò lì arza nanù ema e Mòtò wa Wòhwe a rzi ja lì hwa gbeyà wòhwe.

Yòwanìrzɛ̀ 6:44

Ndi tɔ̀ mɔ̀kɔ a rza tànɛyi lì nò jèeyà e rza enje tɛ nanù ema, Tatɛ̀ ema a nò òmi mɔ̀ ndi à nò jàneyà e mɔ̀. Ndèŋgànɛ̀lɛ̀, imba na mò hvùmùlɛ̀ ò wùnyà wò lìrzukù.

Hwègbèèlì 13:46

Ndi Pàwolò na Bànàbàrzì hwà mà hwɛ ndi lì òhwa nanù mɛnɛ e rzi hwɛ lì òka wɔ̀ŋgɔ̀. Hwà mà hwɛ lì òhwa nanù ema, “Inyɔ wònyà Yudà, inyɔ ndi e ma àŋgàmɛ̀nɛ̀ lì lòma lì òhwa eyà ya ama Lohwɛ̀. Kanatɛ inyɔ ye e rzɔ̀rzi, ndèŋgànɛlɛ na òma inyɔ hvɛ e rza awòwɛ̀ nàa hwatò ema hwa àŋgàmɛ̀nɛ̀yi lì òhva lòŋgɛ la gbìndèyà, ò naŋgɛ nanù, irzɔ je e hwɛmɛ ò lì àyiŋgòwɛ̀lɛ̀lɛ̀ hwaŋga hwatò ema hwa rza enje wònyà Yudà.

Hwègbèèlì 13:50

Ndi wònyà Yudà hwà mà umbɛlɛlɛ hwàtimbelì hwa e mbòwa, na hwàmbaki hwa hwàalanà ema hwà mà hwɛ lì gbèeya Lohwɛ̀. Hwanu hwatò rzɔ hwà mà jàneyà Pàwolò na Bànàbàrzì lùwànje rzìi hwa hwà hvaya ò erzòòkà ya awu.

Hwègbèèlì 21:13

Ndi Pàwolò à mà alàhwɛ̀ nanù ema, “Mamɛ inyɔ e hwèlì e gbeyà nanù e? O lì eyà nanù rzi ya a nò tùlɛ ŋmèma e? Nà wòŋgìrzɛ̀nɛyi rzeketɛ ò lì kakahwa mɛnɛ, ndi tɔ̀ ò lì ŋwèeyà ò Jèrurzalɛ̀mù, ehwànja na gbèeyà Rzàŋgò Yerzù.”

Hwègbèèlì 7:59

Nà òma hwà mà hwɛ lì aŋgba Rzìtehvànɛ màŋyàyi mɔ̀ à mà hwɛ lì kanɛ̀ nanù ema, “Ìi Rzàŋgò Yerzù, wòwa èlìŋgɛ̀ ya ami.”

Hwègbèèlì 9:16

Ndeŋgàna imba na hwɛni lì mò uŋmɛ̀lɛ̀ mamɛ ya arzɛ ema a hwɛni lì taka ò nyòla ami.”

Ròmànì 1:16

Imba nà rza òka ìrzɔnì ò lì òhwa Ŋmɛ̀ndì mò Gbamù, èhwanja mɔ̀ ndi mò hwèlì màyìmbì mà ama Lohwɛ̀ ema mò mà jànà lì rzùŋgàhwa ò hwatò hwa arzɛ ema hwa mò lòkɛ̀ lìwòteyà ò hwaŋga hwatò ema hwa hwèlì wònyà Yudà nà hwaŋga ema hwa rza enje wònyà Yudà.

Ròmànì 9:33

È tìlahwì ò e kààtì ya Lohwà lì hvòmɛ̀nɛ̀ eŋge nanù ema, “Inyɔ e ɔ̀ŋgɔ tɛ, na ikayi lìŋyàyi ò Rzàyɔ̀nì ema lì ma gbeyà hwatò ò lì ayirzɛ màtaŋgà mà awu, ewòmɛ ya lìŋyàyi ema e gbeyà ò lì nòŋgòwa. Ndi tɔ̀ njɛnɛ ema a mò lòkɛ̀yì, a rza ò timba màa màtò.”

1 Kɔ̀rintìyà 1:8

Rzàŋgo Yerzù mɔ̀hvɛ à hwɛnì lì è etìrzɛ̀ màlòkɛ̀ mà anyu, natɛ̀ɛ nà ò lìrzukù là ene rze. Ò lì arza nanù ema è rza hwɛnɛ lùùrzè ò wùnyà wà ama Rzàŋgo Yerzù Krirztò a o jà o lì kàyìrzɛ̀ hwatò hwa arzɛ.

1 Kɔ̀rintìyà 3:13

Ndi o wùnyà wo hwèkayirzelì, mùùnya mo hvurzirzɛ e tumba èwòlò ema tɔ̀ ima mooŋgelì a gbèyi. Mòŋgo mùùnya mo uŋmɛ̀lɛ̀ ŋga èwòlò yà mòtò tɛ è hwɛnì wòlìtò.

Hvìlipìyà 1:20

Nà hwɛni e nyɔ̀ŋgi na màlìŋgo ma arzɛ, ndèŋgànɛ̀lɛ̀ na àhvìtɛ̀ nanù ema na rza o ohva irzɔ̀ni, ndi na o hwɛnɛ lì kɔ̀mɛ̀lɛhwɛ ihvonda ja arzɛ rzɛhvɔ̀ni o nàŋgɛ. Ène eyà e o gbèeyà nanù ema tɔ̀ mamɛ ema na gbeyà naŋgɛ, e o gbeyà èluhwe ya ama Krirztò e awuŋmɛ̀lɛ̀, tɔ̀ na hwɛ lòŋgɛ tɔ̀ na ŋwa.

Hvìlipìyà 3:10

Nà arza lì hwiya Krirztò na o lì hwɛnɛ màyìmbi ema mɔ̀ à mà hwɛnɛ o hwehvùmuwelì hwe eni. Nà lìŋgàni nanù ema na luwe mètàkà ŋgànà hvɔ̀kɔ mɛnɛ na oma mɔ̀ hvɛ à mà me luwe. Ndeŋgànɛ̀lɛ̀ na lìŋgàni nanù ema na luwe mètàkà na oma mɔ̀ hvɛ à mà me luwe, natɛ̀ɛ hwa no oŋwe na oma hwà mà mo oŋwe mɔ̀ hvɛ.

Hvìlipìyà 3:21

Mɔ̀ a o gbeyàna màyìmbi ma eni ema mɔ̀ à gbeyàna o lì kànèyà hweyà hwe arzɛ, ndèŋgànɛ̀lɛ̀ mɔ̀ à o tikowa inyo ja arzu ja e rze, inyo ja arzu ema i rza hwɛnɛ màyìmbi aŋga nanù jo luwa inyo ndɛnɛ ja màyìmbi na oma mɔ̀ à mà luwe e hvonda ema Lohwɛ̀ à mà mo hvùmùlɛ o kpelì.

Hvìlipìyà 3:8

Rzeketɛ hweŋge hweyà mɛnɛ, ndi na wowi hweyà hwe arzɛ nàa eyoyo, na hwe mɛnɛni tɛ na eŋge eyà ndɛnɛ ema e hwèlì o lì hwiya Yerzù Krirztò e Rzàŋgo ya ami. Èhwànja hweŋge hweyà hwe arzɛ hwe hwèlì ndi eyoyo ndèŋgànɛ̀lɛ̀ nà hwe ɛnɛ ndi nàa mbindo aŋga nanù na hwiya Krirztò,

1 Tɛ̀rzàlonìyà 2:16

Hwà mà keka hvɛ lì jo tɛmirzɛ o lì ohwa ŋmɛ̀ndì mo ama Lohwɛ̀ o hwatò ema hwa rza enje wònyà Yudà, aŋga nanù hwaŋga hwatò ema hwa rza enje wonyà Yuda hwa rza o rzùŋgàhwà. O ihvonda ja àrzɛ, wɔ̀ hwa hwàtɛ ndi wòhwe o wòhwe, natɛ̀ɛ o lìrzùkù, Lohwɛ̀ a àŋgàmɛ̀nɛ̀yi lì hwa kɔ̀kìrzɛ̀.

1 Tɛ̀rzàlonìyà 5:4

Ndi ìi wònyàmòwe kòkò, inyɔ hwitɛ-hwitɛ è rza enje ndi hwatò hwa wòhwe nàa hwatò ema hwa èlelì ò jìtìtì. Ò eŋgànɛlɛ rzɔ, wùùnya ema è Rzàŋgo è ò jɛ̀ɛ̀ à rza è uŋmànɛlɛ hvàkàlà nà oma è ŋmìhwɛ̀ à jà hvàkàlà.

1 Tìmotì 6:20

Ìi Tìmòtì, o keke o ɛnɛ nanù ema o gbèyi èwòlò gbamù ema Lohwɛ̀ a o rzekelì nanù ema o gbeye. O rzi hwɛnɛ hvonda na hweyà ema hwatò hwa ohwa ema hwe rza oŋgowàna o lì lòkɛ̀ Lohwɛ̀. O rzi hwɛnɛ hvɛ hvonda na mamɛ loŋgo la hwatò hwa ohwa nanù ema eyà yɔ̀kɔ e hwèlì jɔ̀kɛ̀, ndèŋgàna hwahvɛhvɛ hwatò hwa ohwa nanù ema ehvɛhvɛ eyà ndi e hwèlì e jɔ̀kɛ̀. Ndi wɔ̀ hwa arzɛ hwà mà gbeyà lùurzè na oma hwa ohwi nanù ema, “Imba ndi na hwèlì e mòtò ema a hwi.”

2 Tìmotì 1:14

Èlìŋgɛ̀ yà Wòtani è hwèlì ò tenì yà arzu, ndèŋgàna yɔ̀ ndi è ò oŋgòwànà ò lì lɛ̀mbɛ kɔ̀yi-kɔ̀yi ŋmɛ̀ndì mò gbamù ema Lohwɛ̀ à ò ŋgbelì ò màà mà aŋgɔ.

2 Tìmotì 1:16

Nà kanɛ̀ nanù ema Lohwɛ̀ à ùŋmɛ̀lɛ̀ ììlì jà eni ò lìtumba là ama Ònɛ̀rzìhvɔ̀rùrzì, èhwanja à mà hwɛ lì nò ŋgba etèmbè ihvonda jà arzɛ. Mɔ̀ à rzi nò òkanè tɔ̀ ìrzɔnì nanù ema nà hwèlì ò hwèwòwà,

2 Tìmotì 1:18

Nà kanɛ̀ nanù ema Lohwɛ̀ à mò ùŋmɛ̀lɛ̀ ììlì jà eni ò Wùnyà wò hwèkàyìrzèlì. Ndèŋgàna ò wà ò hwi kɔ̀yi-kɔ̀yi lì oŋgowànɛ ema à mà nò ŋgbè ò mbowà yà Ɛ̀hvɛ̀rzɔ̀rzì.

2 Tìmotì 1:8

Ò eŋgànɛ̀lɛ̀ ò rza oka ìrzɔ̀nì ò lì ohweyà hwatò lì hvomɛ̀nɛ̀ Rzàŋgo wà arzu Yerzù Krirztò ndeŋgànɛ̀lɛ̀ ò rza nò òkànà ìrzɔ̀nì, tɔ̀ nɛ nà hwèlì ndi mòtò wà hwèwòwà ò nyòla ama Krirztò. Ndi nà è ŋginyà ema Lohwɛ̀ à mà ò ŋgbɛ, emeyà ò lì taka nà imba nà oma jò òhwa Ŋmɛ̀ndì mò Gbamù.

2 Tìmotì 2:9

Ndèŋgàna, èhwanja na òhwèyà hwatò mono ŋmɛ̀ndì mò gbamù, ɔ̀ndeŋgàtɛ̀ imba na taka, natɛ̀ɛ hwa no kaki iŋgɔkɔhwi ò à ɛnɛ oma na hwèlì ndi mòtò ema a undi mbenda. Ndi tɔ̀ mòtò a rza tànɛyi a kaka Eyà ya ama Lohwɛ̀ na ŋgɔ̀kɔ̀hwi.

2 Tìmotì 4:8

O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.

Tàyìtùrzì 3:8

Hwène hweyà hwe arzɛ ema nà mà ohwɛ hwe hwèlì ndi e jɔ̀kɛ̀. Nà arza ema e ùkirzɛ̀lɛ̀lɛ̀ hwene hweyà nɔ̀ke-nɔ̀ke aŋga nanù, hwaŋga ema hwà mà lòkɛ̀ Lohwɛ̀ hwa o aŋgowa o lì aŋgbɛ wɔ̀ hwiti o lì gbeyà mamɛ ema e hvomɛ̀nɛ̀. Nànù ndi i gbeye ndèŋgànɛ̀lɛ̀ nanù ndi hwe jànà hwatò hwa arzɛ mɔ̀rzɛ̀ŋgi.

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.

Hibrù 2:18

Kànatɛ à mà tàkìrzɛ̀hwɛ̀ na lì kèkìrzɛ̀hwɛ̀, o èŋgànɛ̀lɛ̀ mɔ̀ hvɛ a oŋgòwànà hwaŋga ema hwa kèkìrzɛ̀hwɛ̀.

Hibrù 7:25

O eŋgànɛ̀lɛ̀ rzɔ, Yerzù a tanɛyi o lì rzùŋgà mòŋgɛ ma hwatò ema hwa jà o ma Lohwɛ̀ lì akeyà na mɔ̀. Mɔ̀ a tanɛyi o lì hwa rzùŋgà mòŋgɛ ma awu ehwànja mɔ̀ à hwèlì lòŋgɛ ihvonda ja arzɛ o lì hwa kànɛlɛlɛ.

1 Pètrò 1:5

Lohwɛ̀ à gbeyàna è ŋginyà yà eni ò lì è kɔmɛ̀lɛ̀ lìlòkɛ̀ là anyu, natɛ̀ɛ è lùwa lì rzuŋgàhwa. Lìŋgi lì rzuŋgàhwa lì ò ɛnɛhwɛ o wùnyà wo lìrzukù.

1 Pètrò 4:16

Ndi e tàki tɛ ehwànja e hwèlì ndi hwànɔ̀ŋgèlì hwa ama Krirztò, e rzi keka lì oka tɔ̀ irzɔ̀ni. Ndi e eke Lohwɛ̀ nanù ema inyɔ e hwɛ̀lɛ̀hwɛ̀ ndi hwatò hwa ama Krirztò.

1 Pètrò 4:19

O eŋgànɛ̀lɛ̀ rzɔ, hwaŋga ema hwa taka ehwànja e hwèlì ndi lì emeyà la ama Lohwɛ̀ nanù ema wɔ̀ hwa tàke, hwa ɛndɛ ndi o worzo ò lì gbeyà hweyà hwe gbamù, inyɛ hwa aŋgbɛ wɔ̀ hwiti o màà ma ama Lohwɛ̀ e mòwèkèlì hwa awu, mɔ̀ ema a gbèeyà tɔ̀ ima eyà ema a ohwi nanù ema a gbeyà.

Judɛ 1:24

Èluhwe e hwɛ na Lohwɛ̀ ema a rza emeyà nanù ema e unde o tenì ya wòhwe. Mɔ̀ ŋmìti ndi à e jàni o èki ema mɔ̀ à hwèlì na ŋmàye mo eni. A o e jànà aŋga e rzi hwɛ tɔ̀ lìtɔ̀tì tɔ̀ lɔ̀kɔ la wòhwe o inyo ja anyu, ndèŋgànɛ̀lɛ̀ e o òka mɔ̀nyɛ̀ŋgì.