2 Tìmotì 1:10 - Mokpwe: Bakwery (New Testament)

¹⁰ Nàŋgɛ Lohwɛ̀ à mà jò ùŋmɛ̀lɛ è ndèli yà eni ò hwèjèelì hwe ama Yerzù Krirztò è mòrzùŋgèlì hwa arzu. Mɔ̀ à mà tìtòwà è ŋginyà yà è kpelì, ndèŋgàna à mà gbeyàna ŋmɛ̀ndì mò gbamù ò lì jò uŋmɛ̀lɛ̀ lòŋgɛ là gbìndèyà.

2 Tìmotì 1:10 Mawu Ofanana

Lukàrzɛ̀ 11:36

È hwèlì tɛ ema è nyò yà aŋgɔ̀ ya àrzɛ, è òndì ŋmàye, e rzi hwɛ ema tɔ̀ ènàmà ya aŋgɔ̀ yɔ̀kɔ e hwèlì ò jìtìtì, è nyò ya àrzɛ è hvàyeyà nàa ètùlù ndi e hvànyeyà hvànye-hvànye.”

Lukàrzɛ̀ 13:7

Oŋgò mòtò rzìi a òhweyà è mɔ̀ɔŋgèlì wà wàŋgà yà èni nanù ema, ‘Wà ɔŋgɔ̀ tɛ, meya meyawò menè yàwònò ema nà mà jèeya wònò gbèe, e ma na rzà lùùhwɛ tɔ̀ èhvùma. O wò kɛ ò rzè! Mamɛ wò nò kulɛnɛ manɔ̀nɔ̀ ma mɔ̀nyɛ̀ ŋgundɛ-ŋgundɛ e?’

Lukàrzɛ̀ 2:11

È hwiyè nanù ema yàwònò è Mòrzùŋgèlì wà ànyu, à ŋyààhwì ò mbòwà yà ama kiŋgɛ̀ Dàhwitì. Mɔ̀ ndi à Ɔ̀kirzɛ̀hwɛ̀yi nà Lohwɛ̀. Mɔ̀ ndì à hwèlì e Rzàŋgò.

Yòwanìrzɛ̀ 1:9

Eyà ndi e ma hwɛ ŋmàye mò jɔ̀kɛ̀ ema mò ma uŋmɛ̀lɛ̀ hwatò èki ya arzɛ. Mɔ̀ ndi à mà hwɛ e mɔ̀ ema à mà hwɛnɛ lì jà ò rze.

Yòwanìrzɛ̀ 14:6

Yerzù rzìi a alàhwɛ̀ nanù ema, “Imba ndi na hwèlì e njiya ema e ɛndɛ òma Tatɛ̀ wa ami, e jɔ̀kɛ̀ e uwɛ̀lɛ̀lɛ̀yi ndi na imba, imba hvɛ ndi na ŋgbà lòŋgɛ. Tɔ̀ mòtò tɔ̀ mɔ̀kɔ a rza tànɛyi lì jà òma Tatɛ̀ wa ami ema a rza akelɛ na imba.”

Yòwanìrzɛ̀ 20:31

Ndi hwenè hweyà hwe tìlahwì aŋga nanù e lòkɛ̀ nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà Lohwà. O mò lòkɛ̀yì tɛ o ò luwa lòŋgɛ la gbìndèyà ò lìna la eni.

Yòwanìrzɛ̀ 4:42

Wɔ̀ hwa mà òhweyà òŋgò mòlanà nanù ema, “Rzeketɛ ò hweyà mɛnɛ ema ò jò òhwèlì ɔ̀ndeŋgàtɛ̀ ì lòkɛ̀ Yerzù, ndi ì rzɔ hwiti hvɛ ì mà hweyàna nà màtò mà arzu, ndèŋgànɛ̀lɛ̀ hvɛ, ì hwi nanù ema mɔ̀ ndi à hwèlì è Mòrzùŋgèlì wà ene rze yà mɔ̀nyɛ̀.”

Yòwanìrzɛ̀ 5:40

Tɔ nɛ e rza arza lì nò jèeya ò lì lùwa lòŋgɛ là gbìndèyà.

Hwègbèèlì 13:23

Yerzù mɔ̀ ema a uwɛ̀lɛ̀lɛ̀yi ò mòtende mò ama Dàhwitì, mɔ̀ ndi Lohwɛ̀ à mà gbeye e Mòrzùŋgèlì hwà hwatò hwa Irzàyɛ̀lì, na òma mɔ̀ à mà òhwe nanù ema a gbeyà.

Hwègbèèlì 5:31

Lohwɛ̀ à mà mò kàrzɛ, rzìi à mò ika ò lìya là eni là mòmɛ̀ nàa Mòtìmbèlì nà è Mòrzùŋgèlì. À mà gbeyà ndi nanù èhwanja, à uŋmɛ̀lɛ̀ hwatò hwa Irzàyɛ̀lì è njiya yà lì hwɛ̀mɛ̀ hwɛ̀ɛ̀mɛ̀ hwe awu hwe wòhwe aŋga nanù, Lohwɛ̀ à ò hwa làkìrzɛ̀ wòhwe wò awu.

Ròmànì 16:26

Ndi ò nàŋgɛ eŋge jɔ̀kɛ̀ e ma jò wuluhwàhwɛlɛ. Mɔ̀ à mà e wuluhwa nàŋgɛ na hweyà ema hwà-òhwèlì hwa hwèlìŋgɛ̀ hwà mà tile ò e kààtì ya ama Lohwɛ̀. Mɔ̀ à mà gbeye ndi nanù, aŋga nanù hwatò hwa arzɛ̀ hwa hwèkòmè hwe ya arzɛ hwa mò lòkɛ̀ na lì mò hweyàne.

Ròmànì 2:7

Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

Ròmànì 3:31

Mamɛ rzɔ irzɔ jò òhwa nàŋgɛ e? Jò òhwa ndi nanù ema na òma Lohwɛ̀ à mà wòwɛ hwatò ò lì hwɛ ehve-ehve, èhwanja hwa lòkɛ̀yì Yerzù Krirztò, ene ŋgàna e òhwa ndi nanù ema hwa rza òŋgama e mbenda hvɛ e? Jàyɛ̀ rzeketɛ nanù. Ndi mamɛ ema e mbenda e òhwa yɔ ndi irzɔ i gbeyàna.

Ròmànì 6:6

Irzɔ i hwi nanù ema na òma hwà mà wòmeyà Krirztò ò mbarza hwà mà mò wòmeyà na ɛ̀ɛ̀mɛ̀ ya mòlòmɛ̀ ema i ma òhve. Ène e ma gbèyɛ̀nɛ ndi nanù aŋga nanù e ŋginyà ya eŋge ɛ̀ɛ̀mɛ̀ ya mòlòmɛ̀ ema e ma hwɛ lì jò gbèeyà ò lì gbeyà wòhwe e hwɛni lì hvaŋgahwa ya arzɛ ya arzɛ. Ène eyà e gbeyà nanù ema wòhwe wò rza jò wòwa hvɛ nàa hwàkòmì.

1 Kɔ̀rintìyà 15:26

È mɔ̀kɔ̀yèlì wa lìrzukù ema a hwɛnì lì hvaŋgahwa a hwèlì ndi e kpelì.

1 Kɔ̀rintìyà 4:5

O èŋgànɛ̀lɛ̀ rzɔ, o rza akɛlɛ hwèkàyìrzèlì o tɔ̀ ima mòtò, natɛ̀ɛ e hvonda ya jɔ̀kɛ̀ e uka. Hwèkàyìrzèlèlì hwe o jà, e hvonda e ma e Rzàŋgo Yerzù Krirztò a o jɛ̀ɛ̀. A jelì tɛ, a jànà o ŋmàye hwèŋge hwema ema hwe e utami o jììtìtì, rzi a hvulùwa hvɛ màlùtèyà ema mà utami o mèèmà me hwatò. O èŋge hvonda ndi Lohwɛ̀ a eka tɔ̀ ima mòtò o mamɛ ema a gbèyi.

2 Kɔ̀rintìyà 5:4

Nà oma i lìyana na ene nyàmà ya nyo anu rze ya mɔ̀nyɛ̀, ja arzàrzòhwɛ̀ èhwanja o jo lìtani. Rzeketɛ nanù ema ja arza lì arzòlòhwɛ̀ ene nyàmà ya nyo, ndi irzɔ ja arza e nyo hvènya ema e hwèlì o ŋmanyu ya lohwa. Àŋga nanù ene nyàmà nyo ema e ŋwa e kuwa rzi e timba e nyo ema e o hwɛ̀ɛ o lòŋgɛ.

Gàletìyà 5:4

Tɔ̀ ima mɔ̀kɔ wa anyu ema a ɔ̀ŋgɛ̀lɛ̀ nanù ema a hwɛni lì atàkìrzɛ̀ o lì ika e mbenda aŋga nanù Lohwɛ̀ a mo emeyà, à mà màa lì awulɛ mɔ̀ ŋmìti o ma Krirztò. Ndèŋgànɛ̀lɛ̀ à mà awulɛ mɔ̀ ŋmìti o e ndèli ya ama Lohwɛ̀.

Ɛ̀hvìrzìyà 1:18

Nà kanɛ̀ nanù ema, Lohwɛ̀ à è lìhvowe mèèmà mè anyu aŋga nanù è hwiya hweyà hwe gbamù ema è mà ika mèèmà mè anyu ò tenì èhwanja à mà è hvɔ̀rzɔ̀. Nà kanɛ̀ hvɛ nanù ema è hwɛni lì rzɔ̀ŋgìtɛ̀nɛ̀ màhwèyà mà ndɛnɛ ema mɔ̀ à hwɛni lì ŋgba hwatò hwa eni.

Ɛ̀hvìrzìyà 1:9

Lohwɛ̀ à mà gbèeya hweyà hwe arzɛ na oma mɔ̀ à mà arze nanù ema a hwe gbèye. A jo gbèyi o lì hwiya hweyà ema natɛ̀ɛ na naŋgɛ, tɔ̀ mòtò a rza rzɔ̀ŋgìtɛ̀nɛ̀. Hwene hweyà hwe hwèlì ndi hweyà ema mɔ̀ à mà gbeye lì akeyà na Krirztò.

2 Tɛ̀rzàlonìyà 2:8

Èŋge hvonda ndi e mòtò wa wòhwe a o wuluwahwɛ. Mɔ̀ a hwèlì ndi mòtò ema Rzàŋgo Yerzù a o òŋwɛ na muulu mo e wàna ya eni, ndèŋgànɛlɛ a o mo hvàŋga na ŋmàye mo eni mo nyo ema mo mɔ̀tɛ̀lɛ̀ rzàyi-rzàyi e hvonda ema mɔ̀ à o jɛ̀ɛ̀.

2 Tìmotì 1:1

Imba Pàwolò ema na hwèlì e àpɔ̀rzìtòlò ya ama Yerzù Krirztò ndi na tilì ini itita. Lohwɛ̀ a arzi nanù ema imba na ohwe ŋmɛ̀ndì mò gbamù lì hvomɛ̀nɛ̀ lìŋgi lòŋgɛ ema a ohwi nanù ema i luwa na oma i hwèlì mòtò mɔ̀kɔ na Yerzù Krirztò.

2 Tìmotì 1:8

Ò eŋgànɛ̀lɛ̀ ò rza oka ìrzɔ̀nì ò lì ohweyà hwatò lì hvomɛ̀nɛ̀ Rzàŋgo wà arzu Yerzù Krirztò ndeŋgànɛ̀lɛ̀ ò rza nò òkànà ìrzɔ̀nì, tɔ̀ nɛ nà hwèlì ndi mòtò wà hwèwòwà ò nyòla ama Krirztò. Ndi nà è ŋginyà ema Lohwɛ̀ à mà ò ŋgbɛ, emeyà ò lì taka nà imba nà oma jò òhwa Ŋmɛ̀ndì mò Gbamù.

2 Tìmotì 4:1

Ìi Tìmòtì, o worzo wo ama Lohwɛ̀ na Yerzù Krirztò, mɔ̀ ema a o jɛ̀ɛ̀ o lì kàyìrzɛ̀ hwatò ema hwà ma ŋwɛ na e wɔ̀ ema hwa hwèlì lòŋgɛ o lìnà la ama e mɔ̀ ema a o jɛ̀ɛ̀ hvɛ rzi a hwɛ e mòkànèlì hwa hwàrzɛ, na o òhwèyà hwene hweyà kɔ̀yi-kɔ̀yi nanù ema:

2 Tìmotì 4:8

O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.

Tàyìtùrzì 2:11

Lohwɛ̀ à mà oma e ndèli ya eni o ìtììtènì ja arzu, na oma à mà gbèye e njiya ema hwatò hwa arzɛ hwa tanɛyi lì luwa lì oŋgìrzɛ̀.

Tàyìtùrzì 2:13

Inyɛ̀ i gbeye nanù, na oma ja ambɛ̀lɛ̀ na lìhvìtà hwèèmà ema hwe o jɛ̀ɛ̀ o wòŋgo wùnyà ema Lòohwà la arzu, e mɔ̀ ema a Kàrzàmi na e Mòrzùŋgèlì hwa arzu Yerzù Krirztò à ò jà nà èluhwe ya eni.

Tàyìtùrzì 3:4

Ndi Lohwɛ̀, è Mòrzùŋgèlì hwa arzu, à mà jo uŋmɛ̀lɛ̀ ŋmèma mo eni mo ììlì na e ndìŋgɛ ya eni.

Hibrù 10:32

Ndi inyɔ e rzi hvoŋga na oma e ma hwɛ o hwèwotèlì ema e ma luwe ŋmàye. O eŋge hvonda tɔ̀ nɛ inyɔ e ma luwe mètàkà me ŋginyà e ma kaka mèèmà.

2 Pètrò 1:1

Imba Rzimɔ̀ni Pètro ema nà hwèlì è mògbèèlì nà è àpɔ̀rzìtòlò yà ama Yerzù Krirztò, nà è tìleyà ndi inyɔ hwatò ema è lòkɛ̀ Yerzù Krirztò nyayi hvɔ̀kɔ hvɛ nà oma irzɔ hvɛ ì mò lòkɛ̀. Yerzù Krirztò ndi à hwèlì Lòohwà nà Mòrzùŋgèlì hwa arzu. Mɔ̀ à tɛ̀mì ehve-ehve. Ndeŋgànɛ̀lɛ̀ mɔ̀ ndi à gbèyi ndèŋgànà irzɔ hwa arzɛ jè è mò lòkɛ̀.

2 Pètrò 1:11

O ene ŋgànà rzɔ̀ Lohwɛ̀ a e ŋgba e wònja ya arzɛ, o lì kpèeyà na o lì hwɛ o lìkànèyà la eni la ŋmanyu èki ema e Rzàŋgo na e Mòrzùŋgèlì wa arzu Yerzù Krirztò a kànèyà nàa kìŋgɛ natɛ̀ɛ na o gbìndèyà.

2 Pètrò 1:3

È ŋginyà yà ama Lohwɛ̀ yà ŋmanyu è mà jò ŋgbàà hwèèmà hwe arzɛ ema jà arza ò lòŋgɛ, ndèŋgànɛ̀lɛ̀ è mà jò timba ò lì gbeyà nà oma Lohwɛ̀ à arza. Ène eyà è gbèyɛ̀nɛ̀ ndi nanù ehwànja i mò hwi, à mà gbeyàna è ŋginyà nà ŋmèma mò gbamù, ò lì jò hvɔ̀rzɔ̀ ò lì hwɛ hwatò hwa eni.

2 Pètrò 2:20

È hwèlì tɛ nanù ema mòtò à lòkɛ̀yi e Rzàŋgo na e Mòrzùŋgèlì wa arzu Yerzù Krirztò, nanù oma mɔ̀ à mà màa lì anjiya o tenì ya lòŋgɛ la wòhwe la ene rze. Mɔ̀ à mà anjiya tɛ o tenì ya lìŋgi lòŋgɛ, rzìi a timba lì àyinɛ̀lɛ̀ o tenì hvɛ, rzìi lìŋgi lòŋgɛ lì mo wowa mòkòmì, e nyayi ema mɔ̀ à hwèlì nàŋgɛ, e hwèlì wòhwe lì aka e nyayi ema mɔ̀ à mà lome lì hwɛ.

2 Pètrò 3:18

Ndi tɔ̀ nanù, e hwɛnɛ ndi ɛ̀ɛ̀mɛ̀ mɛnɛ ya ama e Rzàŋgo na e Mòrzùŋgèlì wa arzu Yerzù Krirztò, a e ŋgba e ndèli ya eni nanù mɛnɛ. Èluhwe e hwɛ na mɔ̀ o nàŋgɛ natɛ̀ɛ na o mòlìkɛ̀. Inyɛ̀ wo lìya nanù.

2 Pètrò 3:2

Nà arza nanù ema e ɔ̀ŋgɛ̀lɛ̀ hweyà ema hwe ma ohwahwa, natɛ̀ɛ na e kohwaa na hwà-òhwèlì hwa hwèlìŋgɛ̀. Ndeŋgànɛlɛ inyɔ e àŋgàmɛ̀nɛ̀yi lì ɔ̀ŋgɛ̀lɛ̀ eyà ema e Rzàŋgo na e Mòrzùŋgèlì wa arzu à mà ohweyà i àpɔ̀rzìtòlò nanù ema hwa e ohweyà.

1 Yòwanìrzɛ̀ 1:2

È mɔ̀ ema a jànà lòŋgɛ à mà àyèŋgòwɛ̀ moto hwa hwènàmà, ema hwà mà ɛnɛ na mirzɔ̀ ma awu, ndeŋgànɛ̀lɛ̀ irzɔhvɛ i ma mo ɛnɛ. I mo tɛmelì mboŋgi ndèŋgànɛ̀lɛ̀ jo e ohweyà hweyà lì mo hvomɛ̀nɛ̀ mɔ̀ ema a ŋgba lòŋgɛ la gbìndèyà, mo ema à mà hwɛ na Tatɛ̀, ndèŋgànɛ̀lɛ̀ à mà jo àwùlùhweyà.

1 Yòwanìrzɛ̀ 4:14

Ndèŋgànɛ̀lɛ̀ irzɔ ì mà ɛnɛ nà lì ohweyà hwahvɛhvɛ hwatò nanù ema Tatɛ̀ à mà oma è Ŋmanà wà eni ò lì hwɛ è Mòrzùŋgèlì hwa è rze.

Hwèwulùwèlì 18:1

Ò mburza yà hwene hweyà, nà mà ɛnɛ è hvɛhvɛ aŋgèlì è mà uwɛ̀lɛ̀lɛ̀yi ò ŋmanyu yà lohwà lì rzihwa ò rze, è mà ohva wònja ndɛnɛ, ŋmàye mò eni mò mà hvààlɛ̀ è rze yà mɔ̀nyɛ̀ yà arzɛ.

Hwèwulùwèlì 2:7

Tɔ̀ njɛnɛ ema à ohvi màto inyɛ à hwèye mamɛ ema è Èlìŋgɛ̀ yà Wòtani è ohweyà mììtèlì. Tɔ̀ njɛnɛ ema à rzùwanì wòhwe nà mò ŋgba è wònja ò lì làa ehvùma ema è gbeyà hwatò hwa hwɛ̀ɛ̀ lòŋgɛ natɛ̀ɛ nà ò gbìndèyà, ema è uwɛlɛlɛ ò gbee ema wò tɛ̀mi ò hvayà yà Pàlàdìrzì.”

Hwèwulùwèlì 20:14

È kpelì nà èkomè yà hwatò ema hwa mà ŋwɛ̀ɛ̀ hwa mà komàhwa ò tenì yà yùlu yà mùnya. Ène kpelì yà yùlu yà mùnya è hwèlì ndi kpelì yà hwèlìŋgɛ̀.

Hwèwulùwèlì 22:14

Mònàmɛ̀ nà hwaŋga hwatò ema hwa rzòrza mèŋgombe me awu, hwa o luwa è wònjà ya lì akeyà o lìyohva la kɔ̀tɔ̀ o lì kpèeyà o eŋge mbowà ndɛɛndɛ aŋga nanù wɔ̀ hwa o laa hwehvùma ema hwe gbeyà hwatò hwa hwɛ o lòŋgɛ natɛ̀ɛ na o gbìndèyà.

Hwèwulùwèlì 22:17

Èlìŋgɛ̀ ya ama Lohwɛ̀ nà Mɔ̀ɔmbì hwa ohwa nanù ema, “Jà.” Tɔ̀ njɛnɛ ema a hweyi ene eyà mɔ̀ hvɛ a ohwa nanù ema, “Jà.” Tɔ̀ njɛnɛ ema a hwɛni nyìrzɛ ya malìhwa inyɛ a jèe a nyɔ malìhwa emà mà gbeyà hwatò hwa hwɛ o lòŋgɛ natɛ̀ɛ na o gbìndèyà. Tɔ̀ njɛnɛ ema a arzi manù malìhwa à mà luwa ŋgundu.