2 Tɛ̀rzàlonìyà 1:3 - Mokpwe: Bakwery (New Testament)

³ Ìi wònyamòwè ì hwɛni lì eka Lohwɛ̀ ihvonda ja arzɛ lì hvomɛ̀nɛ̀ inyɔ. È hvomɛ̀nɛ̀ ò irzɔ lì gbeyà nanù, ehwànja lìlòkɛ̀ là anyu lì hwèlì lì oŋga rzayi-rzayi, rzìi è ndìŋgɛ ema è à ohvànɛ mɔ̀kɔ nà ɔ̀nɛyi è olo rzayi.

2 Tɛ̀rzàlonìyà 1:3 Mawu Ofanana

Lukàrzɛ̀ 15:32

Ò jɔ̀kɛ̀! Ì hwɛnì lì rzòmbirzɛ nà lì òkà mɔ̀nyɛ̀ŋgì èhwànja ònò ŋmanyɔ̀ŋgɔ wà aŋgɔ̀ à mà ŋwa, rzìi a timbi hvɛ ò lòŋgɛ. À ma wɔ̀ rzìi a wurzi hvɛ.’”

Lukàrzɛ̀ 17:5

I àpɔ̀rzìtòlò rzi jò òhweyà è Rzàŋgò nanù ema, “O jò ètirzɛ màlòkɛ̀ ma arzu.”

Yòwanìrzɛ̀ 15:2

A kɛ tɔ̀ ima ɛkɔkɔ e nò hwèlì ema e rza ŋya hwehvùma a e rzenjòwe hvɛ tɔ̀ ima ɛkɔkɔ ema e ŋyàa hwehvùma, ò lì gbeyà nanù ema e hwɛ gbamù ò lì ŋya hwehvùma.

Ròmànì 1:8

Eyà ya wòrzò, nà eka Lohwɛ̀ là ami ò inyɔ hwa arzɛ ò lìnà là ama Yerzù Krirztò. Nà mò eka ehwànja lìlòkɛ̀ ema è hwɛni nà Yerzù Krirztò lì hwèlì lì lìŋgòwa è rze yà mɔ̀nyɛ̀ yà arzɛ.

1 Kɔ̀rintìyà 1:4

Hvonda tɛ, imba nà ŋgbaà Lohwɛ̀ jèka, lì è hvomɛ̀nɛ̀ inyɔ ò nyòla è ndèli ema à è ŋgbelì lì akeyà nà Yerzù Krirztò.

2 Kɔ̀rintìyà 10:15

Irzɔ i rza kùmba màà mà arzu o kòkò lì aka lìmɛni ema i hwɛni lì kumba, eŋge ŋgàna e ohwa ndi nanù ema, irzɔ i rza kùmba màà mà arzu o kòkò lì hvomɛ̀nɛ̀ èwòlò ema hwahvɛhvɛ hwatò hwà mà gbeyɛ. Ndi irzɔ jo ikayi mahvita nanù ema na oma lì lòkɛ̀ la anyu lì olohwa, nanù ndi èwòlò ema i gbeyà e o nyàla o weki ema i gbèeyà hwèwòlò.

Ɛ̀hvìrzìyà 5:20

È eke Lohwɛ̀ Tatɛ̀ yà arzu ò ihvonda ja arzɛ ò tɔ̀ mamɛ ema è hwɛni lì gbèyɛ̀nɛ. È mò eke ò lìinà là ama Rzàŋgo yà àrzu Yerzù Krirztò.

Hvìlipìyà 1:7

Imba nà àŋgàmɛ̀nɛ̀yi lì ohva manù màlùtèyà o inyɔ hwa arzɛ èhwanja è hwèlì ò ŋmèma mò ami. Tɔ̀ nà oma nà hwèlì ò hwèwòwà, ndèŋgànɛ̀lɛ̀ nà oma nà ohwa hweyà lì hvomɛ̀nɛ̀ ŋmɛ̀ndì mò gbamù, nà ohwa nanù ema mono ŋmɛ̀ndì mò gbamù mò rza enje mòlaŋgà, mò hwèlì ndi è jɔ̀kɛ̀. Lohwɛ̀ à mà jò uŋmɛ̀lɛ̀ irzɔ hwa arzɛ è ndèli yà eni nà oma i mò gbèeyà.

Hvìlipìyà 1:9

Nà kanɛ̀ nanù ema, è ndiŋgɛ ema e ohvani Lohwɛ̀ ndèŋgànɛ̀lɛ̀ e yɔ ema e àwòhvànɛ̀lɛ̀yi mɔ̀kɔ na ɔnɛyi e ɛndɛ ndi o worzo nanù mɛnɛ. Ndeŋgànɛ̀lɛ̀ nà kànɛ hvɛ nanù ema inyɛ e hwiye hweyà hwe ama Lohwɛ̀, ndèŋgànɛ̀lɛ̀ e rzɔ̀ŋgìtɛ̀nɛ̀ o lì kakohwa hweyà ema hwe lɔ̀wu na e hweyɔ ema hwe rza lɔ̀wu.

1 Tɛ̀rzàlonìyà 3:12

I kànɛ nanù ema, inyɛ e Rzàŋgo e gbeye e ndìŋgɛ ema e ahwɛnɛnɛ mɔ̀kɔ na ɔ̀nɛyi na o hwatò hwa arzɛ e ahwàtɛ na lì hvuhva nyayi hvɔ̀kɔ hvɛ na oma e ndìŋgɛ ya arzu ema je e hwɛnelì yɔ hvɛ e ahwàtɛ.

1 Tɛ̀rzàlonìyà 3:6

Ndi o nàŋgɛ nanù Tìmòtì ema à mà jà lì ehvɛhvɛ à mà jo timbeya, mɔ̀ à jo jànelì ŋmɛ̀ndì mò gbamù nanù ema, inyɔ e lòkɛ̀ Krirztò nanù mɛnɛ ndèŋgànɛ̀lɛ̀ inyɔ e alìŋgànɛ mɔ̀kɔ na ɔ̀nɛyi nanù mɛnɛ. A ma jo òhweyà hvɛ nanù ema e jo ohvanì mɔ̀ŋgɛ̀lɛ̀ ma gbamù, ndèŋgànɛ̀lɛ̀ e okelì hvɛ o lì jo ɛnɛ nyayi hvɔ̀kɔ mɛnɛ na oma irzɔ hvɛ ja okeya o lì e ɛnɛ.

1 Tɛ̀rzàlonìyà 3:9

O nàŋgɛ i tànɛ lì eka Lohwɛ̀ o nyòla anyu. I ma eka ehwànja màlìŋgo ema je e hwɛnelì o worzo wo eni.

1 Tɛ̀rzàlonìyà 4:1

Ìi wònyamòwè kòkò, jo òhwa hvɛ nanù ema, i ma e okolɛ nɛ e àŋgàmɛ̀nɛ̀yi lì lìya o lì òkìrzɛ̀ Lohwɛ̀ mɔ̀nyɛ̀ŋgi. Ndeŋgànɛ̀lɛ̀ o jɔ̀kɛ̀ nanù ndi hwèlìyelì hwe anyu hwe hwèlì o nàŋgɛ. O nàŋgɛ nanù, je e akowana, na lì e ohweyà o lìna la ama Rzàŋgo Yerzù nanù ema, e hwɛ ndi o lì lìyàna ene nyayi ya ɛ̀ɛ̀mɛ̀.

2 Tɛ̀rzàlonìyà 2:1

Ìi wònyàmòwe kòkò, o nàŋgɛ nanù je e tìleya o lì hvomɛ̀nɛ̀ etimbàko ya hwejèelì hwe ama Rzàŋgo wa arzu Yerzù Krirztò, ndèŋgànɛlɛ na oma irzɔ̀ jo ò hwɛ̀ɛ mòndeŋgè na mɔ̀. Nà e rzorzomeya nanù ema,

2 Tɛ̀rzàlonìyà 2:13

Ndi wònyamòwè kòkò ema è lìŋgàhwɛnɛ nà Rzàŋgo Yerzù, jà àŋgàmɛ̀nɛ̀yi lì eka Lohwɛ̀ ihvonda jà arzɛ ò lì è hvomɛ̀nɛ̀. Irzɔ ì mò eka ehwànja Lohwɛ̀ à mà è hvɔ̀rzɔ̀ inyɔ hwatò hwa Tɛ̀rzàlonìya ò lì hwɛ hwatò hwa worzo ò lì lùwa mòrzùŋgèlì ò lì akeyà nà è ŋginyà yà èlìŋgɛ̀ yà wòtani, aŋga nanù inyɔ è hwɛ hwatò hwa eni ema hwa hwèlì wòtani. Ndèŋganɛlɛ mɔ̀ à mà è gbeyà ò lì luwa mòrzùŋgèlì, ò nyòla lìlòkɛ̀ là anyu ò jɔ̀kɛ̀.

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.

2 Pètrò 1:13

Nà ɛnɛ nanù ema o naŋgɛ ema na hwèlì lòŋgɛ, o lɔ̀wu nanù ema na e ɔ̀ŋgɛ̀lɛ̀nɛ hwene hweyà ihvonda ja arzɛ aŋga nanù na e hwèmìrzɛ̀ màlùtèyà ma anyu.

2 Pètrò 3:18

Ndi tɔ̀ nanù, e hwɛnɛ ndi ɛ̀ɛ̀mɛ̀ mɛnɛ ya ama e Rzàŋgo na e Mòrzùŋgèlì wa arzu Yerzù Krirztò, a e ŋgba e ndèli ya eni nanù mɛnɛ. Èluhwe e hwɛ na mɔ̀ o nàŋgɛ natɛ̀ɛ na o mòlìkɛ̀. Inyɛ̀ wo lìya nanù.