2 Kɔ̀rintìyà 9:2 - Mokpwe: Bakwery (New Testament)

² Nà hwi ŋmèma ema e ohvi o lì hwa òŋgòwàna, ndèŋgànɛlɛ na e ohvani kumba o ŋmèma ema e ohvi o lì oŋgòwànà hwatò hwa erzòokà ya Màrzèdonìyà. Nà ma hwa ohweyà nanù ema, “Inyɔ ema e hwèlì o erzòokà ya Àkayiyà, e ma wòŋgìrzɛ̀nɛ̀ natɛ̀ɛ na o ŋma mo mburza o lì hwa ŋgba wolì.” Ŋmèma ema e hwɛni o lì oŋgòwànà hwatò me ma kɔ̀mɛ̀lɛ̀ rzayi-rzayi ja hwatò ò lì gbeyà nanù mɛnɛ.

2 Kɔ̀rintìyà 9:2 Mawu Ofanana

Hwègbèèlì 18:12

È hvònda ema Kàyirza à mà lìirzɛ Galìyò ò mbòkò nàa e Gɔhwina ndɛnɛ ò erzòòkà ya Àkayiyà, hwatò hwa wònyà Yudà ò mbòwa ndɛnɛ ya Kɔ̀rintò hwà mà alatanɛ, rzìi hwa ŋgbaŋgɛ Pàwolò, rzìi hwa mò jànà ò ndawò ya hwèkàyìrzèlì.

Hwègbèèlì 24:17

O mburzà rzàyi-rzàyi ja meya ema imba na rza ɛndɛ ò Jèrurzalɛ̀mù nà mà ɛndɛ aŋga. Nà ma ɛndɛneya hwatò wa ami ŋmanà wòlì na ò lì ŋgbàà Lohwɛ̀ màhwèyà.

Ròmànì 15:26

Hwàtò hwa ama Krirztò ema hwa hwèlì ò erzòòkà ya Màrzèdonìyà na ò erzòòkà ya Àkayiyà, wɔ̀ hwà mà ɛnɛ nanù ema hwa gbeye mòrzàŋgɛ̀ rzìi hwa òmeya mèlìrza me hwatò ema me hwèlì ò ìtììtènì ja hwatò hwa ama Lohwɛ̀ ema hwa hwèlì ò mbòwa ya Jèrurzalɛ̀mù.

1 Kɔ̀rintìyà 16:15

Ìi wònyamòwè naŋgɛ rzɔ, è hwi ema lìtumba lì arzɛ lì ama Rztehvànàrzì lɔ̀ndi lì ma hwɛ e lɔ la worzò o erzòòkà ya Àkayiyà o lì lòkɛ̀ Krirztò, ndèŋgàna hwà mà aŋgbɛ wɔ̀ hwiti o lì gbeyà hwatò hwa ama Lohwɛ̀. Nà e atɛkɛ nanù ema,

2 Kɔ̀rintìyà 1:1

Imba Pàwolò e Àpɔ̀rzìtòlò yà ama Yerzù Krirztò, nà omà e mà tɛyìrzɛhwɛ na Lohwɛ̀. Imba ndi na tìlì ene kààtì o irzɔ nà ŋmànyàŋgò wà arzu wà Krirztò Tìmòtì je omelì ikɔ̀mi. Inyɔ, lì arzàŋganɛ là hwatò hwa Lohwà ema e hwèlì ò è mbowà yà Kɔ̀rintò, na hwanɛ̀yi hwatò hwa arzɛ hwa Lohwà ema hwa hwèlì o erzoòkà ya Àkayiyà.

2 Kɔ̀rintìyà 7:14

Nà ma hwɛnɛ kumba o lì ohweyà Tàyìtùrzì nanù ema, inyɔ e hwèlì ndi hwatò hwa gbamù. È rzi no òkirzɛ ìrzɔnì èhwanja e ma awuŋmɛ̀lɛ̀ nanù ema hweyà ema nà mà mo òhweyà hwe ma hwɛ ndi e jɔ̀kɛ̀, ŋgàna hvɔ̀kɔ hvɛ na hweyà hwe arzɛ hvɛ ema irzɔ i ma e ohweyà, hwe hwèlì ndi e jɔ̀kɛ̀.

2 Kɔ̀rintìyà 7:4

Nà e hwɛnelì kumbà. Nà e kùmbelì e kòkò. È no ètìrzɛ̀ ŋmèma mo ami nyayi ema e no òkirzɛ mɔ̀nyɛ̀ŋgì rzayi-rzayi, tɔ̀ nɛ irzɔ i taka rzayi-rzayi.

2 Kɔ̀rintìyà 8:10

Màlùteyà ma ami ma hwèlì ndi nanù ema, o ŋma mo mburza, inyɔ ndi e ma hwɛ hwatò hwa worzò o lì hwɛnɛ ŋmèma mo lì oŋgòwànà hwatò, ndèŋgànɛlɛ inyɔ ndi ema hwɛ hwatò hwa worzò o lì wòteyà lì oŋgòwànà hwatò.

2 Kɔ̀rintìyà 8:11

O lì ohwa la jɔ̀kɛ̀ e hwɛnì lì kulɛ èwòlò ema e ma wòteyà, èŋge ŋgàna e gbeyà hwatò hwa hwiya nanù ema e wòŋgìrzɛ̀nɛ̀ lì hwɛ na oma e ma hwɛnɛ e nyɔ̀ŋgi ya lì wòteya na lì kulɛ hvɛ nàa e ma wòteyà o hwewòtelì.

2 Kɔ̀rintìyà 8:19

O mburzà nanù hvɛ mɔ̀ à hvɔ̀rzɔ̀hwì na ŋmèmba mo mitelì o lì jo nɔ̀ŋgɔ, o lì hwɛ ŋmèmba na irzɔ o lì gbeyà èwòlò ya lì òŋgòwàna la hwatò. O lì arza nanù ema èluhwe ya ama e Rzàŋgo e ɛneya. Àŋga nanù o ma irzɔ hvɛ ima awuŋmɛ̀lɛ̀ nanù ema i hwɛnì nyìrzɛ̀ o lì hwa òŋgòwàna.

2 Kɔ̀rintìyà 8:24

O èŋgànɛ̀lɛ̀ rzɔ, e uŋmɛ̀lɛ̀ hwanù hwatò nanù ema e hwa lìŋgàni. È gbèyi tɛ nanù, ŋmèmba ema mo hwa omi, mo rzɔŋgìtɛ̀nɛ̀ nanù ema, eyà ene ɔ̀ndeŋgàtɛ̀ je e gbaana kumba.

2 Kɔ̀rintìyà 8:8

Nà rza e kànèyà ndi ema e gbeye ndi nanù. Ndi na oma na ɛnɛ hwatò ema hwa lòkɛ̀ hwa oŋgòhwànà hwanɛ̀yi hwatò, na arza nanù ema inyɔ hvɛ e awuŋmɛ̀lɛ̀ na oma e lìŋgàni hwanɛ̀yi hwatò.

1 Tɛ̀rzàlonìyà 1:7

Ò eŋgànɛ̀lɛ̀ rzɔ ɛ̀ɛ̀mɛ̀ yà anyu è mà hwɛ ndi nàa embànelì ò ìtììtènì jà hwatò ema hwa lòkɛ̀yi, ema hwa hwèlì ò erzòòkà yà Màrzèdonìyà nà Àkayiyà.

Hibrù 10:24

Inyɛ̀ i lùtèyà nɛ i tànɛyi lì àyètìrzɛ̀nɛ̀ mèèmà me arzu mɔ̀kɔ na ɔ̀nɛyi aŋga nanù ja alìŋgànɛ mɔ̀kɔ na ɔ̀nɛyi o lì gbeyà hweyà hwe gbamù.