2 Kɔ̀rintìyà 9:15 - Mokpwe: Bakwery (New Testament)

¹⁵ Inyɛ̀ je ekè Lohwɛ̀ ò è ndèli ya eni ema e rza mɛnɛhwɛ.

2 Kɔ̀rintìyà 9:15 Mawu Ofanana

Lukàrzɛ̀ 2:14

“Èluhwe e hwɛ nà Lohwɛ̀ lì Karzamì, ndèŋgàna ɛ̀yɔ̀lɛ̀ hvɛ e hwɛ nà hwatò ema mɔ̀ à ŋgbelì mòrzìmà ò rze!”

Lukàrzɛ̀ 2:38

Nà òmà Jòrzɛ̀hvù nà Màlìyɛ̀ hwa mà jànè è ŋmanà ò Ndawò yà Lohwà, Anà hvɛ à mà hwɛ aŋga. O wòtɛmɛ̀tɛmɛ̀, rzìi a ŋgbà Lohwɛ̀ jèka, nà lì òhweyà hwatò hwa arzɛ lì hvòmɛ̀nɛ̀ òŋgò ŋmanà. Hwàŋga hwatò ndi hwa mà hwɛ lì ambɛ̀lɛ̀ è hvònda ema Lohwɛ̀ a oŋgìrzɛ̀ è mbòwà yà Jèrurzalɛ̀mù.

Yòwanìrzɛ̀ 1:16

Nà òma mɔ̀ à òndi nà ndèli, ò èŋgànɛ̀lɛ̀ irzɔ hwa arzɛ ì lu mònàmɛ̀ mɔ̀kɔ, mɔ̀kɔ nà ɔ̀nɛyi.

Yòwanìrzɛ̀ 3:16

Lohwɛ̀ a lìŋgàni hwatò hwa ene e rze ya mɔ̀nyɛ̀ rzayì-rzayì. O èŋgànɛ̀lɛ̀, à mà òma ehvòwà ya eni ya Ŋmanà nanù ema, tɔ̀ ima mɔ̀ ema a mò lòkɛ̀ a rza ŋwa ndi à lùwa lòŋgɛ la gbìndèyà.

Ròmànì 5:15

Hwàŋga hwatò hwa ahwakɛ hwa rza enje nyayi hvɔ̀kɔ èhwanja jàhwèyà ema Lohwɛ̀ a ŋgbelì hwatò ò ŋgundu, ema Yerzù Krirztò a jàni, i rza kiti na mamɛ wòhwe wò ama Adàmu wò jàni. È hwèlì ndi e jɔ̀kɛ̀ nanù ema hwatò rzayi-rzayi hwà mà ŋwa ò nyòla wòhwe wò ehvòwa ya mòtò. Ndi e ndèli ya ama Lohwɛ̀ e òlò rzayi-rzayi lì aka wòŋgò wòhwe. Hwatò rzayi-rzayi hwà mà luwa jàhwèyà ja ŋgundu ja ama Lohwɛ̀ tutɛ, lì akeyà na mòtò mɔ̀kɔ ema a hwèlì ndi Yerzù Krirztò.

Ròmànì 6:23

Inyɛ̀ inyɔ e hwiye nanù ema mòrzàhwèlì ema mòtò a luwa ò lì gbeyà wòhwe mò hwèlì ndi e kpelì. Ndi jàhwèyà ema Lohwɛ̀ a ŋgba hwatò ò ŋgundu i hwèlì ndi lòŋgɛ la gbìndèyà. Irzɔ i ma lì luwa èhwanja i hwèlì ndi na Yerzù Krirztò e Rzàŋgò ya arzu.

Ròmànì 8:32

Jàyɛ̀, na òma Lohwɛ̀ a rzi utɛ tɔ̀ Ŋmanà wa eni. A ma mò wòwa rzìi a mò ŋgbà ema a jò ŋwèeyà. Èŋge ŋgàna e hwèlì ndi nanù ema mɔ̀ à rza ò jò ŋgba hvɛ tɔ̀ mamɛ ema i mò ijòwi e?

1 Kɔ̀rintìyà 15:57

Ndi je èki tɛ Lohwɛ̀ ema a jo gbèyi ema i kpirzɛ wòhwe lì akeyà na Rzàŋgo wà arzu Yerzù Krirztò.

2 Kɔ̀rintìyà 2:14

Ndi na ekì Lohwɛ̀ ema a jò gbeyà ema jo ohwe ŋmɛ̀ndì mò eni. Nà oma i hwèlì mòndeŋgè na Krirztò, à mà jo gbeyà ima timba ndi nà hwatò ema Lohwɛ̀ à mà imanɛlɛ na lì timba o lì ɛnɛ jo ohwa ŋmɛ̀ndì mò gbamu ò hweki hwe arzɛ. Lohwɛ̀ à hwèlì lì gbeyà hwatò ò lì hwiya Yerzù Krirztò èhwanja ò ŋmɛ̀ndì mò eni ema i hwèlì lì ohwa. Moŋgo ŋmɛ̀ndì mò àyinɛ̀lɛ̀ o ìtììtènì ja hwatò, nàa erzunju ya gbamù ya hvɛ̀ɛ̀hvɛ̀.

2 Kɔ̀rintìyà 9:11

Lohwɛ̀ à ò è nàmìrzɛ̀ nyayi ema eenji ya anyu e ɛneya i hvonda ja arzɛ. Ène e gbeyà rzayi-rzayi ja hwatò hwa o eka Lohwɛ̀ èhwanja lìwoŋgo ema e hwa ŋgba ema lì uhwɛlɛ na irzɔ.

2 Kɔ̀rintìyà 9:14

Hwa okelì o lì e ɛnɛ, ndèŋgànɛlɛ hvɛ hwa e kanɛ̀lɛ̀lɛ̀ èhwanja e ndèli ya ama Lohwɛ̀ e hwèlì na inyɔ. Èŋge ndèli e olo rzayi-rzayi.

Ɛ̀hvìrzìyà 5:20

È eke Lohwɛ̀ Tatɛ̀ yà arzu ò ihvonda ja arzɛ ò tɔ̀ mamɛ ema è hwɛni lì gbèyɛ̀nɛ. È mò eke ò lìinà là ama Rzàŋgo yà àrzu Yerzù Krirztò.

Jèmìrzì 1:17

Tɔ̀ ima jàhwèyà ja gbamù nà tɔ̀ ima eyà ema e ondìrzɛhwɛyi gbamù, hwe uwɛ̀lɛ̀lɛ̀yi ndi o ma Tàtɛ ema a hwèlì o ŋmanyu yà lohwà. Tatɛ̀ ndi à weki hwèèmà hwe arzɛ ema hwe uŋmɛ̀lɛ̀ ŋmàye o ŋmanyu yà lohwà. Hwene hwèèmà hwe hvànya ŋmàye ndèŋgànɛ̀lɛ̀ mono ŋmàye mo ayèŋgowɛ̀ ndi Lohwɛ̀ a rza ayeŋgòwɛ̀.

Hwèwulùwèlì 4:9

Hweŋge hwèembe hwe aaniyɛ hwe ma hwɛ lì embeya ò è mɔ̀ ema à lìyayi ò è konda yà lìkànèyà, mɔ̀ ema à hwèlì lòŋgɛ ò gbìndèyà nà ò gbìndèyà. Hwe mà hwɛ lì mò embeya mɛ̀rzɔ̀kɔ̀ ema mè mò ŋgba wònyaki, èluhwe, nà jèka.