2 Kɔ̀rintìyà 9:14 - Mokpwe: Bakwery (New Testament)

¹⁴ Hwa okelì o lì e ɛnɛ, ndèŋgànɛlɛ hvɛ hwa e kanɛ̀lɛ̀lɛ̀ èhwanja e ndèli ya ama Lohwɛ̀ e hwèlì na inyɔ. Èŋge ndèli e olo rzayi-rzayi.

2 Kɔ̀rintìyà 9:14 Mawu Ofanana

Lukàrzɛ̀ 16:9

Yerzù rzìi a hwa òhweyà nanù ema, “Nà è òhweyà ema è gbeyànè mònàmɛ̀ mò anyu mò ène rze, ò lì làtana hweyòrza hwe anyu. Èhwanja lìrzàkò mòŋgò mònàmɛ̀ mò kùwa, e kàrzɛ̀hwɛ̀ nàa hwàyɛ̀ni ò èkòmè ya mòlìkɛ̀.

Ròmànì 1:11

Nà hwɛni nyɔ̀ŋgi rzayi-rzayi ò lì è ɛnɛ aŋga nanù nà uki tɛ, nà è embɛ nà jàhwèyà ema èlìŋgɛ̀ yà Lohwɛ̀ è mà nò ŋgbɛ.

2 Kɔ̀rintìyà 1:11

Lohwɛ̀ à jò rzùŋgà èhwanja è hwèlì è jò kànɛ̀lɛ̀lɛ̀. Rzayì-rzayì ja hwatò hwa jo kànɛlɛ̀lɛ̀ ndèŋgàna Lohwɛ̀ a jo nàmìrzɛ̀yi. Ène eyà e gbeyà rzayì-rzayì ja hwatò hwa eka Lohwà, èhwanja mɔ̀ à jo rzùŋgi.

2 Kɔ̀rintìyà 8:1

Wònyamòwè kòkò ja arza nanù ema e hwiye nanù ema Lohwɛ̀ à mà ŋgba ììlì ja eni o hwatò hwa Lohwà ema hwa hwèlì o ŋmèmba mo erzòòkà ya Màrzèdonìyà, o lì arza nanù ema hwa hwɛnɛ e enji.

2 Kɔ̀rintìyà 9:13

Hweya ema ene èwòlò ema e gbeyà, hwe o wuluhwa o mote, hwe gbeyà hwatò rzayi-rzayi o lì ŋgba Lohwà èluhwe, èhwanja inyɔ e hwèlì ndi o lì gbeyà na oma ŋmɛ̀ndì mò ama Krirztò mo òhwi. Inyɔ e hwɛnì rzɔ o lì uŋmɛ̀lɛ̀ mono ŋmèma mo gbamù o hwatò hwa Lohwà ema hwa hwèlì o Jèrurzalɛ̀mù, ndèŋgànɛlɛ o lì mo uŋmɛ̀lɛ̀ hvɛ o hwahvɛhvɛ hwatò hwa Lohwà.

2 Kɔ̀rintìyà 9:15

Inyɛ̀ je ekè Lohwɛ̀ ò è ndèli ya eni ema e rza mɛnɛhwɛ.

Hvìlipìyà 1:8

Lohwɛ̀ ndi à hwèlì è mboŋgi yà ami nanù ema ŋmèma ema nà è hwɛ̀nèlì mò hwèlì ndi nyàyi hvɔ̀kɔ nà oma Yerzù Krirztò mɔhvɛ à è hwɛ̀nèlì.

Hvìlipìyà 2:26

A hwɛni e nyɔ̀ŋgi o lì e ɛnɛ inyɔ hwa arzɛ, ndèŋgànɛ̀lɛ̀ à mà kpa ŋmèma na oma mɔ̀ à mà hweye nanù ema inyɔ e ma hweyà nanù ema mɔ̀ à mà ɔ̀kirzɛ.

Hvìlipìyà 4:1

O eŋgànɛ̀lɛ̀ rzɔ wònyàmòwe kòkò, inyɔ ema na lìŋgàni na lì okeya o lì ɛnɛ, inyɔ ndi e hwèlì màlìŋgo na iitàŋgi ja ami o nyòla èwòlò ema imba nà mà gbeyɛ. Imbunda ja ami kòkò, o lì wowàna hweyà hwe arzɛ ema nà mà e ohweyà, e tɛmeya lìlòkɛ̀ la anyu o ma e Rzàŋgo kɔ̀yi-kɔ̀yi.

1 Tìmotì 1:14

Rzàŋgo ya arzu a ma no ŋgba e ndèli ya eni ema e rza ohvɛɛ lìmɛni. A no gbèyi hvɛ nanù ema na mo lòkɛ̀ na o lì lìŋgana hwahvɛhvɛ hwatò èhwanja i hwèlì mɔ̀kɔ na Yerzù Krirztò.