2 Kɔ̀rintìyà 9:12 - Mokpwe: Bakwery (New Testament)

¹² Ène èwòlò ema e gbeyà e rza òŋgòwàna ndi hwatò hwa Lohwà mɛnɛ, ndi e hwèlì hvɛ ndi o lì uŋmɛ̀lɛ̀ nanù ema hwatò hwa eka Lohwɛ̀ rzayi-rzayi.

2 Kɔ̀rintìyà 9:12 Mawu Ofanana

2 Kɔ̀rintìyà 1:11

Lohwɛ̀ à jò rzùŋgà èhwanja è hwèlì è jò kànɛ̀lɛ̀lɛ̀. Rzayì-rzayì ja hwatò hwa jo kànɛlɛ̀lɛ̀ ndèŋgàna Lohwɛ̀ a jo nàmìrzɛ̀yi. Ène eyà e gbeyà rzayì-rzayì ja hwatò hwa eka Lohwà, èhwanja mɔ̀ à jo rzùŋgi.

2 Kɔ̀rintìyà 1:5

È hwìyè nanù ema nà omà Krirztò à mà luwe mètàkà, nanù ndi irzɔ hvɛ i taka o nyòla yà eni, o èŋgànɛ̀lɛ̀ nà oma i hwèlì nà Yerzù Krirztò, Lohwà à jo ètìrzɛ̀ mèèmà me arzu gbamù-gbamù.

2 Kɔ̀rintìyà 8:4

Hwà mà jo atɛkɛ rzayì-rzayì nanù ema i hwɛnɛ mɔ̀nyɛ̀ŋgì o lì oŋgòwànà hwatò hwa Lohwà hwa hwèlì o mbowà ya Jèrurzalɛ̀mù, nà oma wɔ̀hvɛ hwa hwèlì hwa gbeyà.

2 Kɔ̀rintìyà 9:1

Nàŋgɛ nanù o rza enje tɔ̀ lìtiŋga o imba lì e tìleya lì hvomɛ̀nɛ̀ èwòlò ya lì òŋgòwàna la hwatò hwa Lohwà.

Hvìlipìyà 2:25

Ndi nà mà kulɛ nanù ema o lɔ̀wu nanù ema imba na e omeya ŋmanyàŋgò wa arzu Èpàhvrɔ̀dìtùrzì. A mà gbeyà èwòlò ya ama Krirztò na imba, ndèŋgànɛ̀lɛ̀ à mà oŋgowàna o lì teŋgɛ̀nɛ̀ hwatò ema hwa anana ŋmɛ̀ndì mò gbamù. Ndeŋgànɛ̀lɛ̀ mɔ̀ ndi à hwèlì nàa e rzùwɛlɛ̀ ema inyɔ e ma òme o lì no oŋgowàna.

1 Yòwanìrzɛ̀ 3:17

Tɔ̀ njɛnɛ ema a ohvi erzàŋgo rzi a ɛnɛ ŋmanyàŋgò wa eni a endèli rzìi a rzi mo hwɛneya ŋmèma mo ììlì o lì mo oŋgòhwànà, nɛ rzɔ mɔ̀ à tanɛyi lì ohwa nanù ema a lìŋgàni Lohwɛ̀ e?