2 Kɔ̀rintìyà 9:1 - Mokpwe: Bakwery (New Testament)

¹ Nàŋgɛ nanù o rza enje tɔ̀ lìtiŋga o imba lì e tìleya lì hvomɛ̀nɛ̀ èwòlò ya lì òŋgòwàna la hwatò hwa Lohwà.

2 Kɔ̀rintìyà 9:1 Mawu Ofanana

Matiyò 22:31

Ndi, ò lì hvòmɛ̀nɛ̀ hwèhvùmùwelì hwe kpelì, inyɔ è rzìi laŋgi mamɛ Lohwɛ̀ à mà è òhweyà e?

Hwègbèèlì 24:17

O mburzà rzàyi-rzàyi ja meya ema imba na rza ɛndɛ ò Jèrurzalɛ̀mù nà mà ɛndɛ aŋga. Nà ma ɛndɛneya hwatò wa ami ŋmanà wòlì na ò lì ŋgbàà Lohwɛ̀ màhwèyà.

Ròmànì 11:28

Wònya Yudà hwa hwèlì ndi hwàkɔ̀yèlì hwa ama Lohwɛ̀ nàŋgɛ èhwanja hwa rza lòkɛ̀ Ŋmɛ̀ndì mò Gbamù, ndèŋgànɛ̀lɛ̀ ene e gbèyɛ̀nɛ ndi nanù aŋga nanù inyɔ hwatò ema e rza enje wònyà Yudà e luwa lì kɔ̀tɔ̀wɔ. Tɔ̀ nɛ e hwèlì nanù, Lohwɛ̀ à mà hvɔ̀rzɔ̀ wònyà Yudà ndèŋgànà a hwa lìŋgàni hvɛ nanù mɛnɛ èhwanja ò yòmbò ema à mà ààtɛ̀ na imbamba ja awu.

Ròmànì 12:13

O ìtììtènì ja anyu ja hwatò hwa ama Krirztò, e hwèlì tɛ ema mɔ̀kɔ wa anyu a endèli tɛ yòma, e mɔ̀ ema a e òhvi inyɛ a mò ŋgbe e yɔ. Tɔ̀ njɛnɛ ema a e jɛlɛlɛ nàa ŋmɛ̀nì e mò karzɛ gbamù.

Ròmànì 15:31

È nò kanɛ̀lɛ̀lɛ̀ nanù ema na ò rzùŋgàhwà ò màà mà hwatò ema hwa rza lòkɛ̀yì Krirztò ò erzòòkà ya Jùdeyà nanù ema hwa rzi nò gbeyà tɔ̀ wòhwe. Ndèŋgànɛ̀lɛ̀ e kànɛ hvɛ nanù ema wòlì ema na ò ɛndɛneya mèlìrza me hwatò ema me hwèlì ò mòndeŋge mò hwatò hwa Lohwà ò Jèrurzalɛ̀mù, hwa wò emeyà.

Gàletìyà 2:10

Ndi hwà mà jo òhweyà nanù ema i rzi hvoŋga o lì oŋgowàna mèlìrza me hwatò. Ndeŋgànɛ̀lɛ̀ eyà eŋge ema imba nà mà lìŋgane o lì gbeyà rzayi-rzayi.

Gàletìyà 6:10

O èŋgànɛ̀lɛ̀ rzɔ, tɔ̀ ima hvonda ema i lu o lì gbeyà gbamù, inyɛ i wo gbèeyà tɔ̀ ima mòtò, rzɛ̀hvɔ̀nì wònyàmòwe hwa Krirztò.

1 Tɛ̀rzàlonìyà 5:1

O nàŋgɛ rzɔ̀, ìi wònyàmòwe kòkò, o rza enje tɔ̀ lìtiŋgà o lì e tìleya lì hvomɛ̀nɛ̀ e hvonda na wùùnya ema hwene hweyà hwe o gbèyɛ̀nɛ.

1 Yòwanìrzɛ̀ 2:27

Ndi ò inyɔ, Krirztò à mà è ondìrzɛ̀ nà Èlìŋgɛ̀ yà Wòtani ndèŋgànɛ̀lɛ̀ yɔ̀ è hwèlì ò tenì yà anyu. Ò eŋgànɛ̀lɛ̀ rzɔ, inyɔ è rza arza mòtò ò lì è okòlɛ̀ ehwànja Èlìŋgɛ̀ è mà e okòlɛ̀ hweyà hwe arzɛ, ndèŋgànɛ̀lɛ̀ hweyà ema à è okòlɛ hwe hwèlì ndi è jɔ̀kɛ̀ rzeketɛ mòlàŋga. Ò eŋgànɛ̀lɛ̀ rzɔ, nanù mɛnɛ nà Krirztò nà oma Èlìŋgɛ̀ yà Wòtani è mà è okòlɛ̀.