2 Kɔ̀rintìyà 8:8 - Mokpwe: Bakwery (New Testament)

⁸ Nà rza e kànèyà ndi ema e gbeye ndi nanù. Ndi na oma na ɛnɛ hwatò ema hwa lòkɛ̀ hwa oŋgòhwànà hwanɛ̀yi hwatò, na arza nanù ema inyɔ hvɛ e awuŋmɛ̀lɛ̀ na oma e lìŋgàni hwanɛ̀yi hwatò.

2 Kɔ̀rintìyà 8:8 Mawu Ofanana

Ròmànì 12:9

Tɔ̀ ima mòtò a hwɛni lì hwɛnɛ e ndìŋgɛ na hwatò na e jɔ̀kɛ̀. È kɔ̀ mamɛ ema e hwèlì wòhwe. È akakumɛnɛ ò lì gbeyà mamɛ ema e hwèlì gbamù.

1 Kɔ̀rintìyà 7:12

O hwanɛ̀yi hwatò, imba ndi nà è ohweyà, rzeketɛ Rzàŋgo Yerzù. Tɔ̀ ima mòtò wà wònyà Krirztò ema a ohvi mòlanà ema a rza lòkɛ̀yì Krirztò, ema a lìŋganì lì lìya na mɔ̀, òŋgo mòtò a rzi mo hvàyà o lìhwa.

1 Kɔ̀rintìyà 7:25

O naŋgɛ nanù o lì hvomɛ̀nɛ̀ hwatò ema hwa rza hwàayi na hwaŋga ema hwa rzi hwàahwì. Imba na rza ohvi lìkànèyà ema Rzàŋgo Yerzù a no ŋgbèlì, tɔ̀ eyà o lì e ohweyà lì hvomɛ̀nɛ̀ hwenè hwètɛ̀yìrzèlèlì. Ndi tɔ̀ nɛ Rzàŋgo Yerzù à nò òŋgòwani o lì hwɛ e mòtò ema hwatò hwa lòkɛ̀yì. O èŋgànɛ̀lɛ̀ na e ohweyà mamɛ ema na hwi ema e hvomɛ̀nɛ̀yi.

1 Kɔ̀rintìyà 7:6

Nà e òhwèlì ndi ene eyà nàa màyowà, rzeketɛ lìkànèyà ndi na e kànelì.

2 Kɔ̀rintìyà 6:6

Ima awuŋmɛ̀lɛ̀ hvɛ nanù ema i hwèlì ndi hwàgbèelì hwa ama Lohwɛ̀ na oma i ma gbeye hweyà hwe gbamù na mèèmà ema me rzaŋgi, Lohwɛ̀ à mà jo ŋgba lì rzɔŋgìtɛ̀nɛ̀ o lì hwiya e nyayi ya lòŋgɛ ema i hwɛni lì lìya, lì àjùlɛ̀, na lì ohva ŋmèma mo gbamù o lì oŋgòwànà hwatò. Èlìŋgɛ̀ ya wòtani ndi e jo timba, ndèŋgànɛlɛ i lìŋgàni hwatò hwa arzɛ na ŋmèma mɔ̀kɔ.

2 Kɔ̀rintìyà 8:10

Màlùteyà ma ami ma hwèlì ndi nanù ema, o ŋma mo mburza, inyɔ ndi e ma hwɛ hwatò hwa worzò o lì hwɛnɛ ŋmèma mo lì oŋgòwànà hwatò, ndèŋgànɛlɛ inyɔ ndi ema hwɛ hwatò hwa worzò o lì wòteyà lì oŋgòwànà hwatò.

2 Kɔ̀rintìyà 8:24

O èŋgànɛ̀lɛ̀ rzɔ, e uŋmɛ̀lɛ̀ hwanù hwatò nanù ema e hwa lìŋgàni. È gbèyi tɛ nanù, ŋmèmba ema mo hwa omi, mo rzɔŋgìtɛ̀nɛ̀ nanù ema, eyà ene ɔ̀ndeŋgàtɛ̀ je e gbaana kumba.

2 Kɔ̀rintìyà 9:2

Nà hwi ŋmèma ema e ohvi o lì hwa òŋgòwàna, ndèŋgànɛlɛ na e ohvani kumba o ŋmèma ema e ohvi o lì oŋgòwànà hwatò hwa erzòokà ya Màrzèdonìyà. Nà ma hwa ohweyà nanù ema, “Inyɔ ema e hwèlì o erzòokà ya Àkayiyà, e ma wòŋgìrzɛ̀nɛ̀ natɛ̀ɛ na o ŋma mo mburza o lì hwa ŋgba wolì.” Ŋmèma ema e hwɛni o lì oŋgòwànà hwatò me ma kɔ̀mɛ̀lɛ̀ rzayi-rzayi ja hwatò ò lì gbeyà nanù mɛnɛ.

2 Kɔ̀rintìyà 9:7

Mòtò tɛ a ŋgbe wolì na oma ŋmèma mo eni mo mò ohwèlì. È rzi hwɛ nanù ema a tinɛlɛhwɛyi, èhwanja, Lohwà a lìŋgàni e mòtò ema a ŋgbà na ŋmèma ema mo rzaŋgi.

Ɛ̀hvìrzìyà 4:15

I rza ò hwɛ nanù ndi i hwɛ ò lì ohwa è jɔ̀kɛ̀ nà lì à uŋmɛ̀lɛ̀nɛ è ndìŋgɛ mɔ̀kɔ nà ɔ̀nɛyi. Inyɛ̀ ì gbèyi nanù, aŋga nanù jò òŋga ò ì hvèyò ja arzɛ nà lì hwɛ nàa Yerzù Krirztò ema mɔ̀ ndi à hwèlì mòòhvò.

Ɛ̀hvìrzìyà 6:24

Inyɛ̀ è ndèli yà ama Lohwɛ̀ è hwɛ nà hwaŋga hwa arzɛ ema hwa lìŋgàni Rzàŋgo wà arzu Yerzù Krirztò nà ndìŋgɛ ema è rza kùwa.

Hibrù 10:24

Inyɛ̀ i lùtèyà nɛ i tànɛyi lì àyètìrzɛ̀nɛ̀ mèèmà me arzu mɔ̀kɔ na ɔ̀nɛyi aŋga nanù ja alìŋgànɛ mɔ̀kɔ na ɔ̀nɛyi o lì gbeyà hweyà hwe gbamù.

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.