2 Kɔ̀rintìyà 8:6 - Mokpwe: Bakwery (New Testament)

⁶ Ène ŋgàna e èŋgànɛ̀lɛ̀ i atɛkɛ Tàyìtùrzì à mà wòteya ene èwòlò ema a e òŋgowane ene èwòlò ya enji a e ùkirzɛ̀ o lìrzukù, na lì ŋgba hwatò mamɛ ema hwa arza na ŋmèma mɔ̀kɔ.

2 Kɔ̀rintìyà 8:6 Mawu Ofanana

Hwègbèèlì 24:17

O mburzà rzàyi-rzàyi ja meya ema imba na rza ɛndɛ ò Jèrurzalɛ̀mù nà mà ɛndɛ aŋga. Nà ma ɛndɛneya hwatò wa ami ŋmanà wòlì na ò lì ŋgbàà Lohwɛ̀ màhwèyà.

Ròmànì 15:25

Ndi tɔ̀ nanù ò nàŋgɛ, imba na ɛndɛ ò mbòwa ya Jèrurzalɛ̀mù ò lì ɛndɛ lì òŋgòwàna hwatò hwa ama Lohwɛ̀ ema hwa hwèlì aŋga.

2 Kɔ̀rintìyà 12:18

Nà ma rzorzomeya Tàyìtùrzì ema a e jèeya, ndèŋgàna nà mà mo òmana na ɔ̀nɛyi ŋmanyàŋgo wa arzu wa Krirztò. È arza ndi lì ohwa nanù ema e hvonda ema Tàyìtùrzì à mà e jèeya à mà e lukɛlɛ e? È rza enje ndi e jɔ̀kɛ̀ nanù ema imba na Tàyìtùrzì i ohvi ndi mɔ̀ŋgɛ̀lɛ̀ mɔ̀kɔ e?

2 Kɔ̀rintìyà 2:13

Ndi na oma nà mà ùke aŋga, nà mà wukumeya, èhwanja na rzi ùŋmanɛlɛ ŋmana mòwè hwa Krirztò Tàyìtùrzì ema i gbèyɛ̀nɛ èwòlò aŋga. Rzi na hwa akpanɛ, na ɛ̀ndɛ e ya ami o erzòòkà ya Màrzèdonìyà.

2 Kɔ̀rintìyà 8:10

Màlùteyà ma ami ma hwèlì ndi nanù ema, o ŋma mo mburza, inyɔ ndi e ma hwɛ hwatò hwa worzò o lì hwɛnɛ ŋmèma mo lì oŋgòwànà hwatò, ndèŋgànɛlɛ inyɔ ndi ema hwɛ hwatò hwa worzò o lì wòteyà lì oŋgòwànà hwatò.

2 Kɔ̀rintìyà 8:19

O mburzà nanù hvɛ mɔ̀ à hvɔ̀rzɔ̀hwì na ŋmèmba mo mitelì o lì jo nɔ̀ŋgɔ, o lì hwɛ ŋmèmba na irzɔ o lì gbeyà èwòlò ya lì òŋgòwàna la hwatò. O lì arza nanù ema èluhwe ya ama e Rzàŋgo e ɛneya. Àŋga nanù o ma irzɔ hvɛ ima awuŋmɛ̀lɛ̀ nanù ema i hwɛnì nyìrzɛ̀ o lì hwa òŋgòwàna.

2 Kɔ̀rintìyà 8:23

Tàyìtùrzì, à mà no oŋgama i hvonda ja arzɛ o lì gbeyà èwòlò ya lì e òŋgòwàna. Hwanɛ̀yi wònyànyàŋgo wa arzu hwa Krirztò, ema hwa ɛ̀ndɛ na Tàyìtùrzì, hwa hwèlì ndi hwatò ema ŋmèmba mo mà omɛ o lìnà la awu, ndèŋgànɛlɛ tɔ̀ ima ekì ema hwa ɛndɛ, na hweyà hvɛ ema hwa gbeyà, hwe jàneyà Krirztò èluhwe.

2 Kɔ̀rintìyà 8:4

Hwà mà jo atɛkɛ rzayì-rzayì nanù ema i hwɛnɛ mɔ̀nyɛ̀ŋgì o lì oŋgòwànà hwatò hwa Lohwà hwa hwèlì o mbowà ya Jèrurzalɛ̀mù, nà oma wɔ̀hvɛ hwa hwèlì hwa gbeyà.

2 Kɔ̀rintìyà 9:5

O èŋgànɛ̀lɛ̀ rzɔ, aŋga ndi nà mà lùtèyà nanù ema o lɔ̀wu ema na ome wònyànyàŋgo hwa arzu hwa Krirztò o worzò, aŋga nanù e kulɛ lì wòŋgìrzɛ̀nɛ̀ lì oŋgowanɛ lì ndɛnɛ ema e ohwi nanù ema e o hwa ŋgba. È gbèyi tɛ nanù, lì oŋgòhwànɛ̀ la arzɛ lì o wòŋgìrzɛ̀nɛ̀ ndèŋgàna na e jà. Ène ŋgàna e uŋmɛ̀lɛ̀ nanù ema e ŋgbelì na ŋmèma mɔ̀kɔ, rzeketɛ èhwanja je e nyàkìrzɛ̀.

Hvìlipìyà 4:18

O nàŋgɛ rzɔ, nà mà luwa hwèèmà hwe arzɛ ema e ma no òmeya ndeŋgànɛlɛ na hwe lu hvèyi lì aka tɔ̀ nanù. Èpàhvrɔ̀dìtùrzì à mà no jàneya hwèèmà ema e ma no òmeya. È gbèyi ndi nàa o a ɛnɛ oma inyɔ e ŋgbelì ndi Lohwɛ̀ màhwèyà emà mà ohvi erzunju ya gbamù. Lohwɛ̀ à mà luwa iŋgi jàhwèyà ndèŋgànɛ̀lɛ̀ i mo lìŋgirzɛ.

1 Pètrò 4:10

È hwɛ hwàgbèèlì hwa gbamù ndèŋgànɛ̀lɛ̀ e gbeyàne màahweyà ma anyu o lì oŋgowàna mɔ̀kɔ na ɔ̀nɛyi.