2 Kɔ̀rintìyà 8:5 - Mokpwe: Bakwery (New Testament)

⁵ Hwà mà gbeyà lì aka na oma i ma ɔ̀ŋgɛ̀lɛ̀. Hwà mà loma lì ŋgbà mòŋgɛ ma awu oma Rzàŋgo. O mburzà hvonda hvɛ hwà mà ŋgbà mòŋgɛ màa awu o màa marzu na oma Lohwɛ̀ à mà hwa arzane nanù ema hwa gbeye.

2 Kɔ̀rintìyà 8:5 Mawu Ofanana

Ròmànì 12:1

O eŋgànɛ̀lɛ̀ rzɔ, wònyàmòwe kòkò, èhwanja ò ììlì ndɛnɛ ja ama Lohwɛ̀ ema a jò uŋmɛ̀lɛ̀, na e atɛkɛ nanù ema, ya aŋgbɛ inyɔ hwiti ò ma Lohwɛ̀ nàa jàhwèyà ema i hwèlì lòŋgɛ. Ini jàhwèyà i hwɛni lì hwɛ wòrzàŋgi na lì emeyàhwa na Lohwɛ̀. Nànù ndi inyɔ e hwɛni ò lì kànɛ.

Ròmànì 6:13

È rzi inyɛ tɔ̀ èhvàrzù yɔ̀kɔ ya anyu ya enama ya nyò e gbeyànɛhwɛ nàa ɛ̀ɛkɛ̀ ò lì gbeyàna wòhwe. Ndi e aŋgbɛ inyɔ hwìti ò ma Lohwɛ̀ nàa hwatò ema hwa hvɔ̀ɔtɔ̀wi ò kpelì rzìi hwa ŋgbàhwi lòŋgɛ lì hvènya. È ŋgbe inyò ja anyu ja arzɛ ò ma Lohwɛ̀ aŋga nanù, mɔ̀ à e gbeyàna ò lì gbeyà hweyà ema hwe hvòmɛ̀nɛ̀yi ò wòrzò wò ama Lohwɛ̀.

1 Kɔ̀rintìyà 1:1

Ìmba Pàwolò ndi nà e omelì inì ìtìta ema nà ma hwɛ̀lɛ̀hwɛ̀ na lemeyà la ama Lohwɛ̀ o lì hwɛ àpɔ̀rzìtòlò ya ama Yerzù Krirztò ŋmèmba na ŋmanyàŋgò wa àrzu, Rzɔ̀rztenìrzì.

2 Kɔ̀rintìyà 4:5

Ɔ̀ndeŋgàtɛ̀ i rza ohwa ndi o lì ayèkirzɛ̀ irzɔ hwiti. Ndi irzɔ je e ohweyà nanù ema Yerzù ndi à hwèlì e Rzàŋgo. O nyòla ama Yerzù irzɔ i hwèlì ndi hwàgbèèlì hwa anyu.

2 Kɔ̀rintìyà 8:1

Wònyamòwè kòkò ja arza nanù ema e hwiye nanù ema Lohwɛ̀ à mà ŋgba ììlì ja eni o hwatò hwa Lohwà ema hwa hwèlì o ŋmèmba mo erzòòkà ya Màrzèdonìyà, o lì arza nanù ema hwa hwɛnɛ e enji.