2 Kɔ̀rintìyà 8:4 - Mokpwe: Bakwery (New Testament)

⁴ Hwà mà jo atɛkɛ rzayì-rzayì nanù ema i hwɛnɛ mɔ̀nyɛ̀ŋgì o lì oŋgòwànà hwatò hwa Lohwà hwa hwèlì o mbowà ya Jèrurzalɛ̀mù, nà oma wɔ̀hvɛ hwa hwèlì hwa gbeyà.

2 Kɔ̀rintìyà 8:4 Mawu Ofanana

Matiyò 10:42

Ò jɔ̀kɛ̀, nà è òhweyà nanù ema, tɔ̀ ima mòtò ema à ŋgbelì tɔ̀ mòtò tɔ̀ mɔ̀kɔ wà hwaŋga ema hwa nò oŋgama tɔ̀ malìhwa mà lì nyɔ, tɔ̀ òŋgò mòtò à rzi hwɛ wòlìtò, òŋgò ema à ŋgbelì, à hwɛni lì lùwa etaŋgi jà ama Lohwɛ̀.”

Matiyò 12:50

Tɔ̀ ima mɔ̀ ema à gbèyi lì emeyà la ama Tatɛ̀ wa ami ema a hwèlì ò ŋmanyu yà lohwà, mɔ̀ ndi à hwèlì nyàŋgò wa ami, nà wònyanyàŋgò hwa amì.”

Matiyò 25:40

Ndi e Kiŋgɛ̀ e hwa alàhwɛ̀ nanù ema, ‘O tɛ̀ɛ̀tɛ̀ɛ na e òhweyà ema tɔ̀ mamɛ ema e ma gbèeyà mɔ̀kɔ wa hwanù wònyanyàŋgò wa ami ema hwa rza òhvɛ hwe tɛmelì, imba ndi ema gbèeyà.’

Makòrzì 14:7

Mèlìrza mè hwatò mè hwèlì nà inyɔ ì hvònda jà arzɛ è tànɛyi lì wò òŋgòwàna tɔ̀ ima hvònda ndi ìmba nà rza hwɛ nà inyɔ ihvònda jà arzɛ.

Hwègbèèlì 11:29

O èŋgànɛ̀lɛ̀ hwà-òkòwèlì ò lì atanɛ la awu, wɔ̀ hwà mà tɛ̀yirzɛ̀ nanù ema tɔ̀ ima mɔ̀kɔ wa awu a ò òma lìwòŋgò ò hwatò ema hwa lòkɛ̀ Yerzù ò erzòòkà ya Jùdeyà.

Hwègbèèlì 16:15

Hwà mà mò lùhwìrzɛ̀ na lìtumba la eni la arzɛ, ò mburza nanù à mà jò yòwɛ ò màandà mà eni rzi a òhwa nanù ema, “È lutelì tɛ ema imbahvɛ na hwèlì ndi mòlòkèlì mɔ̀kɔ, wa ama Rzàŋgò, e jèe e lìya ò màandà mà ami” mɔ̀ à mà jò tinɛlɛ natɛ̀ɛ rzìi je emeyà.

Hwègbèèlì 24:17

O mburzà rzàyi-rzàyi ja meya ema imba na rza ɛndɛ ò Jèrurzalɛ̀mù nà mà ɛndɛ aŋga. Nà ma ɛndɛneya hwatò wa ami ŋmanà wòlì na ò lì ŋgbàà Lohwɛ̀ màhwèyà.

Ròmànì 15:31

È nò kanɛ̀lɛ̀lɛ̀ nanù ema na ò rzùŋgàhwà ò màà mà hwatò ema hwa rza lòkɛ̀yì Krirztò ò erzòòkà ya Jùdeyà nanù ema hwa rzi nò gbeyà tɔ̀ wòhwe. Ndèŋgànɛ̀lɛ̀ e kànɛ hvɛ nanù ema wòlì ema na ò ɛndɛneya mèlìrza me hwatò ema me hwèlì ò mòndeŋge mò hwatò hwa Lohwà ò Jèrurzalɛ̀mù, hwa wò emeyà.

1 Kɔ̀rintìyà 16:1

Nàŋgɛ nanù, inyɛ nɛ ohweyà lì hvomɛ̀nɛ̀ wolì ema e ma rzaŋge o lì òŋgòwàna hwatò hwa Lohwɛ̀. Nà oma nà mà òhwèyà ŋmèmba mo hwatò hwa Gàlerzìyà ema hwa gbeye inyɔ hvɛ e hwɛnì ndi lì gbeyà nanù mɛnɛ.

1 Kɔ̀rintìyà 16:15

Ìi wònyamòwè naŋgɛ rzɔ, è hwi ema lìtumba lì arzɛ lì ama Rztehvànàrzì lɔ̀ndi lì ma hwɛ e lɔ la worzò o erzòòkà ya Àkayiyà o lì lòkɛ̀ Krirztò, ndèŋgàna hwà mà aŋgbɛ wɔ̀ hwiti o lì gbeyà hwatò hwa ama Lohwɛ̀. Nà e atɛkɛ nanù ema,

2 Kɔ̀rintìyà 9:1

Nàŋgɛ nanù o rza enje tɔ̀ lìtiŋga o imba lì e tìleya lì hvomɛ̀nɛ̀ èwòlò ya lì òŋgòwàna la hwatò hwa Lohwà.

Gàletìyà 2:10

Ndi hwà mà jo òhweyà nanù ema i rzi hvoŋga o lì oŋgowàna mèlìrza me hwatò. Ndeŋgànɛ̀lɛ̀ eyà eŋge ema imba nà mà lìŋgane o lì gbeyà rzayi-rzayi.

Gàletìyà 6:10

O èŋgànɛ̀lɛ̀ rzɔ, tɔ̀ ima hvonda ema i lu o lì gbeyà gbamù, inyɛ i wo gbèeyà tɔ̀ ima mòtò, rzɛ̀hvɔ̀nì wònyàmòwe hwa Krirztò.

1 Tìmotì 5:10

Moŋgo mokurze mo molanà mo hwɛni ndi lì hwɛ molanà ema a hwiyɛnɛyi o hwègbèèlì wa eni hwe gbamù. A àŋgàmɛ̀nɛ̀yi ndi lì hwɛ molanà ema à mà màa lì woŋgohwa hwàànà gbamù, a kàrzɛ hwàyɛ̀nì gbamù o ndawò ya eni, a hwɛni lì arzìirzɛ, ema à mà gbèeyà hwatò hwa Lohwɛ̀ nyayi ema à mà hwɛ lì rzorza matàŋgà mà awu. A hwɛni hvɛ ndi lì hwɛ molanà ema à mà oŋgowanɛ hwatò ema hwà mà hwɛ o ndùtù, ndèŋgàna a hwɛni hvɛ lì aŋgbɛ ŋmìti o hwègbèèlì hwe gbamù.

Hibrù 6:10

Lohwɛ̀ à mà gbeyà hweŋge hwèma o ŋgana ema e hvomɛ̀nɛ̀. Mɔ̀ a rza hvoŋga tɔ̀ èwòlò yɔ̀kɔ ema mòtò a gbeye ndèŋgànɛ̀lɛ̀ mɔ̀ à rza hvoŋga e ndìŋgɛ ema mòtò a mo uŋmɛ̀lɛ̀ na oma inyɔ e hwèlì o lì gbèeyà hwahvɛhvɛ hwatò hwa ama Lohwɛ̀.