2 Kɔ̀rintìyà 8:3 - Mokpwe: Bakwery (New Testament)

³ Nà hwèlì ndi mboŋgi nanù ema hwà mà ŋgbà mamɛ hwà mà ohve. Hwà mà ŋgba lì aka mamɛ hwà mà hwɛnɛ lì ŋgba. Hwà mà ŋgbà na mèèmà me awu me arzɛ.

2 Kɔ̀rintìyà 8:3 Mawu Ofanana

Makòrzì 14:8

À gbèyi è yɔ yà eni ema à tànɛ̀yi. À nò kòmi lìni lìyɔ̀ki là hvɛ̀ɛ̀hvɛ̀ ò nyò yà ami ò lì wòŋgìrzɛ̀nɛ̀ lì imàhwɛlɛ là ami ndèŋgàna è hvònda.

Hwègbèèlì 11:29

O èŋgànɛ̀lɛ̀ hwà-òkòwèlì ò lì atanɛ la awu, wɔ̀ hwà mà tɛ̀yirzɛ̀ nanù ema tɔ̀ ima mɔ̀kɔ wa awu a ò òma lìwòŋgò ò hwatò ema hwa lòkɛ̀ Yerzù ò erzòòkà ya Jùdeyà.

Ròmànì 10:2

Nà hwa tɛ̀mèlì mbòŋgi nanù ema wɔ̀ hwa hwɛni ekɔ̀njì ò ma Lohwɛ̀. Ndi wɔ̀ hwa rza rzɔ̀ŋgìtɛ̀nɛ̀ nɛ wɔ̀ hwa hwɛni lì hwɛnɛ èkɔ̀njì na mɔ̀.

1 Kɔ̀rintìyà 16:2

Tɔ̀ ima eyu ya Màrzo Lìrzàmba tɔ̀ ima mɔ̀ wa anyu a ulɛ ŋmanà wolì a ute. Wono wolì wo hwɛ ndi o mamɛ ema tɔ̀ ima mòtò a lu. È gbèyi tɛ nanù o rza hwɛ hvɛ mòrzàŋgèlì mo wòlì nà jelì tɛ.

1 Kɔ̀rintìyà 9:17

Èma hwɛ tɛ nanù ema imba ndi nà mà ahvɔ̀rzɛ̀ o lì gbeyà ene èwòlò, o ma na lùwa mòrzàhwèlì. Ndi na rza e hvɔ̀rzì, Lohwɛ̀ mɛnɛ ndi à no ŋgbelì ene èwòlò ò lì gbeyà.

Gàletìyà 4:15

O eŋge hvonda e ma onda na mɔ̀nyɛ̀ŋgì. Mamɛ e gbèyɛ̀nɛ o moŋgo mɔ̀nyɛ̀ŋgì ema e ma hwɛnɛ e? Imba mbiti na hwèlì ndi e mboŋgi ya anyu nanù ema, o eŋge hvonda e ma no lìŋgàna màlìŋgo ema e ma hwɛ tɛ nanù ema mòtò a tuma lìirzɔ̀ la eni o lì li ŋgba mbunda eni nanù ema a lì gbeyàne oma e ma tuma mìirzɔ̀ ma anyu rzi e no ŋgba e mɔ̀.

Hvìlipìyà 2:13

Inyɛ̀ e gbeye nanù, ehwànja Lohwɛ̀ a hwèlì na inyɔ o ihvonda ja arzɛ, aŋga nanù e o ohva mèèmà o lì gbeyà hweyà hwe gbamù ema mɔ̀ à arza nanù ema e gbeye, ndèŋgànɛ̀lɛ̀ e hwe gbèyi.

Kòlòrzìyà 4:13

Imba mbiti na tɛmi mboŋgi nanù ema mɔ̀ à mà e gbèeyà èwòlò rzàyi-rzàyi na o hwatò hwa ama Krirztò ema hwa hwèlì o mambowà mà Làwòdèrzìyà na Hilàpolìrzi.

1 Tɛ̀rzàlonìyà 2:8

Je e lìŋgàni rzàyi-rzàyi, rzeketɛ o lì e ohwa Ŋmɛ̀ndì mò Gbamù mo ama Lohwɛ̀ mɛnɛ, ndi o lì arza hvɛ hveyo ò lì e oŋgowàna ehwànja je e lìŋgàni rzayi-rzayi.

Hvìlɛ̀mɔ̀nì 1:14

Ndi tɔ̀ nanù, nà rza arza lì ò tindɛ̀lɛ̀ ema ò nò òŋgòwane. Ndi, nà ò lìŋgàna nanù ema ò nò òŋgòwane ndi ehwànja ò wà hwìti ò lìŋgàni lì nò òŋgòwàna. Ò èŋgànɛ̀lɛ̀ rzɔ, nà rza tànɛ lì gbeyà tɔ̀ eyà ema ò wà ò rzi imànɛ̀lɛ̀.

1 Pètrò 4:11

Tɔ̀ ima mòtò ema à hwi lì ohwa gbamù inyɛ à ohwe ndi nàa à ohwa ndi è mbɔrzi ema è uwɛ̀lɛ̀lɛ̀yì ò mà Lohwɛ̀ mɔ̀ ŋmìti. Tɔ̀ njɛnɛ ema à oŋgowàna hwatò, inyɛ à gbeyàne ndi è ŋginyà ema Lohwɛ̀ à mò ŋgbelì. Jèka jò ò ŋgbààhwà Lohwɛ̀ lì hvomɛ̀nɛ̀ hweyà hwe arzɛ lì akeyà nà Yerzù Krirztò. Èluhwe yà arzɛ nà è ŋginyà yà arzɛ è hwɛ nà mɔ̀ ò gbìndèyà nà ò gbìndèyà. Inyɛ̀ wò lìya nanù!

1 Pètrò 5:2

e hwɛ ndi nàa hwà-ɔ̀ŋgelì hwa mɛ̀lɛ̀ŋgù o hwatò hwa ama Lohwɛ̀ ema hwa hwèlì o rze ya anyu. È hwa ɔŋgeya, rzeketɛ ema ehwànja e hwɛni lì hwa ɔŋgeya, ndi ehwànja e hwɛni nyɔ̀ŋgi o lì gbeyà nanù na oma Lohwɛ̀ a arza nanù ema e hwɛ. È gbeye èwòlò ya anyu e rzi hwɛ lì oŋgama mɔ̀rzɛ̀ŋgì ndi ehwànja e hwɛni mèèmà me lì e gbeyà.