2 Kɔ̀rintìyà 8:21 - Mokpwe: Bakwery (New Testament)

²¹ Irzɔ i keka o lì gbeyà mamɛ e ma e lɔ̀wu, o worzò wo ama e Rzàŋgo, na o marzò ma hwatò hwa hwènàmà.

2 Kɔ̀rintìyà 8:21 Mawu Ofanana

Matiyò 23:5

Tɔ̀ mamɛ ya arzɛ ema hwa gbeyà, hwa e gbeyà ndi nanù ema hwatò hwa hwà ɛnɛ. Hwa gbeyà hwanà hwewòŋgò ema hwa tìla mòtìla mò Eyà ya Lohwà ò tenì rzi hwa hwe kaka ò mbɔ̀mbɔ̀ na ò mèyɔ̀yɔ̀ mè awu. Hwa gbeyà ŋmàamba mò èluhwe ema mà wàwà rzi hwà mà wɔ̀tɔ̀ ò ŋmanyu ya meŋgòmbe me awu.

Matiyò 5:16

Inyɛ̀ inyɔ hvɛ è pànye ndi ŋgàna hvɔ̀kɔ nàa ètùlù. Hwatò hwa ɛni tɛ hwèwòlò hwe anyu hwe gbamù ema è gbèya, hwa eka Lohwɛ̀ Tatɛ̀ hwa anyu ema à hwèlì ò ŋmanyu yà lohwà.”

Matiyò 6:1

“È aŋgòwe! È rzìi gbeyà èwòlò yà anyu yà Lohwɛ̀ èhwanja è arza nanù ema hwatò hwa è ɛnɛ. È gbèyi tɛ nanù, è rza lùwa tɔ̀ mòrzawèlì na Tatɛ̀ wà anyu ema à hwèlì ò lìkànèyà là ŋmanyu.”

Matiyò 6:4

Aŋga nanù tɔ̀ mòtò à rza hwiya mamɛ ema ò mò ŋgbelì. Aŋga ndi Lohwɛ̀, Tatɛ̀ wà aŋgɔ̀ ema à ɛnɛ hweyà ema hwe gbèyɛ̀nɛ̀yi ò wùndɛ̀ à ò rzaweyà.”

Ròmànì 12:17

È hwèlì tɛ nanù ema, mòtò a e gbèyi tɛ wòhwe, e rzi mò timbirzɛlɛlɛ wòhwe. Inyɔ e àŋgàmɛ̀nɛ̀ ndi lì keka ò lì gbeyà gbamù ò mirzɔ̀ ma hwatò hwa arzɛ.

Ròmànì 14:18

O gbèelì tɛ Krirztò ò ene ŋgàna, ò emàyɛ̀lɛ̀hwɛ̀ òma Lohwɛ̀, ndèŋgànɛlɛ hwatò hvɛ hwa ò òhwa nanù ema ò ma gbeyà eyà ya gbamù.

2 Kɔ̀rintìyà 2:17

O èŋgànɛ̀lɛ̀ rzɔ, i rza enje ndi nàa rzayi-rzayi ja hwanɛyi hwatò ema hwa ohwa eyà ya Lohwɛ̀ o lì yalɛ wolì. O irzɔ i rza gbeyà nanù èhwanja Lohwɛ̀ à mà jo òma o lì ohwa ŋmɛ̀ndì mò gbamù ndèŋgànɛlɛ i ma ohwa na ŋmèma mɔ̀kɔ na oma irzɔ i hwèlì mɔ̀kɔ na Krirztò. Irzɔ i hwi hvɛ nanù ema Lohwɛ̀ ndi à jo òmi o lì gbeyà ene èwòlò.

2 Kɔ̀rintìyà 8:20

Irzɔ irza arza nanù ema tɔ̀ mòtò a tɔ̀kirzɛnɛ, o ŋgàna ya èwòlò ya arzu ya eenji ema i gbeyà.

2 Kɔ̀rintìyà 8:22

O èŋgànɛ̀lɛ̀ rzɔ, je omelì ŋmanyàŋgo wa arzu wa Krirztò na hwa Tàyìtùrzì à mà jo uŋmɛ̀lɛ̀yi nanù ema a hwɛnì nyɔ̀ŋgi ya lì e òŋgòwàna. Tɔ̀ nàŋgɛ nanù à mà ika ŋmèma mo eni na inyɔ, ndèŋganɛlɛ e nyɔ̀ŋgi ya eni ya lì e oŋgòwànà e ma nyàla.

Hvìlipìyà 4:8

Ìi wònyàmòwe kòkò, o lì kulɛ ene mbɔrzi, e lùteyà hwène hweyà o ihvonda ja arzɛ. È lùteyà tɔ̀ ima eyà ema e hwèlì e jɔ̀kɛ̀, tɔ̀ ima eyà ema e hwèlì ema e lɔ̀wu, tɔ̀ ima eyà ema e hvomɛ̀nɛ̀, tɔ̀ ima eyà ema e rza ohvɛ tɔ̀ lìtɔ̀tì la wòhwe, tɔ̀ ima eyà ema hwatò hwa àŋgàmɛ̀nɛ̀yi lì lìŋgàna na tɔ̀ ima eyà ema e ɛni nanù ema ye e lɔ̀ɔ̀ni. È ɔ̀ŋgɛ̀lɛ̀ hweyà ema hwe lɔ̀wu rzayi-rzayi ndèŋgànɛ̀lɛ̀ e hweyɔ ema hwatò hwa ohwa nanù ema hwe lɔ̀wu. Ini nyayi ja hweyà ndi e àŋgàmɛ̀nɛ̀yi lì ika o màlùtèyà ma anyu o ihvonda ja arzɛ.

1 Tɛ̀rzàlonìyà 5:22

È rzi hwɛnɛ eyà o lì gbèeyàna hweyà ema hwe rza hvomɛ̀nɛ̀ ema wɔ̀ hwa ohwa.

1 Tìmotì 3:7

O lì hwatɛ hvɛ, oŋgo mòtò a hwɛni ndi lì hwɛ mòtò hvɛ ema tɔ̀ hwaŋga hwatò ema hwa rza enje o ŋmèmba hwa mo ŋgba èluhwe. Ène e gbeyà a rza luwa ìrzɔnì ndeŋgànɛ̀lɛ̀ a rza unda o e ŋgùndèli ya ama mòkarzɛ̀.

1 Tìmotì 5:14

Ɔ̀ndeŋgàtɛ̀ imba na kòkòwɛ̀lɛ̀ Hwèrzɔ̀mbɛ̀ hwe mekurze me hwalana o lì hwaahwa hvɛ na lì hwɛnɛ hwàna na o lì ɔŋgeya hvɛ i ndawò ja awu. Aŋga nanù wɔ̀ hwa rza ŋgbà hwàkɔ̀yèlì hwa arzu tɔ̀ lìtiŋga o lì ohwa wòhwe o lì jo teŋgɛ̀nɛ.

1 Pètrò 2:12

È hwɛnɛ hwɛ̀ɛ̀mɛ̀ hwe gbamù o ìtììtènì ja hwaŋga hwatò ema hwa rza lòkɛ̀ Lohwɛ̀, aŋga nanù tɔ̀ nɛ wɔ hwa e rzàmba nanù ema e gbeyà wòhwe, wɔ hwa ɛnɛ hwegbèèlì hwe anyu hwe gbamù. Èŋge e gbeyà hwa eka Lohwɛ̀ o wùnyà wo hwejèelì hwe eni.