2 Kɔ̀rintìyà 8:12 - Mokpwe: Bakwery (New Testament)

¹² È hwɛnì tɛ nyɔ̀ŋgi ya lì ŋgbà mòtò yoma na oma e ohvi, e emànɛ̀lɛ̀hwɛ̀yì na Lohwɛ̀. Lohwɛ̀ a rza arza nanù ema mòtò a ŋgbe lì aka mamɛ ema a ohvi.

2 Kɔ̀rintìyà 8:12 Mawu Ofanana

Matiyò 25:17

Oŋgò mɔ̀ hvɛ wà hwekòlì hwehwakɛ hwe wòlì mɔ̀ hvɛ à mà gbeyà nyayi hvɔ̀kɔ nàa è wà wòrzò, rzìi à yàlɛ̀ mehvɛhvɛ hwekòlì hwehwakɛ hwe wòlì.

Matiyò 25:22

“Oŋgò mògbèèlì wa hwekòlì hwehwakɛ hwe wòlì mɔ̀ hvɛ rzìi a ja a òhwa nanù ema, ‘Rzàŋgò, ò ma nò ŋgba hwekòlì hwehwakɛ hwe wòlì, nà mà hwa ika ò nyòŋga rzìi nà yàlɛ hvɛ hwekòlì hwehwakɛ hwe wòlì.’

Lukàrzɛ̀ 16:10

Mòtò ema a tànɛyi ò lì ɔ̀ŋgeyà hweyà hwè rzàlì, à tànɛyi hvɛ ò lì ɔ̀ŋgeyà hweyà hwè ndɛnɛ̀. Mòtò ema à rza tanɛ̀yi ò lì ɔ̀ŋgeyà hweyà hwè rzàlì, à rza ò tànɛyi hvɛ̀ tɔ̀ lì ɔ̀ŋgeyà hweyà hwe ndɛnɛ̀.

2 Kɔ̀rintìyà 8:11

O lì ohwa la jɔ̀kɛ̀ e hwɛnì lì kulɛ èwòlò ema e ma wòteyà, èŋge ŋgàna e gbeyà hwatò hwa hwiya nanù ema e wòŋgìrzɛ̀nɛ̀ lì hwɛ na oma e ma hwɛnɛ e nyɔ̀ŋgi ya lì wòteya na lì kulɛ hvɛ nàa e ma wòteyà o hwewòtelì.

2 Kɔ̀rintìyà 8:13

Nà rza ohwa nanù ema lì oŋgòhwànɛ̀ ema e ŋgba hwatò, lì hwa oŋgowane ema inyɔ hwiti e hwèlì o lìtake. Ndi na arza nanù ema inyɔ hwa arzɛ e luwe lìkayi lɔ̀kɔ o mamɛ ema e o tànɛyi hwatò hwa arzɛ.

2 Kɔ̀rintìyà 8:19

O mburzà nanù hvɛ mɔ̀ à hvɔ̀rzɔ̀hwì na ŋmèmba mo mitelì o lì jo nɔ̀ŋgɔ, o lì hwɛ ŋmèmba na irzɔ o lì gbeyà èwòlò ya lì òŋgòwàna la hwatò. O lì arza nanù ema èluhwe ya ama e Rzàŋgo e ɛneya. Àŋga nanù o ma irzɔ hvɛ ima awuŋmɛ̀lɛ̀ nanù ema i hwɛnì nyìrzɛ̀ o lì hwa òŋgòwàna.

2 Kɔ̀rintìyà 9:7

Mòtò tɛ a ŋgbe wolì na oma ŋmèma mo eni mo mò ohwèlì. È rzi hwɛ nanù ema a tinɛlɛhwɛyi, èhwanja, Lohwà a lìŋgàni e mòtò ema a ŋgbà na ŋmèma ema mo rzaŋgi.

1 Pètrò 4:10

È hwɛ hwàgbèèlì hwa gbamù ndèŋgànɛ̀lɛ̀ e gbeyàne màahweyà ma anyu o lì oŋgowàna mɔ̀kɔ na ɔ̀nɛyi.