2 Kɔ̀rintìyà 8:10 - Mokpwe: Bakwery (New Testament)

¹⁰ Màlùteyà ma ami ma hwèlì ndi nanù ema, o ŋma mo mburza, inyɔ ndi e ma hwɛ hwatò hwa worzò o lì hwɛnɛ ŋmèma mo lì oŋgòwànà hwatò, ndèŋgànɛlɛ inyɔ ndi ema hwɛ hwatò hwa worzò o lì wòteyà lì oŋgòwànà hwatò.

2 Kɔ̀rintìyà 8:10 Mawu Ofanana

Matiyò 10:42

Ò jɔ̀kɛ̀, nà è òhweyà nanù ema, tɔ̀ ima mòtò ema à ŋgbelì tɔ̀ mòtò tɔ̀ mɔ̀kɔ wà hwaŋga ema hwa nò oŋgama tɔ̀ malìhwa mà lì nyɔ, tɔ̀ òŋgò mòtò à rzi hwɛ wòlìtò, òŋgò ema à ŋgbelì, à hwɛni lì lùwa etaŋgi jà ama Lohwɛ̀.”

Yòwanìrzɛ̀ 11:50

È rza lutelì nanù ema ò lɔ̀wu mòtò mɔ̀kɔ à jò ŋwèeyà irzɔ hwa arzɛ lì aka nanù ema èkòmè yà arzɛ è hvàŋgahwè e?”

Yòwanìrzɛ̀ 16:7

Ndi na e òhweyà ndi e jɔ̀kɛ̀. È hwèlì gbamù nanù ema, imba na ɛ̀ndɛ. Èhwanja imba na rza ɛ̀ndi tɛ nanù òma e Moòŋgòwànèlì a rza e jèeyà. Ndi na ɛndi tɛ, na e òmeya e mɔ̀.

Yòwanìrzɛ̀ 18:14

Kàyìhvàrzì mɔ̀ ndi à mà kòkòwɛ̀lɛ̀ hwatò hwa Yudà ema, è ò lɔ̀wu nanù ema mòtò mɔ̀kɔ à ŋwèeyà hwatò.

1 Kɔ̀rintìyà 10:23

È ohwahwi nanù ema, “I hwɛnì wònjà o lì gbeyà tɔ̀ mamɛ.” Aŋga mɔ̀ e jɔ̀kɛ̀ ndi rzeketɛ hwèèmà hwe arzɛ ndi hwe lɔ̀wu. “I hwɛnì wònjà o lì gbeyà tɔ̀ mamɛ” ndi rzeke hwèèmà hwe arzɛ ndi hwe lɔ̀yìrzɛ̀.

1 Kɔ̀rintìyà 16:2

Tɔ̀ ima eyu ya Màrzo Lìrzàmba tɔ̀ ima mɔ̀ wa anyu a ulɛ ŋmanà wolì a ute. Wono wolì wo hwɛ ndi o mamɛ ema tɔ̀ ima mòtò a lu. È gbèyi tɛ nanù o rza hwɛ hvɛ mòrzàŋgèlì mo wòlì nà jelì tɛ.

1 Kɔ̀rintìyà 6:12

Mɔ̀kɔ wà anyu à tànɛyi a ohwa nanù ema, “Nà hwɛnì wònjà lì gbeyà tɔ̀ mamɛ ema na lìŋganì.” Nà è jɔ̀kɛ̀! Ndi nà ohwi ema rzeketɛ tɔ̀ ima eyà ndi ye è lɔ̀ɔni. Nà tànɛyi lì ohwa nanù ema mɔ̀kɔ wà anyu a tànɛyi hvɛ lì ohwa nanù ema, na ohvì wònjà o lì gbeyà tɔ̀ mamɛ ema na lìŋgàni, ndi o rza enje tɔ̀ eyà ema e tànɛyi lì no gbeyà ema na timbeya mòkòmì.

1 Kɔ̀rintìyà 7:25

O naŋgɛ nanù o lì hvomɛ̀nɛ̀ hwatò ema hwa rza hwàayi na hwaŋga ema hwa rzi hwàahwì. Imba na rza ohvi lìkànèyà ema Rzàŋgo Yerzù a no ŋgbèlì, tɔ̀ eyà o lì e ohweyà lì hvomɛ̀nɛ̀ hwenè hwètɛ̀yìrzèlèlì. Ndi tɔ̀ nɛ Rzàŋgo Yerzù à nò òŋgòwani o lì hwɛ e mòtò ema hwatò hwa lòkɛ̀yì. O èŋgànɛ̀lɛ̀ na e ohweyà mamɛ ema na hwi ema e hvomɛ̀nɛ̀yi.

1 Kɔ̀rintìyà 7:40

Ndi o màlùtèyà ma ami, à ò lìŋga, e hwèlì tɛ ema a rza o hwàahwa ohvɛhvɛ mùnyanà. Èlìŋgɛ̀ yà ama Lohwɛ̀ yɔ̀ndi è nò lìyɛ̀lɛ̀ o lì e ohweyà hwenè hweyà hwe arzɛ.

2 Kɔ̀rintìyà 12:1

Nà hwɛ ndi o lì kumba lìya la ami o kòkò nanù mɛnɛ. Tɔ̀ nɛ eŋge e rza oŋgòwànà. Nà hwɛni ndi lì ɛndɛ o worzo ò lì ohwà jɛ̀nɛ̀nì nà mà ɛnɛ, na hweyà ema Rzàŋgo à ma no uŋmɛ̀lɛ̀.

2 Kɔ̀rintìyà 8:6

Ène ŋgàna e èŋgànɛ̀lɛ̀ i atɛkɛ Tàyìtùrzì à mà wòteya ene èwòlò ema a e òŋgowane ene èwòlò ya enji a e ùkirzɛ̀ o lìrzukù, na lì ŋgba hwatò mamɛ ema hwa arza na ŋmèma mɔ̀kɔ.

2 Kɔ̀rintìyà 8:8

Nà rza e kànèyà ndi ema e gbeye ndi nanù. Ndi na oma na ɛnɛ hwatò ema hwa lòkɛ̀ hwa oŋgòhwànà hwanɛ̀yi hwatò, na arza nanù ema inyɔ hvɛ e awuŋmɛ̀lɛ̀ na oma e lìŋgàni hwanɛ̀yi hwatò.

2 Kɔ̀rintìyà 9:2

Nà hwi ŋmèma ema e ohvi o lì hwa òŋgòwàna, ndèŋgànɛlɛ na e ohvani kumba o ŋmèma ema e ohvi o lì oŋgòwànà hwatò hwa erzòokà ya Màrzèdonìyà. Nà ma hwa ohweyà nanù ema, “Inyɔ ema e hwèlì o erzòokà ya Àkayiyà, e ma wòŋgìrzɛ̀nɛ̀ natɛ̀ɛ na o ŋma mo mburza o lì hwa ŋgba wolì.” Ŋmèma ema e hwɛni o lì oŋgòwànà hwatò me ma kɔ̀mɛ̀lɛ̀ rzayi-rzayi ja hwatò ò lì gbeyà nanù mɛnɛ.

Hvìlipìyà 4:17

Nà rza e ohweyà ndi ene eyà nanù ehwànja na arza nanù ema e no òmeya màhwèyà, ndi na arza lì ɛnɛ nanù ema Lohwɛ̀ a e nàmìrzɛ̀ ŋgɛ̀lɛŋgɛlɛ.

Hibrù 13:16

È rzi hvoŋga hvɛ o lì gbeyà gbamù, na o lì òŋgòwàna hwahvɛhvɛ hwatò ema hwa hwèlì o lìtake. Tɔ̀ mamɛ ema mòtò a ohvi inyɛ a e gbeyàne o lì oŋgowàna mɔ̀kɔ na ɔ̀nɛyi. Màhweyà manù ema mà lìŋgìrzɛ Lohwɛ̀.