2 Kɔ̀rintìyà 7:7 - Mokpwe: Bakwery (New Testament)

⁷ Rzeketɛ hwejèelì hwe eni mɛnɛ ndi hwe ma jo lìŋgìrzɛ, ndi lì kɔ̀mɛ̀lɛ̀ la eni lì ma jo òkirzɛ mɔ̀nyɛ̀ŋgì. Mɔ̀ à mà jo òhweyà nɛ inyɔ e lìŋgàni o lì no ɛnɛ, à mà no òhweyà hvɛ nɛ o ma hweye wòhwe o mèèmà me aŋgɔ̀ na oma o rzi no òkirzɛ mɔ̀nyɛ̀ŋgì. A ma no òhweyà hvɛ nɛ inyɔ e hwɛni mèèmà o lì no ikana ekohva. Nà oma Tàyìtùrzì à mà jo òhweyà hwene hweyà hwe arzɛ, nà mà oka mɔ̀nyɛ̀ŋgì rzayi-rzayi.

2 Kɔ̀rintìyà 7:7 Mawu Ofanana

Matiyò 26:75

Pètrò rzìi à ɔ̀ŋgɛ̀lɛ̀ jòòhwì ema Yerzù à mà mò òhweyà nanù ema, “Ndèŋgànà è mòme wà wuhwà à è tòŋga, ò nò rzɔ̀rzɔ̀ ŋgelì iyàwò nanù ema ò rza nò hwi.” À mà wurza ò èwòka rzìi à eyà ije-ije.

Matiyò 5:4

Mònàmɛ̀ nà hwatò ema hwa ɛhwɛ, èhwanja Lohwà à ò gbèya hwa òhva mɔ̀nyɛ̀ŋgì hvɛ.

Lukàrzɛ̀ 22:44

À mà kànɛ ije-ije, nà òmà à mà òhve, è ndùtù ò ŋmèma, etòkò ema è mà hwɛ lì mò wurzà, è mà tɔ̀ ndi nàa màtɔ̀ mà màyija ò mɔ̀nyɛ̀.

Hwègbèèlì 11:23

Nà òma mɔ̀ à mà ùke àŋga rzi a ɛnɛ mamɛ e ndèli ya ama Lohwɛ̀ e ma gbeyɛ, à mà ònda na mɔ̀nyɛ̀ŋgì. Rzìi à kòkòwɛ̀lɛ̀ hwaŋga hwàlòkèlì nanù ema wɔ̀ hwa òŋgame Rzàŋgò na ŋmèma mɔ̀kɔ.

Ròmànì 1:12

Jànda ja mamɛ ema nà òhwa ì hwèlì ndi nanù ema, inyɔ nà imba jè èmbɛ̀ mɔ̀kɔ nà ɔ̀nɛyi. Lìlòkɛ̀ là amì lì è èmbɛ̀ inyɔ hvɛ lìlòkɛ̀ là anyu lì nò embɛ.

1 Kɔ̀rintìyà 5:2

Nɛ inyɔ e àŋgàmɛ̀nɛ̀ lì ohva kumba, ema ene eyà e àŋgàmɛ̀nɛ̀ lì e gbeyà ema e hwɛ̀ɛ rzɔ̀lùu, e àŋgàmɛ̀nɛ̀ lì ulɛ òŋgo mòtò o ŋmèmba mo anyu.

2 Kɔ̀rintìyà 1:14

Nà oma e ma màa lì rzɔ̀ŋgìtɛ̀nɛ̀, lòŋgo la hweyà lì jo hvomɛ̀nɛ̀, na lòkɛ̀yi ema, e o jo rzɔ̀ŋgìtɛ̀nɛ̀ kɔ̀yi-kɔ̀yi. Ène eyà e o gbeyà e hvonda ema Rzàŋgo Yerzù a o jɛ̀ɛ̀ e o òhwa ema e hwɛnì kumba na irzɔ na oma irzɔ hvɛ i hwɛnì kumba na inyɔ.

2 Kɔ̀rintìyà 1:4

À jò ètirzɛ mèèmà mè arzu ò lì hvomɛ̀nɛ̀ i ndùtù ja arzu ja àrzɛ ema i lùwa. O lì àrza nanù ema irzɔhvɛ i ètirzɛ mèèmà me hwanɛ̀yi hwatò ema wɔ̀ hvɛ hwa ohvi nyayi nà nyayi ja ndùtù. Inyɛ̀ i hwa ètìrzɛ̀ mèèmà me awu, nà omà Lohwɛ̀ mɔ̀ hvɛ à jo ètìrzɛ̀, e me arzu mèèmà.

2 Kɔ̀rintìyà 2:9

Lìtìŋga ema lì ma gbeyà ndèŋgàna na e tìleya ene kààtì, lì hwèlì ndi nanù ema o lì hwiya ŋga e o gbeyà hweyà ema nà mà e ohweyà o lì gbeyà.

2 Kɔ̀rintìyà 5:2

Jo arzarzowɛ nàŋgɛ o tenì ya lìni lìwondo, i keka ema eŋge ndawò ema e uwɛ̀lɛ̀lɛ̀yi o ŋmanyu yà lohwà e o jo rzɔŋgɛ ndi nàa lìhwatù lì kumɛnɛ mòtò.

2 Kɔ̀rintìyà 7:6

Ndi Lohwɛ̀ ema a kɔ̀mɛ̀lɛ̀ e wɔ̀ ema hwa tu mèèmà, à mà jo kɔ̀mɛ̀lɛ̀ na oma mɔ̀ à mà jo òmeya Tàyìtùrzì.

2 Kɔ̀rintìyà 7:8

Tɔ̀ nɛ eŋge kààtì, ema nà mà e tìleya e ma gbeye, e ma hweye wòhwe, na rza ohvi tɔ̀ ììlì ema nà mà e tìleya e yɔ. Tɔ̀ nɛ nà mà atiyɛ ema nà mà e tìla, nà mà ayèmbɛ nanù ema e kààtì ya ami e ma e tàtìrzɛ̀ ndi o ŋmanà hvoka hvonda.

2 Kɔ̀rintìyà 8:16

Nà èki Lohwɛ̀ nanù ema a ŋgbelì Tàyìtùrzì ŋmèma mo lì e òŋgòwàna, na oma a no ŋgbelì imba hvɛ.

Hvìlipìyà 1:20

Nà hwɛni e nyɔ̀ŋgi na màlìŋgo ma arzɛ, ndèŋgànɛ̀lɛ̀ na àhvìtɛ̀ nanù ema na rza o ohva irzɔ̀ni, ndi na o hwɛnɛ lì kɔ̀mɛ̀lɛhwɛ ihvonda ja arzɛ rzɛhvɔ̀ni o nàŋgɛ. Ène eyà e o gbèeyà nanù ema tɔ̀ mamɛ ema na gbeyà naŋgɛ, e o gbeyà èluhwe ya ama Krirztò e awuŋmɛ̀lɛ̀, tɔ̀ na hwɛ lòŋgɛ tɔ̀ na ŋwa.

Kòlòrzìyà 2:5

Tɔ nɛ na rza enje na inyɔ o nyo, na hwèlì na inyɔ o èlìŋgɛ̀. Tɔ nɛ imba na rza enje na inyɔ na ohvi mɔ̀nyɛ̀ŋgì nanù ema lì lòkɛ̀ la anyu o ma Krirztò lì imbami nanù mɛnɛ.

1 Tɛ̀rzàlonìyà 3:6

Ndi o nàŋgɛ nanù Tìmòtì ema à mà jà lì ehvɛhvɛ à mà jo timbeya, mɔ̀ à jo jànelì ŋmɛ̀ndì mò gbamù nanù ema, inyɔ e lòkɛ̀ Krirztò nanù mɛnɛ ndèŋgànɛ̀lɛ̀ inyɔ e alìŋgànɛ mɔ̀kɔ na ɔ̀nɛyi nanù mɛnɛ. A ma jo òhweyà hvɛ nanù ema e jo ohvanì mɔ̀ŋgɛ̀lɛ̀ ma gbamù, ndèŋgànɛ̀lɛ̀ e okelì hvɛ o lì jo ɛnɛ nyayi hvɔ̀kɔ mɛnɛ na oma irzɔ hvɛ ja okeya o lì e ɛnɛ.

1 Tɛ̀rzàlonìyà 3:8

O nàŋgɛ irzɔ i tɛ̀yirzɛ̀ o lì hwɛ o lòŋgɛ hvɛ, kànatɛ irzɔ i hwi nanù ema màtàŋgà mà anyu ma mà imbama o rze o nyòla lìlòkɛ̀ ema inyɔ e hwɛnelì Rzàŋgo Yerzù.

Hibrù 2:1

O eŋgànɛ̀lɛ̀ rzɔ, na oma irzɔ i hwi hwene hweyà, ja àŋgàmɛ̀nɛ̀yi ndi lì ika mèèmà me arzu o tɔ̀ ima eyà ema i hweyi aŋga nanù i rza eŋgama.

Jèmìrzì 5:17

Èlàyijà à mà hwɛ ndi mòtò wà hwènàmà na oma irzɔ hvɛ i hwèlì. O hvonda hvɔ̀kɔ, à mà kànɛ nanù ema e mbuwà i rzi yɔ̀ɔ, ndèŋgànɛ̀lɛ̀ e rzi yɔ̀ɔ̀ o tenì ya meya meyàwo na ehvàrzu.

2 Yòwanìrzɛ̀ 1:4

Nà ma oka mɔ̀nyɛ̀ŋgì rzayi, o lì hwiya nanù ema lòŋgo la aŋgɔ la hwàna hwa lìya lòŋgɛ ema lì kànɛyi na e jɔ̀kɛ̀, na oma Lohwɛ̀ Tatɛ̀ wa arzu à mà jo kànèyà nanù ema i gbeye.

Judɛ 1:3

Imbùnda jà ami kòkò, nà hwèlì nà atàkìrzɛ̀ ò lì è tìleyà lì hvomɛ̀nɛ̀ lì rzùŋgàhwà ema Lohwɛ̀ à mà jò ŋgbɛ ò lì akeyà nà Yerzù Krirztò. Ndi o nàŋgɛ, na ɛnɛ nanù ema o lɔ̀wu nanù ema na e tìleya o lì hvomɛ̀nɛ̀ hwehvɛhvɛ hweyà. Nà e kɔ̀mɛ̀lɛ̀ nanù ema, e a alɛ̀mbɛ̀nɛ na ŋginyà e jɔ̀kɛ̀ ya ŋmɛ̀ndì mò gbamù. Mono ŋmɛ̀ndì mò gbamù mo rza àyèŋgòwɛ̀. Lohwɛ̀ à mà mo ŋgba hwatò hwa eni ŋgelì hvɔ̀kɔ o iŋgèlì ja arzɛ.