2 Kɔ̀rintìyà 7:5 - Mokpwe: Bakwery (New Testament)

⁵ Nà oma i ma ùke o erzòòkà ya Màrzèdonìyà, i rzi hwɛnɛ lì Arzìyòlɛ̀. I ma luwa nyayi na nyayi ja mètàkà. Hwatò hwà mà jo kɔnɔ hvenda ndèŋgàna i ma ohva wɔ̀ŋgɔ̀ o mèèmà me arzu èhwanja i ma hwɛ lì e lùtèyà.

2 Kɔ̀rintìyà 7:5 Mawu Ofanana

Hwègbèèlì 20:1

È hvònda ema eŋge kanjɛ-kanjɛ e ma ùke ò lìrzukù. Pàwolò à mà òma à mà hwa mò hwɛlɛlɛ̀ hwàlòkèlì, rzì a hwa ètìrzɛ̀ mèèmà. È hvònda à mà kulɛ lì hwa ètìrzɛ̀ mèèmà rzìi a hwa àkpànɛ̀ɛ, a ɛ̀ndɛ ò erzòòkà ya Màrzèdonìyà.

Ròmànì 15:26

Hwàtò hwa ama Krirztò ema hwa hwèlì ò erzòòkà ya Màrzèdonìyà na ò erzòòkà ya Àkayiyà, wɔ̀ hwà mà ɛnɛ nanù ema hwa gbeye mòrzàŋgɛ̀ rzìi hwa òmeya mèlìrza me hwatò ema me hwèlì ò ìtììtènì ja hwatò hwa ama Lohwɛ̀ ema hwa hwèlì ò mbòwa ya Jèrurzalɛ̀mù.

1 Kɔ̀rintìyà 15:31

Ìi wònyàmowe, imba na tɛ̀mɛ̀ o worzò wo kpelì wùnyà tɛ. Hwèkòòwà ema na e ohvani, na oma e hwèlì mòtò mɔ̀kɔ na Yerzù Krirztò, e Rzàŋgo ya arzu hwe ɔ̀ndi hwe gbeyà a na ohwa ene eyà.

1 Kɔ̀rintìyà 16:5

Imba na jà o lì ehvɛhvɛ e hvonda ema na kulɛ o lì akeyà o erzòòkà ya Màrzèdonìyà èhwanja imba na ikayi o ŋmèma ema na akeyà ndi èŋge èhvarzù ya Màrzèdonìyà.

2 Kɔ̀rintìyà 2:13

Ndi na oma nà mà ùke aŋga, nà mà wukumeya, èhwanja na rzi ùŋmanɛlɛ ŋmana mòwè hwa Krirztò Tàyìtùrzì ema i gbèyɛ̀nɛ èwòlò aŋga. Rzi na hwa akpanɛ, na ɛ̀ndɛ e ya ami o erzòòkà ya Màrzèdonìyà.

2 Kɔ̀rintìyà 2:3

Ène eyà ndi è mà gbeyà ema nà mà è tìleyà ene kààtì, ò lì arza nanù ema nà jelì tɛ, nà rza ò tàtìrzɛ̀hwɛ̀ nà hwaŋga mɛnɛ, ema hwa àŋgàmɛ̀nɛ̀yi lì nò òkirzɛ mɔ̀nyɛ̀ŋgì ema mò akɛ̀lɛ̀nɛ̀yi. Ò jɔ̀kɛ̀, nà hwi nanù ema nà ohvi tɛ mɔ̀nyɛ̀ŋgì oma inyɔ hvɛ è ohva mɔ̀nyɛ̀ŋgì.

2 Kɔ̀rintìyà 2:9

Lìtìŋga ema lì ma gbeyà ndèŋgàna na e tìleya ene kààtì, lì hwèlì ndi nanù ema o lì hwiya ŋga e o gbeyà hweyà ema nà mà e ohweyà o lì gbeyà.

Gàletìyà 4:11

Ène eyà e gbèyi na oki wɔ̀ŋgɔ̀ nanù ema na hvàŋgi ndi e hvonda ya ami o èwòlò ya arzɛ ema na e gbèelì.

1 Tɛ̀rzàlonìyà 3:5

Litiŋga lìiŋgi ema lì ma gbeyà ɔndèŋgàtɛ̀ nà mà oma Tìmòtì. Nà oma na rzi tanɛ hvɛ lì alɛ̀mbɛ nà mà mo òma o lì jà lì arzirzɛ nɛ lìlòkɛ̀ la anyu lì hwèlì. Nà ma gbeyà ndi ene eyà nanù ehwànja, nà mà oka wɔ̀ŋgɔ̀ nanù ema, e mɔ̀ ema a gbèeyà hwatò hwa unda o tenì ya màkèkìrzɛ̀nɛ̀, a tanɛ lì e gbèeyà inyɔ e unda o tenì ya màkèkìrzɛ̀nɛ̀. Ndeŋgànɛ̀lɛ̀ o nanù ema èwòlò ya arzɛ ya ŋginyà ema irzɔ i ma gbèèyɛ̀, e tanɛ e ma timba ndi èwòlò ya ŋgundu.