2 Kɔ̀rintìyà 7:14 - Mokpwe: Bakwery (New Testament)

¹⁴ Nà ma hwɛnɛ kumba o lì ohweyà Tàyìtùrzì nanù ema, inyɔ e hwèlì ndi hwatò hwa gbamù. È rzi no òkirzɛ ìrzɔnì èhwanja e ma awuŋmɛ̀lɛ̀ nanù ema hweyà ema nà mà mo òhweyà hwe ma hwɛ ndi e jɔ̀kɛ̀, ŋgàna hvɔ̀kɔ hvɛ na hweyà hwe arzɛ hvɛ ema irzɔ i ma e ohweyà, hwe hwèlì ndi e jɔ̀kɛ̀.

2 Kɔ̀rintìyà 7:14 Mawu Ofanana

Yòwanìrzɛ̀ 17:19

Wɔ̀ hwa èŋgànɛ̀lɛ̀ nà mà aŋgbɛ imba mbiti ò lì ò gbèeyà ò lì arza nanù ema wɔ̀ hvɛ hwa aŋgbɛ wɔ̀ hwiti ò lì ò gbèeyà.

2 Kɔ̀rintìyà 10:8

Tɔ̀ na kumba ndi lìya la ami o kòkò ehwànja o e ŋginyà ema e Rzàŋgo e no ŋgbelì, tɔ̀ nà lì aka mamɛ ema imba na lì kumba naŋgɛ, na rza oka tɔ̀ ìrzɔnì. A no ŋgbelì ndi eŋge ŋginyà o lì e ètìrzɛ̀ rzeketɛ o lì e ɔ̀ndɛlɛ lìlòkɛ̀.

2 Kɔ̀rintìyà 12:6

Nà hwɛnì tɛ lì ohva kumba, na rza o ɛnɛhwɛ ndi nàa èèti ya mòtò èhwanja na hwɛ ndi o lì ohwa e jɔ̀kɛ̀. Nà rza o kumba lìya la ami o kòkò ò iŋgi nyayi ja hweyà, aŋga nanù e rzi no ŋgba elùhwe o iŋgi nyayi ja hweyà, ndi na lìŋgàna nanù ema e no wowe nàa njɛnɛ ema na hwèlì o lì hvomɛ̀nɛ̀ hweyà ema na gbeyà na e hweyɔ ema na e okolɛ̀.

2 Kɔ̀rintìyà 2:13

Ndi na oma nà mà ùke aŋga, nà mà wukumeya, èhwanja na rzi ùŋmanɛlɛ ŋmana mòwè hwa Krirztò Tàyìtùrzì ema i gbèyɛ̀nɛ èwòlò aŋga. Rzi na hwa akpanɛ, na ɛ̀ndɛ e ya ami o erzòòkà ya Màrzèdonìyà.

2 Kɔ̀rintìyà 7:13

Ɔ̀ndeŋgàtɛ̀ inyɔ e ma jo ètìrzɛ̀ mèèmà me arzu o màwùŋgà. Rzeketɛ lì ètìrzɛ̀ mɛnɛ, ndi i ma lìŋgà na oma i ma ɛnɛ Tàyìtùrzì a jàni mɔ̀nyɛ̀ŋgì. A ma jo òhweyà na oma e ma mo gbeye rzi a hwɛmɛ la atàkìrzɛ̀ ema i ma mo hwɛ o ŋmèma mo eni.

2 Kɔ̀rintìyà 7:4

Nà e hwɛnelì kumbà. Nà e kùmbelì e kòkò. È no ètìrzɛ̀ ŋmèma mo ami nyayi ema e no òkirzɛ mɔ̀nyɛ̀ŋgì rzayi-rzayi, tɔ̀ nɛ irzɔ i taka rzayi-rzayi.

2 Kɔ̀rintìyà 7:6

Ndi Lohwɛ̀ ema a kɔ̀mɛ̀lɛ̀ e wɔ̀ ema hwa tu mèèmà, à mà jo kɔ̀mɛ̀lɛ̀ na oma mɔ̀ à mà jo òmeya Tàyìtùrzì.

2 Kɔ̀rintìyà 8:24

O èŋgànɛ̀lɛ̀ rzɔ, e uŋmɛ̀lɛ̀ hwanù hwatò nanù ema e hwa lìŋgàni. È gbèyi tɛ nanù, ŋmèmba ema mo hwa omi, mo rzɔŋgìtɛ̀nɛ̀ nanù ema, eyà ene ɔ̀ndeŋgàtɛ̀ je e gbaana kumba.

Hvìlipìyà 1:26

Ène eyà e gbeyà nanù ema na oma na e hwèlì na inyɔ, e o hwɛnɛ lìtiŋga o lì eka Krirztò o nyòla ami.

2 Tɛ̀rzàlonìyà 1:4

Ò eŋgànɛ̀lɛ rzɔ̀, ò ìtììtènì jà ŋmèmba mò hwatò hwa ama Lohwɛ̀, irzɔ jè è gbàànà kumba ò nyòla lì ajùlɛ nà lìlòkɛ̀ ema è hwɛni, nà oma hwatò hwa è tàkirzɛ nà mètàkà mè arzɛ ema è hvomɛ̀nɛ̀.