2 Kɔ̀rintìyà 7:13 - Mokpwe: Bakwery (New Testament)

¹³ Ɔ̀ndeŋgàtɛ̀ inyɔ e ma jo ètìrzɛ̀ mèèmà me arzu o màwùŋgà. Rzeketɛ lì ètìrzɛ̀ mɛnɛ, ndi i ma lìŋgà na oma i ma ɛnɛ Tàyìtùrzì a jàni mɔ̀nyɛ̀ŋgì. A ma jo òhweyà na oma e ma mo gbeye rzi a hwɛmɛ la atàkìrzɛ̀ ema i ma mo hwɛ o ŋmèma mo eni.

2 Kɔ̀rintìyà 7:13 Mawu Ofanana

Ròmànì 12:15

È òke mɔ̀nyɛ̀ŋgì na hwaŋga hwatò ema hwa hwèlì hwa òka mɔ̀nyɛ̀ŋgì. È ɛhwɛ na hwaŋga hwatò ema hwa ɛhwɛ.

Ròmànì 15:32

O mburza nanù, Lohwɛ̀ a emelì tɛ, na e jèeya na mɔ̀nyɛ̀ŋgì ò lì arziyòlɛ na inyɔ.

1 Kɔ̀rintìyà 12:26

Ènàmà yɔ̀kɔ ya nyo e tàkà tɛ hwenɛyi hwènàmà hwe arzɛ hvɛ hwe tàkà na yɔ, Ènàmà yɔ̀kɔ e ekàhwì tɛ hwe nɛyi hwe arzɛ hvɛ hwe hwɛ ndi o mɔ̀nyɛ̀ŋgì na yɔ.

1 Kɔ̀rintìyà 16:13

È aŋgòwà e tɛ̀mɛ̀ ehve-ehve o lì lòkɛ̀. È ètìrzɛ̀ mèèmà, e hwɛnɛ̀ hvɛ màyìmbì.

1 Kɔ̀rintìyà 16:18

Wɔ̀ hwa mà nò kɔ̀mɛ̀lɛ̀ na oma hwa mà e kɔ̀mɛ̀lɛ̀. Tɔ̀ ima lìtumba la eyà ema lìni lìtumba la hwatò lì ohwa i hwɛnì lì hwa ŋgbaà èluhwe.

2 Kɔ̀rintìyà 2:13

Ndi na oma nà mà ùke aŋga, nà mà wukumeya, èhwanja na rzi ùŋmanɛlɛ ŋmana mòwè hwa Krirztò Tàyìtùrzì ema i gbèyɛ̀nɛ èwòlò aŋga. Rzi na hwa akpanɛ, na ɛ̀ndɛ e ya ami o erzòòkà ya Màrzèdonìyà.

2 Kɔ̀rintìyà 2:3

Ène eyà ndi è mà gbeyà ema nà mà è tìleyà ene kààtì, ò lì arza nanù ema nà jelì tɛ, nà rza ò tàtìrzɛ̀hwɛ̀ nà hwaŋga mɛnɛ, ema hwa àŋgàmɛ̀nɛ̀yi lì nò òkirzɛ mɔ̀nyɛ̀ŋgì ema mò akɛ̀lɛ̀nɛ̀yi. Ò jɔ̀kɛ̀, nà hwi nanù ema nà ohvi tɛ mɔ̀nyɛ̀ŋgì oma inyɔ hvɛ è ohva mɔ̀nyɛ̀ŋgì.

2 Kɔ̀rintìyà 7:14

Nà ma hwɛnɛ kumba o lì ohweyà Tàyìtùrzì nanù ema, inyɔ e hwèlì ndi hwatò hwa gbamù. È rzi no òkirzɛ ìrzɔnì èhwanja e ma awuŋmɛ̀lɛ̀ nanù ema hweyà ema nà mà mo òhweyà hwe ma hwɛ ndi e jɔ̀kɛ̀, ŋgàna hvɔ̀kɔ hvɛ na hweyà hwe arzɛ hvɛ ema irzɔ i ma e ohweyà, hwe hwèlì ndi e jɔ̀kɛ̀.

2 Kɔ̀rintìyà 7:15

Èŋge eyà e gbèyi ema ŋmèma mo eni mo hwèlì na inyɔ lì aka tɔ̀ na e hvonda ya worzo, na oma a ɔ̀ŋgɛ̀lɛ̀ nɛ inyɔ hwa arzɛ e ma hwɛnɛ ŋmèma mo lì gbeyà hweyà hwe arzɛ ema mɔ̀ à mà e ohweyà o lì gbeyà. Ŋmèma mo eni mo hwèlì hvɛ na inyɔ nanù mɛnɛ, a ɔ̀ŋgɛ̀lɛ̀ tɛ nɛ inyɔ e ma mo karzɛ na èluhwe na o lì mo òŋgòwànà hvɛ na ŋmèma mɔ̀kɔ.

2 Kɔ̀rintìyà 7:6

Ndi Lohwɛ̀ ema a kɔ̀mɛ̀lɛ̀ e wɔ̀ ema hwa tu mèèmà, à mà jo kɔ̀mɛ̀lɛ̀ na oma mɔ̀ à mà jo òmeya Tàyìtùrzì.

Hvìlipìyà 2:28

Nà hwɛni nyɔ̀ŋgi ndɛnɛ o lì e omeya e mɔ̀ àŋga nanù inyɔ e mo ɛni hvɛ tɛ, e oka mɔ̀nyɛ̀ŋgì ndèŋgànɛ̀lɛ̀ imba hvɛ na rza o ohva metàkìrzɛ̀nɛ o lì e hvomɛ̀nɛ̀.

2 Tìmotì 1:16

Nà kanɛ̀ nanù ema Lohwɛ̀ à ùŋmɛ̀lɛ̀ ììlì jà eni ò lìtumba là ama Ònɛ̀rzìhvɔ̀rùrzì, èhwanja à mà hwɛ lì nò ŋgba etèmbè ihvonda jà arzɛ. Mɔ̀ à rzi nò òkanè tɔ̀ ìrzɔnì nanù ema nà hwèlì ò hwèwòwà,

Hvìlɛ̀mɔ̀nì 1:20

Ò èŋgànɛ̀lɛ̀ rzɔ, ŋmanyàŋgò wà ami kòkò, nà ò rzòrzòmeyà ndi nanù ema ò nò òŋgòwànè ò lìnà là ama Rzàŋgo. Ò nò lìŋgìrzɛ̀ ò lìnà là ama Krirztò.

Hvìlɛ̀mɔ̀nì 1:7

Ŋmànyàŋgo wà amì kòkò, è ndìŋgɛ ema ò hwɛnelì hwatò ema hwa lòkɛ̀ Krirztò è nò lìŋgìrzɛ rzàyi-rzàyi ndeŋgànɛlɛ è nò kɔ̀mɛ̀lɛ̀. Ò wà ò lìŋgìrzɛ̀yi hwatò hwa ama Lohwɛ̀.

1 Pètrò 3:8

O lì umba ene mbɔrzi, inyɔ hwa arzɛ e hwɛni ndi lì hwɛ mòtò mɔ̀kɔ. Ya àwòhvànɛ mèèmà me ììlì. Ya alìŋgànɛ mɔ̀kɔ na ɔ̀nɛyi. È àyènjànɛ̀ na lì arzihwirzɛ.