2 Kɔ̀rintìyà 7:10 - Mokpwe: Bakwery (New Testament)

¹⁰ O hwèlì tɛ mòtò ema a hweyi wòhwe na oma Lohwɛ̀ mɔ̀ à àrzeyà, oŋgo mòtò a tikòwè o lì gbeyà wòhwe na oma Lohwɛ̀ mɔ̀ à àrzeyà. Ène ndi e gbeyà ema oŋgo mòtò a kɔtɔ̀we, ene rzɔ e rza tàtìrzɛ̀ tɔ̀ mòtò. Ndi hwatò ema hwa lòkɛ̀yi Lohwɛ̀, ema hwa hweyà wòhwe èhwanja hwa hwèlì ndi hwatò hwa hwènàmà, e hwa gbeyà ema hwa ŋwe o èlìŋgɛ̀.

2 Kɔ̀rintìyà 7:10 Mawu Ofanana

Matiyò 26:75

Pètrò rzìi à ɔ̀ŋgɛ̀lɛ̀ jòòhwì ema Yerzù à mà mò òhweyà nanù ema, “Ndèŋgànà è mòme wà wuhwà à è tòŋga, ò nò rzɔ̀rzɔ̀ ŋgelì iyàwò nanù ema ò rza nò hwi.” À mà wurza ò èwòka rzìi à eyà ije-ije.

Lukàrzɛ̀ 15:10

Nà è òhweyà ema, nà i aŋgèlì ja ama Lohwɛ̀ ò ŋmanyu, ja òka mɔ̀nyɛ̀ŋgì lì hvòmɛ̀nɛ̀ mòtò mɔ̀kɔ wà wòhwe ema a ayèŋgòwɛ̀ ò wòhwe wa eni ò lì tìmba ò ma Lohwɛ̀.”

Lukàrzɛ̀ 18:13

“Ndi è mòrzàŋgèlì wà è njàŋge yà lìkànèyà à mà tɛ̀mɛ̀ hvòhvò. À rzi tanɛ̀ hvɛ tɔ̀ lì kàrzɛ mìirzɔ̀ ma eni ò lì ɔŋgɔ̀ lìwòhwɛ̀ la ŋmanyu. À mà ika màà mà eni ò màhwembe ma eni rzìi a kànɛ̀ nanù ema, ‘Ìi Lohwɛ̀ ò nò òkeya ììlì. Nà hwèlì ndi mòtò wà wòhwe.’”

Hwègbèèlì 11:18

Lirzakò ema hwanɛ̀yi hwatò hwà mà hweye ene eyà, wɔ̀ hwà mà hwɛmɛ e ndandò ya awu na Pètrò rzi hwa wòteya lì eka Lohwɛ̀. Wɔ̀ hwà mà òhwa nanù ema, “Irzɔ i tànɛyi ò lì ɛnɛ nanù ema, Lohwɛ̀ a ŋgbèlì hvɛ hwanù hwatò ema hwa rza enje wònyà Yudà èŋge ehvòlò ya lì tikòwa ò wòhwè wò awu lì timba ò ma Lohwɛ̀ lì luwa lòŋgɛ la gbìndèyà.”

Hwègbèèlì 3:19

È àyèŋgòwɛ̀ rzɔ nàŋgɛ̀, ò wòhwe wò anyu e tìmbèyà Lohwɛ̀, aŋga nanù à è làkirzɛ̀ wòhwe wò anyu.

2 Kɔ̀rintìyà 12:21

Nà oka wɔ̀ŋgɔ̀ hvɛ nanù ema na e jɛlɛlɛ hvɛ tɛ, Lohwɛ̀ a o no enyìrzɛ̀ o worzo hwa anyu. Ndèŋgànɛ̀lɛ̀ na o hwɛ rzɔ̀lùu èhwanja rzayì-rzayì ja hwatò ò ìtììtènì ja anyu hwa lìmelì ndi o lì gbeyà hweyà hwe wòhwe ema hwà mà hwɛ lì gbeyà o mòlòmɛ̀ e rzi hwɛ lì atìkòwɛ̀ o lì gbeyà mamɛ ema Lohwɛ̀ a arza. Hwa gbeyà hweyà hwe mbindo, hwa gbeyà hweyà hwe mòrzònje na lì gbeyà hweyà hwe mbindo ema hwe hwa jànà ìrzɔnì.

2 Kɔ̀rintìyà 7:9

Ndi o nàŋgɛ na lìŋgi, rzeketɛ èhwanja na me gbeyà ema e hweye wòhwe ndi na oma e ma hweye wòhwe, e ma e oŋgòwànà o lì anjiya o hwɛ̀ɛ̀mɛ̀ hwe anyu hwe wòhwe o lì gbeyà mamɛ ema Lohwɛ̀ a arza nanù ema e gbeye. È ma hweyà wòhwe, na oma Lohwɛ̀ à mà arze nanù ema e hweye. O èŋgànɛ̀lɛ̀ rzɔ, tɔ̀ nɛ irzɔ i ma gbeye nanù ema e hweye wòhwe, e rzi e hwɛ̀ɛya ndi eyà ya wòhwe.

Hibrù 12:17

È hwi nanù ema, Èrzàwù à mà arza nanù ema rzaŋgɛ a mo nàmìrzɛ̀, ndi rzaŋgɛ a rzi imanɛlɛ o lì mo nàmìrzɛ̀. Li atiyɛ la eni lì ma tɔ̀ɔlɛ̀ o lì tikowa mamɛ e ma loma lì gbeyàhwa, tɔ̀ nɛ mɔ̀ à mà rzòrzòmèyà nà mirzɔ̀lì.