2 Kɔ̀rintìyà 6:8 - Mokpwe: Bakwery (New Testament)

⁸ I hwɛni ndi lì gbèeyà Lohwɛ̀ nanù mɛnɛ e hwɛ ema hwa jo eka tɔ̀ hwa rzi jo eke. Tɔ̀ hwatò hwa ohwa ndi hweyà hwe gbamù tɔ̀ wòhwe o lì jo teŋgɛ̀nɛ̀. Hwatò hwa ohwa nanù ema i awuŋmɛ̀lɛ̀ nanù ema i hwèlì ndi i nyayi ja hwatò ema i rza enje ndi irzɔ i hwèlì ndi hwatò ema jo òhwa nanù ema i hwèlì.

2 Kɔ̀rintìyà 6:8 Mawu Ofanana

Matiyò 10:25

Ò èŋgànɛ̀lɛ̀ è mòòkòwèlì à rza aŋgàmɛ̀nɛ̀yi lì arza èluhwe ema è akàyi è yà ama è mòòkòlelì wà eni. È mògbèèlì mɔ̀ hvɛ à rza aŋgàmɛ̀nɛ̀yi lì arza èluhwe ema è akàyi è yà ama è rzàŋgò yà eni wà èwòlò. Hwa kpɛ tɛ mòòhvò mò lìtumba lìinà ema Bɛ̀lrzɛ̀bùlì, nanù òma hwaŋga hwatò ema hwa hwèlì ò ndawò ya eni hwa ò hwɛ̀lɛ̀hwɛ lìinà ema lì hwiyòhwi lì aka lìni.”

Matiyò 22:16

Hwàŋga hwatò hwà mà òmeya Yerzù Hwà-òkòwèlì hwa awu, mòndeŋge na hwatò hwa èhvèhva yà ama Hɛ̀rɔ̀dì. Hwanu hwatò rzi hwa ijòwa Yerzù nanù ema, “Ìi Mòòkòlèlì, i hwi nanù ema ò òhwa e jɔ̀kɛ̀. Ndèŋgànà i hwi hvɛ nanù ema hwèyòkòlèlì hwe aŋgɔ̀ lì hvòmɛ̀nɛ̀ imbenda ja ama Lohwɛ̀ hwe hwèlì ndi jɔ̀kɛ̀. Màlùteyà ma hwatò na hwèhwɛ̀ɛlì hwe hwèhvòlò hwe awu hwe rza eŋgòwa hwèyòkòlèlì hwe aŋgɔ̀.

Matiyò 27:63

Rzìi hwa mò òhweyà nanù ema, “Rzàŋgò, jò ɔ̀ŋgɛ̀lɛ̀ nanù ema, e hvònda òŋgò mòtò ema à mà hwɛ lì kɔ hweyà à mà hwɛ lòŋgɛ à mà hwɛ lì òhwà nanù ema, ‘Lohwɛ̀ a nò hvùmùlɛ̀ ò mburzà mèenyà meyawò.’

Makòrzì 12:14

Hwàŋga hwatò hwà mà mò jèeya rzìi hwa mò ijòwa nanù ema, “Ìi Mòòkòlelì, ì hwi nanù ema ò hwèlì ndi mòtò ema òhwa e jɔ̀kɛ̀, ndèŋgànɛ̀lɛ̀ hvɛ ò rza tìmbana tɔ̀ mòtò mburzà. O rza enje hvɛ tɔ̀ mòtò ema ò òka wɔ̀ŋgɔ̀ ò lì òhwa eyà. Ndi ò òkòlɛ̀ hwatò, eyà ya ama Lohwɛ̀ ò jɔ̀kɛ̀. È mbenda ya arzù e òhwi ndi ema ì rzaweyà Kayirzà è kiŋgɛ̀ yà Ròmànì e njaŋge ya lìkànèyà e?”

Yòwanìrzɛ̀ 7:12

O ìtììtènì ja eŋge ŋgindi ema e mà hwɛ ò ndèma lòŋgò la hwatò hwa mà hwɛ lì òhwa nanù ema, “À hwèlì ndi mòtò wà gbamù,” ndi hwahvɛhvɛ hwà mà òhwa nanù ema, “Jàyɛ̀, a ɔnjɔ ndi hwatò.”

Hwègbèèlì 10:22

Hwà mà mò alàhwɛ̀ nanù ema, “È mòtìmbèlì wa hwàanà njùma Kɔ̀nɛlìyurzi mɔ̀ ndi à jò òmi. A hwèlì ndi mòtò wa gbamù ema a gbèeyà Lohwɛ̀. Ndeŋgànɛ̀lɛ̀ a ŋgbàahwì èluhwe na hwatò hwa arzɛ hwa wònyà Yudà. Aŋgèlì hvɔ̀kɔ ya ama Lohwɛ̀ e ma mò òhweyà nanù ema, a ò yòhwɛ ò ndawò ya eni, aŋga nanù ò ma à mà hweyà mamɛ ò hwɛni lì mò òhweyà.”

Hwègbèèlì 16:39

Ène ŋgàna e ma hwa gbeyà ema hwà mà ɛ̀ndɛ lì hwa atɛkɛ. Rzi hwa hwà rzòlòwa ò hwèwòwà, hwa hwà òhweyà nanù ema e hwɛ gbamù nanù ema hwa anjiye ò mbòwà ndɛnɛ ya awu.

Hwègbèèlì 22:12

“O ma hwɛ munyanà mɔ̀kɔ ò eŋge mbòwa ndɛnɛ ya Dàmàrzkɔ̀rzì ema à mà hwɛ̀lɛ̀hwɛ̀ Ànàniyarzì. A ma hwɛ ndi mòtò ema à mà òŋgama Lohwɛ̀ ehve-ehve, ema à mà ika imbenda ja arzu ja wònyà Yudà. Ndeŋgànɛ̀lɛ̀ à mà ŋgbààhwà èluhwe rzayi-rzayi na hwatò hwa arzɛ hwa wònyà Yudà ema hwà mà hwɛ lì lìya ò eŋge mbòwa.

Hwègbèèlì 24:5

Irzɔ i luu nanù ema ònò mòtò a hwɛ̀lɛ̀hwɛ̀ɛ Pàwolò a hwèlì ndi mòtò hwa mòhvùŋgu, ndeŋgànɛlɛ mɔ̀ à tinɛlɛ mòhvùŋgu ò tenì ya wònyà Yudà hwa arzɛ ò e rze ya arzɛ. Ndèŋgànɛlɛ mɔ̀ à hwèlì ndi mòtìmbèlì mɔ̀kɔ wa ehvehva ya Nàrzàlɛ̀nì.

Hwègbèèlì 28:22

Ndi irzɔ i lìŋgàna lì hwiya mɔ̀ŋgɛ̀lɛ̀ ma aŋgɔ̀ èhwanja irzɔ i hwi nanù ema ò hweki hwe arzɛ hwatò hwa òhwa wòhwe lì teŋgɛ̀nɛ̀ ene ehvehva ema ò hwèlì nanù.”

Hwègbèèlì 4:21

Hwelìyelì hwe hwàkàyìrzèlì hwe ma timba lì hwa kòkòwɛ̀lɛ̀ na ŋginyà rzi hwa hwà hwɛmɛ ema hwa ɛndɛ. Hwa rzi tànɛyi lì hwa kɔ̀kìrzɛ̀ èhwanja hwatò hwa arzɛ hwà mà hwɛ lì eka Lohwɛ̀ lì hvòmɛ̀nɛ̀ mamɛ ema e ma gbèyɛ̀nɛ.

Hwègbèèlì 5:13

Tɔ̀ nɛ hwatò hwà mà hwa hwɛlɛ miinà mà gbamù, hwaŋga hwà mà òka wɔ̀ŋgɔ̀ ò lì hwa lata nanù mɛnɛ.

Hwègbèèlì 6:3

O èŋgànɛ̀lɛ̀ rzɔ wònyàmòwe kòkò, e hvɔ̀rzè lìrzamba la wunyanà ò ìtììtènì ja anyu ema hwa hwɛnì lì lòkɛ̀ hwa òndi hvɛ na Èlìŋgɛ̀ yà Wòtani, ndèŋgànà hwa òhvi hvɛ lìhwiyè. Wɔ̀ ndi irzɔ i ŋgbàà ene èwòlò.

Ròmànì 3:8

Mamɛ ndèŋgàtɛ irzɔ, i rza tanɛ jò òhwa nanù ema, “Inyɛ̀ i gbeye wòhwe aŋga nanù gbaamù wò ò ɛneya e?” Ò jɔ̀kɛ̀ lòŋgò la hwatò hwa òhwa hweyà hwe wòhwe lì jò teŋgɛ̀nɛ nanù ema jò òhwi eŋge eyà. Lohwɛ̀ a ò kɔ̀kìrzɛ̀ hwaŋga hwatò ema hwa òhwa nanù ŋgàna ema e hvòmɛ̀nɛ̀yi.

2 Kɔ̀rintìyà 1:18

O worzò wo ama Lohwɛ̀ ema a gbeyà mamɛ ema a ohwi à mà a gbeyà, jo òhwi tɛ ema i gbeyà eyà, je e gbeyà.

2 Kɔ̀rintìyà 11:21

Nà oki ìrzɔnì nanù ema i rzi hwɛnɛ ene nyayi ya ŋmèma, o lì e gbeyà ene nyayi ya eyà. Nà ohwà ndi o nàŋgɛ nanù nàa èetì ya mòtò. Nà o ayèkirzɛ nà lì kùmba lìya la ami o kòkò lì hvomɛ̀nɛ̀ hweyà na gbeyà, molemilemi na oma i àpɔ̀rzìtòlò ja mòlàŋgà i gbeyà.

2 Kɔ̀rintìyà 12:16

Inyɔ yiti e hwi nanù ema imba na rzi hwɛ lì e kàyìrzɛ̀, ndi o hvɛhvɛ mòtò a ohwa nanù ema na hwɛ mèhvìlì ndèŋgàna nà mà e lukɛlɛnɛ mòlàŋgà.

2 Kɔ̀rintìyà 4:2

I rzɔnjɛ̀lɛ̀ hwègbèèlì hwe arzu hwe wùndɛ̀ ja wòhwe, na hweyà ema hwe jànà ìrzɔnì. I rza e lùkɛ̀lɛ̀ na jòòhwì ja arzu ja wàna tɔ̀ lì tìkòwà e mbɔrzi ya Lohwà o lì e ɔnjɔ. Ndi jo òkolɛ hwatò Eyà ya Lohwɛ̀ nyayi ema hwa e rzɔŋgìtɛ̀nɛ̀. Nà oma jo òkolɛ Èya yà Lohwà na ŋmèma mɔ̀kɔ, tɔ̀ mòtò a rza tànɛyi lì ohwa o ŋmèma mo eni nanù ema i mo lukɛlɛ ndi lì lukɛlɛ. Irzɔ i hwi nanù ema Lohwɛ̀ a hwi tɔ̀ mamɛ ema i gbeyà.

1 Tɛ̀rzàlonìyà 2:3

Èya ema i ma hwɛ lì e ohweyà nanù ema e gbeye e rzi hwɛ ndi nanù ema i ma ohva màlùtèyà ma wòhwe tɔ̀ e ma hwɛ ndi eyà ema i rzi tànɛ lì gbeyà, tɔ̀ o lì e lukɛlɛ.

1 Tìmotì 3:7

O lì hwatɛ hvɛ, oŋgo mòtò a hwɛni ndi lì hwɛ mòtò hvɛ ema tɔ̀ hwaŋga hwatò ema hwa rza enje o ŋmèmba hwa mo ŋgba èluhwe. Ène e gbeyà a rza luwa ìrzɔnì ndeŋgànɛ̀lɛ̀ a rza unda o e ŋgùndèli ya ama mòkarzɛ̀.

1 Tìmotì 4:10

O eŋgànɛ̀lɛ̀ rzɔ ɔ̀ndeŋgàtɛ̀ ja a atàkìrzɛ̀ na lì gbeyà èwòlò ema e imbami èhwanja irzɔ i ma ika lìhvìtà la arzu na Lòohwà ema lì hwèlì lòŋgɛ. Mɔ̀ ndi à ŋgbelì tɔ̀ ima mòtò lì oŋgirzɛ, rzɛhvɔ̀ni hwaŋga ema hwa mo lòkɛ̀yi.

Hibrù 13:13

Irzɔ hvɛ rzɔ i hwɛnì lì mò ɛndeya o èwoka ya hwèlìyelì aŋga nanù irzɔ i hwɛnɛ erzambo ema à mà luwe.

1 Pètrò 4:14

È hwèlì tɛ nanù ema hwatò hwa e hwɛ̀nyɛ̀, ehwànja e hwèlì ndi hwatò ema e oŋgama Krirztò, nanù oma e lɔ̀yìrzɛ̀yi, ehwànja ŋmàye mo Èlìŋgɛ̀ ya ama Lohwɛ̀ mo hwèlì na inyɔ.

3 Yòwanìrzɛ̀ 1:12

Tɔ̀ ima mòtò a ohwa nanù ema Dɛ̀mɛ̀trìyùrzì a hwèlì ndi mòtò wa gbamù. Lòŋgɛ la jɔ̀kɛ̀ ema mɔ̀ à lìya lì uŋmɛ̀lɛ̀ nanù ema a hwèlì ndi mòtò wa jɔ̀kɛ̀. Nà e ohweyà hvɛ nanù ema, mɔ̀ à hwèlì ndi mòtò wa gbamù, ndèŋgànɛlɛ e hwi nanù ema tɔ̀ mamɛ ema no òhwa e hwèlì ndi e jɔ̀kɛ̀.

Hwèwulùwèlì 3:9

Inyɔ è ɔŋgɔ tɛ, hwatò ema hwa hwèlì ò mòndèŋgè mò ama Mòkarzɛ̀, ema hwa nanù ema hwa hwèlì ndi hwatò hwa wònyà Yudà ema wɔ̀ hwa rza enje hwatò hwa wònyà Yudà, hwa hwèlì ndi hwàtò ema hwa kɔɔ hweyà. Nà hwa gbeyà hwa o jèeya, ndèŋgànɛ̀lɛ̀ hwa o rzumeya o màtàŋgà mà aŋgɔ̀, na gbeyà wɔ̀ hwa arzɛ hwa hwiya nanù ema na o lìŋgàni.