2 Kɔ̀rintìyà 6:6 - Mokpwe: Bakwery (New Testament)

⁶ Ima awuŋmɛ̀lɛ̀ hvɛ nanù ema i hwèlì ndi hwàgbèelì hwa ama Lohwɛ̀ na oma i ma gbeye hweyà hwe gbamù na mèèmà ema me rzaŋgi, Lohwɛ̀ à mà jo ŋgba lì rzɔŋgìtɛ̀nɛ̀ o lì hwiya e nyayi ya lòŋgɛ ema i hwɛni lì lìya, lì àjùlɛ̀, na lì ohva ŋmèma mo gbamù o lì oŋgòwànà hwatò. Èlìŋgɛ̀ ya wòtani ndi e jo timba, ndèŋgànɛlɛ i lìŋgàni hwatò hwa arzɛ na ŋmèma mɔ̀kɔ.

2 Kɔ̀rintìyà 6:6 Mawu Ofanana

Ròmànì 12:9

Tɔ̀ ima mòtò a hwɛni lì hwɛnɛ e ndìŋgɛ na hwatò na e jɔ̀kɛ̀. È kɔ̀ mamɛ ema e hwèlì wòhwe. È akakumɛnɛ ò lì gbeyà mamɛ ema e hwèlì gbamù.

Ròmànì 15:19

Nà ma gbeyà ndi hwene hweyà ò ŋginyà ya hweembànèlì na mànyakà na e ŋginyà ya Èlìŋgɛ̀ ya ama Lohwɛ̀. O eŋgànɛ̀lɛ̀ rzɔ, lì anjiya ò e mbòwa ya Jèrurzalɛ̀mù natɛ̀ɛ na ò erzòòkà ya Ilìlìkumi, nà mà òhwa Ŋmɛ̀ndì mò Gbamù mò ama Krirztò gbamù.

1 Kɔ̀rintìyà 12:8

Èlìŋgɛ̀ yà Wòtani e lìyɛlɛ mòtò mɔ̀kɔ o lì ohwa hweyà hwe lìhwiyè, èŋge èlìŋgɛ̀ yà wòtani mɛnɛ e lìyɛlɛ o hvɛhvɛ mòtò o lì okolɛ̀ hwatò na lìhwiyè.

1 Kɔ̀rintìyà 13:4

È mòtò ema a uŋmɛ̀lɛ̀ hwatò e ndìŋgɛ, a ohvi lì àjùlɛ̀, a enji, a rza ohvi inona, a rza ayèkirzɛ.

1 Kɔ̀rintìyà 2:16

Nà oma è tìlàhwì ò è kààtì yà Lohwà nanù ema, “Njɛnɛ à hwi màlùtèyà mà ama Rzàŋgo e? Njɛnɛ à tànɛ lì mò ŋgba màyòwà e? Ndi irzɔ jo ohvi màlùtèyà mà ama Krirztò.”

1 Kɔ̀rintìyà 2:4

Nà oma nà mà hwɛ lì e okolɛ̀, na lì ohweyà Ŋmɛ̀ndì mò Gbamù, ŋmɛ̀ndì nà mà hwɛ lì e ohweyà, mo rzi ohve tɔ̀ mbɔrzi ya lìhwiyè lì ndɛnɛ. Ndi na oma nà mà hwɛ lì e ohweyà Ŋmɛ̀ndì mò Gbamù, hweyà ema nà mà hwɛ lì ohwa, hwe uŋmɛ̀lɛ̀ ema e ŋginyà ya Èlìŋgɛ̀ yà Wòtani ema hwɛ na imba.

2 Kɔ̀rintìyà 1:23

Lohwɛ̀ ndi à hwèlì e mboŋgi ya ami, e uŋmɛ̀lɛ̀ ema màmɛ ya arzɛ ema na ohwa e hwèlì ndi e jɔ̀kɛ̀. Lìtìŋga ndèŋgàtɛ̀ na rzi timbe hvɛ o Kɔ̀rintò, lì hwèlì ndi ema, na rzi arze ema e hweye wòhwe.

2 Kɔ̀rintìyà 11:11

È ɔ̀ŋgɛ̀lɛ̀yi ema na ohwa ndi nanù èhwanja na rza e lìŋgàni e? Lohwɛ̀ a hwi ema na e lìŋgàni.

2 Kɔ̀rintìyà 11:4

Imba na ohwa ndi ene eyà nanù èhwanja mòtò a jelì tɛ rzi a e ohweyà ŋmɛ̀ndì ema mo rza enje ndi ŋmɛ̀ndì mo ama Yerzù Krirztò, ema irzɔ i hwèlì lì e ohweyà inyɔ e mo emeyà. Tɔ̀ e hwɛ ndi ema mɔ̀ à e ohwèlì tɛ ndi eyà ya lì hvomɛ̀nɛ̀ èlìŋgɛ̀ ema rzeketɛ yɔ ndi irzɔ je e ohweyà e emeyà. Tɔ̀ mòtò a e ohwèlì tɛ ŋmɛ̀ndì mò gbamù ema rzɛ̀kɛtɛ mo ndi irzɔ je e ohweyà, inyɔ e mo emeyà.

2 Kɔ̀rintìyà 11:6

Nà tànɛyi na rzi hwiye o lì ohwe o ìtììtènì ja hwatò na oma wɔ hwa ohwa, ndi imba na rzɔŋgìtɛ̀nɛ̀ hweyà hwe arzɛ ema imba na ohwa. I ma e tɛlɛlɛ hwene hweyà hwe arzɛ ema i gbeyà.

2 Kɔ̀rintìyà 12:15

Nà o òka mɔ̀nyɛ̀ŋgì o lì gbeyàna tɔ̀ ima yoma ema na ohvi tɔ̀ e nyo ya ami o lì e oŋgòwànà. Nà e lìŋgàni tɛ rzayi-rzayi, rzeke inyɔ hvɛ e hwɛni o lì no lìŋgàna rzayi-rzayi.

2 Kɔ̀rintìyà 13:10

Ɔ̀ndeŋgàtɛ̀ na tìla hwene hweyà tɔ̀ nɛ na rza enje na inyɔ. Nà e tìleya ndi nanù, aŋga nanù na e jɛlɛlɛ tɛ, na rza o gbeyàna e ŋginyà ema e Rzàŋgo e no ŋgbelì, o lì e lomeya. Lìkànèyà ema e Rzàŋgo e no ŋgbelì lì hwèlì ndi nanù ema imba na e oŋgowane o lì e ètìrzɛ̀, rzeketɛ o lì li gbeyàna o lì e rzuulɛ.

2 Kɔ̀rintìyà 2:10

Tɔ̀ ima mòtò ema e làkìrzɛ̀, imba hvɛ nà mà mo làkìrzɛ̀. Eyà ema e gbèyi na làkìrzɛ̀ na e làkìrzɛ̀ ndi o nyòla anyu, Krirztò ndi à gbèyi ndèŋgànɛlɛ a hwi nanù ema nà mà e làkìrzɛ̀.

2 Kɔ̀rintìyà 2:4

È hvonda ema nà mà e tìleya eŋge kààtì, nà mà ohva ndùtù o ŋmèma ndèŋgànɛlɛ nà mà ji tìlana na mìrzɔlì o worzo wo ami. Nà rzi e tìleya ndi nanù ema e hwɛ̀nɛ̀ ndùtù o mèèmà me anyu, ndi nà mà e tìleya ndi nanù ema e hwiye lìmɛni ema na e lìŋgànelì.

2 Kɔ̀rintìyà 3:3

È uŋmɛ̀lɛ̀ nanù ema, inyɔ ndi e hwèlì e kààtì ema Krirztò à mà tile o lì jo òmana. Ène kààtì e rza enje kààtì ema e tìlahwì na e rzawo ndi e hwèlì ndi kààtì ema èlìŋgɛ̀ ya Lohwɛ̀ ema e ŋgba lòŋgɛ, e tìlì. Ène kààtì e rza tìlahwì ndi o màŋyàyi ema mà nàŋgayi tààlì, ndi e ma tìlahwa ndi o mèèmà me hwatò.

2 Kɔ̀rintìyà 4:6

Lohwɛ̀ ema à mà ohwa nanù ema, “Ŋmàye mo hvanye o èki ema e ma loma lì hwɛ jìtìtì,” Mɔ̀ ndi à gbèyi moŋgo ŋmɛ̀ndì mo ama Yerzù o lì hwɛ nàa ŋmàye ema mo hvànya o mèèmà me arzu. Lohwɛ̀ à mà jo gbeyà ene o irzɔ hwa arzɛ ema i lòkɛ̀yi Yerzù ene eyà. Lohwɛ̀ à mà gbeyà ndi nanù, aŋga nanù hwatò hwa hwiya nanù ema mɔ̀ à hwèlì wòlìto ò ma hwatò hwà mà hwiya nanù ema Yerzù Krirztò a hwèlì ndi nàa mɔ̀.

2 Kɔ̀rintìyà 7:2

Nà arza nanù ema e jo lìŋgàne na mèèmà me anyu i rza tònànì tɔ̀ mòtò, i rza lìyɛlɛ tɔ̀ mòtò o màtònà ndèŋgànɛ̀lɛ̀ i rza lùkɛ̀lɛ̀ tɔ̀ mòtò.

Gàletìyà 3:2

Nà lìŋgàna lì è ijòwa eyà yɔ̀kɔ. È hvonda ema inyɔ è mà lùwe Èlìŋgɛ̀ yà Wòtani èhwanja è mà ika imbenda jà wònyà Yudà ɔ̀ndeŋgàtɛ̀ è mà è lùwa e? Ŋga, èhwanja ema mà lòkɛ̀ Ŋmɛ̀ndì mò Gbamù ema è mà hweye e?

Gàletìyà 3:5

Lohwɛ̀ à mà è ŋgba Èlìŋgɛ̀ yà Wòtani rzi mɔ̀ à è gbèeyà hweyà hwe mànyakà ò ìtììtènì ja anyu, è hwèlì ndi nanù ema è mà ika imbenda ɔ̀ndeŋgàtɛ̀ à mà gbeyà nanù e? Jàyɛ̀ rzeketɛ eŋge eyà ndi è mà gbeyà. È hwèlì ndi nanù ema ŋmɛ̀ndì mò gbamù ema è mà lòkɛ̀ ɔ̀ndeŋgàtɛ̀ mɔ̀ à mà gbeyà nanù.

Gàletìyà 5:22

Ndi Èlìŋgɛ̀ yà Wòtani e hwèlì tɛ o tenì yà mòtò, e mò gbeyà nanù ema a gbèyè hweyà na e ndìŋgɛ, na mɔ̀nyɛ̀ŋgì, na ɛ̀yɔ̀lɛ̀, na la àjùlɛ̀nɛ̀, na ŋmèma mo gbàamù, na ɛ̀ɛ̀mɛ̀ ya gbamù, a hwɛ hvɛ ndi mòtò ema hwatò hwa tànɛyi lì ika mèèmà me awu.

Ɛ̀hvìrzìyà 3:4

È laŋgi tɛ hweyà ema nà mà tìlɛ̀, è ò àyèmbɛ̀ lì rzɔ̀ŋgìtɛ̀nɛ̀ là ami ò hweyà ema natɛ̀ɛ nà naŋgɛ tɔ̀ mòtò tɔ̀ mɔ̀kɔ à rzi rzɔ̀ŋgìtɛ̀nɛ̀ lì hvomɛ̀nɛ̀ Krirztò.

Ɛ̀hvìrzìyà 4:2

Tɔ̀ mamɛ ema è gbèeyà, è à rzììrzɛ, è hwɛ hvɛ hviyayi, rzìi è ajùlɛ̀nɛ̀ mɔ̀kɔ nà ɔ̀nɛyi. È à ùŋmɛlɛnɛ è ndìŋgɛ nà oma è ajùlɛ̀nɛ̀ mɔ̀kɔ nà ɔ̀nɛyi.

Ɛ̀hvìrzìyà 4:32

Inyɔ è àwùŋmɛ̀lɛ̀nɛ̀ mɔ̀kɔ nà ɔ̀nɛyi èènjì ndèŋgana è àwòhvànɛ mèèmà mè ììlì. È àlàkìrzɛ̀nɛ̀ mɔ̀kɔ nà ɔ̀nɛyi nà oma Lohwɛ̀ à mà è làkìrzɛ̀ lì akeyà nà Krirztò.

Kòlòrzìyà 1:27

Lohwɛ̀ à arza nanù ema hwatò hwa eni hwa hwiye nanù ema mònàmɛ̀ nà è ndèli yà ama Krirztò è hwèlì hvɛ nanù mɛnɛ ò hwatò ema hwa rza enje wònyà Yudà. È wùndɛ̀ ema è hwèlì ò tenì è hwèlì ndi ema inyɔ e ika mèèmà mè anyu nanù ema, inyɔ è lùwa è ndèli ema Lohwɛ̀ à ohwi nanù ema à ŋgba hwatò wà eni.

Kòlòrzìyà 2:3

Krirztò mɔ̀ ndi à tànɛyi lì gbeyà ndèŋgànà inyɔ e rzɔ̀ŋgìtɛ̀nɛ̀ hweyà hwe ama Lohwɛ̀. Hweŋge hweyà hwe hwèlì wòlìto rzàyi-rzàyi.

Kòlòrzìyà 3:12

È hwèlì ndi nàa hwatò ema Lohwɛ̀ à mà hvɔ̀rzɛ̀, inyɔ è ondi wòtani ndèŋgànɛ̀lɛ̀ à è lìŋgàni rzàyi-rzàyi. Ò èŋgànɛlɛ rzɔ inyɔ è àŋgàmɛ̀nɛ̀yi lì hwɛnɛ mèèmà mè ììlì, è hwɛni lì hwɛnɛ mèèmà mè gbamù, è hwɛni lì arzìirzɛ̀. È hwɛni lì hwɛ hviyayi, ndèŋgànɛlɛ è hwɛni lì àjùlɛ̀.

1 Tɛ̀rzàlonìyà 2:10

È hwèlì ndi imboŋgi ja arzu, ndèŋgànɛ̀lɛ̀ Lohwɛ̀ mɔ̀ hvɛ a hwèlì ndi e mboŋgi ya arzu, e hvonda ema i ma hwɛ o ìtììtènì ja anyu, inyɔ ema e lòkɛ̀yi, ɛ̀ɛ̀mɛ̀ ya arzu e ma rzàŋga, i ma hwɛ lì gbeyà hweyà hwe gbamù ndèŋgànɛ̀lɛ̀ i rzi hwɛnɛ tɔ̀ njɔ̀mi tɔ̀ hvɔ̀kɔ o inyo ja arzu.

1 Tìmotì 4:12

O rzìi keka lì emeyà nanù ema tɔ̀ mòtò tɔ̀ mɔ̀kɔ a o ndinde èhwanja o hwèlì ndi mberza. Ndi o uŋmɛ̀lɛ̀ hwatò ema hwa lòkɛ̀yì ɛ̀ɛ̀mɛ̀ ya gbamù aŋga nanù wɔ̀ hvɛ hwa gbeyà molemilemi. Hweyohwèlì hwe aŋgɔ̀, ɛ̀ɛ̀mɛ̀ ema o òhvi, hwèlìŋgànèlì hwe aŋgɔ̀ hwe hwatò, lì lòkɛ̀ la aŋgɔ̀ na Lohwɛ̀ ndèŋgàna na oma o rza gbeyà hweyà hwe mbindo hwe hwɛni ndi lì hwɛ nàa embànèlì o hwatò ema hwa lòkɛ̀.

1 Tìmotì 5:2

O wowe hvɛ hwàmbaki hwa hwalana wòlìto na oma o wowi e nyàŋgo ya aŋgɔ̀. O wowe hvɛ hwàanà hwa ŋgɔndɔ wòlìto ò a ɛnɛ oma hwa hwèlì ndi i ndomɛ ja aŋgɔ̀. O rzi keka lì lùtèyà o lì hwa gbeyàna tɔ̀ wòhwe.

2 Tìmotì 3:10

Ndi o wa Tìmòtì o nɔŋgi gbamù hwèyòkòlèlì ema nà mà okolɛ hwatò, ndèŋgàna o nɔŋgi ɛ̀ɛ̀mɛ̀ ya ami, ndèŋgàna o òŋgami mamɛ ema na arza lì gbeyà o lòŋgɛ la ami. O hwi oma na lòkɛ̀yì Lohwɛ̀, o hwi lì àjùlɛ̀ la ami ndèŋgàna o hwi e ndìŋgɛ ya ami ema na uŋmɛ̀lɛ̀ hwatò. O hwi nɛ imba na kaki ŋmèma o ene èwòlò ema na gbeyà.

2 Tìmotì 4:2

O lì ohwa ŋmɛ̀ndì mò gbamù mò ama Lohwɛ̀, tɔ̀ hwatò hwa lìŋgàna o lì mo hweyà tɔ̀ hwa rzi lìŋgàne. O hwa gbeye o lì hwiya nanù ema tɔ̀ mamɛ ema o hwa òhwèyà e hwèlì ndi è jɔ̀kɛ̀, o hwa gbeye hwa hwɛmɛ lì gbeyà wòhwe o hwa kɔ̀mɛ̀lɛ̀, ndèŋgàna o òkolɛ hwatò hwene hweyà hwe arzɛ na lì àjùlɛ̀.

Tàyìtùrzì 2:7

O hweyà hwe arzɛ ema o gbeyà o hwa o uŋmɛ̀lɛ̀ hwèmbànèlì hwe gbamù. O okolɛ tɛ, eyà ema o okolɛ e àŋgàmɛ̀nɛ̀yi ndi lì hwɛ e jɔ̀kɛ̀, ndèŋgànɛ̀lɛ̀ o àŋgàmɛ̀nɛ̀yi ndi lì hwɛ mòtò ema a oŋgama hweyà gbamù.

Jèmìrzì 3:17

Ndi lìhwiyè ema lì uwɛ̀lɛ̀lɛ̀yi o ŋmanyu yà Lohwà lì hwèlì e ya eni nyàyi. Tɔ̀ ima mòtò ema a hwɛni lìŋgi lìhwiyè a rza ohvi tɔ̀ lìtɔ̀tì tɔ̀ lɔ̀kɔ o nyo ya eni. Èŋge tumba mòtò e lìŋgàni ɛ̀yɔ̀lɛ̀, a hwèlì hviyàyi, a hwèlì mbunda na hwahvɛhvɛ hwatò ndèŋgànɛ̀lɛ̀ a ohvi ŋmèma mo ììlì rzàyi-rzàyi. A gbeyà hwatò hweyà hwe gbamù e rzi hwɛ lì timbana mòtò mburza, ndèŋgànɛ̀lɛ̀ mɔ̀ à gbeyà ndi nanù na ŋmèma mɔ̀kɔ.

1 Pètrò 1:12

Lohwɛ̀ à mà wùluhweyà hwanù hwà-òhwèlì hwa hwèlìŋgɛ̀ nanù ema èwòlò ya awu ema hwa gbeyà, e rza o hwa lùhwìrzɛ̀ tɔ mɔ̀rzɛ̀ŋgì ndi e hwèlì ndi èwòlò ya anyu. Lohwɛ̀ à mà omeya hwatò Èlìŋgɛ̀ yà Wòtani ema e ma uwɛ̀lɛ̀lɛ̀yi o ŋmanyu yà lohwà. Èŋge Èlìŋgɛ̀ ndi e ma gbeyà ndèŋgànà loŋgo la hwatò hwa e ohwa Ŋmɛ̀ndì mò Gbamù, ema inyɔ e hweyà yawono. Hwene hweyà hweyɔ ndi Hwà-òhwèlì hwà mà ohwe. Tɔ̀ i aŋgèlì jo hwiti jo òkeya o lì hwiya hwene hweyà.

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.

1 Yòwanìrzɛ̀ 3:18

Inyɔ ema e hwèlì nàa hwàanà hwa ami, inyɛ i rza alìŋgànɛ ndi na e mbɔrzi ya wàna mɛnɛ, ndi ja alìŋgànɛ o jɔ̀kɛ̀ na o hwegbèèlì.