2 Kɔ̀rintìyà 6:4 - Mokpwe: Bakwery (New Testament)

⁴ Ndi nàa hwàgbèelì hwa ama Lohwà, irzɔ ja awuŋmɛ̀lɛ̀ irzɔ hwiti nàa hwatò ema hwa gbeyà mamɛ ya arzɛ ema e hvomɛ̀nɛ̀. I kaka mèèmà rzayi-rzayi o tenì ya mètàkà ema i luwa, o lòŋgɛ ema la eti ema i hwèlì o tenì na i ndùtù hvɛ ema i jo ùŋmànɛ̀lɛ̀yi.

2 Kɔ̀rintìyà 6:4 Mawu Ofanana

Lukàrzɛ̀ 21:19

È kakè mèèmà me anyu aŋga nanù e arzùŋgɛ̀ inyɔ hwìti.”

Yòwanìrzɛ̀ 16:33

Nà e òhwèlì hwene hweyà, aŋga nanù, e hwɛnɛ ɛ̀yɔ̀lɛ̀ na òma e hwèlì na imba. Anu rze e hwɛnɛ ndi ndùtù. Ndi e kake mèèmà! Imba nà mà màa lì aka e rze ya mɔ̀nyɛ̀.”

Hwègbèèlì 2:22

Petrò rzìi a ɛ̀ndɛ̀nɛ̀ e mbɔrzi ò wòrzò rzìi a òhwa nanù ema, “Hwàtò hwa Irzàyɛ̀lì, e òkànèyà kɔ̀yi-kɔ̀yi ò hweyà ema na arza lì òhwa. Lohwɛ̀ à mà gbeyà Yerzù mòtò wa e mbòwa ya Nàrzàrɛ̀tì ò lì gbeyà hweyà hwe ndɛnɛ hwe mànyakà na hwembànèlì ò lì e uŋmɛ̀lɛ̀ nanù ema mɔ̀ ŋmitɛ-ŋmitɛ ndi à mò òmi. Inyɔ hwiti e hwi nanù èhwanja eŋge eyà e ma gbèyɛ̀nɛ ndi ò ìtììtènì ja anyu.

Hwègbèèlì 20:34

Inyɔ hwiti e hwi nanù ema, nà mà gbeyà èwòlò na manù màà mà ami, rzìi na luwa wòlì ema irzɔ na hwatò hwa ami ema i ma hwɛ lì gbeyà èwòlò i ma àndane tɔ mamɛ ema i ma arze.

Hwègbèèlì 9:16

Ndeŋgàna imba na hwɛni lì mò uŋmɛ̀lɛ̀ mamɛ ya arzɛ ema a hwɛni lì taka ò nyòla ami.”

Ròmànì 14:18

O gbèelì tɛ Krirztò ò ene ŋgàna, ò emàyɛ̀lɛ̀hwɛ̀ òma Lohwɛ̀, ndèŋgànɛlɛ hwatò hvɛ hwa ò òhwa nanù ema ò ma gbeyà eyà ya gbamù.

Ròmànì 16:10

È kɔmè Apɛ̀lɛ̀rzì, ema hwɛ̀ɛ̀mɛ̀ wa eni hwe gbamù hwe uŋmɛ̀lɛ̀ nanù ema a emànɛ̀lɛ̀hwɛ̀yì na Krirztò. È kɔmè hvɛ lìtumba la ama Arìrztòbulùrzì.

Ròmànì 3:5

Ndi e hwèlì tɛ nanù ema hwegbèèlì hwe arzu hwe wòhwe hwe uŋmɛ̀lɛ̀ gbamù nanù ema Lohwɛ̀ a rza timbana tɔ̀ mòtò mburza, mamɛ irzɔ i tànɛyi ò lì òhwa e? Irzɔ i tànɛyi rzɔ ò lì òhwa nanù ema Lohwɛ̀ a gbèyi lùurzè, ò lì jò kɔ̀kìrzɛ̀ ò wòhwe ema i ma gbeyɛ e? (Nà gbeyàna ndi màlùtèyà mà è mòtò wa hwènàmà ò lì òhwa nanù.)

Ròmànì 5:8

Ndi Lohwɛ̀ à mà jò uŋmɛ̀lɛ̀ nɛ mɔ̀ à jò lìŋgàni, èhwanja lìrzakò ema irzɔ i ma hwɛ ndi hwatò hwa wòhwe ɔ̀ndi, Krirztò à mà jò ŋwèeyà.

1 Kɔ̀rintìyà 3:5

Nàŋgɛ rzɔ, njɛnɛ a hwèlì Apòlòrzì e? Njɛnɛ a hwèlì Pàwolò e? Irzɔ i hwèlì ndi hwàgbèèlì hwa ama Lohwɛ̀ ema i ma e òŋgòwàna o lì lòkɛ̀ Krirztò. Tɔ̀ ima mɔ̀ wa arzu à mà gbeyà ndi èwòlò ema Rzàŋgo à mà jo ŋgbe.

1 Kɔ̀rintìyà 4:1

È aŋgàmɛ̀nɛ̀yi lì jo lùtèyà nàa hwàgbèèlì hwa ama Krirztò, ema Mɔ̀ a ikayi o lì telɛlɛ hwatò e wùndɛ̀ ya ama Lohwɛ̀ ya jɔ̀kɛ̀ ema e utami.

1 Kɔ̀rintìyà 9:11

Nà oma ima lome lì ona hweyà hwe hwèlìŋgɛ̀ hwe eyà ya Lohwà o ìtììtènì ja anyu, e hwɛ ndi wòhwe e hwèlì tɛ ema irzɔ ji ijòwa tɛ hwèèmà hwe ene rze ya mɔ̀nyɛ̀ e?

2 Kɔ̀rintìyà 11:23

Wɔ̀ hwa ohwa nanù ema hwa hwèlì ndi hwàgbèèlì hwa ama Yerzù Krirztò, imba hvɛ na e ohweyà nàŋgɛ nanù ema, imba nà mà gbeyà èwòlò lì hwa aka. Nà ohwa ndi nàŋgɛ nanù nàa ŋmɛnyɛ. Nà ma gbeyà èwòlò ya ŋginyà lì hwa aka, nà mà aŋgɛ̀hwɛ̀ o hwèwòwà ŋgèlì rzayi-rzayi lì hwa aka, nà mà gbiyɛhwɛ hvonji rzayi-rzayi lì hwa aka, ndèŋgàna nà mà uŋgbɛlɛlɛ e kpelì rzayi-rzayi ja ŋgèlì lì hwa aka.

2 Kɔ̀rintìyà 11:27

Nà ma gbeyà rzayi-rzayi ja hwèwòlò hwe ŋginyà, rzayi-rzayi ja ŋgèlì hvɛ nà mà lìya na hwehvɛnyɛ. Marzako hvɛ na rzi luwe tɔ̀ yoma ya lì laa tɔ̀ e yɔ la lì nyɔ, na rzi hwɛnɛ hvɛ tɔ̀ e hvolo ya lì laa mòlelì. Manɛyi marzako hvɛ yùululì ya ŋginyà e ma no kpeya o nyo ema na rza ohvɛ tɔ̀ yoma ya lì wɔtɔ̀.

2 Kɔ̀rintìyà 11:9

È hvonda ema nà mà hwɛ na inyɔ, marzako na rzi ohve tɔ̀ yoma, ndèŋgàna rzi e tàkìrzɛ̀ Èhwanja tɔ̀ mamɛ ema nà mà arze wònyanyàŋgo hwa ami hwa Krirztò ema hwà mà uwɛ̀lɛ̀lɛ̀yi o Màrzèdonìyà hwà mà hwɛ lì no ŋgba e yɔ. Nà oma na rze tàkìrzɛ̀ o hvonda ya worzo, na rza tanɛ lì e tàkìrzɛ̀ hvɛ tɔ̀ ŋgèlì tɔ̀ hvɔ̀kɔ.

2 Kɔ̀rintìyà 12:10

O èŋgànɛ̀lɛ̀ rzɔ, o nyòla ya ama Krirztò, na oka mɔ̀nyɛ̀ŋgì tɔ̀ e hwɛ ndi nanù ema na rza imbami, tɔ̀ e hvonda ema hwatò hwa no hwɛnyɛ, tɔ̀ e hvonda ema hweyà hwe no ambani, tɔ̀ e hvonda ema hwatò hwa no tàkirzɛ, na tɔ̀ o e hvonda hvɛ ema na hwèlì o ndùtù. Nà ohwa ndi ene eyà nanù èhwanja, tɔ̀ ima hvonda ema na rza ohvɛ ŋginyà, Krirztò a no ŋgba e ŋginyà.

2 Kɔ̀rintìyà 12:12

È hvonda nà mà hwɛ na inyɔ nà mà àjùlɛ̀ o lì e uŋmɛ̀lɛ̀ hwèmɛ̀nɛ̀nì ndèŋgànɛlɛ nà mà gbeyà hweyà hwe mànyakà hwe ndɛnɛ o lì uŋmɛ̀lɛ̀ nanù ema na hwèlì ndi àpɔ̀rzìtòlò ema Lohwɛ̀ a omi.

2 Kɔ̀rintìyà 2:17

O èŋgànɛ̀lɛ̀ rzɔ, i rza enje ndi nàa rzayi-rzayi ja hwanɛyi hwatò ema hwa ohwa eyà ya Lohwɛ̀ o lì yalɛ wolì. O irzɔ i rza gbeyà nanù èhwanja Lohwɛ̀ à mà jo òma o lì ohwa ŋmɛ̀ndì mò gbamù ndèŋgànɛlɛ i ma ohwa na ŋmèma mɔ̀kɔ na oma irzɔ i hwèlì mɔ̀kɔ na Krirztò. Irzɔ i hwi hvɛ nanù ema Lohwɛ̀ ndi à jo òmi o lì gbeyà ene èwòlò.

2 Kɔ̀rintìyà 3:6

Mɔ̀ ŋmìti ndi à jo gbèyi ema i tànɛyi o lì ohwa moŋgo ŋmɛ̀ndì mo yòòmbò ehvènya. Rzeketɛ ŋmɛ̀ndì mo lì oŋgama imbenda ja yòòmbò ya koohwa. Hwatò ema hwa ika iŋgi mbenda hwa ŋwa, ndèŋgàna hwa rza hwɛ na Lohwà. Ŋmɛ̀ndì mo lì oŋgama yòòmbò ehvènya ema irzɔ jo òkolɛ mo hwèlì ndi ema Lohwɛ̀ à mà ŋgba hwatò èlìŋgɛ̀ yà wòtani, ndèŋgànɛlɛ mɔ̀ à mà gbeyà hvɛ nanù ema wɔ̀ hwa hwɛ na mɔ̀ natɛ̀ɛ na o gbìndèyà.

2 Kɔ̀rintìyà 4:17

Hwanu hwàna hwa mètàkà rzɔ ema i taka nàŋgɛ, rzeketɛ e meyɔ ema i tàkìrzɛ̀ mèèmà o lùuŋga. I taka o nàŋgɛ, ndi èluhwe ema e o hwɛ na irzɔ e o koka nyàyi ema i rza o ɔ̀ŋgɛ̀lɛ tɔ̀ mene mètàkà ema i luwa nàŋgɛ anu rze. Ndèŋgànà ene èluhwe e o hwɛ na irzɔ o gbìndèyà.

2 Kɔ̀rintìyà 4:2

I rzɔnjɛ̀lɛ̀ hwègbèèlì hwe arzu hwe wùndɛ̀ ja wòhwe, na hweyà ema hwe jànà ìrzɔnì. I rza e lùkɛ̀lɛ̀ na jòòhwì ja arzu ja wàna tɔ̀ lì tìkòwà e mbɔrzi ya Lohwà o lì e ɔnjɔ. Ndi jo òkolɛ hwatò Eyà ya Lohwɛ̀ nyayi ema hwa e rzɔŋgìtɛ̀nɛ̀. Nà oma jo òkolɛ Èya yà Lohwà na ŋmèma mɔ̀kɔ, tɔ̀ mòtò a rza tànɛyi lì ohwa o ŋmèma mo eni nanù ema i mo lukɛlɛ ndi lì lukɛlɛ. Irzɔ i hwi nanù ema Lohwɛ̀ a hwi tɔ̀ mamɛ ema i gbeyà.

2 Kɔ̀rintìyà 4:8

Hwa jo tàkirzɛ i hvonda ja arzɛ, ndi i rzi nyɔ̀kɔhwi. Manɛyi marzako hvɛ i rza hwiya tɔ̀ mamɛ ema i gbeyà, ndi irzɔ i rza ohwa ndi nanù ema Lohwɛ̀ a rza jo uŋmɛ̀lɛ̀ eyà ema i hwɛni o lì gbeyà.

2 Kɔ̀rintìyà 7:11

Ndi inyɔ e ma hweyà wòhwe, na oma Lohwɛ̀ à mà arze nanù ema e hweye, o èŋgànɛ̀lɛ̀ rzɔ, e ɔ̀ŋgɔ tɛ mamɛ eŋge e ma e jàneyà, inyɔ e ma arza ema na hwiye nanù ema e keka o lì uŋmɛ̀lɛ̀ hwatò nanù ema e rza gbeyà tɔ̀ lùurzè nàŋgɛ. È ma tata nanù ema hwaŋga hwatò hwà mà gbeyà matona o e hvonda ema e ma aka, ndèŋgàna e hwa ohweyà nanù ema hwa hwɛmɛ wòhwe wo awu. È ma oka wɔ̀ŋgɔ̀ nanù ema Lohwɛ̀ a e kɔ̀kìrzɛ̀ e hwèlì tɛ nanù ema e lìmelì ndi o lì gbeyà ini nyayi ja hweyà. È ma lìŋgàna o lì no ɛnɛ na e jɔ̀kɛ̀, e ma hwɛnɛ hvɛ mèèmà mo lì no ikana ekohva, ndèŋgànɛlɛ e kɔ̀kìrzɛ̀ hwatò ema hwa gbeyà wòhwe. Nà oma e ma gbeyà hwene hweyà hwe arzɛ, e uŋmɛ̀lɛ̀ nanù ema e rzi gbèyi tɔ̀ eyà tɔ̀ yɔ̀kɔ ya wòhwe.

Kòlòrzìyà 1:11

Ì kanɛ̀ hvɛ nanù mɛnɛ ema Lohwɛ̀ à è embɛ nà è ŋginyà yà eni ndɛnɛ, aŋga nanù è tànɛ ò lì ajùlɛ̀, è kakè mèèmà mè anyu, ò lì okànà hweyà hwe arzɛ mɔ̀nyɛ̀ŋgì.

Kòlòrzìyà 1:24

Ò naŋgɛ nanù nà oka mɔ̀nyɛ̀ŋgi ò nyòla mòtàkà ema nà lùwa ò lì è hvomɛ̀nɛ̀. Nà oma nà lùwa mono mòtàkà nanù, nà mà kulɛ̀ mòtàkà mò ama Yerzù ema mò àŋgàmɛ̀nɛ̀yi lì hwɛ, ò nyo yà eni, eŋge ŋgànà è hwèlì ndi nanù ema hwatò ema hwa mò lòkɛ̀yì Krirztò.

1 Tɛ̀rzàlonìyà 3:7

O eŋgànɛ̀lɛ rzɔ, ìi wònyàmòwe kòkò, o ìtììtènì ya indùtù na mètàkà me arzu me arzɛ mèèmà me arzu me ma ètìrzɛ̀hwɛ o nyòla inyɔ. Lìlòkɛ̀ la anyu ndi lì jo ètìrzɛ̀ mèèmà me arzu.

1 Tɛ̀rzàlonìyà 5:14

Ìi wònyàmòwe kòkò, nà je e ohweyà hvɛ nanù ema e kòkòwɛ̀lɛ̀ hwatò ema hwa hwèlì rzìŋgà nanù ema hwa àŋgàmɛ̀nɛ̀yi lì gbeyà èwòlò, e embɛ̀ hwaŋga ema hwa oka wɔ̀ŋgɔ̀, e oŋgowane hwaŋga ema hwa rza ohvɛɛ ŋginyà, e a àjùlɛ̀nɛ̀ mɔ̀kɔ na ɔ̀nɛyi.

1 Tìmotì 2:15

Ndi Lohwɛ̀ a o rzuŋga lòŋgɛ la e molanà o hvonda ya lìyalì, e hwèlì tɛ nanù ema a ikayi ŋmèma mo eni o Krirztò, ndeŋgànɛ̀lɛ̀ a uŋmɛ̀lɛ̀ tɛ hwahvɛhvɛ hwatò ndìŋgɛ, rzìi a rzi ohve tɔ̀ ŋmanà lìtɔ̀ti la wòhwe o nyo ya eni.

1 Tìmotì 4:6

O òkolɛ tɛ hwatò ema hwa lòkɛ̀ Yerzù hwene hweyà, e hwɛ ndi nanù ema o hwɛ ndi mògbèèlì hwa gbamù hwa ama Yerzù Krirztò. O ètìrzɛ̀hwɛ o èlìŋgɛ̀ èhwanja o ŋmɛ̀ndì ema o lòkɛ̀yi, ndeŋgànɛ̀lɛ̀ hvɛ hwèyòkòwèlì hwe ama Lohwɛ̀ ema o nɔ̀ŋgɔ.

1 Tìmotì 6:11

Ndi o wa Tìmòtì, mòtò wa Lohwà, o hwɛni lì tinda hweŋge hweyà hwe arzɛ hwe wòhwe. Keka o lì gbeyà nanù ema o gbèyi ndi mamɛ ema e hvomɛ̀nɛ̀ o worzo wo ama Lohwɛ̀, gbeyà ndi na oma Lohwɛ̀ a arza nanù ema o gbeye. Lòkɛ̀ Krirztò, o lìŋgàne hvɛ hwatò, o hwɛ ndi o lì àjùlɛ̀ ihvonda ja arzɛ, o arzìirzɛ̀.

2 Tìmotì 1:8

Ò eŋgànɛ̀lɛ̀ ò rza oka ìrzɔ̀nì ò lì ohweyà hwatò lì hvomɛ̀nɛ̀ Rzàŋgo wà arzu Yerzù Krirztò ndeŋgànɛ̀lɛ̀ ò rza nò òkànà ìrzɔ̀nì, tɔ̀ nɛ nà hwèlì ndi mòtò wà hwèwòwà ò nyòla ama Krirztò. Ndi nà è ŋginyà ema Lohwɛ̀ à mà ò ŋgbɛ, emeyà ò lì taka nà imba nà oma jò òhwa Ŋmɛ̀ndì mò Gbamù.

2 Tìmotì 2:24

Nàa e mògbèèlì wa ama Lohwɛ̀ o rza hwɛni lì tɔ̀wɔ, ndi o hwɛni lì hwɛ eenji na tɔ̀ ima mòtò, o hwɛni lì okolɛ hwatò gbamù, na lì ajùlɛ̀nɛ̀ hwatò kɔ̀yi-kɔ̀yi.

2 Tìmotì 4:5

Ndi o wa Tìmòtì, o hwɛni lì hwiya lì àwòhvɛ̀lɛ̀ la aŋgɔ̀ ihvonda ja arzɛ. O ajùlɛ̀nɛ̀ mòtàkà, o gbèyè èwòlò ya e mòtò ema a ohweyà hwatò Ŋmɛ̀ndì mò Gbamù mò ama Lohwɛ̀, ndèŋgàna o gbeye hvɛ èwòlò ya arzɛ ema Lohwɛ̀ à mà o òhweyà à mà o gbeye.

Hibrù 12:1

Nà oma, ŋgìndì ndɛnɛ ya mboŋgi e jo toŋgi, inyɛ i hvàke tɔ̀ ima lìtumba la eyà ya wòhwe ema e jo kakumɛ̀nɛyi. Inyɛ̀ i hwàŋge hvɛ lìhwaŋgi ema lì jo hwèlì o worzo na lì àjùlɛ̀.

Hwèwulùwèlì 1:9

Imbà ndi nà hwèlì Yòwanìrzɛ̀ ŋmanyàŋgò wà anyu. Nà hwèlì ndi mɔ̀kɔ ema mɔ̀hvɛ à hwèlì ndi nàa inyɔ, ò lì kaka ŋmèma nà ò lì àjùlɛ̀nɛ̀ mètàke ema mè jèeyà hwatò ema hwa hwèlì ò lìkànèyà là ama Yerzù Krirztò. Hwa mà nò ika ò erzòòkà ema malìhwà ma mà toŋge ema è hwɛ̀lɛ̀hwɛ̀ Pàtìmòrzì ehwànja nà mà ohwa Eyà yà ama Lohwɛ̀ rzìi nà ohweyà hwatò lì hvomɛ̀nɛ̀ hweyà ema nà mà ɛnɛ lì e hvomɛ̀nɛ̀.

Hwèwulùwèlì 3:10

Nà oma e hwèlì nanù ema, inyɔ e ika eyà ya ami ema na e ohwèlì nanù ema e kake mèèmà o lì àjùlɛ̀nɛ̀ mètàkà me anyu, imba hvɛ na o e kombɛ o e hvonda ya mòtàkà ema mo o jèeya e rze ya mɔ̀nyɛ̀, o lì kèkirzɛ hwatò hwa arzɛ hwa è rze yà mɔ̀nyɛ̀.