2 Kɔ̀rintìyà 6:3 - Mokpwe: Bakwery (New Testament)

³ Irzɔ i rza keka tɔ̀ mòtò e njiya ya eni aŋga nanù lùurzè lì rza ɛneya o èwòlò ema i hwèlì lì gbeyà.

2 Kɔ̀rintìyà 6:3 Mawu Ofanana

Matiyò 17:27

Ndi ò lì arza nanù ema i rza hwa tàtìrzɛ̀, ɛ̀ndɛ ò yulu ò aŋgbe lìyɔ̀hwi la aŋgɔ̀. È nyàmà ya wòrzò ema o ò lɛ̀mbɛ, ò e lìhvòhwè e wàna ò ùŋmanɛlɛ kahvà ema i lòŋgamɛnɛ ò lì jò rzaweya e njàŋge ya arzu ya e ndawò yà Lohwà. O ji wòwe ò ɛndɛ ò jò rzaweya e njàŋge ya arzu ya e Ndawò ya Lohwà.

Matiyò 18:6

Tɔ̀ njɛnɛ ema à gbèyi ema mɔ̀kɔ wà hwanù hwàrzàlì, ema à nò lòkɛ̀yì ò lì gbeyà wòhwe, ò lɔ̀wu nanù ema òŋgò mòtò à kakahwè lìŋyàyi lì ndɛnɛ ò lìwɔ là eni, rzìi hwa mò indirzɛ ò èki ema è rzɔ̀ŋgɔ̀ ò tenì yà ŋmànja.

Hwègbèèlì 19:27

O eŋgànɛ̀lɛ̀ na òka wɔ̀ŋgɔ̀ nanù ema lìinà la e nyòŋga ya arzu lì hwɛni lì hvàŋgeyà. Rzeke hvɛ tɛ eŋge mɛnɛ na òka wɔ̀ŋgɔ̀ hvɛ nanù ema mòòka mò ama lòòhwà lì ndɛnɛ Atɛmirzi lì rza hwɛnɛ hvɛ tɔ̀ wòlìtò. Hwàtò hwa rza ò mò ɛnɛ nàa yòma hvɛ tɛ òma tɛ mɔ̀ ndi à hwèlì lòòhwà la hwatò hwa arzɛ ò erzòòkà ya Èrzìyà na hwatò hwa arzɛ hwa e rze ya mɔ̀nyɛ̀.”

Ròmànì 14:13

O èŋgànɛ̀lɛ̀ rzɔ, inyɛ tɔ̀ mɔ̀kɔ wa arzu a rza kàyìrzɛ̀ ɔ̀nɛyi. O ika ò ŋmèma mò aŋgɔ̀ nanù ema, ò rza gbeyà tɔ̀ eyà ema e gbeyà hwahvɛhvɛ hwatò hwa ayirzɛ mataŋgà mà awu tɔ̀ lì kpèeyà ò tenì ya wòhwe.

1 Kɔ̀rintìyà 9:12

È hwèlì tɛ ema lòŋgo la hwatò hwa hwɛnì wònjà ya lì e ijòwa hwèèmà, rzeke irzɔ i hwɛnì wònjà rzayì-rzayì o lì e ijòwa hwèèmà lì hwa aka e? Ndi irzɔ i rzi gbeyànì a gbeyàna enè wònjà tɔ̀ wùnyà. Irzɔ ima àjùlɛ̀nɛ̀ mètàkà me arzɛ aŋga nanù, ene e rza hwɛ ndi ekèkànì na oma jo òhwa Ŋmɛ̀ndì mò Gbamù lì hvomɛ̀nɛ̀ Krirztò.

1 Kɔ̀rintìyà 9:22

Nà hwèlì tɛ na hwaŋga hwatò ema hwa rza imbamɛ o lì lòkɛ̀, imba hvɛ na hwɛ ndi nàa mɔ̀kɔ hwa awu ema a rza imbamɛ o lì lòkɛ̀, èhwanja na arza ema wɔ̀ hwa lòkɛ̀ Krirztò. Ɛ̀ɛ, na hwèlì na keka o lì arza ema na hwɛ nàa tɔ̀ ima mòtò ema na ùŋmanɛlɛyi. O lì gbeyà hvɛ hweyà hwe arzɛ ema na tànɛyi lì gbeyà o lì rzùŋgà lòŋgo la hwatò.

2 Kɔ̀rintìyà 1:12

Mamɛ ya arzɛ ema e gbèyɛ̀nɛ̀yi, e jò ŋgbelì kumba. I tànɛyi lì ohwà na mèèmà me rzaŋgi ema o hwɛ̀ɛ̀mɛ̀ hwɛ arzu hwe arzɛ anù rze, rzɛ̀hvɔ̀nì na oma i hwèlì na inyɔ na mèèmà me wòtani, na e jɔ̀kɛ̀ ya arzu. Nànù ndi Lohwɛ̀ a mà tɛ̀yirzɛ ema e hwɛ. Rzeketɛ o lìhwiyè la arzù la mòtò wa hwènàmà, ììlì ja ama Lohwɛ̀.

2 Kɔ̀rintìyà 8:20

Irzɔ irza arza nanù ema tɔ̀ mòtò a tɔ̀kirzɛnɛ, o ŋgàna ya èwòlò ya arzu ya eenji ema i gbeyà.