2 Kɔ̀rintìyà 6:11 - Mokpwe: Bakwery (New Testament)

¹¹ Ìi wònyàmowe, hwa e mbowà ya Kɔ̀rintò! Je e tilelì hweyà hwe arzɛ e rzi hwɛ ema je e utelì tɔ̀ eyà tɔ̀ yɔ̀kɔ. I ma e uŋmɛ̀lɛ̀ nɛ mèèmà me arzu me hwèlì o tenì.

2 Kɔ̀rintìyà 6:11 Mawu Ofanana

Hwègbèèlì 18:1

O mburzà hwenè hweyà hwe arzɛ, Pàwolò à mà anjiya ò mbòwa ndɛnɛ ya Atɛ̀nrzì rzi a ɛ̀ndɛ ò mbòwa ndɛnɛ ya Kɔ̀rintò.

Hwègbèèlì 18:8

Klìrzpùrzì, ema mɔndi à mà hwɛ e mòkànèlì wa e ndawò ya màkanɛ̀ ya wònyà Yudà, mɔ̀ na lìtumba la eni la arzɛ, hwà mà lòkɛ̀ e Rzàŋgò. Rzayì-rzayì ja hwatò hvɛ ò Kɔ̀rintò hwà mà hweyà Ŋmɛ̀ndì mò Gbamù, hwà mà mò lòkɛ̀ ndèŋgàna hwà mà lùhwìrzɛ̀hwɛ̀.

2 Kɔ̀rintìyà 12:15

Nà o òka mɔ̀nyɛ̀ŋgì o lì gbeyàna tɔ̀ ima yoma ema na ohvi tɔ̀ e nyo ya ami o lì e oŋgòwànà. Nà e lìŋgàni tɛ rzayi-rzayi, rzeke inyɔ hvɛ e hwɛni o lì no lìŋgàna rzayi-rzayi.

2 Kɔ̀rintìyà 2:4

È hvonda ema nà mà e tìleya eŋge kààtì, nà mà ohva ndùtù o ŋmèma ndèŋgànɛlɛ nà mà ji tìlana na mìrzɔlì o worzo wo ami. Nà rzi e tìleya ndi nanù ema e hwɛ̀nɛ̀ ndùtù o mèèmà me anyu, ndi nà mà e tìleya ndi nanù ema e hwiye lìmɛni ema na e lìŋgànelì.

Gàletìyà 3:1

Bɔ̀ɔ, inyɔ hwatò hwa èèti hwa Gàletìyà! Njɛnɛ à è jɔ̀ki nanù e? È rza ɔ̀ŋgɛ̀lɛ̀ nà oma nà ma e wuluhweyà nanù ema Yerzù Krirztò à mà ŋwa ndi ò mbarza ò nyòla à anyu e?

Gàletìyà 4:12

Wònyamòwè kòkò, na e arzarzɛ nanù ema, e hwɛ ndi nàa imba èhwanja o nàŋgɛ nanù imba hvɛ na hwèlì ndi nàa inyɔ. Nà rza enje hvɛ ndi o rze ya e mbenda hvɛ ndeŋgànɛ̀lɛ̀ e rzi no gbèyi eyà ya wòhwe.

Ɛ̀hvìrzìyà 6:19

È no kànɛ̀lɛlɛ imba hvɛ, ema tɔ̀ ima hvonda ema na ohwa Èya ya ama Krirztò, Lohwɛ̀ a no ŋgba e mbɔrzi ema e hvomɛ̀nɛ̀yi. Aŋga nanù, na o tànɛyi lì ohweyà hwatò Ŋmɛ̀ndì mò Gbamù ema hwa rza rzɔ̀ŋgìtɛ̀nɛ̀ e rzìi hwɛ lì oka tɔ̀ wɔ̀ŋgɔ̀.

Ɛ̀hvìrzìyà 6:8

È hwiye nanù ema è Rzàŋgo è jò rzàweyà ndi ò tɔ̀ ima èwòlò yà gbamù ema i mà gbèèyɛ̀. I hwɛ hwàkòmì tɔ̀ wònja.

Hvìlipìyà 1:8

Lohwɛ̀ ndi à hwèlì è mboŋgi yà ami nanù ema ŋmèma ema nà è hwɛ̀nèlì mò hwèlì ndi nyàyi hvɔ̀kɔ nà oma Yerzù Krirztò mɔhvɛ à è hwɛ̀nèlì.

Hvìlipìyà 4:15

Ò jɔ̀kɛ̀ inyɔ hwatò hwa Hvìlìpì, inyɛ e hwiye gbamù nanù ema, e hvonda ema nà mà wòteyà o lì ohwa ŋmɛ̀ndì mò gbamù, e hvonda ema imba nà mà anjiye o Màrzèdonìyà, inyɔ mɛnɛ ndi e ma hwɛ ŋmèmba ema mo ma no oŋgòhwànà.

Hwèwulùwèlì 22:12

Yerzù a ohwi nanù ema, “È ɔŋgɛ tɛ, na ja ŋmanà mbɔ̀, o lì rzaweyà tɔ̀ ima mòtò lì wowàna èwòlò ema mɔ̀ à gbèyi.