2 Kɔ̀rintìyà 6:10 - Mokpwe: Bakwery (New Testament)

¹⁰ I hwèlì o tenì ya ndùtù ndi o i hvonda ja arzɛ i hwèlì o mɔ̀nyɛ̀ŋgì. Tɔ̀ nɛ i rza ohvɛ hwema rzayi-rzayi ndi èwòlò ema i gbeyà e gbeyà hwatò rzayi-rzayi o lì lòkɛ̀ Lohwɛ̀. O èŋgànɛ̀lɛ̀ rzɔ eŋge e hwa gbèyi ema wɔ̀ hwa ohvi hwema rzayi-rzayi. Tɔ̀ nɛ i rza ohvɛ tɔ̀ yoma, mònàmɛ̀ mò ama Lohwɛ̀ mo hwèlì ndi e mo arzu.

2 Kɔ̀rintìyà 6:10 Mawu Ofanana

Matiyò 5:12

È hwɛ gbamù, è òhve mɔ̀nyɛ̀ŋgì èhwanja etaŋgi ema è ò luwɛ ò ŋmanyu yà lohwà jò ò kòka. Nanù ndi hwatò hwa ma hwɛ lì tàkìrzɛ̀ hwà-òhwèlì hwa hwèlìŋgɛ̀ hwa kòòhwa.

Matiyò 5:4

Mònàmɛ̀ nà hwatò ema hwa ɛhwɛ, èhwanja Lohwà à ò gbèya hwa òhva mɔ̀nyɛ̀ŋgì hvɛ.

Lukàrzɛ̀ 6:21

Mònàmɛ̀ nà inyɔ ema è hweyà njàwò nàŋgɛ èhwanja Lohwɛ̀ à è ujìrzɛ̀. Mònàmɛ̀ nà inyɔ ema è hwèlì ò lùwa nàŋgɛ èhwanja è hwɛnì lì yɔ̀ɔ.

Yòwanìrzɛ̀ 16:22

Nànu ndi e hwèlì na inyɔ. È arzuumɛ nàŋgɛ ndi na hwɛnì lì e ɛnɛ hvɛ. O eŋge hvònda e òka mɔ̀nyɛ̀ŋgì. Ndèŋgànɛ̀lɛ̀ ò rza enje tɔ̀ mòtò tɔ̀ mɔ̀kɔ ema a wòwa mɔ̀nyɛ̀ŋgì mò anyu.

Hwègbèèlì 16:25

O eyà ya kɔrzi ya wuu, Pàwolò na Rzàyìlàrzì hwà mà hwɛ lì kànɛ na lì embeya Lohwɛ̀ mɛ̀rzɔ̀kɔ̀ me kààtì. Rzìi hwanɛ̀yi hwatò hwa hwèwòwà hwa a hwa òkànèyà.

Hwègbèèlì 3:6

Ndi Pètrò à mà mò òhweyà nanù ema, “Nà rza òhvi tɔ̀ kahvà ò lì ò ŋgba. Ndi na ò ŋgbà mamɛ ema imba na òhvi. O lìna la ama Yerzù Krirztò mòtò wa Nàrzàrɛ̀tì tɛ̀mɛ̀nɛ ò ŋmanyu ò ɛ̀ndɛ!”

Hwègbèèlì 5:41

Nà òma iŋgi àpɔ̀rzìtòlò ima wurze ò wòŋgò wòlìya, hwà mà hwɛ ò mɔ̀nyɛ̀ŋgì èhwanja, Lohwɛ̀ à mà hwa wòwa nàa hwatò ema hwa kanɛ̀yi ò lì lùwa erzambò ò nyòla lìinà la ama Yerzù.

Ròmànì 11:12

Wòhwe wò wònyà Yudà wò ma jàneyà hwanɛ hwatò hwa arzɛ hwa e rze ya arzɛ mònàmɛ̀ mò ndɛnɛ. Ndèŋgàna na òma wònyà Yudà hwà mà òhve lìtake la hweyà hwe hwèlìŋgɛ̀, hwà mà jàneyà hwaŋga hwatò ema hwa rza enje wònyà Yudà e ndèli ya ama Lohwɛ̀. È hwèlì tɛ ema Lohwɛ̀ a tanɛyi lì nàmìrzɛ̀ hwaŋga hwatò ema hwa rza enje wònyà Yudà nanù, ema wònyà Yudà wɔ̀ hwa gbèyi tɛ wòhwe ŋgèlì iti ema mòŋgò mònàmɛ̀ mò ò hwɛ, e hvònda ema wònyà Yudà wò ò kɔ̀tɔ̀wɛ.

Ròmànì 12:15

È òke mɔ̀nyɛ̀ŋgì na hwaŋga hwatò ema hwa hwèlì hwa òka mɔ̀nyɛ̀ŋgì. È ɛhwɛ na hwaŋga hwatò ema hwa ɛhwɛ.

Ròmànì 15:13

Nà kànɛ nanù ema, Lohwɛ̀ ema mɔ̀ ndi à ŋgbàà lìhvìtà, a e gbeye e ònde na mɔ̀nyɛ̀ŋgì mò arzɛ na ò lì hwɛ na ɛ̀yɔ̀lɛ̀ ò nyòla lì lòkɛ̀ ema e lòkɛ̀. Ène eyà e gbeyà e ŋginyà ya Èlìŋgɛ̀ yà Wòtani e gbeyà lì lòkɛ̀ la anyu lì nyàla rzayi-rzayi.

Ròmànì 8:32

Jàyɛ̀, na òma Lohwɛ̀ a rzi utɛ tɔ̀ Ŋmanà wa eni. A ma mò wòwa rzìi a mò ŋgbà ema a jò ŋwèeyà. Èŋge ŋgàna e hwèlì ndi nanù ema mɔ̀ à rza ò jò ŋgba hvɛ tɔ̀ mamɛ ema i mò ijòwi e?

Ròmànì 9:2

Nà òhvi ndùtù ya ŋginyà na mòtaka mò ŋginyà ò ŋmèma mò ami,

1 Kɔ̀rintìyà 1:5

Linì lì ahvìyànɛ̀ nà Krirztò, lì è gbèyi Lohwɛ̀ à è ŋgbelì hweyà hwe arzɛ. À è gbèyi ema è ohwe Ŋmɛ̀ndì mò Gbamù, nɛ̀ mò hwɛnì lì ohwàhwà. Nà lì è gbeyà hvɛ nanù ema è rzɔ̀ŋgìtɛ̀nɛ̀ hweyà ema hwe mò hvomɛ̀nɛ̀.

2 Kɔ̀rintìyà 2:4

È hvonda ema nà mà e tìleya eŋge kààtì, nà mà ohva ndùtù o ŋmèma ndèŋgànɛlɛ nà mà ji tìlana na mìrzɔlì o worzo wo ami. Nà rzi e tìleya ndi nanù ema e hwɛ̀nɛ̀ ndùtù o mèèmà me anyu, ndi nà mà e tìleya ndi nanù ema e hwiye lìmɛni ema na e lìŋgànelì.

2 Kɔ̀rintìyà 4:15

Mene Metaka me arzɛ ema i hwèlì i luwa nanù, me hwèlì ndi o lì e oŋgòwànà. Àŋga nanù rzayi-rzayi ja hwatò hwa hweyi tɛ eyà ya ama Lohwɛ̀, ììlì ja ama Lohwɛ̀ i hwa gbeyà hwa luwa lì làkìrzɛ̀ o wòhwe, ndèŋgànà hwa mo eka rzayi-rzayi. Ène eyà e gbeyà rzayi-rzayi ja hwatò hwa o eka Lohwɛ̀.

2 Kɔ̀rintìyà 4:7

Ndi ŋmɛ̀ndì ema Lohwɛ̀ a jo ŋgbelì o lì ohwa, mo hwèlì ndi eyà ema e ohvi wòlìto rzayi-rzayi. Irzɔ i hwèlì ndi nàa lìhwànya ema eŋge yoma e hwèlì o tenì. Ène eyà e ma gbèyɛ̀nɛ ndi nanù, aŋga nanù hwatò hwa hwiya nanù ema e ŋginyà ndɛnɛ e uwɛ̀lɛ̀lɛ̀yi ndi na Lohwɛ̀, rzeketɛ na irzɔ.

2 Kɔ̀rintìyà 8:9

È hwi na oma e Rzàŋgo ya arzu Yerzù Krirztò a e oŋgòhwànà o lì hwɛ enji. Tɔ̀ ima lìtumba la yòma ema Lohwɛ̀ a hwɛnì, mɔ̀ Yerzù ndi à e hwɛni. Ndi tɔ̀ nanù o nyòla ya anyu à mà hwɛmɛ eŋge ehwàŋgì ya eni ya arzɛ o ŋmanyu rzìi a rzihwa anù rze nàa mòtakèlì wa mòtò. A ma gbeyà ndi nanù o lì arza nanù ema inyɔ e luwe mònàmɛ̀ ema Lohwɛ̀ a ŋgbà hwatò.

Ɛ̀hvìrzìyà 3:16

Nà oma à è utelì mònàmɛ̀ mò hvèyi nà kànɛ̀ nanù ema èlìŋgɛ̀ yà eni yè è ŋgbè ŋginyà aŋga nanù mèèmà mè anyu mè eta ò kòkò.

Ɛ̀hvìrzìyà 3:8

Tɔ̀ nɛ nà rza hwɛnɛ wòlìto ò ìtììtènì ja hwatò hwa ama Lohwɛ̀, Lohwɛ̀ à mà nò ŋgbà è ndèli yà eni ò lì ohweyà hwaŋga hwatò ema hwa rza enje wònyà Yudà lì hvomɛ̀nɛ̀ mònàmɛ̀ ema Krirztò à ŋgbà. Tɔ̀ mòtò wà hwènàmà à rza tànɛyi lì hwiya nɛ̀ mono mònàmɛ̀ mò hwèlì.

Hvìlipìyà 2:17

Nà o hwɛ ndi nàa mohvo mo mimba emà mà rzɔ̀lɛhwɛ o nyòla èwòlò ema inyɔ e gbeyà, nàa jàhwèyà o nyòla lìlòkɛ̀ ema inyɔ e hwɛni. Nà tànɛyi lì taka tɔ lì ŋwa ehwànja na ohwa ŋmɛ̀ndì mò gbamù ŋgànà hvɔ̀kɔ na oma inyɔ hvɛ e hwèlì e tàkàà ehwànja e mo lòkɛ̀. Ndi na hwèlì na lìŋgà na lì e okana inyɔ hwa arzɛ mɔ̀nyɛ̀ŋgi.

Hvìlipìyà 4:4

È oke mɔ̀nyɛ̀ŋgì ihvonda jà arzɛ ehwànja è hwèlì ndi hwatò hwa ama è Rzàŋgo. Imba nà ohwa hvɛ nanù ema, inyɔ è oke mɔ̀nyɛ̀ŋgì.

Kòlòrzìyà 1:24

Ò naŋgɛ nanù nà oka mɔ̀nyɛ̀ŋgi ò nyòla mòtàkà ema nà lùwa ò lì è hvomɛ̀nɛ̀. Nà oma nà lùwa mono mòtàkà nanù, nà mà kulɛ̀ mòtàkà mò ama Yerzù ema mò àŋgàmɛ̀nɛ̀yi lì hwɛ, ò nyo yà eni, eŋge ŋgànà è hwèlì ndi nanù ema hwatò ema hwa mò lòkɛ̀yì Krirztò.

Kòlòrzìyà 3:16

Inyɛ̀ ŋmɛ̀ndì mò ama Krirztò mò lìya gbamù ò tenì yà mèèmà mè anyu ò ihvonda jà arzɛ. Inyɛ̀ inyɔ è gbeyàne moŋgo ŋmɛ̀ndì nà lìhwiyè lì anyu là arzɛ ò lì okòlɛ nà lì kòkòwɛ̀lɛ̀ mɔ̀kɔ nà ɔ̀nɛyi ò ihvonda ja arzɛ. Inyɔ è à èmbeyà Lohwɛ̀ mɛ̀rzɔ̀kɔ̀ ema mè hwèlì ò tenì yà è kààtì yà mɛ̀rzɔ̀kɔ̀ mè Lohwà. È èmbeyà Lohwɛ̀ mɛ̀rzɔ̀kɔ̀ ema mà eka Lohwɛ̀ nà Krirztò nà mè hvɛhvɛ mɛ̀rzɔ̀kɔ̀ ema mè è jɛ̀lɛ̀lɛ̀yì ò mèèmà mè anyu ò lì eka Lohwɛ̀. Inyɔ è mò èmbeyà ò lì mo eka nà mèèmà mè anyu mè arzɛ.

1 Tɛ̀rzàlonìyà 1:6

Ò inyɔ è mà oŋgama ɛ̀ɛ̀mɛ̀ yà gbamù ema ì mà hwɛ̀nɛ̀ ndèŋgànɛ̀lɛ̀ inyɔ è mà oŋgama ɛ̀ɛ̀mɛ̀ yà ama è Rzàŋgo. Èlìŋgɛ̀ yà wòtani è mà è gbeyà ò lì oka mɔ̀nyɛ̀ŋgì nà oma è mà lùwè ŋmɛ̀ndì mò gbamù ema ì mà è jàneyà.

1 Tɛ̀rzàlonìyà 5:16

È lìŋge ihvonda ja arzɛ,

1 Tìmotì 4:8

O hwèlì ndi eyà ya gbamù o lì okolɛ e nyàmà ya nyo ya eni o lì eta. Ndi o lɔ̀wu rzayi-rzayi nanù ema mòtò a atàkìrzɛ̀ tɛ o lì gbeyà tɔ̀ ima eyà na oma Lohwɛ̀ a àrzeyà. Inyɛ̀ i gbèyi na oma Lohwɛ̀ a arza èhwanja Lohwɛ̀ à mà ohwa nanù ema a jo ŋgba lòŋgɛ ema lì rza hwɛnɛ lìrzùkù nàŋgɛ na o e hvonda ema e o jɛ̀ɛ̀.

1 Tìmotì 6:18

O hwa ohweyà oma hwa a gbeyà gbaamù o lì oŋgowàna hwatò. Nà oma hwatò ema hwa ohvi wolì rzayi-rzayi hwa nàmà, hweyà hwe gbamù ema hwa gbeyà, hwe hwɛ ndi mònàmɛ̀ mo awu, ndèŋgàna hwa hwɛni lì hwɛnɛ mèèmà me nyɔ̀ŋgi ya lì oŋgowàna hwahvɛhvɛ hwatò na tɔ̀ mamɛ ema Lohwɛ̀ à mà hwa ŋgbɛ.

Hibrù 10:34

Inyɔ e ma hwɛnɛ mèèmà me ììlì o hwatò ema hwà mà hwɛ o hwèwòwà. Tɔ̀ nɛ hwà mà e lumbane erzàŋgo ya anyu, e ma hwɛni mɔ̀nyɛ̀ŋgì nanù mɛnɛ èhwanja inyɔ e ma hwiya nanù ema e hwɛni erzàŋgo ema e akayi eŋge erzàŋgo ema e o hwɛ̀ɛ natɛ̀ɛ na o gbìndèyà.

Jèmìrzì 2:5

Wònyànyàŋgo wa ami kòkò, e okànèyà. Rzeke e hwèlì ndi e jɔ̀kɛ̀ nanù ema Lohwɛ̀ mɔ̀ à mà màa lì hvɔ̀rzɔ̀ mèlìrzà me hwatò ema hwa hwɛ hwàlòkèlì hwa ama Krirztò e? Ndèŋgànɛlɛ lìŋgi lì lòkɛ̀ ndi lì hwèlì mònàmɛ̀ mo awu, ndèŋgànɛ̀lɛ mɔ̀ à mà hwa hvɔ̀rzɔ̀ nanù ema wɔ̀ ndi hwa hwèlì hwatò ema hwa o hwɛ lìkànèyà la eni. Ndeŋgànɛlɛ lìŋgi lìkànèyà ndi mɔ̀ à ohwi nanù ema, mɔ̀ à ŋgba hwatò ema hwa mo lìŋgàni.

1 Pètrò 4:13

Ndi e hwɛni lì oka mɔ̀nyɛ̀ŋgì, nanù ema e tàka ndi nyayi hvɔ̀kɔ na oma Krirztò mɔ̀ hvɛ à mà tàke, aŋga nanù inyɔ e onda na màlìŋgo e hvonda ema Lohwɛ̀ a o wuluhwɛ èluhwe ya ama Krirztò.

Hwèwulùwèlì 2:9

Imba nà hwi mètàkà mè anyu, ndèŋgànɛ̀lɛ̀ nà hwi nanù ema è hwèlì ndi mèlìrzà mè hwatò, ndi tɔ̀ nanù è hwèlì ndi hwèwàŋgì. Nà hwi hweyà hwe wòhwe ema hwatò ema hwa ohwa nanù ema hwa hwèlì ndi wònyà Yudà tɔ̀ nɛ hwa rza enje wònyà Yudà, hwa ohwa ò lì è teŋgɛ̀nɛ̀. Wɔ̀ hwa hwèlì ndi hwatò hwa ama Mòkarzɛ̀ tɔ̀ hwatò ema hwa hwèlì ò mòndèŋge mò eni.

Hwèwulùwèlì 21:7

È mòtò ema à ò rzùùwànɛ̀ mètàkà ehwànja à nò lòkɛ̀, imba nà ò mò ŋgba hwene hwèèmà hwe arzɛ. Nà ò hwɛ Lòohwà là eni ndèŋgànɛ̀lɛ̀ mɔ̀ hvɛ à ò hwɛ è ŋmanà wà ami.