2 Kɔ̀rintìyà 5:14 - Mokpwe: Bakwery (New Testament)

¹⁴ È ndìŋgɛ ya ama Krirztò yɔ ndi e ma wowɛ mèèmà me arzu o lì gbeyà hweyà ema i gbeyà, èhwanja i lòkɛ̀yi nanù ema Krirztò à mà ŋwèeyà hwatò hwa arzɛ. Ène ŋgàna e gbèyi ndi nàa tɔ̀ ima mòtò à mà ŋwa.

2 Kɔ̀rintìyà 5:14 Mawu Ofanana

Matiyò 20:28

nyàyi hvɔ̀kɔ hvɛ mɛnɛ nàa è Ŋmanà wà è Mòtò wà Hwènàmà a rzìi jɛ̀ɛ̀ ema hwatò hwa mò gbèeyà, ndi mɔ̀ à jelì ò lì gbèeyà hwatò, na ò lì ŋgba lòŋgɛ la eni nàa tùŋge ò lì kɔ̀tɔ̀ rzayì-rzayì ja hwatò.”

Lukàrzɛ̀ 15:24

Ònò ŋmanà wà amì à mà ŋwa rzìi à tìmbi hvɛ ò lòŋgɛ. À mà wɔ̀ɔ rzìi a wurzi hvɛ.’ Aŋgà ndi hwa mà wòteya lì rzòmbìrzɛ̀.”

Lukàrzɛ̀ 15:32

Ò jɔ̀kɛ̀! Ì hwɛnì lì rzòmbirzɛ nà lì òkà mɔ̀nyɛ̀ŋgì èhwànja ònò ŋmanyɔ̀ŋgɔ wà aŋgɔ̀ à mà ŋwa, rzìi a timbi hvɛ ò lòŋgɛ. À ma wɔ̀ rzìi a wurzi hvɛ.’”

Lukàrzɛ̀ 24:29

Ndi hwa mà mò rzòrzòmeyà rzìi hwa òhwa nanù ema, “Ja anù ò lìyà nà irzɔ, èhwanja ò mà hwɛ ndi è ŋgòmbe yà lohwà ò hwèkɔ̀ɔ̀yèlì hwe wùnyà.” Aŋgà ndi à ɛ̀ndɛ ò ndawò nà wɔ̀.

Yòwanìrzɛ̀ 1:29

Ò wònɛ̀yi wùnyà Yòwanìrzɛ̀ rzìi à ɛnɛ Yerzù nà òma à mò jèeyà. Rzìi Yòwanìrzɛ̀ à òhwa nanù ema, “È ɔŋgɔ̀ tɛ, è Ŋgumà Mɔ̀lɛ̀ŋgù wà ama Lohwɛ̀ mɔ̀ òŋgò. Mɔ̀ ndi à wòwi wòhwe wò hwatò hwa è rze yà mɔ̀nyɛ̀ yà arzɛ.

Yòwanìrzɛ̀ 11:25

Yerzù rzìi a mò òhweyà nanù ema, “Imba ndi na hwèlì hwèhvùmùwèlì nà lòŋgɛ, tɔ̀ ima mɔ̀ ema à nò lòkɛ̀ tɔ̀ nɛ à ŋwa, à ò tɛ̀mɛ̀ hvɛ ò lòŋgɛ.

Yòwanìrzɛ̀ 5:25

Nà e òhweyà e jɔ̀kɛ̀ nanù ema, e hvònda e hwèlì e ja èŋge hvònda e ma màa lì jà, ema hwatò ema hwà mà ŋwɛɛ hwa hwèya lìlò la ama è Ŋmanà wà ama Lohwɛ̀, rzìi hwaŋga ema hwa hweyi lìŋgi lìlò hwa ò hwɛ ò lòŋgɛ.

Hwègbèèlì 18:5

Nà òma Rzàyilarzi na Tìmòtì hwà mà uwɛ̀lɛ̀lɛ̀yi ò mbòwa ndɛnɛ ya Màrzèdonìyà, Pàwolò à mà aŋgbɛ mɔ̀ ŋmìti tòwòtòwò ò lì òhwà Ŋmɛ̀ndì mò Gbamù. Mɔ̀ à mà hwɛ lì òhweyà hwatò hwa Yudà nanù ema Yerzù à hwelì ndi è Mɔ̀ ema à Ɔ̀kirzɛ̀hwɛ̀yi.

Ròmànì 2:2

I hwi na e tɛ̀ɛ̀tɛ̀ɛ nanù ema, e mbàkò ema Lohwɛ̀ a akɛlɛ lì teŋgɛ̀nɛ̀ hwatò ema hwa gbeyà iŋgi nyayi ja hweyà e hwa lòŋgàmɛnɛyi.

Ròmànì 5:15

Hwàŋga hwatò hwa ahwakɛ hwa rza enje nyayi hvɔ̀kɔ èhwanja jàhwèyà ema Lohwɛ̀ a ŋgbelì hwatò ò ŋgundu, ema Yerzù Krirztò a jàni, i rza kiti na mamɛ wòhwe wò ama Adàmu wò jàni. È hwèlì ndi e jɔ̀kɛ̀ nanù ema hwatò rzayi-rzayi hwà mà ŋwa ò nyòla wòhwe wò ehvòwa ya mòtò. Ndi e ndèli ya ama Lohwɛ̀ e òlò rzayi-rzayi lì aka wòŋgò wòhwe. Hwatò rzayi-rzayi hwà mà luwa jàhwèyà ja ŋgundu ja ama Lohwɛ̀ tutɛ, lì akeyà na mòtò mɔ̀kɔ ema a hwèlì ndi Yerzù Krirztò.

Ròmànì 6:13

È rzi inyɛ tɔ̀ èhvàrzù yɔ̀kɔ ya anyu ya enama ya nyò e gbeyànɛhwɛ nàa ɛ̀ɛkɛ̀ ò lì gbeyàna wòhwe. Ndi e aŋgbɛ inyɔ hwìti ò ma Lohwɛ̀ nàa hwatò ema hwa hvɔ̀ɔtɔ̀wi ò kpelì rzìi hwa ŋgbàhwi lòŋgɛ lì hvènya. È ŋgbe inyò ja anyu ja arzɛ ò ma Lohwɛ̀ aŋga nanù, mɔ̀ à e gbeyàna ò lì gbeyà hweyà ema hwe hvòmɛ̀nɛ̀yi ò wòrzò wò ama Lohwɛ̀.

Ròmànì 6:6

Irzɔ i hwi nanù ema na òma hwà mà wòmeyà Krirztò ò mbarza hwà mà mò wòmeyà na ɛ̀ɛ̀mɛ̀ ya mòlòmɛ̀ ema i ma òhve. Ène e ma gbèyɛ̀nɛ ndi nanù aŋga nanù e ŋginyà ya eŋge ɛ̀ɛ̀mɛ̀ ya mòlòmɛ̀ ema e ma hwɛ lì jò gbèeyà ò lì gbeyà wòhwe e hwɛni lì hvaŋgahwa ya arzɛ ya arzɛ. Ène eyà e gbeyà nanù ema wòhwe wò rza jò wòwa hvɛ nàa hwàkòmì.

1 Kɔ̀rintìyà 16:22

Tɔ̀ jɛ̀ɛ̀ ema à rza lìŋgànɛ Rzàŋgo èwoma e hwɛ na mɔ̀. Rzàŋgo wa arzu, jà!

1 Kɔ̀rintìyà 2:14

È mɔ̀ ema a rza ohvɛɛ Èlìŋgɛ̀ yà Wòtani a rza o lùwa hweyà ema hwe uwɛ̀lɛ̀lɛ̀yi o Èlìŋgɛ̀ ya ama Lohwɛ̀. Mɔ̀ a rza tànɛyi lì rzɔ̀ŋgìtɛ̀nɛ̀ hwèŋge hweyà, hwe hwèlì ndi hweyà hwe mɔ̀lɔ̀kɔ̀rzɔ̀ na mɔ̀. A rza tanɛ lì hwe rzɔŋgìtɛ̀nɛ èhwanja Èlìŋgɛ̀ yà Wòtani yɔ ndi e òŋgòwàna hwatò ò lì rzɔ̀ŋgìtɛ̀nɛ̀ hweyà hwe ama Lohwɛ̀.

2 Kɔ̀rintìyà 3:7

O nàŋgɛ Morzè mɔ̀ à mà okolɛ hwatò nanù ema wɔ̀ hwa ika imbenda ja yòòmbò ya koohwa. Lohwɛ̀ à mà tìla ini mbenda o màŋyàyi ema mà nàŋgayi tàlìi rzìi à mà ŋgba Morzè o lì okolɛ hwatò. Nà oma Lohwɛ̀ à mà ŋgbe Morzè ini mbenda à mà gbeyà worzo wa ama Morzè o lì ɛneya kɛyi-kɛyi o lì uŋmɛ̀lɛ̀ nanù ema iŋgi mbenda i hwèlì ndi mbenda ja ama Lohwɛ̀. Worzo wa ama Morzè wo ma ɛneya ndi kɛyi-kɛyi ema tɔ̀ hwatò hwa Irzàyɛ̀lì hwa rzi tànɛyi o lì ɔ̀ŋgɔ worzo wa ama Morzè. Tɔ̀ nɛ wà mà ɛneya ndi kɛyi-kɛyi rzayi-rzayi, moŋgo ŋmàye wo ma wòteyà lì ɔ̀ndɔ̀ tenyi-tenyi. Hwatò ema hwà mà oŋgama yòòmbò ya koohwa hwà ma ŋwa ndèŋgànɛlɛ hvɛ hwa rzi hwɛ na Lohwɛ̀.

2 Kɔ̀rintìyà 3:9

Lohwɛ̀ à mà uŋmɛ̀lɛ̀ nanù ema mɔ̀ ndi à hwèlì e mɔ̀ ema a karzami, e hvonda ema à mà ŋgbee Morzè imbenda. Iŋgi mbenda i ma gbeyà hwatò ò lì hwiya nanù ema mɔ̀ à o hwa kɔ̀kìrzɛ̀ o wòhwe ema hwà mà gbeyɛ. Ndi mɔ̀ à timbi ndi o lì awuŋmɛ̀lɛ̀ mɔ̀ ŋmìti o e ŋginyà ya eni o lì jo gbèeyà ema jo òhwe ndi moŋgo ŋmɛ̀ndì o lì uŋmɛ̀lɛ̀ nɛ hwatò hwa imanɛhwɛ o mba eni.

Gàletìyà 2:20

Nà oma Yerzù à mà ŋwèeyà o mbarza, e hwèlì ndi ema imbahvɛ nà mà ŋwa. Nà rza enje lòŋgɛ hvɛ. Krirztò ndi à hwèlì o tenì ya ami. O eŋgànɛ̀lɛ̀ rzɔ tɔ̀ ima lìtumba la eyà ema na gbèeyà o rze ya mɔ̀nyɛ̀ nàŋgɛ, na e gbèeyà ndi èhwanja o lìlòkɛ̀ ema na ohvani è Ŋmanà wà ama Lohwɛ̀ ema a no lìŋgàni rzii a ŋwa o nyòla ami.

Ɛ̀hvìrzìyà 6:24

Inyɛ̀ è ndèli yà ama Lohwɛ̀ è hwɛ nà hwaŋga hwa arzɛ ema hwa lìŋgàni Rzàŋgo wà arzu Yerzù Krirztò nà ndìŋgɛ ema è rza kùwa.

Kòlòrzìyà 2:13

Ò mòlòmɛ̀ inyɔ è mà hwɛ ndi nàa ò à ɛnɛ ema è mà ŋwa, ehwànja è mà hwɛ lì unda è mbenda yà ama Lohwɛ̀. Ndèŋgàna ò eŋge hvonda, ema Krirztò à è ulɛ̀ ɛ̀ɛ̀mɛ̀ ya anyu yà wòhwe ò nyo. Ndi ò nàŋgɛ Lohwɛ̀ à mà è ŋgba lòŋgɛ lì hvènya nàa oma à mà jò hvùmùlɛ̀ nà Krirztò. À mà jò làkìrzɛ wòhwe wò arzu wò arzɛ.

Kòlòrzìyà 3:3

Inyɔ è hwiye nanù ema nà oma Krirztò à ŋwelì è gbèyi ndi nàa inyɔ hvɛ è mà ŋwa.

1 Tìmotì 2:6

A ma ŋgbaà lòŋgɛ la eni o lì ŋwèeyà hwatò hwa arzɛ. Èŋge kpelì ema à mà ŋwèeyà hwatò hwa arzɛ, e ma uŋmɛ̀lɛ̀ o e hvonda ya jɔ̀kɛ̀ nanù ema Lohwɛ̀ a arza nanù ema tɔ̀ ima mòtò a rzuŋgahwe.

1 Tìmotì 5:6

Ndi mokurze mo molanà ema mo ŋgbàà e nyo ya eni o hweyà hwe e rze ya mɔ̀nyɛ̀ à mà màa lì ŋwa o èlìŋgɛ̀ tɔ̀ nɛ a hwèlì lòŋgɛ.

Tàyìtùrzì 3:3

O hvonda hvɔ̀kɔ ema e ma aka, irzɔ hvɛ i ma hwɛ hwèèti, i rzi hwɛ lì hweyàna Lohwɛ̀, i ma hvònda e njiya, i ma hwɛ nàa hwàkòmì na oma i ma ohve e nyɔ̀ŋgi ya hweyà hwe e rze ya mɔ̀nyɛ̀, ndèŋgànɛ̀lɛ̀ i ma hwɛ lì arza mɔ̀nyɛ̀ŋgì mo e rze. Mòŋgɛ ma arzu ma mà onda ndi na inona na ɛ̀kɔ̀wù. Hwàto hwà mà jo kɔwu ndèŋgànɛ̀lɛ̀ irzɔ hvɛ i ma kɔwu mɔ̀kɔ na ɔnɛyi.

Hibrù 2:9

Ndi irzɔ ja ɛnɛ nɛ Yerzù a hwèlì. O ŋmanà hvoka hvonda Lohwɛ̀ à mà mo gbeyà ema a rza ukɛ tɔ̀ i aŋgèlì. O nàŋgɛ, Lohwɛ̀ à mà mo ŋgba ŋmàye na èluhwe nàa kìŋgɛ ehwànja o lìtake ema mɔ̀ à lu na e kpelì ema a ŋwelì. Lohwɛ̀ mɔ̀ à mà jo uŋmɛ̀lɛ̀ e ndèli ya eni o e kpelì ya ama Yerzù a ŋwɛlɛlɛyì hwatò hwa arzɛ.

Hibrù 6:10

Lohwɛ̀ à mà gbeyà hweŋge hwèma o ŋgana ema e hvomɛ̀nɛ̀. Mɔ̀ a rza hvoŋga tɔ̀ èwòlò yɔ̀kɔ ema mòtò a gbeye ndèŋgànɛ̀lɛ̀ mɔ̀ à rza hvoŋga e ndìŋgɛ ema mòtò a mo uŋmɛ̀lɛ̀ na oma inyɔ e hwèlì o lì gbèeyà hwahvɛhvɛ hwatò hwa ama Lohwɛ̀.

1 Pètrò 1:8

Inyɔ e mo lìŋgàni, tɔ̀ nɛ e rzi mo ɛni. Inyɔ e mo lòkɛ̀yi tɔ̀ nɛ o naŋgɛ e rzi mo ɛni. O eŋgànɛ̀lɛ̀ rzɔ inyɔ e oke mɔ̀nyɛ̀ŋgi, na màlìŋgo ma ndɛnɛ ema mà rza ohwawa.

1 Yòwanìrzɛ̀ 5:19

Ì hwi nanù ema irzɔ ì hwèlì ndi hwàanà hwa ama Lohwɛ̀, tɔ̀ nɛ ì hwi nanù ema è Mɔ̀ wà Wòhwe ndi à kànèyà hwatò ò rze ema hwa rza hwiyɛ Lohwɛ̀.