2 Kɔ̀rintìyà 5:12 - Mokpwe: Bakwery (New Testament)

¹² Irzɔ i rza àwòhwànɛ̀lɛ̀ o lì hvomɛ̀nɛ̀ hweyà hwe gbamù hvɛ. Ndi irzɔ ja arza nanù ema e ohve lìtiŋga o lì jo gbaana e kumba, aŋga nanù e hwɛnɛ eyà ya lì ohweyà hwatò ema hwa hwɛni kumba o mamɛ ema hwa gbeyà ema hwatò hwa ɛnɛ, rzeketɛ o hweyà ema hwe hwèlì o mèèmà me awu.

2 Kɔ̀rintìyà 5:12 Mawu Ofanana

2 Kɔ̀rintìyà 1:14

Nà oma e ma màa lì rzɔ̀ŋgìtɛ̀nɛ̀, lòŋgo la hweyà lì jo hvomɛ̀nɛ̀, na lòkɛ̀yi ema, e o jo rzɔ̀ŋgìtɛ̀nɛ̀ kɔ̀yi-kɔ̀yi. Ène eyà e o gbeyà e hvonda ema Rzàŋgo Yerzù a o jɛ̀ɛ̀ e o òhwa ema e hwɛnì kumba na irzɔ na oma irzɔ hvɛ i hwɛnì kumba na inyɔ.

2 Kɔ̀rintìyà 10:12

I rza tànɛyi o lì ohwa nanù ema ja amɛnɛnɛ, tɔ̀ nanù ema i hwèlì ndi nyayi hvɔ̀kɔ na hwatò ema hwa ayèkirzɛ̀ ema hwa hwèlì ndi hwatò hwa gbamù. Ndi na oma wɔ̀ hwiti hwa amɛnɛnɛ wɔ̀ na wɔ̀, ndèŋgànɛ̀lɛ̀ wɔ̀ hwa àwòhwànɛ̀lɛ̀ wɔ̀ hwiti nanù ema hwa àkànɛ̀lɛ̀yi mɔ̀kɔ na ɔ̀nɛyi, hwa hwèlì èèti.

2 Kɔ̀rintìyà 10:18

Rzeketɛ hweyà hwe gbamù ema mòtò à ohwanɛ̀lɛ ò mɔ̀ ŋmìti ndi hwe uŋmɛ̀lɛ̀ nanù ema à emànɛ̀lɛ̀hwɛ̀ nàa àpɔ̀rzìtòlò, ndi è mòtò wà jɔ̀kɛ̀ ema Lohwɛ̀ à ohwa hweyà hwe gbamù lì hvomɛ̀nɛ̀ mɔ̀ ndi à emeyàhwɛlɛyi.

2 Kɔ̀rintìyà 10:7

È ɔ̀ŋgɔ mamɛ ema ye e hwèlì o worzo. Tɔ̀ ima mòtò ema a ikayi ŋmèma mo eni na Krirztò, a hwi nanù ema na oma mɔ̀ à hwèlì, nanù ndi irzɔ hvɛ i hwèlì na Krirztò.

2 Kɔ̀rintìyà 10:8

Tɔ̀ na kumba ndi lìya la ami o kòkò ehwànja o e ŋginyà ema e Rzàŋgo e no ŋgbelì, tɔ̀ nà lì aka mamɛ ema imba na lì kumba naŋgɛ, na rza oka tɔ̀ ìrzɔnì. A no ŋgbelì ndi eŋge ŋginyà o lì e ètìrzɛ̀ rzeketɛ o lì e ɔ̀ndɛlɛ lìlòkɛ̀.

2 Kɔ̀rintìyà 12:11

Nà ohwa ndi nàa èèti ya mòtò ndi inyɔ ndi e gbèyi ɔ̀ndeŋgàtɛ̀ na ohwa nanù. Oma inyɔ e ohwa ndi hweyà hwe gbamù o lì no hvomɛ̀nɛ̀. Tɔ̀ e hwɛ ndi nanù ema na rza enje tɔ̀ yoma, ndi hwatò ema inyɔ e hwɛlɛ i àpɔ̀rzìtòlò ndɛnɛ, i rza no akani tɔ̀ eyà.

2 Kɔ̀rintìyà 3:1

È ɔ̀ŋgɛ̀lɛ̀ nanù ema irzɔ jo òhwanɛlɛ hweyà hwe gbamù o lì ayèkirzɛ̀ e? È ɔ̀ŋgɛ̀lɛ̀ nanù ema jo e ŋgba kààtì tɔ̀ lì e ijòwa kààtì o lì uŋmɛ̀lɛ̀ nanù ema i tànɛyi lì gbeyà èwòlò ò ìtììtènì ja anyu na oma hwahvɛhvɛ hwatò hwa gbeyà e? Irzɔ i rza gbeyà nanù.

2 Kɔ̀rintìyà 6:4

Ndi nàa hwàgbèelì hwa ama Lohwà, irzɔ ja awuŋmɛ̀lɛ̀ irzɔ hwiti nàa hwatò ema hwa gbeyà mamɛ ya arzɛ ema e hvomɛ̀nɛ̀. I kaka mèèmà rzayi-rzayi o tenì ya mètàkà ema i luwa, o lòŋgɛ ema la eti ema i hwèlì o tenì na i ndùtù hvɛ ema i jo ùŋmànɛ̀lɛ̀yi.

Hvìlipìyà 1:26

Ène eyà e gbeyà nanù ema na oma na e hwèlì na inyɔ, e o hwɛnɛ lìtiŋga o lì eka Krirztò o nyòla ami.