2 Kɔ̀rintìyà 5:1 - Mokpwe: Bakwery (New Testament)

¹ Irzɔ i hwi nanù ema i nyo ja arzu ema jo òhvi anu rze, i gbèyi ndi na mawondo ema i lìya o tenì. Hwa hvàŋgi tɛ maŋga mawondo, irzɔ i hwi ema jo òhvi ndawò o ŋmanyu ya lohwa ema e rza oŋgahwɛ na mòtò wa hwènàmà. Lohwɛ̀ ndi à e oŋgi, ndèŋgànɛlɛ e hwɛ natɛ̀ɛ na o gbìndèyà.

2 Kɔ̀rintìyà 5:1 Mawu Ofanana

Makòrzì 14:58

“Ì mà hwèya à òhwi nanù ema, ‘Nà wùulɛ̀ ène Ndawò yà Lohwà ema yò òŋgahwi na hwatò hwa hwènàmà, rzìi ò mèenyà meyawò nà òŋga ehvɛhvɛ ema e rza òŋgahwɛ na màà mà mòtò wa hwènàmà.’”

Hwègbèèlì 7:48

“Ndi lìŋgi Lohwà lì karzami lì rza lìya mawòŋgi ema mà òŋgahwi na màà mà hwatò hwa hwènàma. È hwèlì ndi nanù ema, na òma mòòhwèlì mɔ̀kɔ wà hwèlìŋgɛ̀ a òhwi nanù ema, Lohwɛ̀ a òhwi nanù ema,

1 Kɔ̀rintìyà 3:9

Èhwanja irzɔ hwahwàkɛ i hwèlì ndi hwàgbèèlì hwa ama Lohwɛ̀ ema i gbeyà ndi èwòlò yɔ̀kɔ. Inyɔhvɛ ema e lòkɛ̀yi, e hwèlì ndi nàa e hvaya ya ama Lohwɛ̀. Nà tànɛyi na e wowa ndi nàa wooŋgi ema Lohwɛ̀ a hwèlì a oŋga.

2 Kɔ̀rintìyà 4:7

Ndi ŋmɛ̀ndì ema Lohwɛ̀ a jo ŋgbelì o lì ohwa, mo hwèlì ndi eyà ema e ohvi wòlìto rzayi-rzayi. Irzɔ i hwèlì ndi nàa lìhwànya ema eŋge yoma e hwèlì o tenì. Ène eyà e ma gbèyɛ̀nɛ ndi nanù, aŋga nanù hwatò hwa hwiya nanù ema e ŋginyà ndɛnɛ e uwɛ̀lɛ̀lɛ̀yi ndi na Lohwɛ̀, rzeketɛ na irzɔ.

2 Kɔ̀rintìyà 5:4

Nà oma i lìyana na ene nyàmà ya nyo anu rze ya mɔ̀nyɛ̀, ja arzàrzòhwɛ̀ èhwanja o jo lìtani. Rzeketɛ nanù ema ja arza lì arzòlòhwɛ̀ ene nyàmà ya nyo, ndi irzɔ ja arza e nyo hvènya ema e hwèlì o ŋmanyu ya lohwa. Àŋga nanù ene nyàmà nyo ema e ŋwa e kuwa rzi e timba e nyo ema e o hwɛ̀ɛ o lòŋgɛ.

Kòlòrzìyà 2:11

Nà oma è hwèlì ò mòndeŋgè nà Krirztò, Krirztò à mà è endà. Rzeketɛ nà oma mòtò wà hwènàmà à endà mòtò. Krirztò ndi à hwèlì è mɔ̀ ema à yè endà ò èlìŋgɛ̀. À mà è ulɛ̀ ɛ̀ɛ̀mɛ̀ yà anyu yà wòhwe.

2 Tìmotì 1:12

Lìtìŋga lɔ̀ lìni ɔ̀ndeŋgàtɛ̀ imba nà taka nanù. Ndi nà rza oka ìrzɔnì èhwanja nà hwi è mɔ̀ ema imba nà ikàyi ŋmèma mò amì. Ndèŋgàna nà hwi hvɛ nanù ema à kombɛ̀ mamɛ ema à nò ikelì ò màà natɛ̀ɛ nà ò wùnyà wò hwèkàyìrzèlì.

Hibrù 11:10

Abràhamù à mà hwɛ ndi lì lìya o mawondo ò lì ambɛlɛlɛ e hvonda ema a o lìya o mbowà ndɛnɛ ema Lohwɛ̀ mɔ̀ ŋmìti à mà woŋgirzɛnɛ na lì oŋga la mɔ̀nɔ̀ŋgɔ̀ ema mo eti.

Hibrù 9:11

Ndi Krirztò mɔ̀ à mà màa lì jà nàa Pìlìrzì e Kàrzàmi o hweyà hwe gbamù ema hwe ma màa lì jà. Mɔ̀ a gbeyà èwòlò ya eni o lìwondo ema lì akayi lìwondo la e rze ya mɔ̀nyɛ̀ ndeŋgànɛlɛ lɔ̀ lì hwèlì gbamù lì aka lìwondo la e rze ya mɔ̀nyɛ̀. Rzeketɛ hwatò hwa hwènàmà ndi hwa oŋgi lìŋgi lìwondo. Lì rza enje ndi lìwondo ema lì hwèlì o e rze ya mɔ̀nyɛ̀.

Hibrù 9:24

Krirztò mɔ̀ à rzi kpèeyà Èki ya Wòtani ema e ma oŋgahwa ndi na màà mà hwatò hwa hwènàmà, ema e ma àyɛ̀kɛ̀nɛ̀ hwèèmà hwe e ŋmanyu yà lohwà. Krirztò mɔ̀ à mà kpèeyà o ŋmanyu yà lohwà yitɛ-yitɛ, o nàŋgɛ nanù mɔ̀ à tɛmì o worzò wo ama Lohwɛ̀ o lì ohwa o nyòla arzu.

1 Pètrò 1:4

Ì hwɛni hvɛ ò lì ambɛlɛlɛ mònàmɛ̀ ema Lohwɛ̀ à mà rzèkeyà hwatò hwa eni. À mà hwa uteya è mɔ̀ ò ŋmanyu yà lohwà aŋga ndi mò rza rzɔ̀mbɔ̀ nà lì hvàŋgeyà.

2 Pètrò 3:11

Kànàtɛ hwene hwema hwe arzɛ hwe ò hvàŋgahwɛ̀ ndi ò ene ŋgànà, ima lìtumba là hwatò inyɔ è ò hwɛ̀ɛ̀ e? Mòòŋgɛ mà anyu mà àŋgàmɛ̀nɛ̀yi lì hwɛ Wòrzàŋgì ndèŋgànɛ̀lɛ̀ inyɔ hvɛ e hwɛnɛ ɛ̀ɛ̀mɛ̀ hwe hwatò hwa ama Lohwɛ̀.

1 Yòwanìrzɛ̀ 3:14

Irzɔ ì hwi nanù ema ì mà rzuwàna è ŋginyà yà è kpelì ò naŋgɛ ì hwɛni lòŋgɛ là gbìndèyà, ì hwi nanù ehwànja jà alìŋgànɛ̀yi mɔ̀kɔ nà ɔ̀nɛyi. Tɔ̀ ima mòtò ema à rza uŋmɛ̀lɛ̀ wònyànyàŋgo hwa Krirztò è ndìŋgɛ à èlelì ndi ò rze yà è ŋginyà yà kpelì.

1 Yòwanìrzɛ̀ 3:19

Ja awùŋmɛ̀lɛ̀nɛ̀yi tɛ e ndìŋgɛ mɔ̀kɔ nà ɔ̀nɛyi, aŋga ndi irzɔ i hwiya nanù ema i hwèlì ndi hwatò hwa jɔ̀kɛ̀, ndèŋgànɛ̀lɛ̀ i hwi nanù ema mèèmà me arzu me eta o worzo wo ama Lohwɛ̀.

1 Yòwanìrzɛ̀ 3:2

Wònyàmòwe kòkò, o naŋgɛ nanù irzɔ i hwèlì ndi hwàanà hwa ama Lohwɛ̀, ndèŋgànɛlɛ hvɛ mamɛ ema irzɔ jo ò hwɛ o e ŋmɛlɛ irzɔ i rzi e hwi. Ndì i hwi hvɛ nanù ema Krirztò a jelì tɛ, irzɔ jo ò hwɛ ndi nàa mɔ̀, ehwànja i hwɛni lì mo ɛnɛ na oma mɔ̀ à hwèlì.