2 Kɔ̀rintìyà 4:9 - Mokpwe: Bakwery (New Testament)

⁹ Hwatò hwa jo tàkirzɛ i hvonda ja arzɛ ndi Lohwɛ̀ a rzi jo hwɛmi. Tɔ̀ nɛ hvɛ marzako hwa jo hwenirzɛ, ndi Lohwɛ̀ a rza emeyà nanù ema hwa jo òŋwe.

2 Kɔ̀rintìyà 4:9 Mawu Ofanana

Yòwanìrzɛ̀ 15:20

È ɔ̀ŋgɛ̀lɛ̀ kɔ̀yi-kɔ̀yi mamɛ nà mà è òhweyà nanù ema, ‘Ò rza enje mògbèèlì ema à akayi rzaŋgɛ.’ Hwatò hwa nò tàkìrzɛ̀ tɛ eŋge ŋgàna è hwèlì ndi nanù ema hwa è ò tàkìrzɛ̀ inyɔ hvɛ, hwa mà ika tɛ hwèyòkòlelì hwe ami, nanù òma hwa ò ika hvɛ hwèyòkòlelì hwe anyu.

Ròmànì 8:35

Njɛnɛ rzɔ à tànɛyi lì jò kakòhwà nà è ndìŋgɛ ema Krirztò à jò hwɛ̀nèlì e? È hwèlì ndi hweyà ema hwè jò ambani e? Ŋga indùtù e? Tɔ̀ lìtakìrzɛ̀ ema hwatò hwa jò tàkirzɛ̀ e? È hwèlì ndi e njàwò, ŋga nà òma i rza òhvɛ mààtù mà lì wɔtɔ̀ e? Ŋga è hwèlì ndi wòhwe ema hwatò hwa jò lùtaneyà, tɔ̀ nà òma hwatò hwa arza lì jò òŋwa e?

2 Kɔ̀rintìyà 7:6

Ndi Lohwɛ̀ ema a kɔ̀mɛ̀lɛ̀ e wɔ̀ ema hwa tu mèèmà, à mà jo kɔ̀mɛ̀lɛ̀ na oma mɔ̀ à mà jo òmeya Tàyìtùrzì.

2 Tìmotì 3:12

Ndi o jɔ̀kɛ̀, tɔ̀ ima mòtò ema a arza o lì lìya lòŋgɛ la ehve-ehve, na oma mɔ̀ à hwèlì na Yerzù Krirztò a hwɛni lì tàkìrzɛ̀hwɛ o màà mà hwatò.

Hibrù 13:5

È rzì keka lì ika mèèmà me anyu o lì lìŋgàna wolì ndeŋgànɛ̀lɛ̀ e ohve mɔ̀nyɛ̀ŋgì na mamɛ ema e ohvi èhwanja Lohwɛ̀ à ma ohwa nanù ema, “Nà rza e hwɛmɛ, ndeŋgànɛ̀lɛ̀ hvɛ na rza e rzɔ̀rzɔ̀.”