2 Kɔ̀rintìyà 4:4 - Mokpwe: Bakwery (New Testament)

⁴ Mòkarzɛ̀, e mòkànèlì wa ene rze mɔ̀ ndi à kànèyà màlùtèyà ma hwatò ema hwa rza lòkɛ̀yì Krirztò. Wɔ̀ hwa rza tànɛyi lì rzɔ̀ŋgìtɛ̀nɛ̀ nanù ema ŋmɛ̀ndì mò gbamù e uŋmɛ̀lɛ̀ nɛ Krirztò a hwɛni wòlìto. Krirztò mɔ̀ ŋmìti a hwèlì ndi nàa Lohwɛ̀.

2 Kɔ̀rintìyà 4:4 Mawu Ofanana

Matiyò 13:22

Ìhvɔ̀ŋgɔ̀ hvɛ ema ì undi ò tenì ya wàŋga ya hwènyɛ̀ŋgɛnyɛ̀ŋgɛ̀, ì hwèlì ndi nàa hwatò ema hwa hweyi ŋmɛ̀ndì mò ama Lohwɛ̀, ndi mètàkà me lòŋgɛ na jɔ̀ɔ̀njì ja mònàmɛ̀ mò ene rze hwe lìŋga mèèmà me awu. Ema me ma hwa gbeyɛ ema naŋgɛ rzɔ hwa rza tànɛyi lì ŋya hwèhvùma hwe gbamù.

Yòwanìrzɛ̀ 1:14

Eyà è mà jà mòtò wà hwènàmà, rzi è lìya nà irzɔ. Ì mà ɛnɛ èluhwe yà eni ema Tatɛ̀ wà eni à mà mò ŋgbèe nàa ehvòwà yà eni yà ŋmanà. À mà ònda ndèli rzi à jò wùlùhweyà è jɔ̀kɛ̀ lì hvòmɛ̀nɛ̀ Lohwɛ̀.

Yòwanìrzɛ̀ 1:18

Tɔ̀ mòtò à rzi ɛni Lohwɛ̀ tɔ̀ wùnyà lì aka tɛ ehvòwà yà eni yà ŋmanà ema è hwèlì ò ŋmanyu yà Lohwà ò tòŋgòŋgò yà eni. Mɔ̀ ndi à jò wùlùhwèlì Tatà Lohwɛ̀.

Yòwanìrzɛ̀ 12:31

O nàŋgɛ nanù e hvònda ene ema Lohwɛ̀ a kàyìrzɛ ene rze. Nàŋgɛ nanù e mòkànèlì wà ene rze a hweni lì kàyìrzɛ̀hwɛ.

Yòwanìrzɛ̀ 12:35

Yerzù rzìi à alàhwɛ̀ nanù ema, “Ŋmaye mò hwɛ na inyɔ ò ŋmana hvòka wa hvònda. È ɛ̀ndɛ ò wòrzò nàŋgɛ ema e òhvi mònò ŋmàye, aŋga jììtìtì i rza e lìŋgɛ̀lɛ̀. È mɔ̀ ema ayɛ̀ndɛya ò jìtìtì a rza hwi èki a ɛ̀ndɛ.

Yòwanìrzɛ̀ 12:40

“Lohwɛ̀ à mà tìmbìrzɛ̀ mììrzɔ̀ mà awu ndima, rzìi à hwa ŋgbà hvɛ mèèmà ema me eti, aŋga nanù hwa rza ɛnɛ, ndèŋgàna hwa rza rzɔ̀ŋgìtɛ̀nɛ̀. Aŋga nanù hwa gbe tɛ nanù hwa nò tìmbeyà òma nà mà hwa wɔ̀wìrzɛ̀.”

Yòwanìrzɛ̀ 12:45

Tɔ̀ ima mɔ̀ ema a nò ɛni, a ɛni hvɛ e mɔ̀ ema a nò òmi.

Yòwanìrzɛ̀ 14:30

Nà rza òhwa hvɛ na inyɔ hvònda ema e wawi, èhwanja e mòkànèlì wà ene rze a hwèlì a ja. Mɔ̀ a rza nò hwɛnelì tɔ̀ ŋginyà.

Yòwanìrzɛ̀ 15:24

Imba na rzi gbeeye tɛ lòŋgò la hweyà ò ìtììtènì ja awu ema tɔ̀ mòtò a rzi gbeyi ò ma wòhwe wò awu, me rzi wuluwahwe. Ndi ò nàŋgɛ hwà mà ɛnɛ hweyà hwe arzɛ ema nà mà gbeye ndì tɔ̀ nanù hwa nò kɔwu ndèŋgànɛlɛ hwa kɔwu hvɛ Tatɛ̀ wa ami.

Yòwanìrzɛ̀ 16:11

Ndèŋgànɛ̀lɛ̀ hwa tòni hvɛ o lì o hwàanà hwèkàyìrzèlèlì, hwe ama Lohwɛ̀ èhwanja mɔ̀ à mà màa lì kàyìrzɛ̀ e mòkànèlì wà ene rze.”

Yòwanìrzɛ̀ 8:12

Yerzù à mà òhwìrzɛ̀nɛ̀ hvɛ hwatò, à mà òhwa nanù ema, “Imba ndì na hwèlì etùlù ya e rze. È mɔ̀ ema a nò nɔŋgi a rza tanɛ lì ɛ̀ndɛ ò jìtìtì, ndi à ò hwɛnɛ etùlù ya lòŋgɛ.”

Hwègbèèlì 26:18

O wa ò hwa lìhvòhwa mìirzɔ̀ ma awu aŋga nanù hwa anjiya ò ìtììtènì ja jìtìtì, hwa luwa ŋmàye rzìi hwa anjiya ò tenì ya e ŋginyà ya ama Mòkarzɛ̀ rzìi hwa ɛndɛ ò rze ya e ŋginyà ya ama Lohwɛ̀, eŋge eyà e gbeyà wɔ hwa luwa mèlàkìrzɛnɛ ò wòhwe wò awu, rzìi hwa hwɛ èki yɔ̀kɔ na hwatò ema Lohwɛ̀ à mà rzàŋgìrzɛ̀ ehwànja hwa nò lòkɛ̀.’”

Hwègbèèlì 26:23

Wɔ̀ hwà mà òhwa nanù ema è Mɔ̀ ema à Ɔ̀kirzɛ̀hwɛ̀yi a hwɛnì lì taka rzìi a hwɛ e mòtò hwa wòrzò ò lì hvùmùwà ò kpelì. A ò òhweyà hwatò nanù ema ŋmàye mò hvànyeya hwatò hwa wònyà Yudà na ò hwaŋga hwatò ema hwa rza enje wònyà Yudà nàŋgɛ.”

1 Kɔ̀rintìyà 10:20

Jàyɛ̀! Mene melelì me arzɛ me ŋgbààhwà ndi nàa jàhwèyà o hwèlìŋgɛ̀ hwe wòhwe, rzeketɛ o ma Lohwà. Nà rza arza nanù ema e hwɛ hwèyòrzà nà hwèkùmùtì.

2 Kɔ̀rintìyà 2:11

I hwɛni ndi lì gbeyà nanù, aŋga nanù Mòkarzɛ̀ a rza jo lukɛlɛ. Èhwanja e mo hwiyelì meyànò me eni.

2 Kɔ̀rintìyà 2:12

Nà oma na ama ùke o mbowà ya Trɔ̀wàrzì, o lì ohwa Ŋmɛ̀ndì mò Gbamù mo òma Krirztò, nà mà ùŋmanɛlɛ nanù ema Lohwɛ̀ à mà màa lì no lìhvoweya e njiya o lì gbeyà èwòlò ya eni.

2 Kɔ̀rintìyà 3:11

Tɔ̀ nɛ e hwèlì nanù ema Lohwɛ̀ à mà awuŋmɛ̀lɛ̀ nɛ a hwèlì wòlìto lìrzako ema à mà gbeye yòòmbò ya koohwa ema e ma hwɛ ndi o ŋmana hvoka hvonda, à mà awuŋmɛ̀lɛ̀ nanù ema mɔ̀ à hwèlì wòlìto na oma mɔ̀ à gbèyi yòòmbò ehvènya. Ène yòòmbò ehvènya yɔ ndi e ma tikowɛ lòŋgɛ la hwatò ndèŋgànɛlɛ e o hwɛ natɛ̀ɛ na o gbìndèyà.

2 Kɔ̀rintìyà 3:14

Ndi wɔ̀ hwa rzi rzɔŋgìtɛ̀nɛ̀. Ò jɔ̀kɛ̀ lì wòteyà o eŋge hvonda lì uka natɛ̀ɛ na nàŋgɛ, hwa rza tànɛyi lì rzɔŋgìtɛ̀nɛ̀ nanù ema worzo wa ama Morzè ema wo ma hwɛ lì ɛneya kɛyi-kɛyi wo ma wɔ̀lɛ̀nɛ̀ ŋmàye mo eni. Tɔ̀ ima hvonda ema hwatò hwa hweyi tɛ mòtò a laŋga e kààtì ya yòòmbò ya koohwa hwà rza rzɔŋgìtɛ̀nɛ̀ mamɛ hwa hweyà. È gbèyi ndi nàa lìhwatu lì ma hwanda mɔ̀ŋgɛ̀lɛ̀ ma awu. È hwèlì ndi nanù ema mòtò a hwèlì tɛ oma Krirztò, ɔ̀ndi à rzɔŋgìtɛ̀nɛ̀.

2 Kɔ̀rintìyà 3:18

Irzɔ ema Lohwɛ̀ à mà ulɛ lìhwatu ema lì ma jo hwanda marzo, ɛ̀ɛ̀mɛ̀ ya arzu e ma gbèeyà ema hwatò hwa hwiye nɛ èluhwe ya ama Lohwɛ̀ e hwèlì. Wɔ̀ hwà mà ɛnɛ nanù ema i hwèlì ndi hwatò ema i gbèeyà hweyà na oma Lohwɛ̀ a àrzeyà. Èlìŋgɛ̀ ya wòtani e jo tikowa ndi i hvonda ja arzɛ o lì hwɛ nàa Yerzù, aŋga nanù hwatò hwa ɛnɛ nɛ mɔ̀ à imbami. Rzàŋgo, mɔ̀ ema a hwèlì ndi Èlìŋgɛ̀ mɔ̀ ndi à gbeyà hwene hweyà hwe arzɛ.

2 Kɔ̀rintìyà 4:6

Lohwɛ̀ ema à mà ohwa nanù ema, “Ŋmàye mo hvanye o èki ema e ma loma lì hwɛ jìtìtì,” Mɔ̀ ndi à gbèyi moŋgo ŋmɛ̀ndì mo ama Yerzù o lì hwɛ nàa ŋmàye ema mo hvànya o mèèmà me arzu. Lohwɛ̀ à mà jo gbeyà ene o irzɔ hwa arzɛ ema i lòkɛ̀yi Yerzù ene eyà. Lohwɛ̀ à mà gbeyà ndi nanù, aŋga nanù hwatò hwa hwiya nanù ema mɔ̀ à hwèlì wòlìto ò ma hwatò hwà mà hwiya nanù ema Yerzù Krirztò a hwèlì ndi nàa mɔ̀.

Gàletìyà 1:4

Ò lì arza nanù ema i rzolowahwa ò lì gbeyà wòhwe ò ene rze yà yawono, Yerzù Krirztò à mà aŋgbɛ mɔ̀ ŋmìti ò lì jò ŋwèeyà ò wòhwe wò arzu. À mà gbeyà ndi nanù èhwanja nanù ndi Lohwɛ̀ è Tatɛ̀ yà arzu è mà tɛ̀yirzɛ.

Ɛ̀hvìrzìyà 2:2

Ò eŋge hvonda è mà nɔ̀ŋgɔ̀ hweyà hwe wòhwe hwe hwatò hwa ene rze. È mà hwɛ lì hweyàna è mòkànèlì ema à kànèyà hwèlìŋgɛ̀ hwe wòhwe ema hwe hwèlì ò yululì. Nàtɛ̀ɛ nà yàwònò, eŋge èlìŋgɛ̀ è hwèlì è kànèyà hwatò ema hwa gbeyà mamɛ ema Lohwɛ̀ à ohwi nanù ema hwa rza gbeyà.

Ɛ̀hvìrzìyà 6:12

È njuma ema jà ana è rza enje ndi yà hwatò hwa hwènàmà. Ndi irzɔ jà ànànà ndi lì teŋgɛ̀nɛ̀ iŋginyà ja wòhwe, hwàtìmbèlì hwa awu ema hwa kànèyà e rze ya jìtìtì na iŋginyà ja wòhwe ema i hwèlì o lìwòhwɛ̀ la ŋmanyu.

Hvìlipìyà 2:6

A ma hwɛ ndi na oma Lohwɛ̀ à mà hwɛ, ndi tɔ nanù, a rzi ohve tɔ màlùtèyà nanù ema hwa ohwe nanù ema mɔ̀ na Lohwɛ̀ hwa hwèlì ndi nyayi hvɔ̀kɔ.

Kòlòrzìyà 1:15

Tɔ̀ mòtò à rza ɛni Lohwɛ̀ nà mììrzɔ̀ mà eni. Ndi hwatò hwa mà rzɔ̀ŋgìtɛ̀nɛ̀ njɛnɛ Lohwɛ̀ à hwèlì è hvonda ema hwa mà ɛnɛ Krirztò, ehwànja mɔ̀ ndi à akɛ̀nɛ̀ Lohwɛ̀. Mɔ̀ ndi à hwèlì ehvòwà yà ŋmanà ema à tɛmì ò ŋmanyu yà hwèèmà hwe arzɛ ema Lohwɛ̀ à mà wèkɛ.

Kòlòrzìyà 1:27

Lohwɛ̀ à arza nanù ema hwatò hwa eni hwa hwiye nanù ema mònàmɛ̀ nà è ndèli yà ama Krirztò è hwèlì hvɛ nanù mɛnɛ ò hwatò ema hwa rza enje wònyà Yudà. È wùndɛ̀ ema è hwèlì ò tenì è hwèlì ndi ema inyɔ e ika mèèmà mè anyu nanù ema, inyɔ è lùwa è ndèli ema Lohwɛ̀ à ohwi nanù ema à ŋgba hwatò wà eni.

1 Tìmotì 1:11

Hwene hwèyòkòlèlì hwe jɔ̀kɛ̀, hwe làti na ŋmɛ̀ndì mò gbamù ema Lohwɛ̀ a no ŋgbelì o lì ohweyà hwatò. Moŋgo ŋmɛ̀ndì mò gbamù mo uwɛ̀lɛ̀lɛ̀yi ndi o ma Lohwɛ̀ ema lì karzami ema hwatò hwa eka.

Tàyìtùrzì 2:13

Inyɛ̀ i gbeye nanù, na oma ja ambɛ̀lɛ̀ na lìhvìtà hwèèmà ema hwe o jɛ̀ɛ̀ o wòŋgo wùnyà ema Lòohwà la arzu, e mɔ̀ ema a Kàrzàmi na e Mòrzùŋgèlì hwa arzu Yerzù Krirztò à ò jà nà èluhwe ya eni.

Hibrù 1:3

Oŋgo Ŋmanà ndi à hwèlì ŋmɛ̀ɛ̀nɛ̀nì mò ŋmàye mò ama Lohwɛ̀, ndèŋgànɛ̀lɛ̀ mɔ̀ ndi à jò uŋmɛ̀lɛ̀ njɛnɛ Lohwɛ̀ à hwèlì nà è jɔ̀kɛ̀, à hwèlì ndi nyàyi hvɔ̀kɔ nà oma Lohwɛ̀ mɔ̀ hvɛ à hwèlì. Màyimbì mà hweyà hwe ama oŋgo Ŋmanà, hwe mà gbeyà hweyà hwe arzɛ hwe ɛndɛ ndi ò worzo nà oma hwe àŋgàmɛ̀nɛ̀yi lì hwɛ. Nà oma mɔ̀ à jò hvɔ̀ɔ̀tì ò wòhwe, mɔ̀ à mà jò gbeyà nanù ema i hwɛ wòtani. Ò mburza nanù à mà lìya ò lìyà là momɛ̀ là ama Lòohwɛ̀ ema lì kàrzàmi ò ŋmanyu yà lohwà.

Hibrù 6:4

Nà ohwa ndi nanù ehwànja hwatò hwa rzɔnjɛ̀lɛ̀ tɛ lìlòkɛ̀ la awu, tɔ̀ mòtò a rza tanɛyi o lì hwa tìmbìrzɛ hvɛ o lì hwɛmɛ wòhwe wò awu o lì timbeya Lohwɛ̀. Nà ohwa ndi hwatò ema hwà mà luwɛ ŋmàye, hwa kèkìrzɛ mònàmɛ̀ mo ama Lohwɛ̀, ndèŋgànɛ̀lɛ̀ hwà mà luwa èlìŋgɛ̀ yà wòtani nàa hwahvɛhvɛ hwatò.

2 Pètrò 1:19

O eŋgànɛlɛ rzɔ, irzɔ i lòkɛ̀yi nanù ema e mbɔrzi ema hwà-òhwèlì hwa hwèlìŋgɛ̀ hwà mà ohwe e hwèlì ndi e jɔ̀kɛ̀. O lɔ̀wu nanù ema e òkànèyà eŋge mbɔrzi kɔ̀yi-kɔ̀yi, hwe hwèlì ndi nàa ètùlù ema e uŋmɛ̀lɛ̀ ŋmàye o tenì ya jììtìtì, natɛ̀ɛ woŋgo Wùnyà wo ò uka, ema wùùnya wo ò yahwɛ, rzìi Krirztò, e rzombe ya elele a o e hvanyeya o tenì ya mèèmà me anyu.

1 Yòwanìrzɛ̀ 2:11

Ndi tɔ̀ njɛnɛ hvɛ ema à kɔ̀wu ŋmanyàŋgò tɔ̀ ndomɛ̀ wà eni nanù oma à ohvi ndi lòŋgɛ là jììtìtì. Èŋge tùmba mòtò à ɛ̀ndɛ̀ya ndi ò tenì yà jììtìtì ndèŋgànɛ̀lɛ̀ à rza hwi èki ema à ɛ̀ndɛ̀ ehwànja jììtìtì ì mà mò gbeyà à mà tìmba ndi nàa ndìma.

1 Yòwanìrzɛ̀ 2:8

Ndi tɔ̀ nanù, nà è tìleyà ndi mbenda hvènya, ehwànja è jɔ̀kɛ̀ yà eŋge mbenda è ɛneyà ò lòŋgɛ là ama Krirztò, ndèŋgànɛ̀lɛ̀ lì ɛ̀neyà ò lòŋgɛ là anyu. Èhwànja jììtìtì ì hwèlì jà aka, ndèŋgànɛlɛ ŋmàye mò jɔ̀kɛ̀ mò mà wòteyà lì hvàyeyà.

1 Yòwanìrzɛ̀ 5:19

Ì hwi nanù ema irzɔ ì hwèlì ndi hwàanà hwa ama Lohwɛ̀, tɔ̀ nɛ ì hwi nanù ema è Mɔ̀ wà Wòhwe ndi à kànèyà hwatò ò rze ema hwa rza hwiyɛ Lohwɛ̀.