2 Kɔ̀rintìyà 4:18 - Mokpwe: Bakwery (New Testament)

¹⁸ Ɔ̀ndeŋgàtɛ̀ irzɔ i rza ɛnɛ mene mètàkà ema i luwa nàŋgɛ na tɔ̀ eyà. Ndi i ma ika mèèmà me arzu o hwèèmà ema Lohwɛ̀ à mà jo ùteyà, tɔ̀ nɛ i rzi hwe ɛni na mìirzɔ̀ ma arzu. Hweema ema i ɛnɛ nàŋgɛ, hwe hwèlì ndi o ŋmana hvoka wa hvonda, ndi hweŋge hwèèmà ema i rza tànɛyi o lì ɛnɛ nàŋgɛ, hwe o hwɛ natɛ̀ɛ nà ò gbìndèyà.

2 Kɔ̀rintìyà 4:18 Mawu Ofanana

Matiyò 25:46

Hwanù hwa arzɛ hwa ò òmahwa ndi ò e kɔ̀kìrzɛ̀ ya gbìndèyà, ndi e wɔ̀ hwa ehve-ehve hvɛ hwa ò ɛndɛ ndi ò lòŋgɛ la gbìndèyà.”

2 Kɔ̀rintìyà 5:7

Irzɔ i hwèlì o lòŋgɛ na nyo ja arzu èhwanja i mo lòkɛ̀ ndi rzeketɛ ema i mo ɛnɛ.

2 Tɛ̀rzàlonìyà 2:16

Inyɛ̀ Rzàŋgo wà arzu, Yerzù Krirztò mɔ̀ ŋmìti nà Lohwɛ̀, Tatɛ̀ wà arzu, mɔ̀ ema à mà jò lìŋgàna ndèŋgànɛ̀lɛ̀ ò è ndèli yà eni, à jò ètìrzɛ̀ mèèmà mè arzu nà gbèti ema wò rza kuwa, ndèŋgànɛlɛ à jò ŋgbe lìhvìtà ò hweyà hwe gbamù.

Hibrù 11:1

Lilòkɛ̀ lì hwèlì ndi o lì ika ŋmèma mo aŋgɔ̀ nanù ema o hwɛni lì lùwa mamɛ ema o arza ndèŋgàna o e luwa. O hwi na e jɔ̀kɛ̀ nanù ema hwèèmà ema o rza ɛni hwe hwèlì aŋga.

Hibrù 11:13

Hwàŋga hwatò hwa koohwa hwà ma hwɛnɛ lì lòkɛ̀ natɛ̀ɛ na o kpelì. Tɔ̀ nɛ wɔ̀ hwa rzi luwe hweŋge hwèèmà ema Lohwɛ̀ à mà hwa kàkɛ̀nɛ̀ nanù ema a hwa ŋgba, ndi wɔ̀ hwà mà ɛnɛ hwèŋge hwèèmà hvoohvo hwe ma hwa òkìrzɛ̀ mɔ̀nyɛ̀ŋgì. Wɔ̀ hwa rzìi hwaŋge o lì ohwa nanù ema, hwa hwèlì ndi hwàyɛ̀nì ema hwa rza ohvɛ èki ya lì lìya anu rze ya mɔ̀nyɛ̀.

Hibrù 9:11

Ndi Krirztò mɔ̀ à mà màa lì jà nàa Pìlìrzì e Kàrzàmi o hweyà hwe gbamù ema hwe ma màa lì jà. Mɔ̀ a gbeyà èwòlò ya eni o lìwondo ema lì akayi lìwondo la e rze ya mɔ̀nyɛ̀ ndeŋgànɛlɛ lɔ̀ lì hwèlì gbamù lì aka lìwondo la e rze ya mɔ̀nyɛ̀. Rzeketɛ hwatò hwa hwènàmà ndi hwa oŋgi lìŋgi lìwondo. Lì rza enje ndi lìwondo ema lì hwèlì o e rze ya mɔ̀nyɛ̀.

1 Yòwanìrzɛ̀ 2:25

Èya ene ema Krirztò ŋmìti à jò kàkɛ̀nɛ̀yi, ene eyà è hwèlì ndi lòŋgɛ là gbìndèyà.