2 Kɔ̀rintìyà 4:17 - Mokpwe: Bakwery (New Testament)

¹⁷ Hwanu hwàna hwa mètàkà rzɔ ema i taka nàŋgɛ, rzeketɛ e meyɔ ema i tàkìrzɛ̀ mèèmà o lùuŋga. I taka o nàŋgɛ, ndi èluhwe ema e o hwɛ na irzɔ e o koka nyàyi ema i rza o ɔ̀ŋgɛ̀lɛ tɔ̀ mene mètàkà ema i luwa nàŋgɛ anu rze. Ndèŋgànà ene èluhwe e o hwɛ na irzɔ o gbìndèyà.

2 Kɔ̀rintìyà 4:17 Mawu Ofanana

Matiyò 5:12

È hwɛ gbamù, è òhve mɔ̀nyɛ̀ŋgì èhwanja etaŋgi ema è ò luwɛ ò ŋmanyu yà lohwà jò ò kòka. Nanù ndi hwatò hwa ma hwɛ lì tàkìrzɛ̀ hwà-òhwèlì hwa hwèlìŋgɛ̀ hwa kòòhwa.

Lukàrzɛ̀ 6:23

È òkè mɔ̀nyɛ̀ŋgì ò wòŋgò wùnyà, e hvanjè hvɛ nà èrzimò èhwanja mòrzawèlì mò anyu e lùwa mò lìtelì ò ŋmanyu yà Lohwà. Nànù ndi ì mbamba ja anyu ja kòhwà ì mà hwɛnyɛ hwà-òhwèlì hwa hwèlìŋgɛ̀.

Hwègbèèlì 20:23

Nà hwi ndi nanù ema ò tɔ ima mbòwa ndɛnɛ ema na ɛndɛ, Èlìŋgɛ̀ yà Wòtani e nò kòkòwɛ̀lɛ̀ nanù ema hwèwòwà na mètàkà me hwèlì me nò ambɛ̀lɛ̀.

Ròmànì 2:7

Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

Ròmànì 8:18

Imba na ɛni nanù ema mètàkà ema jò ò luwa nàŋgɛ me rza enje tɔ̀ eyà nàa èluhwe ema hwa ò jò uŋmɛ̀lɛ̀hwɛ ò e hvònda ema e ò jɛ̀ɛ̀.

Ròmànì 8:34

Njɛnɛ rzɔ à tànɛyi lì òhwa nanù ema ì tùu ŋmaŋgò e? Yerzù Krirztò à mà ŋwa, à hvùmùwà, rzi à lìya ò èhvàrzù yà lìya là mòmɛ̀ là ama Lohwɛ̀, ndèŋgàna aŋga ndi mɔ̀ à hwèlì à jò kanɛ̀lɛ̀lɛ̀.

Ròmànì 8:37

Jàyɛ̀, ò hwenè hweyà hwe arzɛ irzɔ i rzùù hvɔ̀mbɔ̀wɔ̀ lì akeyà nà Krirztò mɔ̀ ema à jò lìŋgàni, ndèŋgànɛlɛ à jò òŋgòwànà.

1 Kɔ̀rintìyà 2:9

Èya èŋge ema e tìlahwì o kààtì ya wòtani nanù ema, “Tɔ̀ mòtò a rza ɛni, tɔ̀ mòtò a rzi hweyi, tɔ̀ mòtò a rzi lutelì hwenè hweyà Lohwɛ̀ à rzɛ̀ŋgɛnɛ hwaŋga hwatò ema hwà mò lìŋgàni.”

2 Kɔ̀rintìyà 3:18

Irzɔ ema Lohwɛ̀ à mà ulɛ lìhwatu ema lì ma jo hwanda marzo, ɛ̀ɛ̀mɛ̀ ya arzu e ma gbèeyà ema hwatò hwa hwiye nɛ èluhwe ya ama Lohwɛ̀ e hwèlì. Wɔ̀ hwà mà ɛnɛ nanù ema i hwèlì ndi hwatò ema i gbèeyà hweyà na oma Lohwɛ̀ a àrzeyà. Èlìŋgɛ̀ ya wòtani e jo tikowa ndi i hvonda ja arzɛ o lì hwɛ nàa Yerzù, aŋga nanù hwatò hwa ɛnɛ nɛ mɔ̀ à imbami. Rzàŋgo, mɔ̀ ema a hwèlì ndi Èlìŋgɛ̀ mɔ̀ ndi à gbeyà hwene hweyà hwe arzɛ.

Hvìlipìyà 1:19

Nà oka ndi mɔ̀nyɛ̀ŋgì nanù mɛnɛ ehwànja na hwi nanù ema lì kànɛ ema e no kànɛlɛlɛ ndèŋgànɛ̀lɛ̀ lì oŋgowàna ema Èlìŋgɛ̀ ya ama Yerzù Krirztò e o no ŋgba, hwe o no gbeyà imba o lì luwa lì rzuŋgàhwa.

2 Tɛ̀rzàlonìyà 1:4

Ò eŋgànɛ̀lɛ rzɔ̀, ò ìtììtènì jà ŋmèmba mò hwatò hwa ama Lohwɛ̀, irzɔ jè è gbàànà kumba ò nyòla lì ajùlɛ nà lìlòkɛ̀ ema è hwɛni, nà oma hwatò hwa è tàkirzɛ nà mètàkà mè arzɛ ema è hvomɛ̀nɛ̀.

2 Tɛ̀rzàlonìyà 1:6

Lohwɛ̀ à gbeyà hweyà nyayi ema e hvomɛ̀nɛ̀. Hwàto ema hwe e gbeyà ema è akeyà ò tenì yà mètàkà, Lohwɛ̀ à hwa jàneyà wɔ̀ hvɛ mètàkà.

2 Tìmotì 2:10

O eŋgànɛ̀lɛ̀ na àjùlɛ̀nɛ̀ mono mòtàkà, aŋga nanù hwatò ema Lohwɛ̀ à hvɔ̀rzì wɔ̀hvɛ hwa ò luwa lìrzùŋgàhwa ema lì uwɛ̀lɛ̀lɛ̀yi ò mà Yerzù Krirztò, ndèŋgàna hwa o hwɛ ndi o rze ya èluhwe ya ama Lohwɛ̀ o gbìndèyà na o gbìndèyà.

Jèmìrzì 1:12

Mònàmɛ̀ mo hwɛ nà tɔ̀ ima mòtò ema à àjùlɛ̀ o tenì ya màkèkirzɛnɛ, ehwànja a kulɛ tɛ lì aka màŋga makèkirzɛ, Lohwɛ̀ a mo rzaweya morzawelì ema mo hwèlì ndi lòŋgɛ ema mɔ̀ à ohwi nanù ema a ŋgba hwatò ema hwa mo lìŋgàni.

1 Pètrò 4:7

Lirzuku la hweyà hwe arzɛ lì ma kombɛnɛ. È hwɛni lì àwòhvɛ̀lɛ̀, na lì aŋgowa, aŋga nanù e tànɛ lì kànɛ.

1 Pètrò 5:10

È takà ndi meŋge mètàkà me rza inda. O mburza nanù, Lohwɛ̀ ema a ŋgba e ndèli ya arzɛ, mɔ̀ ŋmìti a e ŋgba tɔ̀ mamɛ ema e wɔ̀lɛnɛ. A gbeye ema a e ètìrzɛ̀ na lì e tɛmirzɛ gbamù. A hwèlì ndi Lohwɛ̀ ema e ndèli ya eni e lòŋgamɛnɛ tɔ̀ ima mòtò ndèŋgànɛ̀lɛ̀ eŋge ndèli e hwèlì o ihvonda ja arzɛ. Mɔ̀ ndi à e hvɔ̀rzì o lì luwa èluhwe ya eni ema e rza kuwa. Ndeŋgànɛ̀lɛ̀ ye e luwa ehwànja e hwèlì na Krirztò.

1 Yòwanìrzɛ̀ 3:2

Wònyàmòwe kòkò, o naŋgɛ nanù irzɔ i hwèlì ndi hwàanà hwa ama Lohwɛ̀, ndèŋgànɛlɛ hvɛ mamɛ ema irzɔ jo ò hwɛ o e ŋmɛlɛ irzɔ i rzi e hwi. Ndì i hwi hvɛ nanù ema Krirztò a jelì tɛ, irzɔ jo ò hwɛ ndi nàa mɔ̀, ehwànja i hwɛni lì mo ɛnɛ na oma mɔ̀ à hwèlì.

Judɛ 1:24

Èluhwe e hwɛ na Lohwɛ̀ ema a rza emeyà nanù ema e unde o tenì ya wòhwe. Mɔ̀ ŋmìti ndi à e jàni o èki ema mɔ̀ à hwèlì na ŋmàye mo eni. A o e jànà aŋga e rzi hwɛ tɔ̀ lìtɔ̀tì tɔ̀ lɔ̀kɔ la wòhwe o inyo ja anyu, ndèŋgànɛ̀lɛ̀ e o òka mɔ̀nyɛ̀ŋgì.