2 Kɔ̀rintìyà 4:15 - Mokpwe: Bakwery (New Testament)

¹⁵ Mene Metaka me arzɛ ema i hwèlì i luwa nanù, me hwèlì ndi o lì e oŋgòwànà. Àŋga nanù rzayi-rzayi ja hwatò hwa hweyi tɛ eyà ya ama Lohwɛ̀, ììlì ja ama Lohwɛ̀ i hwa gbeyà hwa luwa lì làkìrzɛ̀ o wòhwe, ndèŋgànà hwa mo eka rzayi-rzayi. Ène eyà e gbeyà rzayi-rzayi ja hwatò hwa o eka Lohwɛ̀.

2 Kɔ̀rintìyà 4:15 Mawu Ofanana

Ròmànì 8:28

I hwi nanù ema tɔ̀ mamɛ ema e gbèyɛ̀nɛ, Lohwɛ̀ à mà e gbèeyà ò gbaamù ò hwatò ema hwa mò lìŋgàni, wɔ̀ ema mɔ̀ à hwɛlɛyi ò lì gbeyà na òma mɔ̀ à arza.

1 Kɔ̀rintìyà 9:19

Nà hwèlì ndi imba mbiti, na rza enje o rze ya tɔ̀ mòtò tɔ̀ mɔ̀kɔ. Nà ma ayèŋgowɛ̀ ndi mokome mo hwatò hwa arzɛ, o lì jànà rzayì-rzayì ja hwatò òma Krirztò.

2 Kɔ̀rintìyà 1:11

Lohwɛ̀ à jò rzùŋgà èhwanja è hwèlì è jò kànɛ̀lɛ̀lɛ̀. Rzayì-rzayì ja hwatò hwa jo kànɛlɛ̀lɛ̀ ndèŋgàna Lohwɛ̀ a jo nàmìrzɛ̀yi. Ène eyà e gbeyà rzayì-rzayì ja hwatò hwa eka Lohwà, èhwanja mɔ̀ à jo rzùŋgi.

2 Kɔ̀rintìyà 8:19

O mburzà nanù hvɛ mɔ̀ à hvɔ̀rzɔ̀hwì na ŋmèmba mo mitelì o lì jo nɔ̀ŋgɔ, o lì hwɛ ŋmèmba na irzɔ o lì gbeyà èwòlò ya lì òŋgòwàna la hwatò. O lì arza nanù ema èluhwe ya ama e Rzàŋgo e ɛneya. Àŋga nanù o ma irzɔ hvɛ ima awuŋmɛ̀lɛ̀ nanù ema i hwɛnì nyìrzɛ̀ o lì hwa òŋgòwàna.

Gàletìyà 1:24

Eyà ema Lohwɛ̀ à mà no gbèeyà e ma hwa gbeyà o lì eka Lohwɛ̀.

Kòlòrzìyà 1:24

Ò naŋgɛ nanù nà oka mɔ̀nyɛ̀ŋgi ò nyòla mòtàkà ema nà lùwa ò lì è hvomɛ̀nɛ̀. Nà oma nà lùwa mono mòtàkà nanù, nà mà kulɛ̀ mòtàkà mò ama Yerzù ema mò àŋgàmɛ̀nɛ̀yi lì hwɛ, ò nyo yà eni, eŋge ŋgànà è hwèlì ndi nanù ema hwatò ema hwa mò lòkɛ̀yì Krirztò.

1 Tìmotì 1:14

Rzàŋgo ya arzu a ma no ŋgba e ndèli ya eni ema e rza ohvɛɛ lìmɛni. A no gbèyi hvɛ nanù ema na mo lòkɛ̀ na o lì lìŋgana hwahvɛhvɛ hwatò èhwanja i hwèlì mɔ̀kɔ na Yerzù Krirztò.

2 Tìmotì 2:10

O eŋgànɛ̀lɛ̀ na àjùlɛ̀nɛ̀ mono mòtàkà, aŋga nanù hwatò ema Lohwɛ̀ à hvɔ̀rzì wɔ̀hvɛ hwa ò luwa lìrzùŋgàhwa ema lì uwɛ̀lɛ̀lɛ̀yi ò mà Yerzù Krirztò, ndèŋgàna hwa o hwɛ ndi o rze ya èluhwe ya ama Lohwɛ̀ o gbìndèyà na o gbìndèyà.

1 Pètrò 2:9

Ndi inyɔ ndi e hwèlì hwatò ema Lohwɛ̀ à mà hvɔ̀rzɛ̀, Ipìlìrzì ja ama Lohwɛ̀ ema mɔ̀ ndi à hwèlì e kiŋgɛ. È hwèlì ndi èkòmè ya wòtani, ndèŋgànɛ̀lɛ̀ Lohwɛ̀ ŋmitɛ-ŋmitɛ ndi à e hwɛni, aŋga nanù inyɔ e uŋmɛ̀lɛ̀ hwahvɛhvɛ hwatò na oma mɔ̀ à hwèlì gbamù. Lohwɛ̀ à mà e ulɛ ò tenì ya jìtìtì ndèŋgànɛ̀lɛ̀ mɔ̀ à mà e jànà o ŋmàye.

1 Pètrò 4:11

Tɔ̀ ima mòtò ema à hwi lì ohwa gbamù inyɛ à ohwe ndi nàa à ohwa ndi è mbɔrzi ema è uwɛ̀lɛ̀lɛ̀yì ò mà Lohwɛ̀ mɔ̀ ŋmìti. Tɔ̀ njɛnɛ ema à oŋgowàna hwatò, inyɛ à gbeyàne ndi è ŋginyà ema Lohwɛ̀ à mò ŋgbelì. Jèka jò ò ŋgbààhwà Lohwɛ̀ lì hvomɛ̀nɛ̀ hweyà hwe arzɛ lì akeyà nà Yerzù Krirztò. Èluhwe yà arzɛ nà è ŋginyà yà arzɛ è hwɛ nà mɔ̀ ò gbìndèyà nà ò gbìndèyà. Inyɛ̀ wò lìya nanù!